升中點滴一二

永謙媽咪

redkoni：
想請教以下中學排位：
基孝中學
梁季彝中學
寧波公學
寧波第二中學
聖約瑟英文中學

傳聞寧波公學及寧波第二中學，入大學率較以上第一及第二兩間高是否屬實？

阿仔第一次呈分試因為無時間溫習完全失手，中(75)，英(82)，數(79)，常(84)，全級107/204，第二次雖然稍好，也拉不到去Band 1 尾成績，只是中(71)，英(86)，數(87)，常(83)。請問有何建議，我可以如何選擇？

chaimum

redkoni

想再請教你覺得九龍華仁同聖言中學如何? 2間比較哪間較好?

另小兒是油尖旺小學band 1 中，無特異功能，只參加過數學某些公開賽，如自行港華是否無咩希望?

redkoni

永謙媽咪 發表於 12-12-20 08:14
redkoni：
想請教以下中學排位：
基孝中學
梁季彝中學
寧波公學
寧波第二中學
聖約瑟英文中學

傳聞寧波公學及寧波第二中學，入大學率較以上第一及第二兩間高是否屬實？

阿仔第一次呈分試因為無時間溫習完全失手，中(75)，英(82)，數(79)，常(84)，全級107/204，第二次雖然稍好，也拉不到去Band 1 尾成績，只是中(71)，英(86)，數(87)，常(83)。請問有何建議，我可以如何選擇？

由於這些學校過往所公布的公開試成績資料並不足夠，所以很難作全面比較，如果以成績表現為主，個人簡單地選擇會是：
聖約瑟英文中學
寧波公學
梁季彝中學
寧波第二中學/基孝中學

聖約瑟英文中學今年文憑試有位3科5**+2科5*，都幾威水，囝囝雖然是Band1無望，但英文科佔優，不妨考慮以聖約瑟英文中學為目標，自行作為首選，至於自行次選，如果 寧波公學/梁季彝中學 收囝囝你都滿足的話，便可以揀一間來報名，如果唔制便索性自行報一間算喇，留返去乙部大抽獎時再抽聖約瑟，咁嘅策略你認為點？今年那些以收Band2學生為主的中學，考文憑試能夠有2x%入讀學士學位課程我認為巳經算達標，有3x%算高水準，明年整體應該會高返啲，2012單一屆的雙學年成績唔能夠全面反映以後的單學年嘛。

redkoni

chaimum 發表於 12-12-20 15:54
想再請教你覺得九龍華仁同聖言中學如何? 2間比較哪間較好?

另小兒是油尖旺小學band 1 中，無特異功能，只參加過數學某些公開賽，如自行港華是否無咩希望?

哈哈，好的學校唔會一朝變差，唔好的學校亦唔會一朝變好，我覺得九華及聖言都好，睇你追求乜嘢啦。目前聖言的氣勢強勁，Band1中的學生自行成功的機會甚低。以資助的男校計，Top Band1學生的目標不外乎皇仁、喇沙，甚至St. Joseph's、英皇，聖言等，自行港華應該以介乎Band1a - Band1b的學生居多，所以Band1中的學生並非無咩希望。

永謙媽咪

redkoni：

謝謝你的回覆，其實阿囝唔太想選英中(雖然他英文較好)，我亦不堅持，不想因為要記又串一大堆terms 影響佢對理解一個學科的興趣(例如，生物或化學，通識)，我知道聖約瑟有英文班及普通班，其分別只是數學科是否以英文教授，個人經驗英數影響反而不大，但其他科就怕影響佢理解同學習，也不想影響佢對學英文科的興趣(最少不害怕)。

chaimum

redkoni,

謝謝你每次都不厭其煩地解答
我開始有d頭緒點了
再一次謝謝你

baba3506

終於輪到要做決定的時候了，希望樓主及家長們給與意見：

小兒第一次呈分3A1B(數學)，第二次呈分試4A，兩次平均分全級排名11，級學生約127人，前48名為Band 1學生。多年來操行A，曾獲校際英詩獨誦季軍，校際羽毛球團體殿軍，現為少年中樂團成員，中樂四級考級優秀。

荃灣小學，居住葵涌，心儀荃官及林護，考慮林護，放棄荃官，因荃官打咗5%折扣，加上DSE好，前十名學生大有人在，競爭激烈，無信心。

林護，也是信心不大，以搏嘅心態，希望面試突圍，另一原因是希望樂器方面在同等水平能有些小優勢。

第二選擇為沙崇，因也有中樂團，開5班(51名額)，校方無叩門位，放榜後以自行waiting list填上，有機會後補。

荃官及林護為Band 1A，沙崇為Band 1B；荃官去年收生近600人，入八大約75%，林護約500人，入八大也與荃官相約，而沙崇過600人，入八大約64%，都是競爭激烈。

