2007年8月開學宏福幻兒園既媽咪一齊入來傾下

hongmimi

天藍，
嘻嘻! 都係我衰囉! 人地講正經野我諗埋一邊!!

我初初嫁出去又無掛住屋企喎! 因為我住得好近(葵芳)，基本上隔一兩晚又返去食飯，好似無嫁過咁，我家姐阿妹個個嫁左都係咁，d老公加細路，人口只會不斷增長，攪到間屋好迫，所以要搬大d先得。而家我真係百般滋味在心頭喇!

妳就好啦! 可以有機會望下我間舊屋，我好掛住呀! 公公婆婆臨走成日話唔捨得個騎樓，:cry: 望住個海望左28年.... d街坊都係咁話，話我地方向咁好都走，下一手搬黎就好好彩。如果妳發現我地舊屋有人入住，通知我呀! 等我講下俾公公婆婆聽，唔該晒! 不過，佢地話遲d閒時都會返下去探下d舊街坊喎!!:

pcdogxx

626mama,
乜男仔要留意咁多野架..   好彩鈞渝係女仔, 唔使煩..  不過到佢發育時期就到我煩喇.. 哈哈

哦..  咁我都得閒同佢溫下先.. 不過原先都冇諗住佢會咁快教野, 掂都少少都幾好..

原來我係感冒所以連帶隻眼都痛埋..  今日都請左病假.. 嚴重感冒..  而家又係等梗接鈞渝放學.. 返到去食完野, 兩母女一齊大覺瞓..  

唉.. 鈞渝認字好差..  而家都認唔到ABC, 反而睇碟多d英文動詞就識好多...   不過係聽囉.. 字梗係認唔到啦..

係啦.. 有時想錄佢地唱歌跳舞, 一俾佢發現就停話要過黎睇, 所以我要離埋咁影..  

星期六我都想睇鈞渝出去睇下燈飾..  上年佢冇去海港城果邊, 今年帶佢去睇下先..  哈哈.. 軒軒又會堅持話萬聖節都有既..

可能ElainAiolia 唔得閒上黎回應, 尋日佢同我講個原因我覺得唔可以接受囉.. 唔知話因為而家手足口病.. 所以要分批玩, 而咁岩子聰果批d人未返, 所以佢覺得無人玩唔開心.. (唔係好記得係咪咁..  哈..都係等Elaine上黎解畫)...

我都見到張通告, 都係諗住問你地去唔去先決定..   果日如果冇野做去聽下都好既..  你咪順便返阿媽到食飯囉..:loveliness:

天藍

hongmimi,

好! 到時我見到有人搬左入來再通知你!

626mama,

軒軒甘鍾意對新鞋心情大靚真好,
叻仔!!!

原文章由 hongmimi 於 07-11-21 09:42 硐表
天藍，
嘻嘻! 都係我衰囉! 人地講正經野我諗埋一邊!!

我初初嫁出去又無掛住屋企喎! 因為我住得好近(葵芳)，基本上隔一兩晚又返去食飯，好似無嫁過咁，我家姐阿妹個個嫁左都係咁，d老公加細路，人口只會不斷增長，攪到間 ...

pcdogxx

Hongmimi,
今日鈞渝著左套加細碼喇.. 真係岩身好多... 多謝晒..

所以而家要同d子女好好溝通先得架..  以前d人唔多同子女傾偈所以好多代溝, 有時出街見到d兩母女行街相處好滆洽, 我都希望第時同鈞渝都係咁..

乜你間青衣間屋係對住海咁正架?  嘩..  叫阿媽申請搬去你個單位先..     (咁樣得唔得架?  好似冇聽聞過..)
天藍,
我都見到本書呀..  我想問你地之前係咪都派過架.. 第一同第二冊?
係咪我插班所以由第三冊開始呢?

尋日接鈞渝放學, 佢冇喊呀..  仲有笑..  Ms. Ng話佢冇乜點喊喇.. 仲肯玩同埋幫手執玩具, 話鈞渝好鍾意聽佢唱歌..  我同Ms. Ng傾果陣鈞渝都仲係到偷笑.. 好得意..   不過返學依然都係喊..  可能入到去好快收聲啦..

其實三個鐘真係好短, 玩幾玩都而經放學喇..  見佢個 timetable又多排洗喎...   不過而家都主要教自理部份, 所以都唔可以要求咁高..   

