小一家長, 妳地有沒有喊呀?

TIKTIKMA

Kittylock, tks for sharing.

查小因仔仔都是讀international school.
Her son was accepted by both DBS and Wah Yan few years ago, but she gave up both offers and sent his son studying at International School after deeply consideration.

Mrssslui

係你定女女流呀?

Mrssslui

可能呢排乾燥姐.
唔洗擔心.

lillymarie

Heart&Moon,
唉, 我都好認同你個句, "打，真係會愈玩愈大既", 我打孩子打到我自己既手指瘀哂, 同孩子沖涼時立即驗傷, 幾驚佢有事. 好在無野. 其實打打下, 佢都好生氣呀, 常常同我講: 我好驚你呀! 所以, 我現在努力控制自己, 將要求放低. 字寫得唔啱, 就一直寫, 寫到啱為止. 唔要求佢2次或3次就識, 20次30次都無所謂.
同埋, 我只係同佢温重點, 最基本既課文. 然後俾好多時間佢玩.
我仲整咗好多中文同英文既字咭, 隨身帶著, 趁有空檔時間就俾佢認. (我發現孩子原來認唔哂D字, 咁無可能串得到啦!)
又同佢玩遊戲, 俾read, team, leader, teacher, please, clean呢D字佢, 叫佢揾出相同既地方"ea", 又叫佢比較不同的地方, 然後教佢串呢d字.
我個小朋友要用好多時間玩架, 不然, 佢會做野無哂動力, 叫佢讀書好似拉牛上樹咁, 所以我都唔期望佢好標青, 放長綫lor, 我真係見過d"小時了了, 大未必佳"既例子, 最緊要對自己小朋友有信心.

kyliema2006

Dear Heart&Moon,

你對國際學校及傳統學校的教學方法的分析，我都頗為認同。小兒的幼稚園是傳統學校，有考試及名次，故我不其然就會緊張起來，因為中文較弱，故考試前一個月便開始溫習，在多次溫習後，雖然孩子已熟悉考試範疇，但每次提起溫習，孩子都變得愁容满面。而學到的知識多是短暫記憶，暑假過後，又白紙一張了。

後來入讀一間類似國際學校教育形式的小學，小一中文不需抄寫，主倡認字，在没有壓力下，他反而不再抗拒中文，認字有明顯進步。當然如果要鬥寫中文字，一定輸人一條街。

可能課程會較淺，但不代表質素較一般學校為差，因為大多家長都會陪讀課外書，因為可多花時間在書本上，部份學生的質素是很強的。小兒告知上英文課的時候，老師問他們串字，他們都答對，老師就稱讚他們，大家都咁叻，你們可以升讀二年級啦！孩子聽後，就更是滿足，現在串字就更具信心。

學校以鼓勵形式提高學習興趣，小兒就更積極將工作做好。對於他有興趣閱讀的書本，他所學到的知識，是長期性的。對我來說，就更具意義了。

名次是虛榮，真正學到的知識，才是永恒。若因為虛榮而影響親子關係，可能會成為孩子的烙印，不能磨滅。

G-Ma

Hi kyliema2006 & Heart&Moon,

好同意你們的分析.  小女亦是在活動教學的學校就讀, 課程不深, 不用考試, 測驗默書不多, 抄寫功課也不多.  但我發現囡囡吸收知識很快也很深刻, 默書,測驗基本上不用怎樣溫, 因為上堂時以不知不覺入了腦.  學校很鼓勵小朋友寫作, 很多功課都是比較著重思考及創作, 表達能力亦明顯增強了.

可能她現在學到的知識比其他很催谷的學校稍為落後一點, 但我深信她的吸收, 理解及對知識的記憶能力一定不會差.

更同意的是"名次是虛榮，真正學到的知識，才是永恒。"

G-Ma

Hi Heart&Moon,

我小朋友係讀st. margaret's, 學費唔算太貴hk$2,200.00.  或者呢間唔係家長心目中既名校, 不過我覺得好適合我同我囡囡.

