沙田聖心k1-2007

CrystalMok

Hi all,
我終於夠秤,3個月了,希望精神,食野都好d啦,個肚係就係大左,磅數又係差唔多,阿仔呢排開始接受我有小B,會常常走來問我BB呢,然後摸下我個肚,好搞笑!
請問有無人知8月尾是否有幾日提早比K1返學?比佢地適應下?我本來request左9月第一個星期,想下想下都係擺埋8月尾,到時先再算!

maggie_tsui

Crystal,

早晨呀! 係 28/8 ~ 31/8, 4日都要陪呀!
其實可唔可以選擇唔陪呢? 因為亞囝有人陪反而仲衰 好似依家n1度, 最初返學無得陪, 佢都無喊, 但3月份時有次家長去觀課就慘啦, 全程痴到我實一實

預祝你生個肥肥白白既bb! 好羨慕你呀!!  

Namson

嘩!要陪4日呀!我請唔到咁多日假,叫工人陪得唔得呀?

WAIMAN

Namson,
我大囝依家係聖心讀緊k2(am), 我住火炭 要搭校車,佢通常7:15起身準備,上校車就8:00am (上課時間係8:30-11:30)^__^

Namson 寫道:
WAIMAN,

請問妳小朋友有冇搭校車,如果有的話要幾多點起身等校車. thanks!

WAIMAN

你已經買左啦:cry: 因為聖心運動鞋要買佢地學校自家出品(黃色+白色)

[quote]
joeszewai 寫道:
下, 唔係亞"fa"
阿臻而家pg 著校服, 我就諗著運動鞋一定中, 走去"江博士" 到買左2對, 預大少少, 唔係話唔啱洗呀o華.  

TPL

你地工作都好忙......晚上返到屋企仔女都訓覺嗎?....你地有冇係住職媽媽阿?.....大家覺得做全職媽媽好唔好呢?個女返學我想唔做野啦.....

Namson

TPL

我本身都非常忙碌,放工後還要上堂進修,雖然阿囝同我一齊住,但我返到屋企佢已經訓左覺.所以一星期得兩三日同到佢傾偈.

其實轉唔轉做全職我覺得好睇自己,有d媽咪好enjoy打理家頭細務,有d好似我咁如果叫我做不如請工人好過.

maggie_tsui

我都係在職媽咪, 但好彩 5 days work only. 所以我會爭取weekend 同佢相處既時間．
我無請工人，平時婆婆黎屋企幫我湊，婆婆除左幫我湊，仲會教，（因為佢退休前係幼兒中心做amah）,　所以ｄ教囝方法好update，我好放心比佢教。不過我有時都會內涵，好似今日一早行完佐敦永安，食過lunch,諗住再去九龍公園玩，行緊去公園之際，亞囝一手拖住我，一手拖住老公，然後話：我好開心呀！係果刻，我個心好甜，但又好內涵，因為我只可以係假期先可以同佢去公園玩 :cry: 　
但做全職媽咪，暫時真係有困難，最主要當然係經濟問題啦！所以唯有做好一個在職媽咪

joeszewai

Crystal, 3 Months啦, 開心到震啦, 到時您鑼o廿大個肚陪上學都幾辛苦, 又熱. 我都打算陪頭2天先, 攞half day, 無可能連續4日full唔返,  跟著咪又9更放工, 最驚到時要出差,  PAT, 您估到時4日陪足得唔得呀啦, 8-9月仲係旺到死.
Maggie, 唔洗羡慕crystal, 您咪”擰歪面, 整番件”, 訓足精神先.  您好好, 有一個可幫到您的人帶孩子, 您日日又見到.  您唔洗內疚, 親子時間係講質素, 唔係齋睇長短, 量不足, 咪重質law.

Waiman, 您得聖心點 ? 您諗著大b報邊間小學  ? 聖心對選ps的協助夠唔夠 ?  
如果小朋友腳型有問題如肩平足,都硬挖要著學校的鞋 ?

TPL 如果唔做O廿係咪都會請工人? 如果要自己做番D家務, 咪一樣O廿忙, 我寧願做D輕鬆D工Or part time,  做家務我好渣, 未有工人都係老公做, 其實可以自己湊而您又是一個好脾氣, 有耐心的人一定最好.  最重要係, 您唔做野換來的時間是有質素, 例如, 同佢讀書, 玩, 同興趣班, 如果只是又要做家務又要煮飯都幾無謂, 重要問c6攞錢, 幾難受, 相反, 如全職ma ma 有人分擔家務(如鐘點), 食就去99or 娘家攪定就好d, 最好可請埋公人, 工人呢家野, 有佢係度您又煩, 而家無左佢就肯定仲煩,

irenebaby

我覺得要做野..因要update下自己和多d錢用...哈哈
因將會有好多開支.又要學琴又要xxxx..真是好多錢洗.
你地星期幾去交錢呀.

