臻美小學家長

hinhinmom

hi all moms,

我仔仔本來於14/1 interview, but今日有位讀小朋友臻美幼稚園o既親戚同我講, 佢仔仔上星期派左d獎卷, 每張$50, 各小朋友派左成40張...

個親戚話d獎卷係黎幫小學籌款o既...... 個親戚本來都諗住比個仔直上同校小學, 而且係佢推介我入呢間小學, but佢宜家對學校此舉有d反感, 搞到我都唔知點好......

大家應為呢???

其實直資學校有叫家長捐獻/籌募都唔出奇, 但係個親戚同我老公覺得而家個小朋友先k2, 已經要佢地幫小學籌款好似唔係o甘好......

以上o既係我個人意見, 希望唔影響大家, 請大家比d呢間學校o既意見啦~ thks~   

marcomama

Hi hinhinmom

可能當中有些誤會，不如我又講下，marco讀緊一年班，我收到的代用劵有一本共20張及一份通告。

根據通告內容，學校於1月14日舉行慈善籌款同樂日及團年夜宴，籌款的目的是購置潛能班器械及物資，作為發展用途。而夜宴的餐券每張是300元，當中200元是撥入上述籌款用途的。

當日除了夜宴外，下午的同樂日有學生學習攤位及遊戲攤位。而你上述提及的獎劵，其實是代用劵，它的用途是用來當天購買一些攤位內的物品及玩攤位遊戲的。

好同意你上述提及 “其實直資學校有叫家長捐獻/籌募都唔出奇”，但捐獻多少必需要量力而為。我認識的家長當中，有些全家總動員出席；有些當日未能出席，只作捐款；而我當天亦因事未能參與，只認購數張代用劵，讓marco可玩攤位遊戲。如果你親戚覺得好”hard feeling”的話，我就認為不要免強自己。

有位參加體操隊的同學報料，在1月初他們參加了一個體操比賽，並取得好好的成績。他們真是好努力好認真操練的，絕對不會浪費大家對他們的支持。

最後通告亦提及，於新春期間會組織學生到各社區中心擔任義工小天使派發揮春及糖果，現邀請家長踴躍捐贈獨立包裝的糖果、餅乾或適合老人家食用的物品。  "希望孩子們可以在過程中的，懂得活動的真意。"

hinhinmom以我的意見，你暫時不用擔心，可於1月14日面試完畢後留步，親身參與及體會後才作決定吧。

hinhinmom

marcomama,
多謝你回應我呀! 其實真係好需要你地家長o既回應, 如果我只係聽佢講, 我真係唔知個詳情呀!!     
我今朝都同左我親戚講, 如果佢覺得學校o甘做佢覺得難受的話, 我suggest佢同番d相熟老師講, 等佢知道你地家長有呢個睇法. right?!
其實我都會出席14/1 o既interview, 你仔仔係唔係當日interview?? 希望到時見到你啦!!   
我自己覺得臻美係新辨學, 新學校o既好處就係容易接納家長o既意見, right!!   

pcpl

hinhinmom,

其實臻美是一個大家庭，無論幼稚園、小學及中學都是一家，所以很多時也有聯校活動，籌款活動亦是同一道理。

至於學校派發的是代用劵而非獎劵，代用劵是於學校花市時用來購物或玩遊戲用。由於攤位遊戲及花市攤位是由全校各級學生負責，為免錢銀交收有混亂，所以才使用代用劵。家長可自由決定買不買及買多少張，學校並不會強迫家長的，你大可放心呀！

hinhinmom

pcpl,
thks~~

其實我之前都有問過呢間學校架, 不過無人回應我......   

宜家見到你同marcomama臻美媽咪o既回應, 我放心好多呀~~      你地亦解釋得好details~~     thks~~

marcomama

hinhinmom

不用客氣,我只是分享我所知

marco 今年一年班了, 不過1月14日早上我會帶他回校玩一陣.

hinhinmom

marcomama,
真係多謝你為我講左o甘多呀~~   

原來marco已經係一年班, 可否問一下佢學校生活愉快麻?? 我想同仔仔報直資, 就係想比佢愉快學習, 自己都試過香港o既填鴨式教育, 提起都有d驚.....

14/1我地就要去interview勒......唔知要prepare d乜呢?? 仔仔宜家先至足4歲, 佢都唔知發生緊o羊事~   

我11:30 am interview呀~~ 唔知撞唔撞到你呢~~   

EDWIN

各位家長,

有研究指出如小朋友看電視(我自己覺得是包括電影,vcd,dvd,錄影帶等)愈看得多, 就會有更大機會有"過度活躍"的症狀. 我想或許大家都聽過吧.