我好怕要同小朋友為左溫書考試攪到家嘈屋閉, 更唔想日日見親佢都係"做功課", "溫書", 一係就"鬧"同"打".  玩玩具只可以得15分鐘, 睇電視30分鐘, 其餘時間一定要用嚟讀書, 咩都唔可以做.  星期六,日邊到都唔好去, 因為要溫習, 預備測驗考試.  咁既生活, 小朋友只會慢慢失去童真, 少了創意.

今早, 我囡囡好開心著住佢條公主裙返學去開halloween party.  見到佢每日開開心心咁返學已經係我最大既回報.  成績同分數對我嚟講唔係最重要.

如果無記錯kyliema2006既小朋友好似係讀蔡繼有.  本來我都好鍾意, 不過學費太貴啦. 所以選擇左直資, 都叫有政府資助.

Heart&Moon 寫道:
Dear kyliema2006同G-ma :

好羡慕妳地小朋友間學校咁有鼓勵性    ，
可唔可以透露係邊一間？

lillymarie

Heart&Moon ,
好多謝你鼓勵我呀!
我都覺得我既BB似係HARD DISK型, 現在唯有"只問耕耘, 不問收獲"啦.
溫默書我仲諗到個方法, 就係整D遊戲紙, 特登寫漏D字或者字既一部分, E.G. "伸" 寫成"申", 鏡寫漏個"立", 多數係佢平時寫錯既字, 然後好似IQ題咁, 叫佢填番漏咗既部分.
佢做得好開心架, 仲話好鍾意做遊戲紙.

ada29

今日真係哭起來,小女今日英默,其實已經溫左2個星期,所以好有信心取90分以上,點知佢太大意,將最後2句反轉默,被扣57分,得43分,看到個分数,心如刀割,覺得自己好冇用,2個星期不斷努力同女兒溫習,但就因為太大意,就不合格,佢就當沒事,但我就好唔開心,之後仲忍唔住大駡她一頓,但再回心一想,其實佢都用了很大努力,我都唔應該怪她,所以買左一份小禮物作獎勵今次已盡左力,但以後都要留心,不可再浪費之前溫習的心機!

lillymarie

ada29 寫道:
今日真係哭起來,小女今日英默,其實已經溫左2個星期,所以好有信心取90分以上,點知佢太大意,將最後2句反轉默,被扣57分,得43分,看到個分数,心如刀割,覺得自己好冇用,2個星期不斷努力同女兒溫習,但就因為太大意,就不合格,佢就當沒事,但我就好唔開心,之後仲忍唔住大駡她一頓,但再回心一想,其實佢都用了很大努力,我都唔應該怪她,所以買左一份小禮物作獎勵今次已盡左力,但以後都要留心,不可再浪費之前溫習的心機!

咁你女女知唔知自己點解會反轉默呀? 係唔係太緊張呀?
我小朋友今日派番英文評估:
Mary and I ______ good friends.
佢填"am", 老師叫佢改寫"are".
我問佢知唔知點解係"are" 唔係"am"
佢話: 老師話係"are"
我問: 咁答案係乜野呢?
佢大大聲話: I am.   咁我就知道佢唔識做.

我都諗住學你咁, 不論成績如何, 買份禮物, 考完試後奬勵佢.

lamsuetwai

我都是一樣.  由開學到現在都不開心, 常常覺得自己選錯了小學給兒子, 但現在想走都走不到, 心儀的間間都沒位及不收.  都不知怎好!!!

反而現在不try都不知, 可能男孩短期記憶真是無甘好.  真是hard disk 型.  我兒每次dict 都不太懂記, 硬要佢串好, 但到明早問佢, 好似無讀過, 比佢激c   今早提佢話要dict, 佢話好怕, 個心立刻down 了, 怕佢以後會抗拒. 唉, 反而要思考的如assessment, 佢就ok, 但要死記的, 就no way.