irenebaby

你好好...有了bb..因我地真是無勇氣再生啦...講真..生多一個真是好好..但工作環境關係..又想住好d.食好d..所以我地自私想法是唔生...因我地到星期六日就帶女女..去我d屋期人到玩..等她接觸多d親人羅..真是恭喜恭喜

maggie_tsui

講少啦! 我如果再生就係高齡產婦啦!
同意, 親子時間係重質不重量, 我會努力!
我ｄfriend都成日話好好彩，婆婆幫倒手，我知道架！我都好珍惜！

原先今日請左假，諗住可連續４日湊囝，但星期三臨放工時同老板約左個appointment係今日later afternoon, 好彩唔洗返公司，直接去開會果度就ｏｋ，不過要老公臨時放半日。因為話左比婆婆聽佢今日放假，我諗佢安排好節日，唔想掃佢慶！    

WAIMAN

joeszewai,

我大囝讀得好開心,佢好鍾意返學^^, 我覺得間學校唔錯,d老師都好好, 但唔好既係如果你想知平時囝囝係學校既情況要自己打電話返學校問(除咗小朋友有問題老師會打比你),因為佢地手冊唔會寫今日教咗d咩,只會寫要做幾多樣功課,要問個小朋友講返比我知佢係學校玩咗d咩學咗d咩law, 當然老師都好好咁講比你知,不過我都好少打返去,當然佢地有家長會,到時都會同你講返小朋友上堂情況等等....
我大囝就快要報小學,都好煩唔知選邊間,又想同佢報直資培僑、浸小,但我老公唔鍾意,佢鍾意d傳統學枚,所以都好煩,不過我報聖小係跨區會難抽d, 如你真係想入聖小,首次叩門要選聖小,如第一次叩門入唔到到大抽獎時第一志願都要填聖小,若都係唔得時可以返去再叩門(我聽個mami講) , 所以我 諗住第一志願都係聖小,第2、3志願抽呂明才、培基等... 睇下抽唔抽到呂小個d 因呀哥入到好的可以帶埋細老入去
我諗其他運動鞋應該唔可以 ,因為佢好似校服咁

joeszewai

waiman
我1st choice 會係一呂, 我住大圍, 但我是old girl , 多5分, 但其實想沙呂, 但唔知有無5分.  是否可第一round 報 ?
若失守, 大抽獎會選聖小& 陳元喜, 但都會報培僑, 浸少, 陳守仁, 蔡繼有....直資打底.但都知機會很微.
我一路都plan緊, 希望唔好o廿呢hair.  其實您住火炭校網仲正.  兩間呂小包括, 另主風, 胡素貞 及保良局(唔記得個名)也好好, 反而大圍得 聖小& 陳元喜,  我plan 緊搬返呢個網, 但真的不是易事哦
培基係邊架 ?  我想了解下
joe

WAIMAN

joeszewai,
你可以第一round 選一呂,但如你第一round選呂明才.....我諗唔係咁容易入到,因都好多人選,但如你第1無選聖心,而大抽獎先首選聖心, 若真係抽唔到入聖心,之後你想去返聖心叩門就無得傾(因你係第1round自選都無首選係聖心, 佢要覺得你真係好有誠意想讀聖心,所以要自選+大抽獎首選入聖心先有得傾), 所以我諗我第一round + 大抽獎都會首選聖心, 只係希望大抽獎入到呂明才/培基(火炭)等,如到時真係抽唔到心儀都可以返去聖心叩門(都叫有個後備), 直資我諗我個仔未必考到,佢鬼咁怕羞:cry: ,我其實係陳元喜畢業....如果叩門應該入到,因我係呢年幾先搬返沙田住,你咁快已經plan 緊la!!

k.k
  

zimpy

crystal,
恭喜晒 您好勇敢呀!我好多朋友都係生1個!
joe,
您又咁快諗您ge升小學大計,我睇您同waiman的攻略睇到眼都花,我其實1間都唔識,我而家都係諗左佢返k1先算!
joe您咁快就買左運動鞋,我而家睇到要買學校果d,就只係睇黑皮鞋算啦!

maggie,
您有個能幹婆婆,真係可以放心返工!

各位!
28-31/5記得交書簿費啦!同學卷張証

8/28-31/8要陪返4日咁多,我要返工,到時都可能只請假上午,睇下點先!個仔8月返學,有dd緊張添
留番d假有事再請啦!
   

zimpy

hi,wanman您好

WAIMAN

Hi zimpy,

多多指教!!

k.k

maggie_tsui

我都鍾意培基! 至於呂小同聖小,我梗係想亞囝可以入倒,但要睇佢資質...
Namson, 唔好意思，我想問下你，你小朋友返緊果間ｎ１對小朋友ｄexpectation係點？因為我今日同亞囝返嘉德麗拿成績報告，我覺得要求似ｋ１多過ｎ１，要溫書，係咪ｄtrend都係咁？

joeszewai

WAIMAN
我想問得20分機會入一呂大唔大 ?
joe