我同626mama一樣, 好耐先晒一次相...  所以會一次過晒好多..  
晒得多搏佢送張大相嘛..  

pcdogxx

頭先無野做玩圖書館俾小朋友玩果d電腦遊戲..  哈哈.. 又幾好玩喎..   唔知佢有冇得租返屋企玩既呢..

之前我都買左幾套...   不過未試好唔好玩...  好玩既話俾埋你地一齊玩..  哈..   又夠鐘接鈞渝喇..  

ElainAiolia

Dear all mami,
多謝你o地關心，我只不過想多D人幫我分擔o下，因我同聰爸都好擔心佢，而佢呢排一提返學就喊 ，就算唔提返學但意會到要返學，佢就周身唔敍財:cry: ，我o地都好擔心。

20/11果朝，返到學校見到Miss Bonnie，我就同佢講話子聰唔想返學同埋話比EE鬧D o野佢知，同時當子聰交完手冊比老師行入去時，已係度喊同埋係咁叫我，我見到都好心o翕。Miss Bonnie同我講相信EE未曾鬧過子聰，因為佢由返學到而家去厠所都唔使EE理，只係初頭要教佢除衭及休衭，Miss Bonnie仲話D EE讚子聰好o力仔o忝。而佢就曾經鬧過子聰一次，係好早期，子聰去完厠所洗完手攞o左好多厠紙完，所以佢就話過子聰唔可以玩厠紙，只可以攞一張，當時子聰都無喊到仲好明白咁點頭o忝。

不過佢估子聰突然咁樣可能係學校有少少轉變有關，因早排學校好多小朋友患上手足口病，學校怕小朋友好容易又互相傳染，所以每朝早8:30返到學校D小朋友要分組係玩車車個空地度玩(有限時間)，而子聰係被編排為第一組，而佢果組D小朋友又好遲至返，所以玩車車時會較少小朋友，據Miss Bonnie所講子聰好仲意同D小朋友玩，所以到上堂時，佢心情大致上都會平伏晒，仲好開心o忝，佢建議我可以試o下8:45左右先帶子聰返學，因果段時間會多D小朋友。其實我印印話我知，每日子聰放學都好開心；而我家姐話小朋友對環境o既少少轉變會好敏感，所以一定要留心及講解佢知，希望佢可以快D無事，回復番以前咁仲意返學就好喇:D ！

ElainAiolia

Dear all mami,
有關子聰咁細過就割XX，並不是因為佢長，而是我發現佢皮下有粒白色o野(可以郁，相信唔痛，大約比粒白豆細D)，於是帶佢睇醫生，醫生話可以割或唔割都得，果粒白色o野係D污糟o野o黎，因為個口窄得滯推唔到開清潔所以有，而且好易發炎，叫我考慮o下先，唔急o既，我問佢細個做係o米真係無咁痛，佢話係，所以我先決定同佢割。起初出院都幾恐怖o架，因為紅卜卜，仲要成日同佢洗傷口 ，但佢好似一D都唔痛，冲涼成個人住落冲涼盤度，平時又跑又跳，掂到個紙杯都唔o益，我見到都打冷震 。傷口都好快康復。

pcdogxx,
你隻眼好D未呀？睇o左醫生要好好休息，記得飲多D水呀 ！唔好傳染比鈞渝，因為今個月已買少見少喇(係指返學日數)。

鈞渝好o力女呀，識得唱”Twinkle Twinkle Little Star”，仲要non-stop，好勁呀。相信佢已習慣o左返學，所以無喊。我諗鈞渝無心搞喊軒軒o既，626mama唔會怪你o架。

唔好意思尋日朝我咁趕住走:loveliness: ，因為我只係攞o左1個鐘頭假，但我又趕住去”T”到交留位費，所以都唔係咁傾到計。

鈞渝唔仲意著片，你o米順便同佢戒o羅，最多係Pat Pat度墊多D毛巾同埋勤D起身叫佢VV，但難為你天寒地凍要起身叫佢，我都想子聰戒夜晚片呢。

鈞渝雖然唔使割，但青春期你就知味道 。

ElainAiolia

626mama,
子聰已攞o左校服，但校褸未有貨，要遲D先有呢。軒軒好o力仔，已可以唔喊，真係抵讚o下佢同錫佢一啖 。想問你軒軒對Keroro黑皮鞋係邊度買o家，因子聰勁仲意Keroro，我都想買對比佢(因冬天返學鞋我仲未買) 。

