富安威寶的家長, 入黎交流吓啦

giann728

ktmama,

咦，我都打算比女女學珠心算呀，係唔係要K2下學期先學得架??  你會比仔仔響邊度學呀??  我聽講天平都幾好喎﹗

ktmama

Hi, Giann728
我有個朋友就同我講最好等到小朋友 5 歲才學會好 d, 會比較易吸收.

其實我最想俾佢學指心算, 因為 d 動作好得意, 好似玩緊咁, 但好少地方有得學, 所以楝珠心算俾佢學囉. 學校都有珠心算學 ga. 不過可以真喺要 k2 先有, 因為我見有家長幫個小朋友報名.

你有無留意呀, 原來佢哋派返黎嗰張普通話課程紙佢哋已經教曬 lu.  我琴晚成晚同佢喺度唱呀  

giann728

ktmama,
丫，係呀，你唔講都唔記得，上年我個女個班主任都同我講，學校既課外活動，攪得最好就係珠心算，咁就好啦，唔駛再四圍搵﹗

果張國語紙無音符，我又唔識讀，所以我同唔到女女唱呀﹗不過女女識唱到成首爸爸媽媽齊上班，我仲錄左做電話鈴聲添啦﹗

giann728

我女女真係好鐘意做功課，佢今日竟然為左唔見左本功課簿喊到拆晒天﹗ 我即刻打比老師問吓會唔會漏左響學校，點知老師走左啦，而課室亦搵唔到有功課簿﹗ :cry:

ktmama

HI, Giann728
唉, 你就好啦, 個女女咁鐘意做功課, 我叫仔仔做功課, 佢成日都話晏d, 我話如果晏d都無做咁點呀, 佢話咁咪算囉, 真喺激死我   

可能老師去咗吃飯呢, 你試吓晏 d 再打電話俾老師啦.  或者再搵吓個書包, 睇吓會唔會夾埋咗, 試吓睇吓 phonics 本書呀, 佢哋今日教 phonics呀.

giann728

ktmama,
你有無讚吓仔仔做得好呀??  可能我晚晚放工翻屋企第一件事就睇佢本功課，跟住讚佢做得好靚，所以佢日日放學食完飯會自動攞出黎做架啦﹗

校務處話Miss Wong唔會返架啦，佢幫我去課室搵過話無，佢話可能隔離個同學唔小心攞埋我個女果本，而我工人亦反轉左個書包都話無喎，或者今晚我再返屋企搵吓啦﹗

係呢，知唔知d燈籠貼左堂未呀??  

giann728

ktmama,
我個女又話搵翻本功課啦，真係比佢激死﹗     

ktmama

hi, giann728
搵返咪好囉, 可能佢當時太心急, 所以見唔到呢.

我都有讚佢 ga, 但佢就無嘜耐性, 通常頭 2 條畫得靚靚, 跟住就  , 又唔想俾太大壓力佢, 怕佢怕咗做功課. 或者今晚再諗吓 d 計仔氹吓佢啦.

點呀, 你女女依家幾點鐘起身呀, 閙鐘有無用呀 ?

剛剛發現咗原來 yahoo 的 "字典" 都可以查到中文字的普通話讀音, 但每次只可check 到一個字.

giann728

ktmama,
好奇怪，最近我女女好早起身喎，仲早過我，所以近排佢都無乜扭計﹗  

不過，今朝佢唔肯返學呀﹗  我問左佢半個鐘，佢先同我講佢比人打，唔係響學校，係響校車呀﹗  唔知你仔仔有無見到呢??  我女女話係尋日放學時，比個大哥哥打。我今朝問嬸嬸，嬸嬸話好細力者，但我心諗，好細力我女女唔會咁驚果喎，不過我又唔響現場，無得同佢辯駁。希望我女女聽日唔好再話唔返啦﹗ :cry:

你好勤力呀﹗   Yahoo係唔係可以發埋音架??   等我一陣試吓先﹗

ktmama

Hi, Giann728
我問過仔仔, 佢話唔知喎, 可能仔仔無留意, 因為通常佢都被安排座喺窗口位.  咁你女女有無話俾個哥哥打到邊到呀? 有無瘀到呀?  你女女喺咪成日扎住孖辮 ga, 通常都著住件粉藍色外套呢?

