而家學游水單對單收幾錢一個鐘??

CoachLEE

RaymondSir 寫道:
[quote]
EmilyDavey 寫道:
外面比賽破紀錄或取得佳績的小朋友 (約11歲), 他們都要找教練執泳式嗎?or 真係有天份 (不用私人執式,只游泳班)?

我唔敢講佢地全部有搵黎人教練學,但有9成既泳員一定有,泳班好少機會會出到破紀錄既泳員[/quote]

我並不認為9成o既泳員都會找教練執泳式, 我自己也曾經是運動員, 代表過參加亞運會, 身為教練, 我覺得始終是訓練最重要, 其實不一定需要所謂的執泳式, 當然訓練時未必可以有充足時間去修改一些壞習慣, 但是教練也應會在訓練後或中間, 作出一定的提點.
理所當然, 泳班只是學習游泳或者是游健康水的練習班, 若然要參加比賽, 拿取好成績或破紀錄, 是需要有系統和數量的訓練, 所以說每個出成績的運動員背後都有一個艱苦的故事.

hhma

CoachLEE
多謝解答...

Misskwan

我係一位游泳女教練，可以告訴你，價錢真的可以差距很大！當然年資越深便越貴，我以前練水的師弟妹最便宜收$130/hr...而我的教練是前中國奧運教練，退休後回港，私鐘$600/hr(熟人介紹才教)所以真的要看你找什麼教練！通常大約會在$250-$350左右，亦視付地區...

RaymondSir

CoachLEE 寫道:
我並不認為9成o既泳員都會找教練執泳式, 我自己也曾經是運動員, 代表過參加亞運會, 身為教練, 我覺得始終是訓練最重要, 其實不一定需要所謂的執泳式, 當然訓練時未必可以有充足時間去修改一些壞習慣, 但是教練也應會在訓練後或中間, 作出一定的提點.
理所當然, 泳班只是學習游泳或者是游健康水的練習班, 若然要參加比賽, 拿取好成績或破紀錄, 是需要有系統和數量的訓練, 所以說每個出成績的運動員背後都有一個艱苦的故事.

"我覺得始終是訓練最重要, 其實不一定需要所謂的執泳式, 當然訓練時未必可以有充足時間去修改一些壞習慣, 但是教練也應會在訓練後或中間, 作出一定的提點. "
我都明白你既見解,第一樣野(教練也應會在訓練後或中間, 作出一定的提點)一隊泳隊人數都唔少,教練冇可能於訓練後或中間對每一個泳員作出提點,就係都係一點好表面既野,就算可以提晒全部,都唔係最了解泳員既需要,因為教練要照顧太多泳員,除非個教練好專心咁睇果幾個啦,如果唔係我就唔認同你講既野.另外,我唔敢講話全部啦,但我相信有9成得獎既泳員係有跟私人教練游的(起碼我見到既就係.)方力申由細到大都有跟私人,唔通唔係??
另外,泳隊講求訓練,呢個大家都知,但技術唔係靠訓練出黎既,技術係要改良,唔通由練耐力訓練中去改良技術?定係由練爆發力中去練技術呢?泳隊唔同泳班,泳班就真係技術同訓練一齊學,但泳隊係主要係訓練,如果用時間去改良技術既話,咁佢d成績就會變慢左,如果訓練再加時間去改良技術,大家都係用一年時間,雖然後者係用多左錢同時間,但人地可能已經係香港代表了,而前者唔係冇機會而係比後者所得既機會低d姐.

coachLEE我希望你唔好介意我既言論,我比較口直心快,我所講既都係我自己既見解,不過我睇你講既野我都得益不少,希望有機會跟你學多d唔同既野^_^

RaymondSir

hhma 寫道:
RaymondSir
我又想八卦吓
如果小朋友游得叻,係咪會招攬入泳會?
甘小朋友洗唔洗比學費教練呀?
甘又如果小朋友既家境唔可以比學費, 甘咪會side左個小朋友既天份lor????
我真係八卦問吓架咋..

唔好意思,我呢兩日比較忙,coachLEE都幫我答左了 大多都係咁上下啦 哈哈 但我都答多次我既啦 ^_^
游得叻係會有機會入到泳隊,但都要視乎返果隊d泳員多唔多,就南華會黎講啦,因為真係有好多好好既小朋友,但所有唔同組別既泳隊都full晒,所以好多都收唔到.後來泳隊教練見到呢個情況特別開多兩組預備班,但都差唔多都full.所以有時唔係泳隊唔想收係可能佢地真係好多人,不過呢d情況好少.
我記得南華會前幾年係唔使既,但呢幾年發生左好多唔好既野(如沙士),令到收入少左,所以除左4點組之外全部都會收費,但價錢亦都比泳班低好多.以為會唔會唔收錢就唔知啦

如果比唔起學費既話呢,就真係答唔到你.如果係比我遇到有一個家庭比較困難但係一個好好既運動員,我就算私唔收佢錢我都會教,收少一個私鐘問題唔大,因為人才難遇又難求,浪費佢既天份就好可惜.

