好擔心...醫生話BB發展遲緩~~

JOANNA722

hoho1105
我諗這是個短暫期, 偶爾有這情況在所難免, 我個仔9月, 10月初期入學一有唔鐘意, 就抓人, 老師同我日日都受傷, 真係手脫皮見紅果隻, 有一次晚飯時間佢又來, 後來佢抓一下, 我打一下, 打到佢隻手都紅晒, 佢大喊一路x脾氣一路抓返我, 當時打完既內疚但好嬲, 一邊食飯一邊喊, 真係唔知點教, 而家大d明多左野, 就好好多, 佢地d野成日唔同, 見招拆招.

hinhinmummy

hoho

雖然軒軒不會甘樣, 但有個醫生曾經教過我, 如果佢發睥氣, 你預備一張冷靜dun比佢, set定一個位, 佢每次發脾氣, 你毫係後邊攬住佢, 叫佢坐係張dun到, 直至佢claim down為止, 我聽過好多人都係用呢種方法, 我相信恆而久之, 一定會得的, 只差時間問題.

各位

軒軒呢排退步晒, 不肯講野, mug都講紅蘿白, 要飲奶又紅蘿白, 要開燈, 又紅蘿白, 搵我又叫daddy, 但係佢分得開, 我係媽媽, daddy係daddy.

前日佢daddy返黎, 佢主動攬住daddy鍚, 還叫daddy, 開心到老公c.

點知尋日, 佢主動錫我(還要用咀咀鍚), 我好開心, 跟住叫軒軒鍚daddy, 點知佢只係用塊面親親daddy, 甘我叫軒軒用咀咀錫, 點知個衰仔講........不得 吹到佢daddy b一聲.

hoho1105

mrsphcheung:
我英文程度是有限公司,如誤會妳意思,請見諒.我試過唔理佢,由得佢發脾氣&在旁扮唔嬲講吓d有趣嘢,分散佢注意力.分散注意力,有時得.唔理佢,佢會撞頭埋牆/門/櫃 :cry: 我時過,堅持唔理,扮睇唔到,佢愈撞愈大力,仿似要我聽到咁.結果變了壽星公.姑娘叫我唔可以比佢咁喎,話佢性格遇強愈強.姑娘教我嘅方法法就似 hinhinmummy 的方法.


hinhinmummy :
我之前試過妳嘅方法,唔同之處就係要佢企係一處地方,但佢傷害自已之後,我唔敢,所以無用,但我會試吓妳個方法,妳嘅方法嘅好處,唔係氹唔係鬧又唔會比機會佢傷害自已.試過後話妳知.
妳講紅蘿白事件,我仔e排都係呀,好多嘢都叫巴士過.佢仿佛世界只有巴士存在咁.我想偷走佢d車唔比佢玩咁多,醫生話唔好,叫我留一兩架比佢,驚佢發癲.

joanna722:
妳講得好啱,佢真係一輪輪,時好時壞,發覺佢係無中間位,好極端.好似言語方面,一直擔心,但早排至e家都不斷進步,但特然又乜鬼都叫巴士 發覺自已都有d心理唔平均(講笑咋.......)

稚言治語

其實無論小朋友出現任何不受歡迎的舉動，也千萬不要用打來"對付"他﹗無錯，你打他可能會收即時之效。但長遠來說，會有以下影響：

1. 孩子會以為，只要我對其他人不滿，便可以郁手打人。因為媽媽不滿意我，也是打我的﹗
2. 雖然打會痛一陣，但感覺很快過去。久而久之，孩子會學懂被打其實沒有什麼大不了，不會再怕。
3. 因為是被動地停止了該等行為，而不是自己學懂了。所以下次同樣情況，還是會再犯。
4. 這是最重要的﹗就是會影響親子關係，試問誰會願意和一個會打自己的人相處呢？

