G2 Corner

edea

原文章由 中天英 於 08-3-6 01:45 發表
ngkf,

呢排眞係好容易病, 要小心; 我大仔星期日朝早都發燒, 又嘔, 好彩食佐D藥, 就好番D, 星期一都返倒學ｏ

冇晒事啦嘛? 最近流感咁犀利, 要小心呀, 睇到新聞個3歲小妹妹就咁走左, 今日報紙講又有另一個男仔,真係心痛.

小墨魚今朝終於食完一星期抗生素, 應該冇事啦, 我就仲未得, 今朝返工好似有少少燒, 不過食左抗生素再加必理痛好似退左. 冇乜野唔想再請假, 上星期為左照顧小墨魚已經請左兩日.:cry:

edea

又講多少少...

開學咁耐Jessie都冇同我講過野, 可能佢怕羞, 今日佢開始不停同我傾計, 我好開心! 仲有可愛既Cherrie同元元, Cherrie呢兩朝都過黎同我抱抱, 笑得好甜叫我姨姨, 佢朝佢抱住我腰時仲開心咁雙腳離地, 我捉實佢, 我都好開心! 另一個係元元, 佢都係每朝放低書包, 第一件事就黎搵我同小墨魚, 佢都同我抱抱, 好sweet, 仲嘟起小嘴做一個豬嘴:loveliness: 另外係心怡, 又係由當初非常怕羞,到而家每朝都同我講好多野(佢坐小墨魚隔離)....仲有每朝都咁開心既Dickson...

每一個早上, 我都會懷住好愉快既心情步出學校, 佢地真係好乖好可愛:loveliness:

ngkf

我最近都在旺角番工,都有想過間唔中送佢番學.但係又驚佢虹習慣叫我送,都係唔好啦.

我個女今次無食抗生素因為醫生話天氣變佢有少少asthma,氣管敏感. 加上少少作感冒.

佢地而家已經好好多啦. 我地以前d醫生真係比2日抗生素...打唔死病菌我地死.

Ryan 應該係Ryan L,是嗎?

mandy_ng_bb

edea,

我imagine 到cherrie 有幾咁熱情, 冇辨法啦, 呢個就係佢既character。真係唔好意思, 其實佢都幾重吓, 晨早留留你要咁辛苦㖭…
就係因為佢個性活潑超好動 (i.e. 冇時停), 同佢温書我都要活動敎學, e.g. 有時温習默書時同佢玩”估字遊戲”, 我做動作, 佢估, 之後串
或寫出來. …….
其實我都覺得幾傻o架, 不過都ok啦, 温習plus親子囉…., 而且咁樣佢都開心&專心D. hehehe

hi ngkf, yes, 係Ryan L。 cherrie 都有同我講Ryan 攞咗好多張。:

ngkf

我個女病了所以唔知有乜人曪. 佢幾次無番學都係星期3. 佢好唔開心,話有個大挴指計劃聽唔到結局,仲哭了出來.

應該每科頭3名都有得拿獎.. D小朋友真係好o野

佢地個average 真係好接近個 max mark. 個個小朋友都好接近

edea

原文章由 ngkf 於 08-3-6 13:49 發表
我最近都在旺角番工,都有想過間唔中送佢番學.但係又驚佢虹習慣叫我送,都係唔好啦.

我個女今次無食抗生素因為醫生話天氣變佢有少少asthma,氣管敏感. 加上少少作感冒.

佢地而家已經好好多啦. 我地以前d醫生真係比2日 ...

係呀, 送開左個頭, 想唔送都好難

如果唔係太緊要,真係唔好食抗生素, 今次小墨魚d菌好犀利,本來冇食, 但高燒不退, 結果返去睇就要食, 食足7日, 今日先食完. 最怕醫生俾2日你又唔講清楚係抗生素, 真係唔食好過食!

小朋友都要小心, 本來以為呢個星期暖左, 仲幫小墨魚拆左校褸入面黑色羽絨, 點知小墨魚尋日話好凍,今日又加番上去, 驚佢凍親.

edea

原文章由 mandy_ng_bb 於 08-3-6 14:31 發表
edea,

我imagine 到cherrie 有幾咁熱情, 冇辨法啦, 呢個就係佢既character。真係唔好意思, 其實佢都幾重吓, 晨早留留你要咁辛苦㖭…
就係因為佢個性活潑超好動 (i.e. 冇時停), 同佢温書我都要活動敎學,  ...

