大埔道崇真幼稚園家長分享站

wyl

烔因冇話要帶石頭喎   佢淨係同我講話學校d姐姐整咗個水池, 話遲d會有得玩水喎! 仲叫我幫佢準備泳衣添   你地有冇聽過??

傻妺2

Hi,

有聽過呀,噚日重問左老師話下星期四(我囡果班)會開個水池俾佢地玩.因為主題係夏天.

wyl 寫道:
烔因冇話要帶石頭喎   佢淨係同我講話學校d姐姐整咗個水池, 話遲d會有得玩水喎! 仲叫我幫佢準備泳衣添   你地有冇聽過??

跳跳虎

babyruby,wyl:
Jerry同Ruby一樣都係非常慢熱的小孩。我最近都有向他提及升K2的問題，佢都有唔開心，仲話要吳老師，又要幼信班，但好快唔記得， 之後我冇刻意再提，我相信到時佢地就會慢慢接受。

Babyruby 寫道:
wyl,
謝謝你的分享,原來烔因都有類似ruby的恐懼,因為ruby是坐校車的,而ruby是一個慢熱的小孩,好不容易先同現在的同學仔建立信任及友情,而我亦問過吳老師k2是沒有k1 的適應週,所以我見她這樣,真是有點擔憂!!!

係呢老師是不是叫他們帶石頭呢???[quote]
wyl 寫道:
Babyruby,

之前我都有同烔因講佢9月會升班, 會有唔同班主任, 但佢反應都同ruby一樣, 要返番呢班, 話唔要去第二班喎! 後來有一次我同吳老師傾開, 佢話其實唔駛刻意同小朋友提起, 因為不論大人小孩對未知都會恐懼, 但其實到其時, 因為有其他小朋友一齊, 佢就會慢慢接受, 而且他們現在很多活動都有機會同第二班的同學仔接觸, 所以9月時佢哋都唔會真係好驚, 但一定會有一段適應期囉! 吳老師亦話明年邊位老師教邊班都仲係未知之數, 很難說她一定不會教k2架!

[/quote]

跳跳虎

石頭同水池 我2樣都唔知，唉....囝囝好少主動提學校d野:-x，只係鐘意時唱下學校學過嘅歌，同運動時唸的口訣，"開合開合扭扭扭扭......包剪揼......轉一個圈呀小矮人...."好鬼得意    

傻妺2

跳跳虎,

我囡差唔多日日都跳架.佢可以成首背晒做埋動作.我都覺得好得意.成首有成四分幾鐘咁長架.佢地好夠氣.

ivytang02

等我講下遊水池比大家聽下la, 因我女都上過一次k1果時, 舊年沙士所以除消左 :-x

學校會派表通知大家你小朋友邊日舉行游水活動,你地要準備一套泳衣,拖鞋,毛巾比小朋友帶返學, 到時學校會吹帳一個大型水池比小朋友係入面玩水, 水池不是太大,你地有無去過嘉年華記吾記得用黎釣魚果個水池就係用呢個水池la, 遲d老師會派番d photo比你地睇架 報導完畢


暑假班應該下個星期會派架la, 佢地會分半日班同全日班2種, 亦都可以是但選邊日返邊堂(不過呢樣通常要自己帶小朋友返學先可以禁選,因為校巴只有一個時間架)以我記憶返全日班要$4000-5000一個月架(貴個返學包埋午餐)半日班我女舊年返過要$2000一個月計埋$700校車都吾平架, 不過佢地學得好開心因同平時返學好吾同吾使著校服, 但係佢地d暑假班通常係玩樂多, 吾係禁重學習同溫書架, 你地有心理準備, (重有坐校巴吾會只係幼稚園學生的連小學d大哥哥大姐姐一齊坐架) 資料差吾多la, 希望對你地有幫助la, 我女5/6派彩la, 到時再上黎同大家傾la

傻妺2

ivy,

我都係估用果個水池俾佢地玩.

我都唔記得暑期班係咁貴,因為舊年無玩.如果咁都係搵出面例如ymca/小童群益會既活動俾佢玩咯.通告聽日會出.

