2007浸會大學附屬幼稚園"K1"生入o黎報到啦!!!

yanchuchu

28-08-07第二天上學

今天只有媽咪陪你，你已經知道要返學，
我起身一會兒後，你就自己起身，媽咪真的很佩服你!
回到學校時依舊不太投入，但感覺到你已經熟習了學校環境。
麥園長跟你說你今天很精神，你就告訴園長你昨晚7點已睡覺，
其實你係8點幾先睡覺。

yanchuchu

２９－０８－０７第三天上學

今天係媽咪陪你一起坐在課室的最後一日，由早上起身後你一直都好開心，
媽咪見你開心就比你緊家開心啦 !
不知是否太開心原固，你在學校樓下跌倒，個塞頭哥流血，令到你無o西心機，回到入課室，你仍然想喊 ，因為真的損得幾犀利，幸好有碧珊老師安慰你，
等你傾吐心事，最後你終於肯貼膠布，然後聽故事。
媽咪知你一定無心機，所以就偷偷望你，發現你真的如我所料，正在遊魂。
放學後我問你知唔知老師叫你明天帶甚麼 ，你偷笑後說唔講俾我知，
後來你終於講要帶毛巾，原來你都有聽書。
我o地後來一家三口去o坐迪士尼，你心情依然麻麻o地，
我估你除o左腳痛外仲有d 擔心明天要自己一個上課。

yanchuchu

３０－０８－０７第四天上學

今日係你正式自己一個人留在課室的大日子，
媽咪同daddy都有些緊張，因你平時同我們分開都會喊。

由起身開始你心情都幾好，媽咪已經放心了一半，
但你知道一陣子就會同媽咪分開，所以成日要拖住我的手，
入到課室後，你嚷著一霽玩玩具，我想你是拖時間，
這時吳老師跟你說，媽咪同daddy要出去，一陣就會返來接你，
你即刻話唔得你要黐住媽咪，於是媽咪就開始同你講故事，
你不停檻住我想喊想喊的樣子，當時我也有一點鼻酸酸的感覺，
daddy 知道如果我再留在課室只會令你仲激動，
所以媽咪爽快地跟你 byebye，留低 daddy 陪你。
daddy  陪多你10 分鐘後，你依然叫daddy唔好走，
最後要由寶婷主任同你講，daddy 已經遲到了，daddy 要去聽講座，
你只好放手，然後喊住同daddy bye bye。
放學後你非常開心，不停說話，從未見過你這麼興奮，
我想你覺得自己已經很成功，你已經克服你自己的心理障礙，
原來返學係咁開心。

daddy 同媽咪都好開心，因你已經成功地踏出第一步。

yanchuchu

３１－０８－０７第五天上學

今天由daddy 一個人陪你返學，
放學時就有媽咪，婆婆同耀廷舅父，當然仲有daddy。
放學時媽咪問老師你今日的情況，老師話ok呀，無嘜問題，媽咪即刻放心了。

你依然好雀躍地說話，見到你這樣媽咪真的非常開心，
我地大家都有種如釋重負的感覺，
原來媽咪真是一個小小女人，事業對於媽咪來講，已經不大重要，
我只想你每一日都好開心好雀躍地生活。
你比我ｏ地想像中適應得快，我諗有幾個原因：
第一就係你之前已經聽o左好多故事關於返學；
第二就係你不用著校服，你會比較輕鬆；
第三當然係老師，你返ｏ左第二日學，就記得ｄ老師名，
        我諗ｄ老師好關注你，所以你就安心好多。
之前你返其他 playgroup，每次放學都不是太開心，
我諗你這個慢熱人唔開心時，ｄ老師無點理你，
但學校老師比較有經驗處理你這種學生，
你對老師建立了信心，所以成個人都安心ｏ西，
希望你明天都係咁成功！

TansonMa

今日校車叻咗.只遲咗3分鐘.但大少面上多了一條紅鬚,他說在校車比哥哥弄傷:cry:

WingKanMa

原文章由 TansonMa 於 07-9-6 22:12 硐表
今日校車叻咗.只遲咗3分鐘.但大少面上多了一條紅鬚,他說在校車比哥哥弄傷:cry:

TANSONMA

我個囡都是坐3號車, 梅姐姐對小朋友都好細心, 唔伸擔心

pigbear

原文章由 WingKanMa 於 07-9-7 13:18 硐表

TANSONMA

我個囡都是坐3號車, 梅姐姐對小朋友都好細心, 唔伸擔心

囡囡轉左上午慣唔慣呀?!

yanchuchu

原文章由 TansonMa 於 07-8-21 23:06 硐表
Hi Yanchuchu,

我亦是上幼甲家長. 下星期一我們相認吧!