唔駛唔好意思, 我不知幾enjoy 我個女而家已經好少咁嗲我, 借妳囡囡黎溫馨一下  我諗係個性問題, 小墨魚已經越黎越老積, 但cherrie同元元都仲好嬌嗲, 真係要及時享受佢地既熱情

妳用遊戲方式同cherrie溫習都幾好呀,冇咁悶! 始終俾小朋友愉快地學習俾我地既心願嘛!  最重要佢地接受.

我抱完cherrie都有抱元元, 元元話自己係全班最重(因為佢好似係全班最大?) :loveliness:

edea

原文章由 ngkf 於 08-3-6 16:26 發表
我個女病了所以唔知有乜人曪. 佢幾次無番學都係星期3. 佢好唔開心,話有個大挴指計劃聽唔到結局,仲哭了出來.

應該每科頭3名都有得拿獎.. D小朋友真係好o野

佢地個average 真係好接近個 max mark. 個個小朋友都好接 ...

小墨魚英文只係比average高一分,我地都有d頭痕, 我諗要培養佢睇多d英文書, 接觸多d英文好d. 可能我地生活o係一個中文environment, 睇中文書多, 講中文, 電視都係睇中文. 要諗諗點可以做好d...

ngkf

我地都係主要用中文,生字就在K時學了不少,不過無信心講.但係今年讀優才上了Mrs Poon 個才華班同Reading Tour之後信心多了同埋知道點應用.

上個星期六,佢彈彈o下琴突然自己讀John Thompson琴書入面個D sentence(title 下面幾行description),我緊著叫佢讀埋其他又讀到o下(當然有錯音),不過真係有少少驚喜.

其實最緊要唔怕英文,可能我比部Mac 佢自己玩,個D empty trash, file, open, sleep 之類佢自己都睇得明. 我地用既UI 全部都係英文,佢想玩就要記實佢.

幾年後佢地中三去考會考英文一定無問題

[ 本文章最後由 ngkf 於 08-3-6 22:58 編輯 ]

edea

好擔心小墨魚, 尋日係佢食抗生素最後一日, 朝早食左, 諗住佢都好幾日冇事, 應該冇問題, 點知尋晚佢又好攰咁,9點半未到就訓左, 近11點又燒到38.5, 俾退燒水佢食, 食左訓番. 今朝起身冇事就返左學, 但我好擔心, 佢發燒証明d菌未清, 抗生素又食左成個星期, 點解仲係咁

軍魁星

原文章由 edea 於 08-3-7 12:47 發表
好擔心小墨魚, 尋日係佢食抗生素最後一日, 朝早食左, 諗住佢都好幾日冇事, 應該冇問題, 點知尋晚佢又好攰咁,9點半未到就訓左, 近11點又燒到38.5, 俾退燒水佢食, 食左訓番. 今朝起身冇事就返左學, 但我好擔心, 佢發燒 ...

呢排真係要加倍小心啊.  唔切底病好最好唔好返學, 要每小時量度體溫. 我地近排都會盡量少去街, 外面d細菌好惡.

mandy_ng_bb

edea,

小朋友發燒確係一件好頭痛, 令父母好擔心既事, 我身邊有好多朋友同事既仔女都係發燒好多日, 温度忽上忽落, 令人好憂心. 可能係大氣候所趨,病菌高期. 唯有比小墨魚多d休息, 飲多d水。 我媽咪話有時”發燒”係因為小朋友內熱, 煲吓竹庶芧根水, 加d紅蘿蔔&馬蹄, 少少甜小朋友鍾意飲, 又可以清吓熱. 又唔會同d西藥相撞. 今晚, 都會煲板藍根湯一家人飲.

希望小墨魚快快痊癒啦!!!!

ngkf

呢排D菌真係強,我自己最近因為手指"倒碎肉"手指發炎. 食了五日抗生素都醫唔好. 最後要轉醫生"放龍"再轉抗生素(Augmentin 375mg 都幾high dose)用埋Steroid cream 而家至好D.

自問身體都係強. 而家都比D菌打敗.何況小朋友!?

哲軒希望佢地快D好番.我屋企呢倫所有出外食飯都取消了.費事小朋友中招.

今次自己有事最好的地方就是有TKO 搵到一個match 自己同個女既兒科.之前睇開個GP 唔會再睇.

Edea! 妳有冇諗過帶阿女去ST Theresa 睇? Dr 馬 OK 的. 我個女細個時都有睇.而家係因為遠無去.

