仁立紀念小學家長區 (2)

黃巴士

原帖由 kswiss 於 08-10-2 13:13 發表
係喎!咩唔夠90分要罰?我冇聽聞既!係唔係班班都一樣架?

囝囝E班無話<90分要罰喎!! 只係欠交功課至要罰小息.

黃巴士

csy_ma

原帖由 kswiss 於 08-10-2 13:13 發表
係喎!咩唔夠90分要罰?我冇聽聞既!係唔係班班都一樣架?

kswiss :

我諗呢個係老師出既口術，靠嚇而已。問題係有d小朋友會當真。不過亦有家長安慰我，經過了一次，謊言拆穿後，小朋友就唔會咁驚了。

嘩！妳個囡做功課真係好快！今早，老公發現阿囡數學功課漏了做幾題，全家一齊睇住佢做，佢都要做15分鐘 ，都幾擔心佢第日考試答唔切題目。

所以我話，個制度會做成惡性循環：叻果d，做功課唔駛花好多時間，致有空可以閱讀和用腦（玩遊戲肯定用腦過抄書），結果愈黎愈叻。唔叻果d，做完功課已經好疲累，再唔瞓，咪盞第日冇精神聽書，造成惡性循環。到咗高年級，唔係識背默課文就搞掂測考之時，就會愈窮愈見鬼。

因為對住成千上萬既學生，都係得幾道板斧，咁唔適合既，就只能自我淘汰。做沉默既大多數，通常就最慘既

csy_ma

黃巴士：

如果老師真係唔到90分就罰個學生，會好危險 （無論對學生，家長定老師本身，都係）。極端d講，假如家長因此而興訴，我諗贏面就好大。好彩，呢個可能性好低

究竟，分數高係唔係就等於知識多？點解家長要求小朋友要分數高？因為小朋友其實介意遜於人？咁，即係話小朋友既自信係建基於分數？咁都幾危險，又極端d講，咁發展落去，會令到小朋友追求名利，認為有錢就有自信，愈有錢就愈叻過人。

每個小朋友既智能發展階段都不同，似乎不應把量尺放在最高標準上。不過，都好多謝您既安慰

wp-bn

如果眞係定位在90分以上, 我就覺得高咗啲. 其實分數我會用來睇囝囝的進/退步, 分數低了, 代表佢有點跟唔上, 我就會檢討下溫習方法, 有邊樹佢唔明白咁law. 無法啦! 我成日都掛在口邊, 同佢講, 想讀大學, 就要由e家開始努力, 學識同知識就係我哋自已最大的才富, 對佢張來生活會有一定的保障, 唔通好似媽咪咁, 打份牛工

原帖由 csy_ma 於 08-10-2 14:18 發表
黃巴士：

如果老師真係唔到90分就罰個學生，會好危險 （無論對學生，家長定老師本身，都係）。極端d講，假如家長因此而興訴，我諗贏面就好大。好彩，呢個可能性好低

究竟，分數高係唔係就等於知識多？點解家長要求小朋 ...

wp-bn

對我哋來講, 有排都未得, 我隻仔比較懶散, 唔推唔溫, 一有機會就偷雞, 就算set好唔比開電視/玩玩具/打機, 佢做完功課, 情原睇課外書或上太空慢遊下, 都唔會自動one書的

原帖由 kswiss 於 08-10-2 14:55 發表
你地認為小朋友幾大個可以放手俾佢自己溫習,預備默書,test, exam?即係完全唔幫佢溫.

其實,而家默書,你地放唔放心佢自己溫,自己唔幫佢默呢?

lucy

kswiss,

你女做功課真係好快wor!  
我女就任我如何催促, 都係慢慢來, 我急佢唔急, 唉, 俾佢激死!

原帖由 kswiss 於 08-10-2 13:09 發表
csy_ma,

真係好欣賞你既坦誠,好鍾意同你傾計.
見到你將你地家既生活毫無保留同我地分享,實在難得.
你講得好啱,小朋友真係好忙,你唔講,我都冇留意到.
通常,我6點多就回到家,都要求佢完成功課,佢地班都有8-9樣,佢大約 ...

黃巴士

原帖由 kswiss 於 08-10-2 14:55 發表
你地認為小朋友幾大個可以放手俾佢自己溫習,預備默書,test, exam?即係完全唔幫佢溫.

