好擔心...醫生話BB發展遲緩~~

st213

kimbear 寫道:
~~AUTISTIC SPECTRUM DISORDER　（ＡＳＤ）＜其實最近我係講座也曾經聽過這個名，吳知係咪新的學名？請問有無人知道？

Autistic Spectrum Disorders, 其實係包括好多唔同o既種類, 大家比較常見到o既 Autism, Asperger's Syndrome, PDD 等都係 ASD 裡面o既類別 (仲有其他不過相對黎講係好少). ASD 其實係指個大分類, 而唔係新的學名.

有可能由於評估中的資料未足夠去作出仔細的分類, 所以醫生咁寫啦

kimbear

st123,

THANKS

mrsphcheung

Dear hinhinmummy,
Congratulations.  I know some siblings of less able children at Heep Hong, they may have the idea of looking after their brother or sister when they grow up, just to share the burden of their parents.  Your daughter will be very mature and independent in the future.  Your hard work is rewarded.

mamee

hinhinmummy
其實你囡囡真係乖架嘞. 如果囡囡能明白又體諒, 點解爸爸媽媽會特別緊張細佬, 已經算好乖女. 加上讀書又叻, 你真係應該讚下佢.

Joanna
希望你張"孖T", 中個大獎同早日派彩.

kimbear
點評都好, 總有條路繼續行.
我都知, 就算我地真係可以做到感同身受(大家都有個special既小朋友), 始終你都要時間去消化, 多保重!
得閒再上黎傾.

mamee

hoho1105

hinhinmummy:
試咗妳嘅方法,第一次佢好似唔知我做乜,即刻靜晒.咁我就同佢講,咁咁咁咁..........我問佢唔好扭計,喊會皮膚痛痛,知唔知道?佢答:知道/聽話/好乖.我就放佢.唔夠一陣又借d意,發皮四,我又用同一方法,但佢唔受理,爭扎,好忟好癲.同佢爭持一段時,因我有嘢做,最後放佢一馬,我唔理佢,今次好d唔撞頭.其實要耐心之餘,亦要有時間至同佢用e個方法才可.keep住用e個方法我諗係得嘅.但真係要好有心機同時間.講真吖......佢e排d脾氣咁,特別係佢d發住脾氣嘈吵嘅叫聲喊聲,攪到我好燥架,暫時重忍到.遲吓就唔敢諗嘞.

hoho1105

mamee:
妳又未瞓 我e排多數走去"自由報料"&自由講場"原來都幾多嘢睇,我之前無咁樣,e家就晚晚八吓,有時睇到d笑話好攪笑

mamee

hoho1105

尋晚打完篇posting, 呀仔就突然彈左起身, 要我陪喎.
陪左一陣就連自己都zzz埋.
其實其他d討輪區我都會睇, 不過只係睇好少答.

mamee

gigi2

hinhinmummy,

Congratulations!  Quick to kiss and hug your girl more times!  This coming week is the school report presented for my elder and I start to nervous now…     

hinhinmummy

hoho

曾經係巴上road show上看過小小片段, 講一個'special'的小朋友, 成日掉野落街, 有陌生人上門就會發'典', 個媽媽會用張大毛巾包住佢, 攬實佢, 等佢claim down.  我相信會得, 但一定要時間, 耐性.

你係不係想買抽濕機(我係其他topic見到), 你搵左個sales的電話未? 我都想要呀!

gigi2

我已即時買左隻遊戲cd獎勵家姐啦, 同埋亦嘗試用老師的方法, 正面去對個女, 但係好幸苦呀! 佢好似見我軟d, 佢就得寸進呎一步, 我老公就差d, 佢無耐性, 都係成日鬧個女, 但就小左.

我亦嘗試鼓勵家姐照顧弟弟.

各位,

軒軒開始識運用d字去形容/抽述.

d野跌左落地, 佢會望住跟住話'跌.

d野爛左就講'爛'

姑媽叫佢鍚鍚要啜一聲的, 佢就只鍚鍚, 無聲, 跟住擰頭講'不得', 激c佢姑媽

最好笑, 佢d教才我用鞋盒裝住, 隔一段時間就收埋, 換過d新的, 輪流甘玩.