我都諗住遲D帶子聰去海運門口影相，因為我覺得果度每年都好靚好特別。

626mama / 天藍,
25號你o地二個有秘密行動呀，靜靜雞約埋見面。

天藍,
我尋日係學校見到pcdogxx已將BBQ D相比o左佢，多謝你晒o左D相比我，Thx！我唔會去聽幼兒學習語文講座，因為果日我唔得閒，你o地聽完話我知有無用呀。有關學校夾係手冊度果張A4紙(當時學校會教D o羊比小朋友)，我都會望o下，但唔會跟足佢o地做，但會同子聰揭o下D書，睇o下咁o羅。

乜你到而家都唔知我o地講緊割邊度呀 ？

hongmimi,
你就好啦，可以聽到鈞渝唱歌仔，我都覺得小朋友唱歌同埋D對答係最得意及最好聽o既:tongue: 。

626mama

Hongmimi,
妳舊屋個騎樓望住個海，真係好好景喎。

原文章由 hongmimi 於 07-11-21 09:42 AM 硐表
我初初嫁出去又無掛住屋企喎! 因為我住得好近(葵芳)，基本上隔一兩晚又返去食飯，好似無嫁過咁，我家姐阿妹個個嫁左都係咁，d老公加細路，人口只會不斷增長，攪到間 ...

626mama

pcdogxx,

鈞渝係女仔，青春期就到妳煩，記得早D同佢講家先呀。

原來妳係感冒所以連帶隻眼都痛埋，又會咁，
不過我都係，病就會頭痛或胃痛，醫生話係病時
比其它菌引發。妳今日好D未呀。

妳都可以離埋咁影鈞渝，我唔得，佢實要我陪佢，
我一走開佢就知。  

我都好羨慕人地兩母女Q晒手行街，軒軒係男仔，
大過實唔會Q我隻去同我一齊行街啦。

圖書館我同軒軒去過一次，之後都冇去過，
原來有電腦遊戲比小朋友玩嫁，幾歲開始可以玩嫁?
下次行過睇下先，我都想試下玩。

原文章由 pcdogxx 於 07-11-21 10:42 AM 硐表
626mama,
乜男仔要留意咁多野架..   好彩鈞渝係女仔, 唔使煩..  不過到佢發育時期就到我煩喇.. 哈哈

哦..  咁我都得閒同佢溫下先.. 不過原先都冇諗住佢會咁快教野, 掂都少少都幾好..

原來我係感冒所以連帶隻 ...

626mama

ElainAiolia

我買比軒軒對Keroro黑皮鞋係深水土步買，條街
叫咩名呢，我望下本地圖再話妳知丫，舍甫頭好以
女人街果0的舍甫，係馬路邊，又係梗舍甫果種，
有條繩，由天花版吊落來，跟住一對對鞋夾晒係
條繩度果D舍甫頭。對鞋好平炸，好以$48蚊。
唔知妳介唔介意，上次EE結婚前兩日買，不過好
多小朋友都好鐘意對鞋，可能因為有個KERORO
係度。我地由睇到對鞋至買走對鞋，一陣間都
有成4個人買。有兩兄弟一齊買，佢地都到我
心口咁高都鐘意。

睇燈飾夜晚睇靚D，我打算找個星期六夜晚去睇多次，
舊年帶軒軒去，傻更更咁，今年應該有返應好多。

我同天藍報左大窩口協康個親子旅行，都報了很久，
好以報果時，我地仲約緊去"警察遊樂會BBQ"添，
都係其她BK媽媽講比我地知，好啦，下次有這些活
動，再話比大家知啦。

原文章由 ElainAiolia 於 07-11-21 11:11 PM 硐表
626mama,
子聰已攞o左校服，但校褸未有貨，要遲D先有呢。軒軒好o力仔，已可以唔喊，真係抵讚o下佢同錫佢一啖 。想問你軒軒對Keroro黑皮鞋係邊度買o家，因子聰勁仲意Keroro，我都想買對比佢(因冬天返學鞋我仲未買)  ...

