Hello, Dr.T speaking...

didima

thanks Dr T

Dr.T

有關智能測驗...

不少人覺得現在的孩子比上一代聰明,於是便以為他們的智商(IQ)一定高...事實上六成多的人IQ是屬於90-109,要在測驗中得到130+的表現不是容易的事情.

有家長(雖然不太多)在接到孩子表現屬於平均範圍時,立即為在他們眼中十分聰明的子女得分不高找尋各種藉口開脫...亦有遇過有家長連報告也不要的情況(當然是已交費 )...多番強調總分不是最重要,反而是細分分佈更有啟示的作用...

多謝各位聽/看我發嚕囌 ... 因為昨日又遇到了一個這樣的家長...過往經驗這類家長通常都是男士,可能他們(我們?)比較自尊心重,很難接受自己的產品不如幻想中完美的現實... 但詳細評估的目的正正就是要找出強弱項從而因才施教,測試只是一個開始,並非終結.

但我只會為那個小朋友感到可惜,因為相信我在分析結果時所作的建議她爸爸一句也聽不入耳,只是不斷地強調測試有偏差,因為我是男人,我間房太細,地又硬(呢句我講嘅 )...唉...  :-|

gigi2

Dr. T.,

I understood and this kind of parent will be living in his white elephant castle forever!  

cy101

Dr. T,

你都要睇化D啦! 講真搵得你嘅都係得兩類家長,一. 就希望你幫到佢, 二.就要係你把口/專業 認同佢地d小朋友 係 資優. 你將人地d希望打破呀, 對佢地來說真是 由 up 去到 down!

你真係要小心應對,佢地鍾意姓賴都由佢,唔好賴你就得啦!

Dr.T

多謝大家嘅安慰...其實呢類家長都見唔少,不過唔知點解自己重未睇化啫

菩提本無樹,明鏡亦非臺,本來無一物,何處惹塵埃....善哉,善哉...

不過講開又講,而家都見多咗d不太著眼總分,小朋友表面亦無太明顯的學習強弱項,但只是真心想知道孩子能力的家長帶小朋友來做評估...都算自己努力有成果...啩

Karson媽

Dear Dr T;

你好!我的兒子今年4.5yrs

我發現他有以下問題：

1. 叫他圈數字12，他會圈21；而讀數字21，他會讀作壹十二

2. 認圖形--三角形，他會叫四方形

3. 參加唱遊班，動作跟不上同齡小朋友

4. 時常跳，如：在看電視時

5. 26個英文字未能認出

6. 時常撞到"上五寸下五寸"瘀晒腫晒，腳趾甲反晒， 都唔覺痛

7. 在3yrs時會將紅色和黃色混淆；而且他會叫黃色做檸檬色， 綠色做西瓜色.....

8.  在3yrs時認數字： 0--他叫蛋蛋零，1--雞毛掃壹....

他在Agyle street child assessment clinic 做了assessment. 認為符合4yrs的標準。
但每次家長日老師都會有負面的評語

就以上的問題，他似有感覺統合的問題嗎？

謝謝你 :

abcakk

Dr T:
唔使為呢D人激氣啦!係佢哋自己轉哂牛角尖啫.呢D父母可能末聽過"高IQ低EQ"既個案.如果小朋友IQ150但係激到你爆血管.可能到時佢哋寧原自己既出品係普通貨.
我絕對認同你既講法.了解自己小朋友既強弱項,再因材施教先至係最重要.   :  :  :
係度再多謝你一次.我之前都問過你意見,睇吓仔仔應該幾時做Test.唔知你有冇印象呢?睇咗你比我既資料及意見,已決定咗等佢5歲先做(仲有半年啫).最主要我想更清楚了解佢既特性,幫佢揀一間適合既小學.

Dr.T

我不是"感覺統合"的專家,不敢莽下結論,但我對於任何聲稱可以解釋及治療任何學習與情緒行為問題的理論及方法都頗有戒心...而且某些機構似乎近年來任何人去完都會有一個"感覺統合困難"的標籤 ,接著就是在他們那裡做治療...唔...

從個別範圍獨立來看小朋友確是(雖然是勉強)達到標準,但小朋友的發展是要整體考慮的...那可能就是老師會有投訴的原因.

建議如有可能的話讓其他專業人士再見一見小朋友罷.

Karson媽 寫道:
...他在Agyle street child assessment clinic 做了assessment. 認為符合4yrs的標準。但每次家長日老師都會有負面的評語...他似有感覺統合的問題嗎？

Dr.T

不用客氣. ..我看回你的原文,才留意到小朋友原來只是升K.2,那就更不用急著做評估啦...(例外的情況是有明顯的學習/發展問題需要解決).

abcakk 寫道:
...係度再多謝你一次.我之前都問過你意見,睇吓仔仔應該幾時做Test.唔知你有冇印象呢?睇咗你比我既資料及意見,已決定咗等佢5歲先做(仲有半年啫).最主要我想更清楚了解佢既特性,幫佢揀一間適合既小學.

Dr.T

由於剛過去幾個星期工作繁多,積壓了不少在"伯樂行動"承諾寫的轉介信未及完成...未來數天會努力還清這些債的,萬分不好意思

還有如果大家有有線(Cable TV)的話,九月七日開始逢星期三晚上九時我會在"我們都是父母"節目中即場答問題...又要獻世啦

12312

Dr.T:
請問是有線邊個"台"呀?