Nickga

Hi hhma,
請問你個教練響邊區？ 係咪私人會所先教？Thanks!

CoachLEE

"我覺得始終是訓練最重要, 其實不一定需要所謂的執泳式, 當然訓練時未必可以有充足時間去修改一些壞習慣, 但是教練也應會在訓練後或中間, 作出一定的提點. "
我都明白你既見解,第一樣野(教練也應會在訓練後或中間, 作出一定的提點)一隊泳隊人數都唔少,教練冇可能於訓練後或中間對每一個泳員作出提點,就係都係一點好表面既野,就算可以提晒全部,都唔係最了解泳員既需要,因為教練要照顧太多泳員,除非個教練好專心咁睇果幾個啦,如果唔係我就唔認同你講既野.另外,我唔敢講話全部啦,但我相信有9成得獎既泳員係有跟私人教練游的(起碼我見到既就係.)方力申由細到大都有跟私人,唔通唔係??
另外,泳隊講求訓練,呢個大家都知,但技術唔係靠訓練出黎既,技術係要改良,唔通由練耐力訓練中去改良技術?定係由練爆發力中去練技術呢?泳隊唔同泳班,泳班就真係技術同訓練一齊學,但泳隊係主要係訓練,如果用時間去改良技術既話,咁佢d成績就會變慢左,如果訓練再加時間去改良技術,大家都係用一年時間,雖然後者係用多左錢同時間,但人地可能已經係香港代表了,而前者唔係冇機會而係比後者所得既機會低d姐.

coachLEE我希望你唔好介意我既言論,我比較口直心快,我所講既都係我自己既見解,不過我睇你講既野我都得益不少,希望有機會跟你學多d唔同既野^_^

我並不介意你的見解, 每個教練都有自己一套的理念. 不過我倒是奇怪, 從你的profile裡並沒有教授泳隊的經驗, 只是一般的泳班, 看來你的"見"解頗為深入...
見你咁有心在這裡詳細回應各位家長的問題, 證明你應該是有心在游泳這一行 ( 而不是三項鐵人或武術 ).
" 技術唔係靠訓練出黎既,技術係要改良,唔通由練耐力訓練中去改良技術?定係由練爆發力中去練技術呢? "
無疑, 技術是通過改良, 才能修改, 從而成績有所提升.
但是, 技術也是要通過訓練中(不論是耐力訓練或爆發力訓練), 將技術鞏固才能在比賽中發揮出來.
請你也嘗試在訓練泳隊的時候, 實踐你的見解, 勝於只的書本上或純粹見解.
祝成功.

yk1223

Hi Cutiemom

Can you recommend a private coach for my daughter in HK side?

Thanks!

cutiemom

Information is sent. Please check pm.

RaymondSir

CoachLEE 寫道:
我並不介意你的見解, 每個教練都有自己一套的理念. 不過我倒是奇怪, 從你的profile裡並沒有教授泳隊的經驗, 只是一般的泳班, 看來你的"見"解頗為深入...
見你咁有心在這裡詳細回應各位家長的問題, 證明你應該是有心在游泳這一行 ( 而不是三項鐵人或武術 ).
" 技術唔係靠訓練出黎既,技術係要改良,唔通由練耐力訓練中去改良技術?定係由練爆發力中去練技術呢? "
無疑, 技術是通過改良, 才能修改, 從而成績有所提升.
但是, 技術也是要通過訓練中(不論是耐力訓練或爆發力訓練), 將技術鞏固才能在比賽中發揮出來.
請你也嘗試在訓練泳隊的時候, 實踐你的見解, 勝於只的書本上或純粹見解.
祝成功.

hi coachLEE 我要多謝你既指導先,其實我一直都有跟d泳隊教練學緊一d基本野,可能對你黎講係好基本啦,我答既問題係因應你所講既野去答,第一你之前講既野係話"我覺得始終是訓練最重要, 其實不一定需要所謂的執泳式, 當然訓練時未必可以有充足時間去修改一些壞習慣, 但是教練也應會在訓練後或中間, 作出一定的提點"
你已話左不一定需要執泳式(我地講既技術),e家又講"無疑, 技術是通過改良, 才能修改, 從而成績有所提升."我想請教下coachLEE呢兩句話係點計?我再想問下你有冇跟過私人教練執泳式?如果冇我想問下你代表亞運會有冇游到獎牌?
另外如果唔一邊改技術又點可以由訓練中鞏固技術??
我地唔係講緊教泳隊要做d咩技術會好d,只係討論緊泳隊學員係唔係要跟私人教練改技術呢個問題,所以跟本就唔係d咩教學技術野,所以呢你呢句"請你也嘗試在訓練泳隊的時候, 實踐你的見解, 勝於只的書本上或純粹見解."可能呢句響呢度唔係咁適用,因為佢地跟唔跟私人係佢地既自由冇理由迫佢地去實踐我覺得要學私人既意思.至於係唔係我個人純粹見解或者係我紙上談兵呢,我相信有少少經驗既都可以睇得到,如果你覺得係既我唔會反對你既,始終我都想跟你學下唔同既教學野,多謝你俾d咁好既意見我
多謝 :wink:

CoachLEE

這個討論已經變成了中文研究.
第一 : "執泳式" 並不等於 "技術", 而是等於 "修改技術" 或 "技術改良".
第二 : "技術" 即 "泳式".
所以, "不一定需要執泳式(修改技術)" 同 "無疑, 技術(泳式)是通過改良, 才能修改, 從而成績有所提升." 是沒有衝突的.
每一個人學懂游泳時, 已經有自己特有的泳式/技術. 所謂正確的技術, 是經過很長時間, 各地的高高高高級教練, 從物理學和實踐中, 研究出來的, 但是否"不正確"的技術就不能游出世界紀錄? 可能你又會有一個大疑問 ? 但如果你知道誰是美國的"小雲雀", 這個問題自然會消失.

我沒有跟過私人教練執泳式. 另外, 很抱歉, 在亞運會沒有拿獎牌, 你問這句說話令我, 我相信甚至令香港大部分的泳手, 感到咀喪, 這些賽事水平很高, 能參加已是我的榮幸.
再者, 你知道香港泳手 ( 不論男女 ), 歷來有多少人曾在亞運會個人項目拿過獎牌 ?

算了罷, 你可以繼續討論, 不過我已經夠了, 感到很老套.

放心, 你在這個留言板上, 依然保持你的專業地位.

後會有期!

mrs_lam523

CoachLEE
你唔好講後會有期啦...
多一個教練可以多一些意見俾我地家長作為參考...
對其他家長都有得著呀!~~

sadsam

大家唔駛咁執著. 觀點與角度之問題, 相信閣位媽咪都會明白的.

好多謝兩位教練給予的意見!  這對我們呢d 家長好有幫助!

RaymondSir

CoachLEE 寫道:
這個討論已經變成了中文研究.
第一 : "執泳式" 並不等於 "技術", 而是等於 "修改技術" 或 "技術改良".
第二 : "技術" 即 "泳式".
所以, "不一定需要執泳式(修改技術)" 同 "無疑, 技術(泳式)是通過改良, 才能修改, 從而成績有所提升." 是沒有衝突的.
每一個人學懂游泳時, 已經有自己特有的泳式/技術. 所謂正確的技術, 是經過很長時間, 各地的高高高高級教練, 從物理學和實踐中, 研究出來的, 但是否"不正確"的技術就不能游出世界紀錄? 可能你又會有一個大疑問 ? 但如果你知道誰是美國的"小雲雀", 這個問題自然會消失.

我沒有跟過私人教練執泳式. 另外, 很抱歉, 在亞運會沒有拿獎牌, 你問這句說話令我, 我相信甚至令香港大部分的泳手, 感到咀喪, 這些賽事水平很高, 能參加已是我的榮幸.
再者, 你知道香港泳手 ( 不論男女 ), 歷來有多少人曾在亞運會個人項目拿過獎牌 ?

算了罷, 你可以繼續討論, 不過我已經夠了, 感到很老套.

放心, 你在這個留言板上, 依然保持你的專業地位.

後會有期!

coachLEE 首先真係要講對唔住,我因為見你係一個咁專業咁有經驗既教可以同我討論,我覺得好榮幸,所以我將我既見解同向你討教下,我唔知我想各你請既野會令到你覺得係老士,真係唔好意思.
另外"我沒有跟過私人教練執泳式. 另外, 很抱歉, 在亞運會沒有拿獎牌, 你問這句說話令我, 我相信甚至令香港大部分的泳手, 感到咀喪, 這些賽事水平很高, 能參加已是我的榮幸.
再者, 你知道香港泳手 ( 不論男女 ), 歷來有多少人曾在亞運會個人項目拿過獎牌 ?"我問你果個問題我絕對冇傷害任運動員既心態響度,我只係想講明一樣野,就係就算有搵私人教練執泳式都未必可以在比賽上攞到獎,更何況唔使執??呢個係我既原意,呢點係我重申既,希望coachLEE唔好誤會我既意思.

我相信大家都係成年人,我見你講既野係好有條理好有見地,令到我真係好開心,因為可以有咁專業既教練可以同我討論同埋指出我既錯誤,我真係覺得好興奮(可以去認識多d自己既錯),所以我會將心中既疑問同埋睇法講晒出黎,想等coachLEE你去指點下我,但我真係估唔到coachLEE你唔係咁諗,呢點係我唔好,因為我被興奮衝昏左頭腦,冇考慮過coachLEE你既感受同諗法,
對唔住 coachLEE 希望你可以上黎同大家分享你既經驗同意見啦,我個人既意見仲有好多好多都未夠你咁好經驗,所以你唔上黎將會係我同大家既損失.

appleyuen

RaymondSir,
果然係EQ高   

amychan2405

eq高唔高我就唔知,不過知道錯認咗就好了

cutiemom

我覺得CoachLEE講的都很中肯及有經驗, 如果唔再上黎, 就真的可惜了...

appleyuen

amychan2405

小左一個教練同我地分享意見 , 的確係有d可息

NOVMUM

Can I have the phone number of the Coach?  Many thanks.