請問有冇小朋友學過公文式既媽咪可以分享一下? (Part 2)

十月媽咪

我原則上都同意佢地既睇法!

不過我又會諗, 而家D小朋友好精的, 若然你一開波已經係五張五張咁畀佢做 (但其實你發覺佢係有能力做10張兼而家初初開頭, D野真係淺...例如英文只係跟住認讀, 數學只係數下點點, 中文又係跟住認讀), 日後佢再大D, 你覺得佢小肌肉發展得唔錯, 想加紙畀佢果陣, 佢未必會好順攤咁同你做10張的, 佢地會話: 下? 明明之前做五張架, 點解D野深左, 又多野寫左, 反而要做10張呀? 有朋友仔既媽咪就同我反映過呢個問題, 問我點算? 最後唯有由老師出馬, 又讚又"乙水"咁, 令小朋友樂意去做 (FOR乖巧聽話型); 亦都有朋友仔最後因為由少紙改為加紙, 搞到破壞晒親子關係, 鬧女鬧到飛起, 而決定QUIT的! (FOR主見型小朋友, 真人真事, 當時大家一齊報, 佢女細我女4個月, 但係屬於勁有主見既小朋友, 仲要當時只係做數學一科, 見阿媽每日要佢做10張, 佢就玩佢阿媽幾粒鐘都做唔完, EVEN之後改到5張, 都係咁樣, 激到佢媽嘔電, 唯有QUIT)

小朋友好聰明的, 隨住佢地長大, 佢地會知道個分別, 同埋一路做上去, 由低學年至平學年至超學年, 功課既張數只會越做越減少, 唔會越做越多的, 因為根本應付唔到呀, 如果而家一開始只係做五張, 將來真真正正要寫字果陣, 咁做幾多張呀? 繼續KEEP住做5張? 抑或改3張? 2張? 相信好快你就會計一計條數, 發覺要完成一個LEVEL, 要花幾個月時間, 即係要幾千蚊....你就會發覺好貴的了! (我就識一個小朋友, 大我女半年, 當時大家又係同期報讀, 一個數學4A, 足足讀左9個月都升唔到班, 而4A我地當年係要學識數&寫1-220, 小朋友無學習障礙, 但係屬於滋陰型, 樣樣野都慢, 寫字用龜速, 佢媽計一計條數, 4500蚊學數1-220, 貴到頂唔順, QUIT左)

我既做法係.....(又要重提往事, 希望睇過既家長唔好見怪)

我女都係三歲幾開始公文, 第一科係讀公文數, 出發點係5A連線....初頭係每日10張 (簡單果D), 之後(印象中)去到5A150果陣, 太多線要連喇, 真係頂唔順, 改為5張5張(但就同佢講明, 升左4A之後, 就大個女, 手仔"口力"左, 可以做番10張一日架喇), 升到4A之後, 改番10張 (當時4歲都未夠, 仲係畀我點紅點綠, 同埋我女算係聽話型, 老師畀乜佢做, 佢就做).....又到升左3A之後, 響佢通左+1, +2, +3等等概念之後, 10張已經滿足唔到佢既需求....所以3A既+2之後, 佢自己要求加到20張一日 (需時10-15分鐘完成)....如是者, 去到超學年, 就一路減紙....由20張, 減番10張, 再減到5張, 然後433433, 再減至而家323232....今時今日, 佢已經唔再係畀我點紅點綠了, 你想佢做多少少都難呢!

英文(EFL)由於開頭三個LEVEL只係認讀, 而好多單字其實響我女三歲前我都教晒佢架喇, 當時做入學評估, 老師都坦言只係其中幾個字阿女唔識, 不過見佢咁細, 亦都建議由最低LEVEL做起, OK....無問題, 一開波已經係每日20張, 兩星期已經升一個LEVEL, 1.5個月已經完成7A至5A呢三個LEVEL....然後由4A開始要描字, 又減番10張一日....到升左小一, 改到555555! 唻緊星期四會做評估, 順利的話, 就會升LEVEL J的了, 阿女已經要求...升到LEVEL J之後, 希望我同老師提出再減紙至433433呢!

不過咁....不得不提既係, 我本身係全職C9, 每日係可以FIX左阿女既公文做功課時間, 同埋我跟佢D野係跟得好足的, 唔明唔通唔識既野, 我係可以第一時間發現, 然後第一時間糾正的, 加上佢小時候真係好聽話 (雖則而家都只係六歲半), 教乜佢都受的, 所以真係多多都啃得落, 同埋真係無勞氣的! 所以唔好以我女做標準, 你要視乎番你同你囡囡既情況, 唻決定係咪有需要加番紙!

