一呂現家長 / potential 家長會

claudiaho

各位早晨!

我又歸隊了! 前陣子放完幾日聖誕假, 玩得好開心之餘, 先至發覺原本阿女有o甘多功課未做, 於是立刻按Schedule叫佢加工, 而家仲有份journel未做

放完假要返工, 又做到死吓死吓! 公司會係07年同另外一間公司合併 , 所以呢兩個禮拜做到天天昏地暗, 又剛剛有很多新case要做, 唔好話上bk, 9點前可以走都算偷笑!!!

尋日終於清哂d野, 今日難得可以有一日係屋企 (因為要銷假), 可以同阿女溫吓書, 我睇一睇考試範圍, 嘩, 原本都幾多,睇嚟今日都只係可以溫中文而已! 你地又點呀? 應該比我好d嘛?

為咗唔比呀仔打擾,  我今朝騙佢話我要返工, 點知都比佢識穿我同阿女躲在書房內溫習, 唉, 冇符!

Julia
歡迎你!

JuliaCheng

Claudia
Thank you

小學功課溫習真係忙好多

Homama2004

我都歸隊了!! 放完假回來都係不停手地清嘢!清了兩日都係時間休息下....   

alice,多謝您的時事update呀! 我盡快整理完給你們.

Julia,歡迎你....我對保姆車的服務好有保留.記得大囡讀一年級時都係乘保姆車,當時講明要接埋沙呂那邊小朋友所以會遲半小時,我都接受....但後來係3點05分放學要到4點半才回到家,而最不能接受係要車轉車三次,好容易"執漏"個喎!!!結果係工人同佢哋坐的士回家,計上來更化算.保姆車收我700@,兩位就1,400單程,的士一程約45-50,計過一個月返學日子最多都係20天. 如住深井就真是很遠,因呂小還有很多課外活動,會浪費很多出入交通時間,低年級還可以,到高年級多功課便很沒有時間....所以提議你如可能都係搬到沙田區好

candytl

ALICE,

妳同女女溫書溫成點呀...>>>話就兩日留係屋企温書, 但正式同佢坐低温書兩日加埋最多得3個鐘, 温唔够半個鐘就話累.    到今日仲有學校功課未做完.

candytl

Julia,

小學功課溫習真係忙好多 >>>>講得啱, P1-P2還好啲, 到P3以上, 好明顯功課多咗.

claudiaho,

公司會係07年同另外一間公司合併>>>>宜加經濟旺, 你做過行應不會似我公司咁因合併而裁員. 我哋深圳office裁咗一半人.   

homama,

交咗表未, 唔該pm話我知你嘅選擇丫.  

JuliaCheng

Homama
1小時25分鐘??!!請問你當時住邊??

要轉車三次??真係唔可以接受喎

Candy
我要好好享受埋呢兩年囉

alicetong

Homama,
我都想知妳們最後決定選擇了那兩間中學...?? 麻煩妳pm埋我呀？

假期同兩位女女溫書進度如何呀...??
我同candy情況差不多..〝温唔够半個鐘就話累〞,Candy的女女還好...妳知我個仔架啦..

    

alicetong

Candy,homama,claudiaho
我溫習情況如下..聖經,常識(已熟讀)+作業總算溫晒..擔心佢d字默完又唔記得..??
今日溫左3個unit 英文worksheet,今晚繼續睇埋classroom
worksheet..跟左writing postcard
數學每日比佢做少少咁, 中文考默同詞語開始要同佢默0拿,課文問題已背了...
總之好似做極唔完咁...
    
返學0個4日一定好多小測驗當同佢地溫書架0拿？今年一定要反映考,測都要星期四,五..一,二....比我地working mother同仔女透下都好呀？   

alicetong

Homama,
請教妳...
考試考星期一,二,三,四,有無咩溫習Tips...
點分配溫習時間係最好呢？星期六日,一定溫中文,聖經,英文...


另外時事題又要勞煩妳0拿...??但搞唔清楚..天星碼頭唔係尖沙咀0個個咩？

謝謝妳呀...

Homama2004

天星碼頭唔係尖沙咀0個個咩
>> 唔係! 係皇后碼頭旁的天星碼頭搬去IFC前面<據我所知係咁

考試考星期一,二,三,四,有無咩溫習Tips...
點分配溫習時間係最好呢？星期六日,一定溫中文,聖經,英文...
>>真係沒甚麼心得...而在假期內溫晒常識+聖經(希望佢哋在一個星期後仍會記得啦),當然在1月1日那天要再默多次書,因一返學就考默,每日"看"兩三篇中英閱讀理解....星期六溫英文,星期日溫中文+聖經,到星期一放學便重溫英文....