要減低孩子的壞行為，其實過程涉及很多步驟。簡單來說，可以試試這樣：

1. 先分析這個壞行為，反覆觀察、仔細研究發生的過程。找出有什麼事件誘發這個行為、孩子這樣做之後會有什麼事發生。有時候，孩子還會因為想逃避訓練而發脾氣。根據觀察結果，對症下藥。
2. 在孩子乖的時候，多作讚賞。要讚得準確，例如："眼仔有望住媽咪，好叻喎﹗"等，而不是簡單一句"叻"、"乖"就算。因為能夠讓孩子知道哪些行為是被期許的這一點很重要，可以幫助他們知道下次應該如何表現。如果孩子乖的時間愈來愈多，相對曳的時間便會減少。

JOANNA722 寫道:
有一次晚飯時間佢又來, 後來佢抓一下, 我打一下, 打到佢隻手都紅晒, 佢大喊一路x脾氣一路抓返我, 當時打完既內疚但好嬲, 一邊食飯一邊喊, 真係唔知點教.

稚言治語

能夠做到堅持，媽媽真的很厲害﹗

你也可以試試一邊由他哭鬧，一邊找一些他平時很喜歡的玩具/食物等自己享用，可以誇張地表現出很滿足的神態。記著，不要"聊"他/叫他，最好連望也不要望他，讓他自己發現有好東西，"死死地"走過來。如果他過來搶，便要馬上收起，千萬不要給他啊﹗

mrsphcheung 寫道:
Dear hoho1105,
My boy, will be five by the end of March, also have temper tantrums at home.  He can cry for two hours.  My strategy is to leave him alone.  Never touch him, talk to him, give him any food or drink, ....  When he is exhausted, he will calm down.  If they are firm, we must be firmer than them.  If they are stubborn, we must be more stubborn than them.  Must insist.  

mamee

對於小朋友發脾氣, 我覺得..第一樣, 就係我地唔好失控. 打呢, 好似無乜用, 又怕佢學埋打人呢樣野. 同埋打完佢, 我自己就會極度情緒低落=失多過得.

我都係俾時間大家冷靜下.
我口頭上會話: 你喊啦, 媽咪唔怕你喊, 喊係無用. 之後扮唔覺係旁邊睇實佢, 如果見佢好似有啲意思收聲, 我會俾張紙巾佢, 叫佢擦眼淚, 之後講幾句對白完場=發脾氣唔啱亦無用, 你頭先咁xxx, 媽咪好會傷心. 總之, 見好就收. 俾佢喊得太耐, 我怕佢根本唔記得左發生乜事, 事後亦講唔番道理.

仔仔2歲幾時, 我都覺得好痛苦, 可以話直情唔想出街. 大過仔d, 情況會好d.

mamee

ps 想講既說話, 其實同稚言治語差不多. 不過佢專業d囉

稚言治語

mamee,

你的方法也不錯啊﹗

有一點請留意，有部分小朋友，特別是能力比較低、有自閉症的小朋友，對語言的刺激反應過激。即是說，你愈用說話勸愈他，他會愈哭得厲害。有時靜靜地讓他哭過飽也不失為一個方法。

其實，每個小朋友都是很獨特的。適用的方法也很不一樣，沒有一種可以"通行全國"。大家可以依當時的情況、參考過往的經驗作決定。大前提是：不要打他們﹗

陸美爸

完全同意...

我都曾經試過用"打手扳"呢個方法, 初時好有效, 但點知令佢學識打人, 仲要係打臉, 卒之後黎反而仲要花左好長好長時間去改正佢打人行為......所以以後都唔敢打lu!

評估中心姑娘曾教過, 當小朋友發脾氣時, 最好辨法係唔理佢, 真係要做到望都唔望(姑娘教呢個係重點), 等佢冷靜後再講道理, 開頭幾次佢地可能真係會堅持(喊)好耐, 但只要你比佢更堅持(唔理佢), 漸漸地就會減少發脾氣, 因為知道發黎無用。

同埋平時小發惡鬧都好架, 當佢地真係好曳時, 只要大聲小小佢就會驚/唔敢架喇!!!