Dr.T

有線兒童台...七月開始佢地有個雜誌式節目比家長(晚上9點開始),由廖啟智同何秀蘭做主持.其實一直都有幫手答問題,不過之前係錄音同剩係出幅大頭相,星期三開始上埋去講...不過人人上鏡都會肥十磅...

12312 寫道:
請問是有線邊個"台"呀?

abcakk

     太好啦!我只係見過你張相,而家有機會睇清楚D.記得梳個靚頭化個靚妝,因為有一大班fans捧場(我係其中一個)!

cy101

Dr.T 寫道:
...還有如果大家有有線(Cable TV)的話,九月七日開始逢星期三晚上九時我會在"我們都是父母"節目中即場答問題...又要獻世啦

終於見到你la!  set 定個alarm clock 先!

didima

Dr T:
你講得無錯,當初做完test之後,見倒條curve拉到咁,頭都痕埋,之後就跟進了一連串的assessment,occup 同speech assessment
之後針對性同囝囝做左好多訓練,
眼睛追視,玩泥膠,用工具砌玩具,做手工,接波,拍波,找異同
仲有每晚睡前講故事,玩接龍,估物件,每人20min讀故事和上EQ Course
訓練過程係磨練,但 努力最終也是有回報的

他比前進步了很多

而在測試中取高分的部份,又真係一枝獨秀,他現在能自行砌倒一隻1/60 ,1/144既高達,自己睇圖,我覺得份報告令我知道囝囝強弱頂,高達本來係適合8歲以上玩,就係你份報告我地試下比佢玩,點知一試,我地就破產了 haha



  

不過我建議Dr T你可以做埋1條龍服務,分析之後,可徐即做埋訓練(到你合作伙伴的机構或單位),咁樣仲好

didima


thanks again

Dr.T

1. 有時"無知"是絕對幸福過知道但唔知點做 ... 所以可能某些機構果d剩係識講個分數,但唔會/識分析其中嘅強弱的"專家"就適合果一類家長...但事實上我唔會鼓勵只想知分數的家長為孩子安排智力測驗.

2. "一條龍"嘅私人服務好難維持...當然這是最理想嘅...好啦,等我中咗六合彩頭獎之後(仲要係最少一千萬果隻喎: )就即攪啦...但可能都唔捱得好耐,因為要養一班我呢d人係好昂貴嘅,所以你見通常私人機構內的"專家"通常都會是客串出現.

didima 寫道:
1...,當初做完test之後,見倒條curve拉到咁,頭都痕埋...訓練過程係磨練,但 努力最終也是有回報的...他比前進步了很多
2...過我建議Dr T你可以做埋1條龍服務,分析之後,可徐即做埋訓練(到你合作伙伴的机構或單位),咁樣仲好

Mei

Dr.T:
小女還有半個月就3歲, 剛剛開始返學三星期.昨日去湊佢放學, 老師同我講, 覺得佢學野好似比同齡的同班小朋友慢一些, 主要是認字方面.:cry:  :cry:

我就昨晚在家中寫了一個"大"字及一個"小"字, 跟住教佢, 再問返佢, 佢答到.十分鐘後, 唔記得, 又再教, 一分鐘後, 再問, ok! 十分鐘後,再問, 唔記得,又再教. 如是者, 成晚只教呢兩個字, 結果今朝再問, 又係唔識.

另外, 老師話佢發音d字都係咬唔正.

其實老師話我個女其他野都ok: 社交好好; 好長的歌仔教佢一次已經識唱, 好多日都會記得, 拍子好準;  顏色同形狀都分到; 聽指示都無問題. 所以老師話覺得佢唔係智力有問題, 但係就擔心佢會唔會有學習障礙/遲緩.

咁Dr.T我想問下:
1. 佢的情況是否需要做一些評估/測驗.  
2. 如果做可以點做, 做邊類同去邊度做?做你個伯樂行動又得唔得呢?
3. 如果評估出黎真係有學習障礙又可以做D咩呢?
4. 會唔會因為佢比起其他人遲返學(佢D同班同學兩歲就入學), 所以就慢人D, 遲D可以CATCH UP 到呢?洗唔洗再睇多一兩個月先呢?
5. 但係如果再睇多一兩個月會唔會又遲左先幫佢, 反而早做好D呢?

對不起, 問咁多問題, 希望你不要見怪!而家做人父母真係難!      

Dr.T

試吓將同一個字在不同情況出現,利用背景資料加強小朋友對文字符號的記憶...老實說要求一個未足三歲,只是返了三星期學的孩子去認字實在有點那過,而且還用到"學習障礙/遲緩"這些字眼

覺得無需如此快便轉介小朋友見各方專家,相對較遲入學都可能是目前表現的原因...建議最少睇一個學期,到時若果和其他孩子距離甚大,才作考慮.

一般情況下,我在"伯樂行動"中是不會為小朋友作評估的.

Mei 寫道:
...小女還有半個月就3歲, 剛剛開始返學三星期...老師話覺得佢唔係智力有問題, 但係就擔心佢會唔會有學習障礙/遲緩...

Mei

Dr.T:
多謝你呀!睇完你的回應, 我同我老公的心都定左好多!謝謝你呀!