你開解吓佢啦, 等佢個人仔定 d.

yahoo 有埋普通話發音 ga, 不過要逐個字先得囉, 不過都好過無, 因為自己都唔喺太識普通話, 怕教錯讀就大件事囉.  

記住聽日如果有捐公益金的話, 唔駛著校服喎, 不過要貼番個 sticker 喎

giann728

ktmama,
我女女唔肯扎辮架，佢頭髮好稀疏架咋﹗  不過，佢又真係成日著住件外套﹗

今日Miss Wong打比我，可能係因為我尋日打去學校問有無見到我個女本功課簿啦﹗  Miss Wong話我個女好靜，好少出聲，最鐘意同心宜玩，係唔係就係坐你仔仔對面果個呀??  跟住又話我知唔見左我個女本phonic書，上次就話唔見左本手冊，咁奇怪成日唔記書既﹗

個sticker係唔係今日派架??  我要翻去睇吓有無先﹗

ktmama

HI, Giann728
無錯啦, 心怡就喺坐喺我仔仔對面 ga.   我個仔仔叫你個女做希希呀.

又會咁既?  咁你有無睇過女女個書包入面有無本 phonic 書呀 ?

個 sticker 喺今日派 ga, 聽日返學要貼喺衫上面 ga.

giann728

Ktmama,
我尋日反轉間屋都見唔到本Phonic書呀﹗  或者今個weekend再搵吓先，搵唔到又要寫紙仔話比Miss Wong知啦﹗

係呀，我地平時都係叫佢希希架，不過老師好似叫佢芷希架﹗

今朝我比張sticker個女自己貼，佢一貼就貼左響肚腩，好顯眼吓﹗   

sea

各位好!

我想問下威寶是否國際學校.
可否比 D 意見.
因為我想幫個女找間國際學校, 謝!

ktmama

HI, Giann728
你個女都幾可愛喎   , 將個貼紙貼喺個肚仔度. 不過無所謂啦, 始終都喺小朋友麻.    我今朝見到個高班的妹妹, 將個貼紙貼咗喺心口中間添呀.

如果真喺搵唔到本書, 梗喺要同老師講啦, 睇吓會唔會夾埋俾第二個小朋友o麻, 唔知佢哋喺咪自己將 d 書用完後自己擺番落書包呢, 因為仔仔話佢哋一返到學校, 就會將 d 書攞俾老師 ga.

今日有張紙話遲些有評估週, 唔知仔仔識唔識呢   , 好緊張呀.

ktmama

hi, sea
佢哋分咗做國際幼兒園同中英文幼稚園, 佢哋都有國際班, 詳情你可以打電話俾佢地問清楚. 電話 26426033

littleppooo

我想幫我囡囡報國際學校呀...佢就兩歲喇...我0地住富安ga...好似聽講話威寶幼兒園會收兩歲小朋友...我想問0下有冇人清楚威寶幼兒園ga? 同埋主流班同國際班有咩分別ga? 0個度d 老師好唔好ga? 係唔係真係有外籍老師ga? 不過我同囡囡都好鍾意佢0地個playground...好大呀...!!!

希望各位家長可以同我分享0下啦...因為我希望知多d...  

ktmama

Hi, Littleppooo
佢哋既幼兒園有分國際班同主流班, 國際班當然以英文教學, 半日的國際班喺無中文學的, 要全日班先有.  而主流班就以中文教學為主, 不過每日都有英文學.  佢哋既英文由外籍老師教, 而國際班的班主任喺由外籍老師擔任.

littleppooo

我想問點解幼兒園會分主流班同國際班0既?咁幼兒園d老師好唔好ga?細唔細心ga?

ktmama

HI, Littleppooo
我諗喺方便家長去選擇.  國際半日班只會用英文同小朋友去溝通, 要全日 ga 國際班才會教授中文的認字及讀音.  而主流班就以中文教授為主, 當然每天都會有英文堂, 同樣由外籍老師教的.

你可以放心, 幼兒園班老師好好, 很有耐性, 細心同愛心. 而衛生情況亦很好, 佢哋好似話今個月有開放日, 你不妨帶埋小朋友一齊去參觀吓, 順便觀察吓學校環境同見吓 d 老師.