626mama

ElainAiolia

對呀，妳有什麼就講出來吧，我地都好樂意聽嫁。

不過...今早我妹妹打電話比我，話軒軒識得講邊個老師話佢，話說，今早又話唔反學，跟住EE問佢仲咩唔反學呀，佢話Miss Bonnie叫我走，唔好反學，快D走，我唔反學喇!咁講。跟住婆婆問軒軒，邊個教妳咁講嫁，軒軒講老師話唔準講。EE話今次聽得好清楚個老師叫Miss Bonnie話佢，今日反學Miss Bonnie企係門口度，軒軒拉住EE同婆婆手，個人都斜晒咁，唔肯行入去，EE話換完鞋軒軒都唔肯行入去，跟住見到其她老師，EE叫其她老師叫了MISS GLORIA出來，MISS GLORIA出來拖住軒軒入去，佢又跟住MISS GLORIA好開心咁行入去喎。

我立即想起子聰個班主任叫Miss Bonnie，子聰近排又叫唔反學。

我而家仲想緊，好唔好打電話比MISS GLORIA好。大家都係老師，大家咁高咁大。

因為軒軒跟排仲有成日講多幾句野。
婆婆唔來接你放學嫁喇。
都冇校車冇得走嫁。
妳以後都見唔到婆婆嫁喇。

原文章由 ElainAiolia 於 07-11-21 11:03 PM 硐表
Dear all mami,
多謝你o地關心，我只不過想多D人幫我分擔o下，因我同聰爸都好擔心佢，而佢呢排一提返學就喊 ，就算唔提返學但意會到要返學，佢就周身唔敍財:cry: ，我o地都好擔心。

20/11果朝，返到學校見到Miss Bonnie，我就同 ...

626mama

ElainAiolia

原來子聰係發現佢皮下有粒白色o野污糟o野o黎，
好易發炎，所以割。
紅卜卜真係好恐怖下喎，抱佢咪好容易整到囉。
下...原來有個紙杯嫁，乜唔會掉落地咩，
咁幾內個傷口好晒呀。個紙杯用了幾多日呀。

pcdogxx,
同意呀，鈞渝唔仲意著片，順便同佢片戒。

原文章由 ElainAiolia 於 07-11-21 11:06 PM 硐表
Dear all mami,
有關子聰咁細過就割XX，並不是因為佢長，而是我發現佢皮下有粒白色o野(可以郁，相信唔痛，大約比粒白豆細D)，於是帶佢睇醫生，醫生話可以割或唔割都得，果粒白色o野係D污糟o野o黎，因為個口窄得滯推唔到開清潔所以有， ...

pcdogxx

ElainAiolia,
我諗隻眼痛係因為感冒既關係..  今日好好多喇..   不過又輪到爸爸病...   唉..  鈞渝d箘真係勁.. 傳染晒俾我地..  :tongue:

鈞渝除左返學入去果陣會喊, 入到去唔喊喇.. 仲跟埋唱歌添.. 我諗佢返得好開心喇..  

哦..你請左一個鐘咋.. 唔怪得咁趕啦.. 唔緊要, 你d工唔可以遲..  反正我地上黎都仲可以傾..

唉.. 佢係唔會瀨, 但係半夜佢想痾果陣會發癲呢..  問佢痾尿佢又話唔係..   除佢褲放落屎塔又唔肯..  要氹好耐先肯坐落個痰罐到痾尿..  晚晚係咁你話死唔死....

我原先都想問做乜佢地25號有聚會我地唔知架?  不過好似好八卦咁所以冇問..    哈哈.. 俾你做左醜人添...

626mama,
等放學果段時間因為d小朋友返晒學, 所以冇人玩架..   你如果要玩最好呢d時間..  

原來你地參加左協康親子旅行, 咁去邊度玩呀?  下次記住叫埋我.. 如果就到可以一齊去都幾開心呀..

吓..  咁果個Ms. Bonnie咁架..  一個老師點可以講d咁既說話..  但係點解Ms. Bonnie 會同軒軒講d咁既說話既? 佢又唔係軒軒班主任..   如果同Ms. Gloria 講, 佢都幫唔到你d乜喎..    最好我覺得都係同衛主任講..   起碼佢高級d, 如果有媽咪咁投訴我覺得佢會緊張調查架.. 唔好俾d咁既老細嚇壞d細佬咁衰..  