除了娛樂, 現在電視之類的教學媒體多的是, 並十分受歡迎, 學校, 教會(的主日學)...等很多時都會播碟播帶.

可能我有些杞人憂天, 真擔心即使不讓小朋友在家看電視等, 小朋友已落入高危一族!

不知大家有否統計一下小朋友在外看了多久電視等?

chrischeung

請問而家臻美學費連雜費(連食飯)几多錢一個月呀?課外活動有邊D呀?要吾要比錢呀?謝謝

hinhinmom

猪妹媽咪,
多謝你o既回應呀~~ 14/1 interview完, 阿仔都有去玩貴校o既同樂日呀~~    佢仲用coupon換左一架大跑車, 另一張都係換左2架車仔, 佢唔敢玩吹氣滑梯呀~~   

interview完之後, 感覺都幾好, 學校o既理念幾好之餘仲真係有實行~~     校長o既一番話我都仲記住, 本來我老公都係諗住去睇下, 點知佢都幾滿意呢間學校~~

臻美比我o既感覺好好, 同樂日當日我見有好多家長義工, 佢地都好close, 比我感覺好似大家庭o甘, 另外, d小學生都好主動o甘走黎同我仔仔"sell"車仔~~      

natalie_chan

其實臻美除了一班好校長、老師之外,還有一班很有愛心的工作人員,同樂日晚宴原定晚上九時完結,但工作人員見小朋友仍然繼續排隊玩吹氣滑梯,他們從storeroom 取出二個吹氣彈床及滑梯,重新吹氣,那時己是晚上八時了。而set up 了吹氣彈床及滑梯之後,他們仍然很有耐性照顧玩得興奮的小朋支。不要忘記時他們巳工作了十多小時。Very impressive!

Primary_Doggie

臻美的關懷社區行動在上星期的早上7時多就出動，5-6年級及中學生會派所有有心家長捐出的餅食，也會派揮春，這星期可能還會出動呢。對於在溫室成長的同學，真是一個好的社區經驗。
今年的同樂日更見進步。不但熱鬧，也有聲有色。看著孩子勇敢的嘗試踏出一步向在場的家長叫賣，接受著被人拒絕的經驗，也上了寶貴的一貨。

EDWIN

各位家長,

今天明報教育A14版有一篇介紹  香港兆基創意書院  的文章, 有興趣可以一看.  標題是

"名人出掌直資書院
培育學生創意藝術"

natalie_chan

Dear parents,

Do you have any idea whether the school will organize extra-curricular activities during the Easter Holiday?

Thanks & regards,

phoebeoiyan

natalie_chan

如可以，短線兩、三天旅行都好呀!近近地，幾百元唔好太貴，可以多d家長負擔得起嘛，一家幾口都幾係架!     

natalie_chan

phoebeoiyan 寫道:
natalie_chan

如可以，短線兩、三天旅行都好呀!近近地，幾百元唔好太貴，可以多d家長負擔得起嘛，一家幾口都幾係架!     

doris880

Dear all

請問各位可否提供中學部的意見, thanks.

Tommy

好興奮呀！忍唔住要出來講幾句。

今晚放工回家，孩子已經睡覺了，飯檯上放著一張圖畫，我以為又是一貫的繪畫創作，坐下來細心一看，畫中央有一間七彩的小屋，屋旁有兩株小樹，四周有很多著上不同顏色的彎彎曲曲的小路，路上又有一些分枝的小徑。

Oh!  My God!  原來是一幅精美的Mind Map，這是我就讀小一的細仔的功課，原來臻美已經開始教Mind Map。這張Mind Map做得很仔細，基本上完全勾劃出我家的主要地方和傢私電器，還有他喜愛的玩具，看著這幅Mind Map，我好感動，因為我兒做得很好。

非常感謝臻美上下各老師和職員，不斷提供富創意又有用的課程給我們的小朋友。坊間的Mind Map課程，一般都要數百元一小時，我們的孩子真有福呢！


    

Tommy

剛剛開完家長會回來，氣氛非常熱烈，家長坐滿了整個禮堂，會上校長宣佈了多項重大消息。

1.        臻美已經委任了香港教育學院前副校長彭敬慈博士擔任臻美高中學院的校長。這項委任宣佈獲得全場家長數次的熱烈鼓掌歡迎。
2.        臻美的高中校址已經落實，地點坐落於大埔區，臻美高中將會和「佛教慧遠中學」合併。
3.        來自黑龍江的普通話教師團隊終於獲入境處批准入境，下星期將會到任。
4.        校長宣佈將會整理核數師報告，並於日內向全體家長簡報學校的財政狀況。
5.        全場家長作了即場不記名全民投票，表達加學費的幅度。


Click Here 佛教慧遠中學