至於新鮮感呢樣野....唉....我就覺得....無論你一開始係做10張定係做5張,  初頭做就梗係好有新鮮感的, 但當個小朋友重複得三次...甚至乎四次果陣, 乜鬼新鮮感都無啦, 同意嗎?

我個女既新鮮感係來自每個LEVEL升班後, 見到&學到既新野....對於一個有能力&有要求既小朋友, 同一個LEVEL停留得太耐 & 重複得太多, 係會無晒新鮮感的, 同埋會埋怨點解咁耐都未升得班架! 所以我成日都覺得, 新鮮感唔在於每日做幾多張紙, 而係在於升班後....一升班, 佢就會新鮮感&滿足感齊齊來! (不過又咁, 我女係咁唧, 唔代表個個小朋友都係....有D小朋友係一開始做公文就好有新鮮感....過後...發覺D野越唻越難, 越唻越唔想做, 父母又唔得閒理, 淨係叫工人姐姐睇住少爺小姐做, 結果都係一樣.....QUIT了)

話時話, 你女而家至三歲幾, 係咪唻緊九月至升K1呀?

你囡囡既情況, 我同意小豆媽所講, 數學START FROM 4A100 (其實我覺得三歲半都未夠, 個STARTING POINT唔應該響4A的, 因為手部小肌肉仲未發展得完善, 做4A我覺得會幾吃力, 除非你女未夠三歲, 你已經TRAIN佢寫字, 否則三歲四個月唔會寫太多字吧) 係應該KEEP住每日5張, 雖然只係寫下數字, 但佢地手仔都會好攰的, 呢科唔好加畀佢住, 除非你見佢真係做5張做得好輕鬆, 同阿女商量後, 再加都未遲!

但英文ERP呢....如果囡囡認讀能力有番咁上下, 而你又覺得佢PICKUP生字都快的話, 係可以同老師講加紙的, 由於只係聽&認&讀, 只要小朋友肯聽, &聽完肯讀番畀你聽, 咁就OK了! 同埋呢...你女只係三歲鬆D, 你唔好要求佢邊聽邊跟隻CD讀啊, 聽果陣就專心聽, 聽完至讀畀你聽都唔遲啊! 仲有仲有....有D小朋友響認讀呢幾個LEVEL入面, 會出現認圖唔認字既情況架, 所以如果你真係想MAKE SURE佢真係認得果個字, 你要搵野蓋住幅圖, 淨係畀個字佢睇, 佢真係認到個字&話到畀你聽果個字點解喇, 咁至收貨啊! (果陣我都係咁TRAIN我女架)

以上只係個人經驗, 只作參考, 畢竟公文係按每個小朋友既能力而決定畀幾多功課個小朋友, 千萬唔好COPY我既做法啊! 但家長亦有權按小朋友既能力&在家做功課既情況, 同老師商量加紙或減紙呢!

原帖由 cs1673 於 10-5-15 21:10 發表
其實我係見亞囡有能力先諗住俾佢做 10張, 3A 先轉返5張.  不過你都講得岩, 可能係"新鮮感", 所以佢做得冇壓力, 好開心.... 耐左可能會嚇怕佢........到時唔肯做仲慘!!

好彩有你地一班有經驗既媽咪分享心得, THX!!! ...

[ 本帖最後由 十月媽咪 於 10-5-16 09:27 編輯 ]

cs1673

感激感激!!

[ 本帖最後由 cs1673 於 10-5-20 01:23 編輯 ]

Yau_Cheung

Thank you.

原帖由 小豆媽 於 10-5-13 22:36 發表

唔係好多, KUMON 323232, E.NOPI係CTM/BTM各一本.

數....我係覺得E.NOPI好過KUMON的, 因為有CTM, 而且教的step 係清楚過kumon.
不過我家小姐又鐘意KUMON個老師, 佢肯+想學, 咪比佢學埋law, 攪唔惦再cut. ...

Yau_Cheung

"唔好諗要幾快幾多.
幼稚園生, train 佢日日都要有d野做, 循序漸進.
到小學希望佢可以自學自習, 挑戰自己, 不怕辛苦." - Well said !!

原帖由 小豆媽 於 10-5-15 17:50 發表

你個女得3歲幾, 每日5張, 梗係唔少0拉.
初初學, 如果一日10張, 佢過左個"新鮮感"期, 會覺得workload多, 怕左, 仲死.
4A maths 係要寫字的, 其實小朋友咁細個(3歲), 係"唔應該"執筆寫字的, 只係畫線條就ok了. ERP暫 ...