請教各位，小兒能否穩穩鎮鎮地入到其中一間？因唔想靠大抽獎，更因今年叩門艱難，唔想去到嗰步。希望有類似成功的家長給與意見，有否排十多名而能入此兩間，以便去馬，感謝！

redkoni

永謙媽咪 發表於 12-12-21 11:10
redkoni：

謝謝你的回覆，其實阿囝唔太想選英中(雖然他英文較好)，我亦不堅持，不想因為要記又串一大堆terms 影響佢對理解一個學科的興趣(例如，生物或化學，通識)，我知道聖約瑟有英文班及普通班，其分別只是數學科是否以英文教授，個人經驗英數影響反而不大，但其他科就怕影響佢理解同學習，也不想影響佢對學英文科的興趣(最少不害怕)。

我自己以前讀書對理解某些學科例如化學、生物、數學等等，你叫我用中文學就暈得，由其是化學，好似之前的膠粒襲港事件，果啲膠粒polypropylene原來中文叫聚丙烯，我覺得比英文更難記，其實用英文或中文學習只是習慣問題，應該不會像洪水猛獸般影響小朋友對學科的興趣吧。當然，習慣是因人而異，成效各自不同，不過如果擔心小朋友的學習壓力是源自小朋友能善用自己的強項，似乎有點不合邏輯，哈哈。唔好介意，多口講兩句啫。

redkoni

queeniekwang 發表於 12-12-21 09:11
redkoni：

請指教. 小兒 讀荃灣區官小,往年頭50-60名Band 1,  考得全級57名 ,  當係BAND 2頭,

成績: 中,常 A / 數 B / 英C , 居住葵青區,  加上小兒想讀少英文教授科目的中學......

有感荃灣區band1,2學校競爭大.......


1) 遠D選聯繫中學, 何文田官立中學 , 統一時, 有2-3個位, 自行時是否照選?

    (博D人因遠不選)    是否博得過?   何文田官立中學, BAND 幾?  校風好嗎?

    或荃灣網選回他區:學位小的葵青 伍若愉 或 顧超文 .... 本區:多人選荃灣李城壁 ?


2) 統一時, 如轉網葵青區係他區學校, 有深水埗 ( 匯基書院) 有2 個位, 是否博得過?

   本區選回葵青 伍若愉 或 顧超文, 但不知Banding會否下跌,


請比些意見.

九龍城校網的Band1學生近年有很高的議價能力，何官巳經較難收到該校網的Band1學生，但其實九龍城校網的Band2頭學生，水平不會差過某些校網的Band1尾，所以即使何官收較多的Band2學生，今年文憑試入讀學位課程率也只是稍差於九龍城的兩間超級Band2女校，不算失禮。如果以囝囝現時的Banding，自行何官都有機會，到統一派位時，如果留守荃灣校網，假設自行失手，統一派位乙部選何官，邊緣人衰極都有Band2卦，不過便要同兩間荃官小的Band2生自己人爭約3個位，非保留位就唔使諗啦，荃灣校網B1生都未必夠派，到時便要小心選擇第二志願，不過有時唔到你唔信，邊緣人是可以估錯Band，如果升咗上Band1阿囝就sure win派何官，你可能又以為只是好彩Band2抽中，哈哈。好喇，如果過葵青校網，統一派位當然就算係Band2生都有較多選擇和把握，伍若瑜都幾好呀，點解會諗匯基書院嘅，好鍾意? 跨唔跨網的兩個方案有辣有唔辣，都係決定咗自行果兩間先啦。

redkoni

baba3506 發表於 12-12-21 21:19
終於輪到要做決定的時候了，希望樓主及家長們給與意見：

小兒第一次呈分3A1B(數學)，第二次呈分試4A，兩次平均分全級排名11，級學生約127人，前48名為Band 1學生。多年來操行A，曾獲校際英詩獨誦季軍，校際羽毛球團體殿軍，現為少年中樂團成員，中樂四級考級優秀。

荃灣小學，居住葵涌，心儀荃官及林護，考慮林護，放棄荃官，因荃官打咗5%折扣，加上DSE好，前十名學生大有人在，競爭激烈，無信心。

林護，也是信心不大，以搏嘅心態，希望面試突圍，另一原因是希望樂器方面在同等水平能有些小優勢。

第二選擇為沙崇，因也有中樂團，開5班(51名額)，校方無叩門位，放榜後以自行waiting list填上，有機會後補。

荃官及林護為Band 1A，沙崇為Band 1B；荃官去年收生近600人，入八大約75%，林護約500人，入八大也與荃官相約，而沙崇過600人，入八大約64%，都是競爭激烈。