其實,而家默書,你地放唔放心佢自己溫,自己唔幫佢默呢?

都唔肯唸佢會自覺. 好似尋日專登唔同佢溫英默, 點知佢真係唔理, 到20:30抵唔住頸( 因為9:15前要瞓) 同佢溫&預默!!!

唔覺唔覺今月尾已經要測驗!! 好似咁快咁!!

今日默英默課外題, 囝囝有5題句字, 佢話唔多識!! 等派返默書望吓係米深左先???

黃巴士

JOY_JOY

原帖由 somimi 於 08-10-1 23:31 發表


joy,
你仔是高年班嗎 ?
以往高年班是老師推選的, 而且是foc的.

我仔仔今日小四 我都有聽過係老師推薦
但我仔仔話 係抽籤架
所以先令到 我仔仔唔開心囉

JOY_JOY

我仔仔今年小四la
我都知以前係老師推薦
但今日講明 係抽籤 如果係抽籤不是每個
小朋友都有機會嗎???
但點解只有A,B班d同學入晒
C,D,E 就一都入唔到

如果一早講真係老師推薦 就不用小朋友去報名la
今次令到好多小朋友 都好唔開心
同俾小朋友覺得學校好唔公平囉

黃巴士

原帖由 csy_ma 於 08-10-2 14:18 發表
黃巴士：

如果老師真係唔到90分就罰個學生，會好危險 （無論對學生，家長定老師本身，都係）。極端d講，假如家長因此而興訴，我諗贏面就好大。好彩，呢個可能性好低

究竟，分數高係唔係就等於知識多？點解家長要求小朋 ...

我又無唸到咁, 只係覺得良性競爭, 唔會演變成"惡性循環"掛???

囝囝全班尋日太嘈,  老師罰佢地抄書!!!:;pppp:
囝囝話抄到手軟!!
我問做麥咁嘈, 佢話大家傾計囉, 我問佢傾麥?? 佢話好多話題嫁!!!! 我同佢講再唔守秩序, 再罰多D添呀!!!


***下星期無中&英默書!!!****

黃巴士

csy_ma

JOY_JOY：

原來係高年級家長

不大清楚為什麼老師所講的，會跟通告白紙黑字寫明的，在字義上有這樣大的分別。我想，您似乎應該跟負責老師溝通一下，了解當中是否有誤會。

我想，誤會最大的源頭，是要搞清奧數班是否是參賽預備隊，若果是，則公平原則似不適用於代表學校的校隊。

csy_ma

原帖由 黃巴士 於 08-10-3 10:42 發表

***下星期無中&英默書!!!****

咁正？真係 ，不過，都只係延長作戰吧了。我擒日同阿囡講要開始串下次英默既生字，佢就睜大眼，話下課都未教 。就係未教，先至要溫定先。或者，咁就係而家香港教育既特色？
（家陣做家長如我般，真係有幾大怨氣。啱啱有朋友來電想講感情問題，開場白順便問囡囡近況，我就一輪嘴訴咗十幾廿分鐘苦，搞到佢幾乎搵唔到空檔講正題）。

補充情況：囡囡班既老師最後放寬罰則，話80分以下至要罰。罰既形式可能好多家長都好鍾意：小息時去老師度默書，唔係重默係預默，默到90分以上為止。

我想起有位家長同我講，佢小三時曾被一位老師罰，日日要留堂做完功課至走，所以果陣時好憎果個罰佢既老師。後來升咗上小四，自己就好似開咗竅咗，各科成績都突飛猛進。所以後來諗返起，都好多謝當時日日罰佢留堂既老師。因為老師罰小朋友留堂，咪即係罰自己留堂 。

記得舊年響呢度分享過，我囡果班不會唸乘數表的，要罰小息到教員室背給老師聽。亦有其他班的老師，轉堂時請班長帶領唸乘數表。反而引來其他班的家長有意見：點解佢地班冇既？

所以話，老師從嚴，似乎係更具苦心，不過我始終比較傾向多讚賞代替多懲罰的方法，可惜的是，在時鐘的嗒的嗒地響的壓力下，呢種傾向，連我自己都做唔到

另外澄清：原來唔係所有80分以下都要罰。係某日被班長摘名的＂曳"學生，暫且不罰，以保留"將功贖罪＂的機會。不過，據聞該成績標青，但未必能服眾既班長，做事唔係幾公平，亦唔係好能夠以身作則，當日被摘名的，有成半班，皆非佢平日的粉絲云云。可能是物以類聚，跟我囡一起玩的女孩子，提起該班長，皆有恨意……