Yau_Cheung

hi Ten,

Welcome back !!  Where have you been?

原帖由 十月媽咪 於 10-5-16 09:10 發表
我原則上都同意佢地既睇法!

不過我又會諗, 而家D小朋友好精的, 若然你一開波已經係五張五張咁畀佢做 (但其實你發覺佢係有能力做10張兼而家初初開頭, D野真係淺...例如英文只係跟住認讀, 數學只係數下點點, 中文又係 ...

[ 本帖最後由 Yau_Cheung 於 10-5-16 21:40 編輯 ]

leelee5354

testing
testing

[ 本帖最後由 leelee5354 於 10-5-17 19:26 編輯 ]

SumSumBB

原帖由 leelee5354 於 10-5-17 18:52 發表
testing
testing

leelee5354....很想念5354！

十月媽咪

Yau_Cheung,

我最近接左份PT唻做, 返十一點放三點, 每朝返工前要做晒屋企野, 之後去返工, 放左工就湊女放學, 睇功課, 煮飯, 陪練琴....VERY BUSY啊!

原帖由 Yau_Cheung 於 10-5-16 21:39 發表
hi Ten,

Welcome back !!  Where have you been?

Yau_Cheung

嘩！同我既生活有得揮！ 不過我返工返全日，但唔駛煮飯 &平日唔做屋企嘢 。

你返11:00 to 15:00 真係幾好，小朋友除上學外，就有媽咪培&教。

原帖由 十月媽咪 於 10-5-17 23:00 發表
Yau_Cheung,

我最近接左份PT唻做, 返十一點放三點, 每朝返工前要做晒屋企野, 之後去返工, 放左工就湊女放學, 睇功課, 煮飯, 陪練琴....VERY BUSY啊!

[ 本帖最後由 Yau_Cheung 於 10-5-18 13:32 編輯 ]

Yau_Cheung

唔知佢囡囡有冇再轉校 & 跳班呢？

原帖由 SumSumBB 於 10-5-17 22:23 發表


leelee5354....很想念5354！

pkt

想請教各位讀EFL既家長, 而家我囡囡讀緊phonics那part, 大家會否要求小朋友識填晒所有拚音的字母呢? (我只唔好俾佢睇返之前的頁數), 因為我發覺她好似唔係好掌握當中的竅門, 佢成日要翻去前一版睇下要填什麼. 咁係未代表佢未識呢?
例如而家學緊”er” & “ar”. 當寫wat__ __,時, 我會問佢應該係填”er” or “ar”, 佢會無信心答我/會亂撞. 請問大家會如何處理呢? 我驚未佢未掌握到就過關, 咁未等如唔識??

小豆媽

原帖由 十月媽咪 於 10-5-17 23:00 發表
Yau_Cheung,

我最近接左份PT唻做, 返十一點放三點, 每朝返工前要做晒屋企野, 之後去返工, 放左工就湊女放學, 睇功課, 煮飯, 陪練琴....VERY BUSY啊!

好充實的一天.
我地呢d"雙職"mami, 真係冇做家務好耐la.

小豆媽

唉 ! bobo 終於比老師投訴佢聽CD時發夢.  我都預左有呢一日, BOBO的專注力真係幾差0下.

Yau_Cheung

hi 小豆媽,

聽 CD 時發夢又唔代表佢無聽，有冇了解過 bobo 明唔明白課文內容？& 佢發夢時做緊乜？(e.g. 玩文具？玩手指？擔天望地?)

我小朋友都係 : CD 一路讀，佢雙眼有時望咗去下一、兩行 or 下一、兩頁，呢個情況經常會係聽第2次 or 第3次 CD 時出現 (我覺得佢因為已熟識課文，知道故事內容)，但佢聽完 CD 後做 worksheet 又 ok，問佢又發現佢理解到課文，我亦覺得ok。Have a nice day!

原帖由 小豆媽 於 10-5-18 23:05 發表
唉 ! bobo 終於比老師投訴佢聽CD時發夢.  我都預左有呢一日, BOBO的專注力真係幾差0下.

[ 本帖最後由 Yau_Cheung 於 10-5-20 13:24 編輯 ]

kkll

我囡囡已經讀咗kumon約2年, 尋日突然收到老師電話話約我下星期見面講下囡囡的學習情況. 我囡囡讀咗咁耐老師未試約我見面, 有冇讀緊的媽咪有試過咁情況呢? 我怕係囡囡有咩問題, 老師先要見我.