JoinLable我亦有讀"瀨尿班"(Playgroup)的Mami訂緊(有woven label &鞋貼),應該confirm layout 后14日寄到屋企.但係好多人訂,貨期未有覆.你要訂就快d啦. ...

TansonMa,
唔好意思，我一直都未得閒睇你寫既文章，所以無同你相認，下星期一我會自己帶返學，你會自己帶定坐校車？我女女發燒，哩兩日都無返學，佢依家訓僅覺，所以先得閒。

yanchuchu

原文章由 pigbear 於 07-8-25 10:53 硐表
我舊年就買左部 snoopy 既 dymo 機自己 print d labels
因為個人覺得方便 d, 幾時用, 幾時 print, 都唔錯架!

Thank you !我去印左公仔貼子，可以防水洗完都唔會攔。

WingKanMa

原文章由 pigbear 於 07-9-7 14:34 硐表


囡囡轉左上午慣唔慣呀?!

Hi Pigbear

她的表現比我想像中好, 雖然都好夜睡(11時), 但一到7時叫她起身都冇立即做到, 抵讚

TansonMa

Hi Yanchuchu,

大少是撘校車上學,我只是接放學的.可能無緣相認了.希望下星期見到你和你囡囡.早日康復.

原文章由 yanchuchu 於 07-9-7 17:27 硐表


TansonMa,
唔好意思，我一直都未得閒睇你寫既文章，所以無同你相認，下星期一我會自己帶返學，你會自己帶定坐校車？我女女發燒，哩兩日都無返學，佢依家訓僅覺，所以先得閒。 ...

yanchuchu

原文章由 TansonMa 於 07-9-7 22:55 硐表
Hi Yanchuchu,

大少是撘校車上學,我只是接放學的.可能無緣相認了.希望下星期見到你和你囡囡.早日康復.

下個星期我都會自己接放學，通常我都等到最尾先接ｏ既，睇下到時見唔見到啞。

TansonMa

今日無返學,因大少發焼+勁流鼻水.九点半睇完e生至現在他已睡了兩次.大槪都已好很多了.明天可以帶口罩上學了.

今早他6:00起床,一直等我起身就問我"返得學未呀?"我一模他手仔熱辣辣,再"do"埋38.2度.我說"oh!唔駛返學了"接着就要通知各單位請假事宜.

今次他病倒,極大可能是在酒店房踝跑(因生日所以到迪士尼酒店住一晚)所致.真是自已攞嚟.

yanchuchu

原文章由 TansonMa 於 07-9-10 17:03 硐表
今日無返學,因大少發焼+勁流鼻水.九点半睇完e生至現在他已睡了兩次.大槪都已好很多了.明天可以帶口罩上學了.

今早他6:00起床,一直等我起身就問我"返得學未呀?"我一模他手仔熱辣辣,再"do"埋38.2度.我說"oh!唔駛返學 ...

真係要休息多d 啦，d 小朋友有時玩得癲之後就唔舒服，我個女今日都係帶口罩反學，睇下我o地明日會唔會見到啦!

TansonMa

請問大家做好環保花燈未?

yanchuchu

原文章由 TansonMa 於 07-9-12 23:44 硐表
請問大家做好環保花燈未?

仲未呀，我諗住聽日先同佢一齊做。你仔仔好反未啊？我女今日又咳得犀利ｏ左，真係無奈！　:cry:

TansonMa

多謝關心.已好番七七八八.但鼻水就斷續仲有d.你囡囡要小心d啦,咳比較長手尾.分享一件開心事,今早大少如上學時間般起床(6:30am),他爬上我床上,睡在爸媽中間,在爸爸的肚腩上指指下讀晴雨表:"...007年8月..日,星期二,晴天...,多謝合作."跟住唱咗一首關於吳老師,思韻老師,小明友的歌后又瞓番.好得意.

十月頭晚的幼班課程簡介會,你會去嗎?

yanchuchu

原文章由 TansonMa 於 07-9-15 12:40 硐表
多謝關心.已好番七七八八.但鼻水就斷續仲有d.你囡囡要小心d啦,咳比較長手尾.分享一件開心事,今早大少如上學時間般起床(6:30am),他爬上我床上,睡在爸媽中間,在爸爸的肚腩上指指下讀晴雨表:"...007年8月..日,星期二,晴 ...

我個女都有成日哼歌，我問佢唱o羊歌，佢就懶神秘唔講俾我知，然後自己係咁大笑，成日整蠱人，都唔知好嬲定好笑。我都最怕咳，依家又食藥又煲湯，希望佢快d 好返啦!
10月個講座我會去，你會唔會參加家長理事啊？

TansonMa

Hi Yanchuchu,

家長會理事就暫時不會了.睇定d再算.

今天大少話參觀圖書館,他說:"有好多書,d書可以"掂"得架."
環保燈籠用了半日已做好外型,現欠大少自己填色.等佢瞓醒做.