論盡溜冰 part 3

wellristra

我女女就快四歲，學左差唔多一年。。。無考過試喎😁識得向前向後溜同
畫圈圈(連續五六個都ok)，左右交叉腳，自轉一圈....我已經覺得佢好叻嫁啦。。。一星期上一堂一個鐘( group 半個鐘，semi private半個鐘).....我其實唔太鐘意小朋友咁早比賽，唔希望令個太快有比較，擔心佢有壓力。。。所以都暫時唔考試同比賽

Freesia_cat

原帖由 apbaby 於 16-02-18 發表
本帖最後由 apbaby 於 16-2-18 13:37 編輯

如果我女學，應該一星期只學得1堂。請問你現在上堂係1對1定一班小朋友? 大約幾錢? 溜冰是否有考試，一級一級上? 比賽通常係咩類型? 謝謝!

Freesia_cat

原帖由 maccy523 於 16-02-19 發表
未夠3歲可以試堂？

可以，就係試過堂先知女喜歡

Freesia_cat

原帖由 wellristra 於 16-02-22 發表
本帖最後由 wellristra 於 16-2-22 00:14 編輯

我女女就快四歲，學左差唔多一年。。。無考過試喎&#12851 ...

可以group半小時，semi private半小時嗎？semi private即係1對幾? 大約幾錢學費?

Cruby

請問element有邊位教練教4歲小朋友會好d呢？我想一對一學，thanks！

maccy523

原帖由 Freesia_cat 於 16-02-23 發表
可以，就係試過堂先知女喜歡

太古城有冇得試？最細幾大可以試？Sorry新手媽媽多問題，我去太古溜冰學校問過，職員冇提及過有試堂

wellristra

回覆 Freesia_cat 的帖子

可以呀，只要教練有時間就ok我依家响又一城上堂
1:2 一千蚊五堂(1/2hr)
Group 好似775 蚊五堂(1/2)
個人覺得又一城好過element， D 教練有自己一套教法

apbaby

Freesia_cat 發表於 16-2-22 23:59
如果我女學，應該一星期只學得1堂。請問你現在上堂係1對1定一班小朋友? 大約幾錢? 溜冰是否有考試，一級一 ...

wellristra 發表於 16-2-22 00:11
我女女就快四歲，學左差唔多一年。。。無考過試喎😁識得向前向後溜同
畫圈圈(連續五六個都ok)，左右 ...

我囡囡之前上group，學了半年，已passed alpha，最近才轉了semi-private。
Freestyle 1 之前的「考試」很輕鬆，教練上堂觀察only，沒有甚麼壓力。因為要比賽，上星期才收到alpha test張「分紙」，證書費幾十元而已。

Basic級比賽好簡單，係行下冰，做一些指定動作。如果不用教練排program（有音樂伴奏那種），教練不用小朋友加堂（1 to 1）。我的小朋友因為好羨慕大哥哥大姐姐一個人出場溜冰（平日洗冰時間常常見人考試可以播歌溜冰，佢好鍾意），所以主動跟教練講報多一項，是角色扮演之類。其實有沒有壓力，真係睇小朋友和家長性格，我囡囡自幼參加比賽，攞唔攞獎都唔理，賽後媽咪爹地老師讚佢鎮定、夠笑容、夠大聲，給她一些小鼓勵（零食/ 一餐m記）就夠了。

今次準備比賽，兩母女完全冇講過輸贏問題，不過一齊上淘寶搵衣服配件，一齊諗下做咩表情，是不錯的親子活動。

補充：之前平日上group：$650，現在轉周末上semi-private：$1000 ，加堂練比賽1:1 ：$1150

我囡囡也在又一城學 ^_^

apbaby

Freesia_cat 發表於 16-2-22 23:59
如果我女學，應該一星期只學得1堂。請問你現在上堂係1對1定一班小朋友? 大約幾錢? 溜冰是否有考試，一級一 ...

小朋友初學的話，有人陪玩會開心啲（有時上堂前後見教練教初學bb一步一步行，睇見都覺得悶，但幾個小朋友一齊行，有講有笑，開心好多）

仲有，小朋友有伴，會肯留在冰面耐啲（上堂前後），咁樣會學得好啲同抵啲！

wellristra

回覆 apbaby 的帖子

你有無發現又一城好多怪獸家長?有個家長次次都要同個女take time....話“又慢左幾秒一個圈，再練二十個!” 嚇死人

apbaby

wellristra 發表於 16-2-24 13:55
回覆 apbaby 的帖子

你有無發現又一城好多怪獸家長?有個家長次次都要同個女take time....話“又慢左幾秒一 ...

嗰個係咪練「速度滑冰架」
唔知我係咪你口中其中一名怪獸家長，我要我囡囡溜左幾個圈至可以食少少零食（例如教練送嘅紫菜）話唔定你見過我在場邊好似餵海豚咁餵個囡食紫菜。不過我一定冇計時，因為佢已經快到嚇死我（我驚佢撞到人），囡囡跑下圈、間唔中做下某啲動作就ok。

wellristra

你係咪xxxx?我阿女跟佢又係次次有紫菜

apbaby

wellristra 發表於 16-2-24 15:00
你係咪跟xxxx?我阿女跟佢又係次次有紫菜

你做咩……

咁你囡囡即係我囡囡嘅師姐喇~~~

Freesia_cat

原帖由 maccy523 於 16-02-23 發表
太古城有冇得試？最細幾大可以試？Sorry新手媽媽多問題，我去太古溜冰學校問過，職員冇提及過有試堂



  ...

我上次是在Elements試，朋友識教練可以安排試堂(當然要俾錢)，因為教練話可以學都要睇佢地就咁著溜冰鞋可唔可以自己企，如果支撐唔到自己企就暫時唔學得。

我知西九龍都可以俾錢試堂，我諗太古城應該都有吧！

wellristra

回覆 apbaby 的帖子

你星期幾學?我女女之前响element 上堂依家响又一城學左二個月。。。可能係你帥妹唔係師姊

apbaby

wellristra 發表於 16-2-24 16:10
回覆 apbaby 的帖子

你星期幾學?我女女之前响element 上堂依家响又一城學左二個月。。。可能係你帥妹唔係 ...

Pm左你
（我囡囡學左半年，你囡囡學左差不多一年，你地時間長啲）

wellristra

佢大约都係學緊alpha 至beta嘅動作only。。。

Freesia_cat

原帖由 wellristra 於 16-02-23 發表
回覆 Freesia_cat 的帖子

可以呀，只要教練有時間就ok我依家响又一城上堂

Group係幾多人一組? 係咪要自己組group定係又一城自己開班? 教唔教3歲小朋友呢？我諗初學一group小朋友應該開心d有動力d。有無好教練介紹?

Freesia_cat

原帖由 apbaby 於 16-02-24 發表
本帖最後由 apbaby 於 16-2-24 14:12 編輯

Freesia_cat 發表於 16-2-22 23:59

請問alpha考試有無話幾歲先考得? 定教練覺得你ok就考得? 你講嘅費用係每個月定每堂價錢? 通常考試/比賽嘅置裝費要幾錢左右? 新手阿媽想大概知學溜冰到比賽，大概預幾多budget。

Freesia_cat

原帖由 apbaby 於 16-02-24 發表
本帖最後由 apbaby 於 16-2-24 09:33 編輯

我都諗初學有伴比較好，有人陪無咁悶。不過想問吓group是否一定要差不多年紀? 因為我家2個小朋友但年紀差5年，唔知可唔可以一齊上堂。