交表....第一會選聖羅撒,第二選擇仍在考慮當中   ,因1月27號才是deadline,我會找個星期六去交表,交完表再話比你們聽....

妹妹就收到婆婆的$200聖誕利是,那天去海洋公園都話不買公仔,買了哈仔英文版第五集,現在已看了一半,我昨晚拿來看看,第一頁我已有十數個字唔識,估佢都會唔識哇!便問佢這字點解,那個字點解,居然佢估中一半的解釋,而咁多字唔識都可以睇到咁準準有味,真係"世外高人"....佢昨天在作句(滑稽),居然用英文問我小丑表演circus的中文係甚麼喎!死囉...中文退步....真係顧得一樣顧不到另一樣   

claudiaho

返學0個4日一定好多小測驗當同佢地溫書架0拿？今年一定要反映考,測都要星期四,五..一,二....比我地working mother同仔女透下都好呀？
>>係呀, 我而家都唔知點同佢溫, 理想嘅係今個星期溫中,英文同聖經, 下星期溫數和常識, 哈! 真係妙想天開呀.......

到現時為止, 我都只係同阿女溫咗生字 (中及英) , 做咗dd練習, 而家迫僅佢溫聖經(佢仲係唔係好想溫個隻, 一路溫, 一路打呵欠個種, 死未?) 其他嘅就 .......好!要努力, 要加油, 但係我聽晚又約咗朋友(外國番嚟)去打邊爐.....

唔係! 係皇后碼頭旁的天星碼頭搬去IFC前面<據我所知係咁
>>全對, 由我公司望落去, 得番塊爛地!!

claudiaho

宜加經濟旺, 你做過行應不會似我公司咁因合併而裁員. 我哋深圳office裁咗一半人.
>>都唔係ga, 合併後都唔知什麼環境, 據我所知, 合併後係冇重疊嘅office site, 不過點都係有D uncertainty.

claudiaho

交完表再話比你們聽....
>>我都想知喎!

那天去海洋公園
>>好唔好玩呀? 有冇落雪呀?

而咁多字唔識都可以睇到咁準準有味,真係"世外高人"....
>>我地讀書時, 老師都係o甘主張我地估估吓, 唔洗要個個字都識, 你囡囡果然厲害... 當然, 呢本哈仔果然有佢嘅吸引力......

alicetong

Homama,
明白了...〝係皇后碼頭旁的天星碼頭搬去IFC前面〞

〝第一會選聖羅撒,第二選擇仍在考慮當中〞,原來27號先係deadline..希望妳女女能surewin心儀0既中學啦！




我相信妳兩個女女一定係超級書迷..最難得佢肯主動睇英文書,仲估到一半添...求知慾最緊要,有時迫都迫唔到架？知識就係一點一滴慮積回來的...


〝每日"看"兩三篇中英閱讀理解....星期六溫英文,星期日溫中文+聖經,到星期一放學便重溫英文....〞

多謝妳的分享...


〝

英文妳除左睇閱讀理解做習作外...其實worksheet需要熟讀和記生字嗎？另外classroom worksheet要溫習嗎？仲有
grammar添..因為上次考試考worksheet所出的內容都不是太多咁...

alicetong

claudiaho ,

有感覺好似未透完就又要考試咁...哈哈！

《而家迫僅佢溫聖經(佢仲係唔係好想溫個隻, 一路溫, 一路打呵欠個種, 死未?) 》

我個仔就更加...
一話break,即刻去搵daddy捉番盤象棋,去到百佳都唔同我入去揀野食,係門口睇阿伯捉棋...

或者溫書時去飲水,廁所唔在講...仲話拖延時間喎？

本應家姐叫我入去食飯(聖誕餐)..拖住兩個又要搭車...老遠都唔想去了...

〝但係我聽晚又約咗朋友(外國番嚟)去打邊爐.....〞無辦法啦盛情難卻...溫完書大家都要透下架....


大家都要努力...加油呀？         

candytl

homama,

原來未交表, 我見有家長講月底交表, 以為係12月底添.  
真真羨慕你有咁好學&咁肯睇英文書的囡囡啊! 早排我聽見我囡講你細囡提早攞咗"閱讀金獎", 恭喜晒 !   

