論盡溜冰 part 3

apbaby

Freesia_cat 發表於 16-2-25 08:41
Group係幾多人一組? 係咪要自己組group定係又一城自己開班? 教唔教3歲小朋友呢？我諗初學一group小朋友應該 ...

Group 係4-10人一班。

上星期六我交學費時，聽到溜冰學校staff同唔同家長講，話三月會開新班，但個staff唔肯講時間、教練資料，係咁話三月就知。建議你29/2或1/3問。足三歲可上。

至於邊個教練，建議你自己去一兩次冰場睇（有啲教練真係冇笑容，話之佢係high test coach我都係唔鍾意；有啲係好識同小朋友互動、溝通。你最熟自己小朋友脾性，請相信自己直覺！（喺場邊開住部電話上冰場網頁，有教練相的，記住佢地啲名，到時報名就方便啲，即使心水教練冇group，起碼篩走啲你唔鍾意嘅。）


初學唔駛揀最叻嗰啲，但你也可以去溜冰場網頁，看看那位教練有何資格，有啲連judge 牌都冇（我唔係話一定唔好，有個好fresh嘅我都見到佢地好有心機）……或者如果你要考慮埋年資，可上ISI網頁，可睇到教練係幾時註冊。

最重要係：人地話好的，未必啱自己/ 自己個小朋友。（所以我唔敢亂推薦人）
但如果到時有某幾個俾你揀，你也可以pm下我地呢度啲家長。

例子：有一個女教練，唔少媽媽覺得ok，我見好多bb跟佢，但佢代堂教我囡時，我親眼睇住佢無理呼喝巡冰哥哥，咁我就唔揀佢囉。

apbaby

Freesia_cat 發表於 16-2-25 08:45
請問alpha考試有無話幾歲先考得? 定教練覺得你ok就考得? 你講嘅費用係每個月定每堂價錢? 通常考試/比賽嘅置 ...

其實教練係會每堂教 / 練三四款動作，基本上係教完一級就教再上一級，或者會每級疊住咁教，等小朋友自己練。暑期班係因為話6堂課程包證書，所以每上完一set暑期課程就必定收cert。

平日班教練堂堂係咁教，冇特定話俾個考試俾小朋友（花式一級前）。好似wellristra 嘅囡囡同我囡係同一個教練，現時學嘅嘢應該差唔多，但因為我囡囡要比賽，所以教練要俾張分紙我，再拎去office出證書 + 入ISI會。但wellristra嘅小朋友因為唔打算比賽，咁教練就唔駛專登俾分紙佢。但我地蒲左場邊一段時間嘅媽咪，慢慢會學識睇動作，就知自己 / 人地小朋友學到咩級數。當然，如果你話要cert嚟報學校，我諗你可以同教練表達。



我講嘅係每set學費（即5堂）。


比賽費（以今次ISI比賽為例）
1）第一項450，以後每項230
2）比賽要入會，一年會費150
3）考級證書60
4）教練費（我諗個個教練唔一樣，唔想咁公開實數，總之幾百）


溜冰衫，如果冰場買或訂造，過千架。
不過我囡今次好平，我自己淘件普通跳舞衫，自己再整下；加埋其他造型上所需配件，人仔百五蚊內搞掂！初學我唔想寵壞佢。

apbaby

Freesia_cat 發表於 16-2-25 08:48
我都諗初學有伴比較好，有人陪無咁悶。不過想問吓group是否一定要差不多年紀? 因為我家2個小朋友但年紀差5 ...

Group 就驟眼睇都係差一兩年左右，因為教不同年紀有不同教法，幼稚園生基本上由tot課程開始（推凳仔），但大啲啲就唔再推凳，由pre-alpha開始。

【FYI】
Basic: tot 1,2,3,4, pre-alpha, alpha, beta, gamma, delta  -> Freestyle


Semi-private 就見過可以差幾年。


不過呢方面都係睇溜冰學校點安排，可以同一時間有唔同教練上group，即兩個小朋友唔同班啫。

Lchlau66

no.n

Freesia_cat

原帖由 apbaby 於 16-02-25 發表
本帖最後由 apbaby 於 16-2-25 17:03 編輯

咁我諗我女要等多幾個月先，因佢仲未足3歲。

點睇教練好唔好? 除左笑容或者睇佢惡唔惡外，應該點睇? 有無一些教練係專門教幼童嘅?