Aoi

各位媽咪,
我有個好大問題困擾,囝囝今年會入讀k1,但昨天到學校發現蚊子好多,而每位學生的防蚊工功都需要做足,又見到學校點了好幾個蚊香,學校更建議學生搽白花油,毛比膏等作預防或止痕.本來都是很正常的事,但問題是我的囝囝是G6PD一簇,唔可以臭及用有樟腦成份的用品,囝囝可以自己唔用啫,但其他學生用時咁點算好呢???囝囝仲細又未明白喎. 平日都偶爾在巴士上遇到呢類問題,不過次數唔多. 但如果佢返崇真咁咪每日返學都好大機會接觸到呢個問題???      
學校入面有義工反問我點解仲要讀呢間學校,我諗我是低估了蚊患的情況.  我想請問你們有否認識是G6PD的同學仔,佢地同老師會點應付呢個問題呢?? 唔該晒!!!

LEON

Aoi ,
You better to ask this serious question to 崇真 teachers or principal.  It was because they must knowed whether they have G6PD student in school.

Aoi

LEON,
我巳經問過主任啦,我問佢一般會點處理和有否G6PD學生,佢竟然話無,無G6PD學生,咁耐以來一個都無........而佢話幼稚園老師亦不會給學生搽白花油,其課室範圍亦不會點蚊香...等等,總之佢主要意思是學校方面不會有這些用品給幼稚園學生. (咁學校校務處又有咁SUGGESTION?) 同埋佢話學生都很少會搽/帶白花油返學.....如果學生搽/帶了,不會告訴老師吧?佢又點可以咁肯定呢. 佢同我講都很似真係無乜有關經驗,答問題都是見招拆招咁應對囉..

lulumama

Aoi,
比你一言驚醒，睇完你的題問，我覺得對G6PD的小朋友又幾嚴重，要是崇真真的很多蚊，而很多蚊膏都有樟腦成份，對G6PD的小朋友來說可大可小，而學校又無這方面式的經驗，睇黎，我都要考慮是否放棄崇真。

傻妹

講到蚊患問題.其實學校係可以讓學生著長褲返學架.如果係G6PD既學生我相信你地可以申請著長袖上衣掛.不過會唔會太熱呢???不如你地請教下醫生啦.

snoopy

想請問各位媽咪:

你們小朋友上學前會做什麼防蚊設施呢??  我都好擔心, 我個囡都易[野] 蚊咬呀   

wyl

snoopy,

我會讓烔因穿白長褲和貼上蚊貼, touch wood今年都未比蚊咬過喎!

LEON

其實防蚊設施好簡單，我會係褲腳貼蚊貼同出門口前噴一次蚊水，有需要就著長褲！我相信幼稚園小朋友唔會帶白花番學，但如果係學校俾蚊咬到好痕，亞仔話老師幫佢搽野！

Aoi

G6PD的人,唔單止要同其他小朋友一樣,要預防蚊針,重要避免臭/用到各位小朋友所搽的防蚊/止痕用品(因接近9成普遍止痕用品都帶有樟腦成份,如萬秀雷敦,無心膏,白花油....).否則中招的機會,相信會比'登革熱'高很多.....
最頭痛的是,雖然都知悉好些小朋友都有G6PD,但卻從無被受大眾關注而被忽略(就如崇真仲介紹學生用白花油作防蚊例子咁),還有很多人對這全無概念,用這類產品時全不會考慮是否影響到身邊的人. 我的看法好似主觀D,可能其他人眼中看法是,G6PD的人又看不出的,那人會知你的事而作出避免呢......
不知是否我過度緊張,但我想我可能真的要放棄崇真了..   

LamChu

Aoi,

我囡囡都係今年九月入讀祟真K1, 而佢都係G6PD小朋友.  其實我地可唔可以係八月家長會同老師反映下呢方面既問題?

各位媽咪,

入學時學校會唔會要小朋友既家庭醫生証明小朋友既健康狀況?"

跳跳虎

傻妺2,
嘩乜原來成首有成四分幾鐘咁長架    我都唔知，我以為得分零鐘

LEON

Aoi，
完全明白你的憂慮，想問假如你小孩真的臭/用到帶有樟腦成份的物品會怎樣？講真實在很難避免這事尤其讀崇真，因為這裡真比其他校舍多蚊，你或許問問醫生意見同問問其他G6PD已上學的bk家長意見，即使讀其他學校也可看看他們怎樣處理！ 最後轉讀其他幼稚園也許可以令你安心，否則三年幼稚園生活令你提心吊膽也不好受！

momo0108

leon
你上次問我有冇巴士去學校,向新都會門口有架33A.我都係呢排先知