對救世軍幼兒園(各區)的評價-可讓家長們在此討論

miko

芷婷媽媽:

其實你覺得救世軍課程淺不淺呀?今日見到個朋友,她個女是今年升小學的,她說追得很辛苦,不會給細仔再讀救世軍,因太淺啦,她也說不只是她一個是這樣,有幾個同學仔媽咪也感覺到追得很辛苦.

其他救世軍升小學的媽媽:
你們可否分享一下呢?

aprilyu75

做人真煩呀,又想小朋友開心但又要成績好,真你有棘有唔棘

BabaMama

miko
其實最重要是你為小朋友選甚麼小學，現在已有許多小學開始改變，減少功課量、測驗及考試，而且多做Project。
救世軍幼兒園的課程不是淺了，而是適合兒童的能力，最重要是小朋友喜歡學習，反而其他幼稚園告訴你教幾深幾多，而小朋友是強記，不明所以，不久便忘記，那有何用? :cry:
我們的朋友兩位小朋友，升小學適應得不錯，完全不用媽媽費神。

miko

lam`s-mother:
朋友不是海富呀,邊間就不要講啦,唔係幾好既.
其實我個女都讀緊救世軍n4,之前n2同n3是另
一間救世軍讀,兩間都讀得很開心,沒有為轉校已
不適應,比唔比個仔讀都是十五十六,針那有兩頭利呀.

Baba Mama:
其實我都覺得好睇個小朋友,佢本身適應力同學習
能力的,我都應為不只會是救世軍的小朋友有這問題的,
其他幼稚園都會有這些問題.多謝你的意見!

芷婷媽媽:
我都明白有棘有唔棘的道理,人總是心多多,
得一想二,
11月6日學校開放日會不會
去呀?芷婷有無參加那日表演呀?沚僑參加表演呀,
所以我會一同返學校.

aprilyu75

沚僑媽媽,
11月6日學校開放日,死啦我唔記得左有無參加,明天問下Miss 先, 時間係幾時,真大頭蝦了....

新都城一期二樓有英文拼音班 或 English Playgroup ,Creative Development,Personal and Social Devlopment and  them Physical Development學,都幾好.........

miko

芷婷媽媽:

是雷先生比電話我架,開放日大約10:00am有表演,遲d會有通告出.我問沚僑會表演咩,她話跳舞喎.
新都城有得學呀,等我得閒去八下先.
我今日又見到另一朋友讀救世軍,個女今年升小一,但她就無咩大問題,讀得幾好,朋友話睇下你間小學同幼兒園教學方式是否相似,同看你本身小朋友啦.

英俊的小兒

我平時都有看呢個網頁，個個都對呢間學校(乙明)讚不絕口。我個仔都係度讀緊。不過，最近我遇到一d問題，好想講出黎，亦都希望透過呢個網站校方去正視一下。
有一日我個仔話有個先生突然行入黎課室大聲罵:[你病蒙左呀]，當時呢位先生係對先生同嬸嬸講，我問個仔係咩時間，佢話係訓覺既時候。我唔理係咩事，我覺得唔應該係細路面前講呢d野，比佢地學到就唔好，我已經教個仔唔好學，因為如果人地真係有病就會好傷人地既心同自尊架，我個仔話佢成日都好大聲講野，仲成日叉住條腰罵d先生同小朋友，點可以咁架。
以前我個仔入讀幼兒班時，我仔仔話好驚佢話佢個樣好惡，我已經教個仔唔好咁講野，點知原來真係咁，仲話係資深的先生。真係希望唔好因為一個人而影響晒成間學校，因為有d先生真係好溫柔，好有函養。我地做家長的都只係希望有個好的榜樣比細路去學習，而唔係學埋呢d粗魯既野。做一個先生應該尊重人地尊重自己啦。

x9

hi! 我都係乙明救世軍o既家長, 我提議你不如向校方反影吓啦! 我覺得大部份老師都幾好, 係有一, 兩個冇咩笑容law!

英俊的小兒

唉，唔知同學校講會唔會對個仔唔好麻!

x9

你可以放封意見書入去意見箱用不記名方式應該可以掛!

bebepopo

想知N1會學到D甚麼，各位家長可否分享吓？

AlanB

芷婷媽媽:

我的仔仔往年就讀荃灣救世軍幼兒園，現升讀優才學校。
你擔心救世軍課程的深淺會影響小孩子升讀小學時出問題？我就大不以為然，正如我之前有發表的言論，家長在為幼兒選擇一間學習機構時，最重要的要看她的辦學理念和她如何影響幼兒的成長！要求導向式教育或是傳統教育？究竟要孩子開心地成長或…每個家長都可以有他們的決擇！

但無論何種選擇，我認為不應該將幼子受學的成長太依賴校方，很多時家庭的扶助是責無旁貸的！

我欣賞救世軍的辦學理念是能夠培育幼兒能獨立思考和入微的觀察力。當然，和傳統幼稚園相比，幼兒學習讀寫的時間和要求是較低的。

尤以小一初期，孩子將面對要求可以大量默寫詞彙的能力，大部份家長，無論他們的孩子是從幼兒園或是幼稚園升讀上來，都會感到吃力！

若果大家想更加瞭解救世軍幼兒園的教學課程和內容，可以登人我囝仔的個人網頁：



救世軍幼兒園學校日誌     :idea:    

AlanB

aprilyu75

AlanB你好,

本人也很認同你的說法,因本人第一個女,而不太懂去教,所以才有此說法,後來再去問其他朋友同事,他們都說活動教學總好過填鴨式,因為活動式可以隨時記得同死記不同,在加上很強調地說((((小朋友最重要係開心)))) :wink:  都很認同....

littlewoman

我個女14個月，剛剛入紙申請下年n1，聽講未必有位，你們可以成功讀到n1的，是否真的一出世就遞表？

miko

芷婷媽媽:

多謝你提醒我呀?唔係我重係傻下傻下.
今日劉先生打電話比我,話沚僑今日午睡後閙情緒,
話雷先生不幫她拿頭飾,就發脾氣,唔釆先生,
即時解釋她也沒用,待她慢慢平靜下來才再說,
一會兒就無事.回家後再問她在學校發生咩事,
她說睡不夠,唔開心.聽完佢講之後,就解釋她不可以
這樣,她也明白自己不對,叫她明天同先生道歉,她說知道.
其實沚僑都不是第一次,之前都有類似情況,睡不夠會哭等.
有時她的情緒都令我有些頭痛.......我的EQ有.......
你個女會否有這情況呀,你會怎樣處理呢?

ss1008

英俊的小兒︰
我都覺得你可以同學校傾返件事，得個明白都好啦！

英俊的小兒

ss1008
我都有想過，不過我個仔仲係果度讀緊，如果直接同學校講好似唔係咁好囉，而且聽聞果個先生幾有地位架。
多謝晒你的意見，我會再考慮下

VenusB

Any comments about 救世軍荔枝角幼兒園? Any mom who send your child to study at this nursery can share your experience?

Also, is it possible to pick up our child at noon time once in a while since I think whole-day staying at the nursery is a bit too long for my child.

Thanks!

VenusB


   

英俊的小兒

venusB
荔枝角的幼兒園幾好架，聽講係新校舍，我估教學法間間都係一樣