請教各位，小兒能否穩穩鎮鎮地入到其中一間？因唔想靠大抽獎，更因今年叩門艱難，唔想去到嗰步。希望有類似成功的家長給與意見，有否排十多名而能入此兩間，以便去馬，感謝！

見你寫得咁詳細，我也不得不細心看完一遍，恕怪直言，我覺得家長既然有備而來，囝囝成績及活動表現也能夠配合，自行林護、沙崇，就算不能證實有類似排十多名而成功的例子，你都應該係咁試啦，自行收生階段個個都係咁樣競爭，聽講林護自行都不一定收頭十名，又聽過較鍾意收外區人添，唔諗得咁多啦，至於沙崇，沙田仲有很多勁人去爭浸呂及曾肇添，600人爭沙崇同600位「勁人」爭沙崇有分別嘛，數字係死嘅，俾心機去考咪總好，自行去考呢啲受叻學生歡迎的熱門學校，從來都無人敢說穩穩陣陣，能夠真係穩穩陣陣的我相信又一定不會是你杯茶，哈哈。加油及祝你們好運！

redkoni

queeniekwang 發表於 12-12-22 21:20
自行(1) 我們決定選何文田官立中學

                                                                       我心意         仔仔心意
自行(2) "小兒想讀少英文教授科目的中學" <伍若愉> 或 < 顧超文 >.
              怎好呢?  

囝囝都幾醒噃，伍若瑜成績好過顧超文，而顧超文又好大機會收佢，如果多勞多得這個定律係無錯的話，即是囝囝會讀得輕鬆啲，唉！你話怎好呢？睇你啦...

redkoni

redkoni 發表於 12-12-11 16:33
暫時巳上載的文憑試等更新資料如下：

此頁是 71頁  #1414


承接 70頁  #1391 ...

何文田官立中學                 51頁  #1016
九龍真光中學                 51頁  #1019
香港華仁書院              45頁  #893
皇仁書院                      45頁  #883
張祝珊英文中學            46頁  #901
何東中學                      45頁  #881
香港鄧鏡波書院           44頁  #880
香港真光中學                45頁  #892
循道中學                                   49頁  #962
中華基督教會銘基書院               48頁  #953
聖芳濟書院                                 49頁  #967
嘉諾撒聖瑪利書院                      49頁  #968
德雅中學                                           50頁  #996
寶血會上智英文書院                           50頁  #985
香港四邑商工總會黃棣珊紀念中學     50頁  #984
佛教大雄中學                                     49頁  #974
中華傳道會劉永生中學                      46頁  #905
東華三院李潤田紀念中學                 47頁  #929
陳瑞祺(喇沙)書院                            51頁  #1009
何明華會督銀禧中學                          51頁  #1006

基督教女青年會丘佐榮中學              51頁  #1015
鄧鏡波學校                                      51頁  #1014
嘉諾撒聖家書院                           51頁  #1015
喇沙書院                                     51頁  #1020
迦密中學                                         51頁  #1007
華英中學                                               51頁  #1017
旅港開平商會中學                           51頁  #1013
東華三院黃笏南中學                       51頁  #1016
保良局第一張永慶中學                    54頁  #1062
聖母書院                                        53頁  #1059
保良局何蔭棠中學                          54頁  #1061
聖文德書院                                    54頁  #1066
德愛中學                                     54頁  #1068
中華基督教會協和書院                 53頁  #1045
佛教孔仙洲紀念中學                53頁  #1044
彩虹邨天主教英文中學                53頁  #1049
文理書院（九龍）                     53頁  #1050
觀塘瑪利諾書院                        55頁  #1087
梁式芝書院                            55頁  #1088
寧波公學                                 55頁  #1091

redkoni

...

kcimum

redkoni 發表於 12-12-25 01:43
...

GJHW

小兒於西貢就讀,  第一次呈分為B1b, 第二次B1b-c, 轉區觀塘Banding會否跌, 應選那些中學較好?

Rubytuesday

小兒（  天水圍區小學）五下同六上的呈分試平均分為73分，全級40至50名，操行A+，老師説他是B2尾，若他肯努力可望升上B2頭。現自行選校有以下排列，希望比比意見！謝謝！
A.  羅桂祥 + 鄧佩瓊\ 基朗。 B.  羅桂祥 + 裘錦秋
C. 鄧佩瓊 + 天水圍官立

redkoni

redkoni 發表於 11-12-31 05:14
...
如果命運能選擇  十字街口你我踏出的每步無用困惑
如果活著能坦白  舊日所相信價值今天發現還未老
如果命運能演習  現實中不致接納一生每步殘酷抉擇
留守過去的想法  我會否好像這樣生於世上無目的鞭撻

年少無知......年復一年，搵學校仍是有天與地之別。
http://www.youtube.com/watch?v=unINTaKAE3E