在此，我想再提一下囡囡小一二級班主任的班長選舉制度。我最近也在某鼓吹民主、被評為公眾空間示範單位的內地網站中，曾提過這個創意教育法（可惜因為樓主的言論敏感，當日還有讀者提起近廿年前某事件的親身經歷，結果該文沒幾天就被＂和諧＂了，連帶我那小小的讀者跟帖都被刪去了 ），因此，想再分享這個讓學生由實際生活中體驗民主的小手法：

由第二次班長遴選開始，每班四位班長中，由老師選兩位，同學選兩位。

所有同學，均有被選舉權，因此不用提名人，直接用人名表選。其中，剛任滿的四位班長，沒有連任權。

結果顯示，原來小一二的學生已會崇拜權威，他們民選出來的班長，不是曾任班長，就是成績頂級的，不會冒然找出個沒有＂記錄＂的。
因此，老師為了平衡，委任班長的人選，很少有重覆的，通常都會盡量給機會予未做過，而想承擔責任的小朋友。

聞說，其他班的班長不單沒有民選制，且老師來來去去，都是委任那幾個，那就不由得更感恩，感謝上主安排一位充滿智慧和理念的班主任，讓囡囡安然過渡艱難的小一適應期。

囡囡轉上高小，面臨另一個適應期（得多謝教局朝令夕改的制度，在號稱"求學不是求分數＂的同時，又插全港小學一刀），以這個月觀察，她班的老師均"全力以赴＂ 。但希望在聚焦如何誘使小朋友學得更多（／得分更多）之餘，大人們都別忘了原本：學習的意義和本質是什麼。

csy_ma

笑話一則：一個小孩的奮鬥故事


一個十歲的小學生發現五年級的數學實在是他這一生中最難的功課。凡家教、同學、CD教學片、教科書，但都沒用。

最後父母決定把孩子轉進私立小學，不是普通的私立小學，而是一所天主教學校。

開學的第一天來臨了，小傢伙開始向著偉大的陌生世界冒險。

那天放學回來後，他走過父母親面前，逕自回房把門關起來。

辛苦工作了兩個小時，出來吃個飯就又直接回到樓上，認真的做功課直到就寢。

這樣的模式一天繼續一天，直到第一次發成績單。

那天，這孩子走進家門，把信封丟在餐桌上，就逕自回房做功課。

他父母親打開成績單，讓他們驚奇的是數學成績居然是A。

他們欣喜萬分地衝上兒子的房間，為他的進步激 動不已。

「是那些修女嗎？」爸爸問。

「不是。」兒子回答。

「是課前的禱告嗎？」媽媽問。

「不是。」
「是教科書、老師、還是課程安排？」爸爸問。

「不，不是。」

「喔！那麼，是什麼原因呢？」媽媽問。




「進學校的第一天， 我看見一個人被釘在加號上面，我知道..............他們是玩真的。」



摘自：http://www.hkej.com/template/forum/php/forum_details.php?blog_posts_id=3390

YYJC

尋日睇到阿女嘅中文詞語簿, 有個、字寫多左一劃, 老師睇唔到, 照剔。我有D唔知點算好, 擔心佢一直錯落去

csy_ma

原帖由 kswiss 於 08-10-3 12:40 發表
csy_ma,

你講個班既班長,係你地班還是其他班?

我講既係我囡果班既

您咁問，難道您阿囡果班既班長亦係唔係幾受歡迎？

csy_ma

原來，報名參加今屆校際音樂節，已於昨日辦理手續。今天我囡冇時間準備，佢自己決定唔參加，所以我都差D唔記得。

各位miss咗唔記得報名既學童家長，記住周一叫小朋友搵音樂老師問，據去年既經驗，應該仲有少少時間俾您地補報既。

另外，今年既網上練習唔係每日一篇，而係中英文都響同一個網既：Book Works書唔兇http://202.64.76.133/index.asp?id=b5，有中文同英文網上在線閱讀，有遊戲玩，要儲能量養大寵物等，都ok好玩。各位家長不妨趁假期同小朋友玩吓。