626mama

pcdogxx,

係呀，我想緊，點樣話比學校知， 有老師咁樣對d學生。
之後軒軒會唔會仲參.....想來想去，都唔知點做好。好煩呀。
大家有冇咩意見呢?

原文章由 pcdogxx 於 07-11-22 04:55 PM 硐表
626mama,
原來你地參加左協康親子旅行, 咁去邊度玩呀?  下次記住叫埋我.. 如果就到可以一齊去都幾開心呀..

吓..  咁果個Ms. Bonnie咁架..  一個老師點可以講d咁既說話..  但係點解Ms. Bonnie 會同軒軒講d咁既說話既? 佢又唔係軒軒班主任..   如果同Ms. Gloria 講, 佢都幫唔到你d乜喎..    最好我覺得都係同衛主任講..   起碼佢高級d, 如果有媽咪咁投訴我覺得佢會緊張調查架.. 唔好俾d咁既老細嚇壞d細佬咁衰..  

pcdogxx

打返去搵衛主任, 講返仔仔有咁既情況, 同埋叫佢唔好洩漏你d資料.. 就算佢知係軒軒媽咪投訴, 我諗佢都唔敢再咁對軒軒既... 況且軒軒又識講..  一定唔可以啞忍...  

原文章由 626mama 於 07-11-22 17:39 硐表
pcdogxx,

係呀，我想緊，點樣話比學校知， 有老師咁樣對d學生。
之後軒軒會唔會仲參.....想來想去，都唔知點做好。好煩呀。
大家有冇咩意見呢?
...

626mama

PCDOGXX,

多謝妳的意見。

妳問我星期日去邊，
我去"大埔海濱公園""錦田樂園""恆香製餅工場"。9:00-4:00
[/quote]
原文章由 pcdogxx 於 07-11-23 10:23 AM 硐表
打返去搵衛主任, 講返仔仔有咁既情況, 同埋叫佢唔好洩漏你d資料.. 就算佢知係軒軒媽咪投訴, 我諗佢都唔敢再咁對軒軒既... 況且軒軒又識講..  一定唔可以啞忍...  

... [/quote]

pcdogxx

626mama,

做乜呢兩日都咁冷清既...   我得閒果陣又冇人出post, 忙到爆果陣個個都唔蝕抵係咁勁出..  追到氣咳  哈哈..

咁要俾幾多錢架?  你地玩得開開心心喇..  唔該打包1打老婆餅返黎吖..  

[quote]原文章由 626mama 於 07-11-23 14:31 硐表
PCDOGXX,

多謝妳的意見。

妳問我星期日去邊，
我去"大埔海濱公園""錦田樂園""恆香製餅工場"。9:00-4:00

626mama

pcdogxx,

我好得閒嫁，不過我老細都好得閒"我估"佢得閒就兩頭望，
所以唔感上來咁密。

會員每位    $ 90一位，大小同介(入會比$50)
非會員每位 $ 130

打包1打老婆餅返黎，成12件喎，妳食唔食得晒呀，
好肥嫁。

原文章由 pcdogxx 於 07-11-23 02:46 PM 硐表
626mama,

做乜呢兩日都咁冷清既...   我得閒果陣又冇人出post, 忙到爆果陣個個都唔蝕抵係咁勁出..  追到氣咳  哈哈..

咁要俾幾多錢架?  你地玩得開開心心喇..  唔該打包1打老婆餅返黎吖..  

[quote]原文章由 ...

天藍

ElainAiolia,

我領唔力低囉!!! 明明睇到之前講割扁桃腺,
之後你地一轉講割XX, 我轉唔切彎, 不過,
我都覺得細個割好個大個先割, 大個先割整
住個紙杯真係好尷尬, 割左一了百了大個唔
使煩怕佢發炎。
子聰以家學校放緊假情況有無好d, 仲有無成
日哭, 希望子聰到開學時會唔記得哭, 開開心
心同昊藍一齊返學一齊玩~~

原文章由 ElainAiolia 於 07-11-21 23:06 硐表
Dear all mami,
有關子聰咁細過就割XX，並不是因為佢長，而是我發現佢皮下有粒白色o野(可以郁，相信唔痛，大約比粒白豆細D)，於是帶佢睇醫生，醫生話可以割或唔割都得，果粒白色o野係D污糟o野o黎，因為個口窄得滯推唔到開清潔所以有， ...