Freesia_cat

原帖由 apbaby 於 16-02-25 發表
本帖最後由 apbaby 於 16-2-25 14:21 編輯

請問你囡囡學左幾多年?

其實我女份人比較aggressive，所以想報d考試/比賽俾佢，亦係希望佢學嘢有d目標。

我都上淘寶睇過溜冰衫，原裝溜冰衫原來淘寶都唔係平，靚d嘅都分分鐘上千呢！

apbaby

Freesia_cat 發表於 16-2-27 18:07
咁我諗我女要等多幾個月先，因佢仲未足3歲。

點睇教練好唔好? 除左笑容或者睇佢惡唔惡外，應該點睇? 有無 ...

咁你可能報暑期班方便啲喎

報暑期班雖然冇得揀教練，但可以睇得好清楚每一個教練嘅上堂情況（平日mix埋街客，難睇少少）


其實唔止睇笑  / 惡，有啲係上group時控制唔到課堂秩序，有啲係比較多示範，有啲又會一碌木企喺度上堂……所以，都係你有幾個選擇時，再pm問 ^_^ （FWG太多教練喇）


有冇專門呀……其實唔少教練都又教BB又教中學生，不過有啲真係只會教大個啲嘅。

apbaby

Freesia_cat 發表於 16-2-27 18:11
請問你囡囡學左幾多年?

其實我女份人比較aggressive，所以想報d考試/比賽俾佢，亦係希望佢學嘢有d目標。

其實我囡囡學左半年喳，不過佢喺同齡嚟講（K2），應該係上冰面時間比較多嗰啲，一星期學兩堂，課後再留低練一兩個鐘；而且佢唔係文靜型小朋友，成日跑跑跳跳，可能肌肉力量訓練足，所以喺唔同班裡面，都係年紀比較細，但進度都算唔錯。

我囡係一話比賽，就衝衝衝，連冇堂上嗰晚都問我可唔可以去溜冰場練習
（如果將來讀書都有呢股動力就好lu～～～～）

cdleep

請問有冇家長試過係淘寶淘溜冰鞋？有冇邊間值得介紹？

mimi613

Hello, I'm a newbie here. Just signed up a group glass at FW for my 3.5 years old girl :) The coach is called Alex. Anyone know if he's good and nice to kids?

apbaby

mimi613 發表於 16-3-8 15:23
Hello, I'm a newbie here. Just signed up a group glass at FW for my 3.5 years old girl :) The coach  ...

之前冇刻意睇佢上堂，今晚專登搵佢望下，見佢上兩班semi-private都幾nice，放心！Enjoy～

iamshelo

請問小朋友係又一城學既媽媽，個度係咪有初學既小朋友溜冰鞋賣？ 知道幾錢嗎？ 我囡3.5歲，謝謝。

mimi613

回覆 apbaby 的帖子

Thank you so much! :)

宮二

女兒剛三歲，港島區或九龍近地鐵有什麼地方可介紹？

liarsing

呢度有無小朋友報左黎緊1/4-3/4 ISI 係 FWG 既比賽?
知唔知出左比賽日程未?

apbaby

liarsing 發表於 16-3-11 14:41
呢度有無小朋友報左黎緊1/4-3/4 ISI 係 FWG 既比賽?
知唔知出左比賽日程未?

我交錢時個staff話個零兩個星期前至會有喎。
你小朋友報左幾多項？想集中啲唔駛日日去

liarsing

回覆 apbaby 的帖子

教練琴日send 左比我了我報左2 項, 分2日
其實知唔知個流程係點架
我見個schedule 好密
朋友話比賽結果15分鐘就出
即時自己攞埋獎牌

apbaby

liarsing 發表於 16-3-12 11:38
回覆 apbaby 的帖子

教練琴日send 左比我了我報左2 項, 分2日

頭先五點鐘教練都send左俾我喇我報三項，都係兩日

liarsing

回覆 apbaby 的帖子

你報左邊3 項? 你教練有無講當日流程係點架?

apbaby

回覆 liarsing 的帖子

教練乜都未講，影低時間send俾我喳，不過我唔太擔心，比賽前冇可能唔講嘅。俾左日子時間我，已經方便我安排其他活動

我小朋友參加：Stroking + Solo Compulsory + Spotlight


你呢？