小豆媽

原帖由 Yau_Cheung 於 10-5-20 13:23 發表
hi 小豆媽,

聽 CD 時發夢又唔代表佢無聽，有冇了解過 bobo 明唔明白課文內容？& 佢發夢時做緊乜？(e.g. 玩文具？玩手指？擔天望地?)

我小朋友都係 : CD 一路讀，佢雙眼有時望咗去下一、兩行 or 下一、兩頁，呢個情況經常會係聽第 ...

我諗佢係周圍望. 同埋係唔明.
ERP 真係都幾深.
7A沉日係讀 The girl eats ice-cream happily....... 等等
我d女全部都係本地KG的中文人, ERP可能真係唔識合.  
如果跟唔到太深, 要轉番EFL, 我諗"我"會冇咁辛苦.

Yau_Cheung

我哋都係"地道"香港人。其實多閱讀英文課外書，與公文英 ERP 可相輔相。

"local kinder 讀 EFL，IS kinder 讀 ERP" - 其實我唔同意咁死板去劃分，因為 ERP 主要係閱讀理解，local school 都有唔少閱讀理解強既學生，佢哋都應該應付到 ERP；不過選 EFL升班就會快啲 (當然亦要視乎 starting level)，滿足感亦會大啲。

其實囝囝宜家做緊 CI ，對佢黎講都有難度，唔係 language 既難度，而係 concept 上，因為BII & CI 已經有好多 science, geography, social studies, history 等元素，唔係淨係當故事書咁睇，所以我嗰 centre in charge 一早都同我講公文英係唔易。一齊努力！

原帖由 小豆媽 於 10-5-20 14:11 發表

我諗佢係周圍望. 同埋係唔明.
ERP 真係都幾深.
7A沉日係讀 The girl eats ice-cream happily....... 等等
我d女全部都係本地KG的中文人, ERP可能真係唔識合.  
如果跟唔到太深, 要轉番EFL, 我諗"我"會冇咁辛苦. ...

小豆媽

原帖由 Yau_Cheung 於 10-5-20 16:26 發表
我哋都係"地道"香港人。其實多閱讀英文課外書，與公文英 ERP 可相輔相。

"local kinder 讀 EFL，IS kinder 讀 ERP" - 其實我唔同意咁死板去劃分，因為 ERP 主要係閱讀理解，local school 都有唔少閱讀理解強既學生，佢哋都 ...

Yau_Cheung
我諗我呢條"特長"的kumon真係唔易行.
穎穎, bobo, 仲有細佬, 3個的學習能力同style 都可能唔同 (at least穎穎同bobo已經係好唔同), 穎穎係EFL, bobo能力好d, 我試0下比佢學ERP.
如果我3個都在同一centre咁讀上去, 唔知會唔會有個discount呢

十月媽咪

姓名	年級	性別	中	英	數
natnatma	K1	女	5A	4A	6A
Kenzo	K1	男		ERP 7A
小豆媽	K1	女		ERP 7A	5A
pkt	K2	女		EFL 3A	2A
hiellen	K2	男		7A	2A
easonkinki	K2	男		7A	3A
wacha	K3	女	4A	ERP 4A	3A
sumsumbb	K3	男	AI	ERP AII	B
Princesshk2	K3	女	4A	ERP 3A	2A
raycarbb	K3	男		ERP AI	A
Lingchuling	K3	男	5A		2A
小豆媽	P.1	女	AII
nataliemama	P.1	女			2A
十月媽咪	P.1	女	CI	EFL ( J )	E
Jasmine	P.1	女	3A
scarecrow	P.2	女		ERP BI
Yau_Cheung	Y.2(P.1)	男	AI	ERP CI
wasabb	P.2	男		EFL D	B
Ansonrubby	P.2	男		EFL J
迪迪洛洛媽	P.2	男	AI	ERP AII
迪迪洛洛媽	P.4	男	AII	ERP BI
Littlehipo	P.2	男	AII	ERP BII	E
Heidi媽	P.3	男			G
wasabb	P.5	女		EFL F

好開心呀, 星期四果日, 阿女一TAKE過PASS英文科, 順利升LEVEL J 喇, 由今個LEVEL開始, 每10張工作紙就大約有由500-600個生字組成既文章, 全部都係閱讀理解, 透過閱讀呢D文章, 重溫之前學過既GRAMMER, 阿女, 加油呀!

另外, 老師畀晒三張超學年證書我地喇, 中文係6/779, 英文EFL係9/1258, 數學係22/2157.....中文同數學既名次都跌晒, 幸好英文有回升啊!

bb86

十月媽咪: