大埔道崇真幼稚園家長分享站

LEON

我個仔冇話我知有書法比賽，我都一舊雲！

傻妺2

leon,

我都係噚晚見到張通告先記得.   

3kids

我尋晚睇佢地書包, 細孖個老師夾左張紙仔話今日幼兒書法比賽, 叫我幫佢練習寫 個 '土' 字.  但大孖就無任何通知.
唔知係咪老師挑選一些小朋友先有參加呢 ?

momo0108

一舊雲(leon)
手冊有寫,對我冇影響.因為我個仔實吾會得獎
我尋日先收到marco張生日咭,我地會去.我想見下你對3O幾磅既孖女

傻妺2

3kids,

我無收到叫練字,淨係話會係禮堂度比賽書法咋.會唔會係個老師自己預先叫你地練字呢?

3kids

收到學校交留位費,書薄費通告,  你地交左未呀? 學校要求係下星期交, 但我今日已經入晒信封比佢地帶返學校lu.

傻妹,
我睇返佢地手冊係27號有比賽, 但我27號晚先睇到老師張便條, 唔知老師係咪搞錯左   , 不過算啦, 佢地都係玩多過真係比賽, 因為佢地都未識比賽係乜.
仲未收到暑期班資料, 唔知幾時會有呢?

LEON

3kids，
我簽通告同預備支票都做到頭暈，你仲要整兩份都好忙！暑期班資料可能六月中先會出！

LEON

momo0108，
星期六你只可以見到大孖，因為佢地老豆唔可以去生日會，仲有孖女 邊有3O幾磅呀？我都想呀！大孖就近磅，細孖得24磅左右，好細粒架！ 你個仔係咪都鐘意睇百獸戰隊？jason話佢係xx王，而你個仔就係xx王

最後想問你momo會唔會番哥哥d書？我一路都keep住亞仔d書希望妹妹可以用得番，唔知有冇人好似我咁慳？

跳跳虎

我都係今日交左留位費,書薄費，之前什費同荼點費一齊交，點解今次分開交？係囉，仲未收到暑期班資料，我等得好心急，出面d暑期班已差不多報哂名，抽哂簽。唔知幾時會有呢?

3kids

LEON,

你講得無錯, 我寫佢地d支票一共6張, 真係寫到手軟!

6月中先有暑期班資料, 咁遲架, 真係好心急, 如果學校果d唔岩再報外面果d 真係驚太遲無晒位...

momo0108

leon
我都吾like佢睇百獸戰隊,我都吾知幾時做. 但係佢個恩恩(舅父)買左成千銀百獸戰隊比佢 唉.
有呀,阿mo有要哥哥D書,哥哥就要表哥個D書 都平左百多圓 橫掂有向到,吾好「晒」

傻妹

3kids,

佢地咁細真係無話比唔比賽,俾佢參與既者.我都好心急想知暑期班活動呀.因為我都計劃緊我囡既暑期活動.

leon,

我都會問我姨'生'仔有邊d書可以用得返.因為佢學校同崇真都係用同一個出版社既書.慳得幾多得幾多.

跳跳虎

Babyruby,wyl:
你2個去咗邊？近排唔見你地入黎？

chuenma

各位祟真家長請幫忙，請問有無家長知學校和其它學校有無collection，小一派位如不升讀本校會去那裏，在考私小時有沒有困難。

我都覺得以上問題好多餘，但這是我近日與丈夫爭吵的問題。小兒考入崇真K2我十分高興，並準備9月轉校，本來他也同意。

後來他在昇悅居的綱站見到有家長說崇真不是名校，學校並沒有傳聞那麼好，他朋友的兒子並沒有受學校關注，學校班數多，學校不能關注學生需要，並說崇真來者不拒，何來保証質素，還有週六課外活動的按排及情況混亂，不是由學校按排，由家長會負責，有走失學生事件。

從此他便不大喜歡崇真，其實每間學校都有人話好同唔好，至於名唔名就要'目弟'下同邊間比，最緊要教學方式對小朋友好，派位講計分同分區，至於同學乖唔乖，聽唔聽話，我都唔知，老公無聲出。

最近老公又從一位補習老師口中，話崇真同其它學校沒有collection，考好的私校時不會被取錄。又在午飯時聽見D媽咪講分區派位是假的，都是看學校關係。我請他建議那一間幼稚園好，他又不知道。

現在個仔讀培恩，如轉校便會是又一村或崇真，SJC同根德園又沒有位，KEENMIND又新，老公話我找的學校通通都不好，其實我只是找一間好的全日制學校。

我想死，求大家幫幫忙。

LEON

chuenma，
崇真的確不是名校，若打算讀名校就唔好揀崇真，崇真學生來自四方八面，不同階層，我只當崇真係一間地方比較大既普通幼稚園，小朋友活動空間多，老師全是基督徒，有愛心，加上程度中上，我既選擇就係咁簡單！週六課外活動的按排及情況混亂的確有出現，係由家長會負責但亦有幾位老師(活動係免費)，今年我見安排已有改善，如果擔心便不要參加，我小朋友也沒有參加週六課外活動！

崇真同其它學校沒有collection？我不知道，但我跟你想法一樣派位講計分同分區既，而考私小就睇小朋友當日表現加上運氣！

柏霖媽媽(Irene)

chuenma,

今日我去交K1留位費時, 排後面個媽咪話我知佢係幫細女註冊K1, 她覺得崇真非常好, 佢大仔今年崇真畢業, 派到聖方濟, 所以佢好有信心比妹妹讀崇真~!

  

wyl

chuenma,

我也認同LEON的說法, 崇真的確不是名校, 如果你打算將來讓小朋友考名私校, 那麼崇真的確是不及根德園或者國際呢d幼稚園出名!

但我想說的是, 崇真雖然班數很多, 但每班只有24人, 有兩位老師負責, 平均是1:12, 相比起一些只有很少班數, 但每班可能有成30-36人的幼稚園, 我不認為老師會不能關注學生需要囉!

至於星期六的課外活動, 由於是免費的, 而且負責的老師、家長和一些英基學生都是義務性質幫忙的, 情況的確有點混亂, 我的小朋友去年開學時抽中了參加, 只上了一次之後我便沒再讓他上了。後來情況應該有所改善了。雖然如此, 但學校肯花時間精神去辦這些活動, 我還是很欣賞的!

正如你所說, 每間學校都各有優劣, 只在乎適不適合你的小朋友。至於怎樣才算好? 我想每個人的定義都不一樣。對於我個人來說, 老師有愛心又盡責, 小朋友又愛上學愛學習, 學校著重學生的求知、探索、表現自我的精神, 家校又著重溝通, 課外活動又多, 我覺得崇真正是我的那杯茶。

每個人的情況和要求不一樣, 選那間學校就很視乎你自己覺得那間學校符合你的要求吧!

Babyruby

跳跳虎,
呢排係少0左上黎呀!!!今個sat先同你講係咩原因...

各位,
呢幾日小女成日都話唔要同同學仔分開,唔要升班,要返吳老師..等問題,我已解釋比佢知到升上K2時會有新同學新老師,但她仍很擔憂!!!有咩方法可以幫到佢克服恐懼呢????

wyl

Babyruby,

之前我都有同烔因講佢9月會升班, 會有唔同班主任, 但佢反應都同ruby一樣, 要返番呢班, 話唔要去第二班喎! 後來有一次我同吳老師傾開, 佢話其實唔駛刻意同小朋友提起, 因為不論大人小孩對未知都會恐懼, 但其實到其時, 因為有其他小朋友一齊, 佢就會慢慢接受, 而且他們現在很多活動都有機會同第二班的同學仔接觸, 所以9月時佢哋都唔會真係好驚, 但一定會有一段適應期囉! 吳老師亦話明年邊位老師教邊班都仲係未知之數, 很難說她一定不會教k2架!

Babyruby

wyl,
謝謝你的分享,原來烔因都有類似ruby的恐懼,因為ruby是坐校車的,而ruby是一個慢熱的小孩,好不容易先同現在的同學仔建立信任及友情,而我亦問過吳老師k2是沒有k1 的適應週,所以我見她這樣,真是有點擔憂!!!

係呢老師是不是叫他們帶石頭呢???

wyl 寫道:
Babyruby,

之前我都有同烔因講佢9月會升班, 會有唔同班主任, 但佢反應都同ruby一樣, 要返番呢班, 話唔要去第二班喎! 後來有一次我同吳老師傾開, 佢話其實唔駛刻意同小朋友提起, 因為不論大人小孩對未知都會恐懼, 但其實到其時, 因為有其他小朋友一齊, 佢就會慢慢接受, 而且他們現在很多活動都有機會同第二班的同學仔接觸, 所以9月時佢哋都唔會真係好驚, 但一定會有一段適應期囉! 吳老師亦話明年邊位老師教邊班都仲係未知之數, 很難說她一定不會教k2架!