佢仲係唔係好想溫個隻, 一路溫, 一路打呵欠個種, 死未?) >>>>>哈哈, 我囡都差不多, 一路温,一路打關倒, 做踢腿, 我就一路喊"過來坐低, 過來坐低........."

一話break,即刻去搵daddy捉番盤象棋,去到百佳都唔同我入去揀野食,係門口睇阿伯捉棋.>>>>>男仔即是男仔, 好正常丫.   

Homama2004

Alice
一話break,即刻去搵daddy捉番盤象棋,去到百佳都唔同我入去揀野食,係門口睇阿伯捉棋...
>> 係好事來喎!!"捉棋"好訓練思維,細囡就很喜歡捉,但佢媽媽+家姐都很不濟事,所以佢只好在學校或等爹哋才有對手. 所以你仔仔的"數"不會差得去邊,你放心好了.....

Candy
早排我聽見我囡講你細囡提早攞咗"閱讀金獎
>>係好似我大囡入了閱讀金獎頭十名有份文具拿回家,細囡唔記得交所以無份.

海洋公園>>最喜歡那水母館,猶其"海天使",真是奇妙至止的生物,可以咁似天使仔.....    可能係聖誕正日,啲人平安夜玩到好夜,所以早上時段去甚麼館不用排隊.啲囡囡玩得好開心   

而唯一失策便是不知那"愛斯基摩村"及"冰上表演"(咁上下名)要一早到集古村拿票,到去拿票時已經無票.我有個同事就叻(佢一向都係咁識爭取)同我同一日去又係拿不到票,便站著吵,結果職員帶佢哋到另一房間給了7點半的票給她.真係叻!!

今天又要回復一早起床的日子,現在係半瞓狀態地工作    這星期開始我們便是五天工作週,返工返
早15分鐘遲45分鐘放工.但今早啲同事都係9點未見人          

Homama2004

佢哋一返學第一堂就中默考試…家姐&妹妹剛報告: 兩個考默都100呀!!!    
家姐那班得佢一位100(奇蹟!!因昨天默書都有6/7個錯字...) 而妹妹那班係34/35位都拿100!! <<這就是精英班同不是精英班的分別

據我哋知家姐&妹妹都有幾個同學(實際可能更多)在這個假期要朝10晚10咁去補習,我都覺得好恐怖!!!!   因家姐有英文科drama要夾,但結果約唔到同學綵排,這個要去補那個要去補;而妹妹亦是要傾project,結果係晚上10點半才能同到同學在電話用三人會議傾,所以佢兩個才認識到其他同學比佢哋"慘"好多,就同我講都已很滿意佢哋在這個假期可以去玩下    <都幾感動佢哋識想...不是日日閂門溫書.五六年級的成績又真係好關鍵...又難怪家長們咁緊張...希望不會否嚇親你哋...

各位因仍開不到yahoo mail,請各位自行將先前的常識題update,不便之處.....請諒!!

candytl

claudiaho,

頭先我女同我講學校P3每班選一位上次數學科測驗得第一名的同學去參加校外比賽, 仲話你囡囡有份, 恭喜晒   

homama,

家姐&妹妹剛報告: 兩個考默都100呀>>>恭喜恭喜!!    我見你咁講, 立刻打去問我女, 問佢幾時考, 佢話今日考咗啦, c囉, 我完全冇聽佢講過, 潯晚亦冇同佢温, 係早幾日溫課文時同佢溫過, 今次真係冇眼睇囉, 希望不會俾騖赫我.

這個假期要朝10晚10咁去補習>>>>>我鄧小朋友慘, 希望我女以后不會咁.  :cry:

Homama2004

claudiaho,恭喜晒呀!     比多啲培訓佢不要浪費呀!!

Candy,希望不會俾騖赫我.>>一定不會,放心放心.上星期六囡囡要回校綵排銀禧音樂劇,見到妹妹中文老師好好人咁提我哋.

放假同朋友吃飯時傾計,其中一位BB差不多兩歲,太太剛又懷孕,佢話現在有一新訓練infant數學的方法"點數閃咭",我真係out囉!只係聽過中文閃咭....我同事話佢曾用閃咭同仔仔玩,個仔仔就會立刻"閃"開,笑死我   ....但我們的小朋友最小都接近6歲,過了訓練年齡了...現在的父母比我們那年代更忙