有一次, 佢拖我行埋個櫃到, 指住d鞋盒, 講'波波', 我話, 邊度有波波呀? 我一直無諗過有波波, 續樣拿比佢, 都擰頭, 後尾諗起, 有個鞋盒裝住d氣球, 以前教佢吹氣的, 拿出黎比佢, 佢就好開心.  我初時以為佢念口黃.

hoho1105

hinhinmummy:
唉.............我揾咗沙田好多間電器行都無抽濕機,幾攪笑呀,有個sales話,就連甩咗脚嘅陳列品都比人買咗.我唔買住lu,等新貨到至慢慢揀.個sales都無覆我,又唔見佢有留言.bk有人話'豐擇&百佳"都好用喎
妳所講的兩個方法都差不多,都係要好有時間至得.我仔就因為我攬實佢,佢冇得陏重癲 要經常用至得,要佢明白,e d係罰,希望可阻嚇到佢啦.

mamee:
咁妳噙晚咪,開住部腦去瞓?早幾日朝濕就有d蚤,我仔係學校比蚊咬到隻耳珠,發大晒,好紅如腫,額頭又係(變咗家燕媽媽 )係屋企又比蚤咬,兩隻手,手指都有,有一隻腫得好誇張,好似膠手套被吹漲咁,佢痕到瞓唔到,我哋驚佢裏面發炎嘛,咪去睇急症囉.e家退緊腫嘞.

justjust

恭喜你﹐hinhinmummy﹐囡囡甘乖唔駛你操心已經好好     。 耐唔耐俾佢得寸進呎一步就算啦﹐始終都係細﹐點都有唔聽話既時候。

上個星期六我地去學校見老師"lor" report card,老師話啊女進步左好多﹐佢地知佢言語遲緩﹐但宜家已經唔駛估估下佢講D咩﹐都幾清楚同有意欲想講﹐老師問問題佢好踴躍舉手﹐就算有時答錯都係一件好事。佢有幾個特別好既朋友仔﹐鐘意跟住大過佢既同學仔玩﹐又鐘意好似保姆照顧細過佢既。要改善既係依然唔夠耐性﹐想做一樣野要既刻做﹐等一陣都唔得；同埋間歇性唔聽指示。老師話佢宜家仲細唔係甘緊要﹐不過越大個如唔聽指示對學習同其他方面既影響就越大﹐叫我地多D提醒佢。

我地初頭有D擔心老師會投訴啊女係學校“蟻”﹐試過同學既家長話返俾我地聽啊女係學校整親其他人唔肯講對唔住俾老師罰企(但平時係屋企都肯講既)﹐啊女又同我地講過佢有次爭玩具推左同學落地下又係唔肯講對唔住俾老師罰冇得玩﹐不過我地打電話問老師佢地都話呢D係小事﹐唔駛太緊張﹐到學期尾點知老師同我地講佢終於肯講對唔住﹐(雖然眼泛淚光)。我地覺得啊女係學校真係學到同人溝通﹐交際﹐自立﹐學術等﹐老師都好包容。宜家有幾間有名氣D既學校話收啊女四月開始插班讀K1我地都婉拒/打算婉拒﹐啊女係樓下讀得開心就俾佢繼續讀。

hinhinmummy

hoho

甘跨張? 我上網見到有間網上電器舖, 係我公司附近, 我想打去問下有無貨, 但始終覺得豐x, 百x匯大間的電器舖隱陣d, 所以都係打左去大行問下有無貨先去問間細的.  如果有貨, 你要不要個電話?

hinhinmummy

justjust

恭喜晒你個女有進步, 真係大家都飲得杯落law.

hoho1105

hinhinmummy:
要呀..........好似話15號會返貨,話好用果兩隻牌子就話,今年唔會返貨(唔知堅定流架)

hoho1105

閃嘞..................

hinhinmummy

HOHO

打過啦, 無貨, 要15號先返貨呀! 到時都不知還駛不駛佢law.

但係我問過百x匯, 要成4,680元, 但係上網果間就3400元, 甘成1,300元, 所以都不知點算好?

mamee

要改善既係依然唔夠耐性﹐想做一樣野要既刻做﹐等一陣都唔得；同埋間歇性唔聽指示

justjust
我個仔都係咁.
我都認同, 用最開頭呢幾年既時間, 去改善囡囡(我仔仔)同人溝通, 交際, 自立本能, 比入讀有名氣既學校更緊要. 如果底子做番好, 他日仍然有機會可以讀有名氣既學校嘛.

mamee

mamee

hoho & hinhinmummy

除左冷氣機外, (係香港地住)抽濕機簡直係一大發明之一. 仔仔出世無耐, 我已經買左部容量極大既日立抽濕機. 因為一日洗兩機衫(呀仔一機, 我地一機), 無部抽濕機既話, d衫真係唔知幾時先乾.

mamee

HelenMrs.Lau

我都係用日立抽濕機抽乾d衫

hinhinmummy

mamee

我以前都不覺得重要, 但係今年真係好濕, 同埋不知係不係搬低左層數, 早幾日個地下出水, 個女達左落地下, 個仔都'洗'過.