陸美媽

mrsphcheung

"你也可以試試一邊由他哭鬧，一邊找一些他平時很喜歡的玩具/食物等自己享用，可以誇張地表現出很滿足的神態。記著，不要"聊"他/叫他，最好連望也不要望他，讓他自己發現有好東西，"死死地"走過來。如果他過來搶，便要馬上收起，千萬不要給他啊"

Very good advice.  My child is fond of eating.  He can be bribed by food very easily.

hinhinmummy

不知係不係出水荳果幾日, 軒軒倦到不講野, 覺得佢退步左, 尋晚返到屋企, 佢好精神, 又覺得佢進步左.

佢依家開始看書, 還看返去番禺的相, 指住daddy叫daddy, 想去ve ve就企係potty前邊, 雖然未識開口講ve ve, 但就有intention去potty度.

還有兩日就放監lor

陸美爸

聽日老師約我地傾亞仔情況...好擔心......老師會唔會有咩特別野想講?!

襯爸爸不在家, 同亞仔放學返黎, 一齊食雪糕, 我兩啖佢一啖, 佢開心到每食完一啖就鍚我咀一啖......盒雪糕咩味都唔記得lu, 只覺得好甜...好甜......

hinhinmummy :
軒軒皮膚好返晒未？通常小朋友病完都好似叻d架, 可況出水痘咁大件事, 一定大有進步啦...

陸美媽

JOANNA722

hinhinmummy
之前你話軒軒退步, 我估佢都係因有病, 所以咩....而家不用太担心啦!  佢d水荳結痂了嗎?  我個仔近日又咳又流鼻水, 咳到隻狗感呀!  慘!!!  今日去做o.t.佢又係好似陸美媽感話, 病完通常會叻d, 係就好嗱!!!   我想問你, 開左封既魚油要存係雪櫃嗎?  你有無雪住佢?

我個仔近星期肯食返菜, 唔知係咪我晚晚keep住同佢按牙肉有關(我個o.t.教), 經幾個月後, 佢真係接受多左d生果.蔬菜.    

hinhinmummy

joanna, 陸美媽

如果真係病一次就進步d, 甘就好law.

尋日返到屋企, 工人話軒軒肯鍚佢, 還'啜'一聲.

以前叫佢鍚人, 佢通常會拿塊面親親你塊面, 最近多左用咀鍚, 依家有時配埋音, 有啜一聲.  尋晚我媽媽打比我, 我叫佢軒軒'叫麻麻'(我們不興叫婆婆, 叫麻麻的), 佢初初玩我媽媽, 叫'姨媽', 跟住都肯叫麻麻, 我叫佢鍚錫, 佢又'啜啜'.

佢的想象力開始叻叻啦.

跟住我叫佢係疊相度, 搵麻麻張相比我看, 佢都揭到比我

joanna

d魚油我無雪呀! 但我初時拿出黎放係個藥盒度, 但原來不得架, 個轂會軟的, 所以我都係放埋係個藥櫃度law.

kakab105

hinhinmummy

3月尾果幾日紅色你會上去大陸嘛？

hinhinmummy

kakab

你想上去呀? 好多人架bor?

岩岩先落黎, 未必會上.

kakab105

hinhinmummy

99 叫我地上~~咋~~  都考慮緊!! hinhin好番晒未呀？我亞仔都發燒~~2日冇番學喇! 呢d天氣真衰~~

hinhinmummy

軒軒如果計第一日出水荳的日子, 今日就係第10日, 但醫生寫紙比佢放到明天.  今個月未返過學, 甘就交左一個月學費

我如果上去, 我會拿多幾日假, 因為不想返黎的時侯同人迫過關.

我新年上去, 以為初五d人已經返晒香港啦, 點知食街都係搵不到位食飯, 你話幾多人啦.

早知新年約埋你上去啦, 一齊放煙花

kakab105

hinhinmummy

暑假啦~~我估都會上去架啦~~

hinhinmummy

kakab

暑假好鬼c熱架!

kakab105

hinhinmummy

yes啦  尋年 仲去左日間動物園 成物濕晒~~