Fever 時升時降好正常.最緊要佢飲多D水唔好dehydration 同埋食了藥之後仲有活力就Ok啦.如果食了退燒藥飲夠水又死o下死o下就要好少心了.

感冒係無得醫既,要自己多休息多飲水. 佢唔食o野就唔好迫佢,呢個係身體既反應唔比energy 比D virus 同細菌. 不過阿女都嘔了幾次..... 老人家都係要佢地病食番多D...

[ 本文章最後由 ngkf 於 08-3-8 00:07 編輯 ]

edea

原文章由 ngkf 於 08-3-8 00:04 發表
呢排D菌真係強,我自己最近因為手指"倒碎肉"手指發炎. 食了五日抗生素都醫唔好. 最後要轉醫生"放龍"再轉抗生素(Augmentin 375mg 都幾high dose)用埋Steroid cream 而家至好D.

自問身體都係強. 而家都比D菌打敗.何 ...

bella爸爸,手指好番未呀? bella冇事丫嘛?

哲軒尋日開始有返學啦, 不過囡囡話尋日一共五個小朋友冇返.

我未試過St. Theresa,有你介紹, 下次試一試先! 因為我地屋企近浸會,好多時急病會貪近過去,但問題係好難咁啱撞到佢兒科醫生on duty, 門診部d醫生睇兒科真係麻麻.... 上次小墨魚急性腸胃炎, 想入院, 但係冇房, 佢地幫我地check過附近幾間都話冇, 咁就帶左小墨魚返屋企等有房, 不過最後未有房時小墨魚自己冇事....總之囡囡一有事,真係急到手忙腳亂.

ngkf

好番好多,不過而家隻手指好樣衰,生番d新皮出來.

而家學校全部帶mask 同唔比share 小食,佢地有d唔開心.

醫生Ma其實唔係兒科,無記錯好似係neuro, 不過佢細心同fair, 小小事唔會即刻叫小朋友入院.

我有舊同事在佢醫院做,都話醫生Ma受歡迎,不過睇佢最好make appointment, 星期六,日walkin 未必有得睇.

要唔要佢name card?要的話我可以幫妳拿張.

夜診我懷疑係part time 醫生，因為我上次帶阿女去睇都係２分鐘以內出來．而家睇夜診不去咁遠了．

edea

原文章由 ngkf 於 08-3-12 10:29 發表
好番好多,不過而家隻手指好樣衰,生番d新皮出來.

而家學校全部帶mask 同唔比share 小食,佢地有d唔開心.

醫生Ma其實唔係兒科,無記錯好似係neuro, 不過佢細心同fair, 小小事唔會即刻叫小朋友入院.

我有舊同事在佢醫 ...

有機會先拎啦, 真係唔該晒.

唔可以share小食都好, 因為真係要小心, 囡囡話尋日佢地落草地玩捉伊恩, 個個俾口罩焗住,透氣好辛苦,我就叫佢唔好玩d運動量咁大既活動先, 學校都係想大家好.

ngkf

我都係scan 了mail 比妳啦.佢地而家停課了.

不過都好既,返學都係有風險.

edea

原文章由 ngkf 於 08-3-12 23:20 發表
我都係scan 了mail 比妳啦.佢地而家停課了.

不過都好既,返學都係有風險.

thanks kf!

小墨魚而家仲呼呼大睡呢

ngkf

本來諗著8:20叫醒佢，不過都係等佢多ｄ休息．因為阿女琴晚把聲有少少沙.

不過放假佢用我部機上internet, 佢delete 了我personal D bookmark. 所以都係唔好咁快比佢自己有電腦．有ｄ佢唔鐘意既icon 都會自己delete, 要教佢唔好delete 我地ｄo野.

仲有我同佢講就算要買我唔會買Windows machine 比佢，因為Windows 太多病毒了．佢地見到Yes 就會press. 不過佢話學校全部都係Windows.

呢個假期可能會整過edubutu 比佢玩...

edea

原文章由 ngkf 於 08-3-13 09:39 發表
本來諗著8:20叫醒佢，不過都係等佢多ｄ休息．因為阿女琴晚把聲有少少沙.

不過放假佢用我部機上internet, 佢delete 了我personal D bookmark. 所以都係唔好咁快比佢自己有電腦．有ｄ佢唔鐘意既icon 都會自己delete, 要教佢唔好 ...

小墨魚都成日搞電腦, 佢鍾意用word打下字, 有時玩電腦遊戲.