想問關於九龍灣德福幼稚園的資料, 知道請過d料啦!

onon328

田田媽咪 ,

琴日老師打比我話安安出水荳, 我放工返去同安安睇醫生, 醫生都話係出水荳, 而之前蚊"難"已經散得七七八八啦.. 多謝妳關心, 安安今朝仲話要返學tim!! :cry:
我哋跟東瀛遊, 都唔錯, 我哋去咗六日, 有兩日去上海, 四日去大板, 團費每人伍千, 安安平三佰蚊.

onon328

WaiWai媽媽,

安安更係認得妳啦!! 妳同惠惠成個餅印!   
小心照顧惠惠呀! 唔好比佢抓爛d水卜, 唔係唔靚女架!!

fostermak

Hi:
你地好,我囡囡都係上禮拜開始返德福n1a班,每朝我都會響課室出面偷望囡囡情況一陣先走,見佢果班許老師同祈老師都好有愛心,但係今朝帶佢返學,無意望到隔離班n1c班一位老師對其中一位學生態度好差...

我見n1c班有三位同學跟其他同學唔同,當其他同學唱早操歌果陣,佢地就食早點,其中一位女仔唔知係唔肯飲水定飲得少,老師就好惡咁鬧佢(我望到佢果樣兇神惡煞,但隔住玻璃,聽唔到鬧乜),用手指篤住佢個額頭鬧,跟住用杯好粗魯咁質佢飲水,小朋友唔飲,老師發脾氣掟佢條抹嘴巾...

你覺得係咪要投訴佢?雖然事不關己,佢又唔係教我個囡,但係呢位小朋友只係唔飲水,又唔乜做左曳野,咁樣鬧佢真係好侮辱,而且呢位老師好冇愛心,亦冇耐性,你地會知呀?我唔知小朋友果名,亦唔知佢家長係邊位,但係如果我知道佢咁對我個女,我一定投訴

我知老師對住咁多小朋友都唔容易,一間學校,老師梗有好,有d冇咁好,望到咁,我開始猶疑好唔好俾繼續響度讀k1,你地點睇呀?

onon328

Hi fostermak,

Welcome!!   多謝妳上來報料, 睇到妳POST個篇文章出來真係好驚訝呀!! 如果我見到一定會report比校長知投訴這位老師, 雖則而家唔關我事, 但自己小朋友係到讀, 都或許有機會教自己小朋友, 如果唔投訴再繼續比這個老師咁樣對待小朋友, 可想對小朋友傷害有多深!! 而且, 呢位老師咁本唔適合做幼兒教師, 咁冇愛心同耐性. 妳可否pm這位老師名稱給我, 因我未來會同我細女報讀這間n1.
其實每一間學校都有好&唔好老師, 我囝囝現班主任很好, 很有耐性&愛心, 囝囝返得好開心! 妳唔使咁快擔心比唔比囡囡應唔應該再係到讀, 妳應多留意下囡囡有否常說"唔返學", 如果有就要問問究竟?? 我便是過來人...

fostermak

onon328:
其實我同囡囡返左學一個禮拜,我淨係識佢個班主許老師同祈老師,至於果位惡老師係教n1c班,我真係唔知佢叫乜名,佢係四眼，瘦同長頭髮,如果你企響地下有人耍太極個操場望入去,就會見到佢同另一位四眼肥老師教書.

暫時囡囡都冇講”唔返學”，淨係識講：思晴冇喊/思晴返學呀，始終佢係細B，仲未識講番每日學過乜野，所以老師對佢點，佢都未識講番俾我聽...

你地報德福k1定Ik1？評價如何？你囝囝初頭會講"唔返學",點解?可唔可以講黎聽聽,

WaiWai媽媽

Hi fostermak,

歡迎你加入.我都會好似onon328一定會去校長到投訴這位老師 好彩我個女讀n1個時d老師好鬼好!以家升上K1又遇到兩個好老師就係:劉老師同廖老師啦 希望會繼續有好老師教佢啦

fostermak

多謝你地呀,我會每日繼續留意阿囡之餘,再留意下呢位惡老師...

onon328

fostermak,

妳囡囡冇講唔返學咁應該都ok冇咩問題! 我囝囝而家讀緊k1, 我本人覺得很好, 囝囝成日話要返學, 尤其囝囝班主任劉老師,同廖老師.. 很好 時常有致電家長報告小朋友在校情況.
我囝囝之前係一間連鎖頗出名幼兒園讀n1, 起初很喜歡返學,但讀了近兩個多月後, 每天都話"唔返學", (因當時我囝囝講嘢唔net) 只懂表達這三個字, 後來情況更差, 一提返學二字都會喊得好慘...經我和老公商議後, 決定轉校, 囝囝一轉校就好開心同好肯返學啦! 我囝囝退學冇幾奈, 坐我囝囝格離位個同學仔都退咗學...而囝囝未退學前成日同我講話老師"吉"佢隻手... :cry:

田田媽咪

fostermak:
歡迎你   
all 德福媽咪:
我都聽我家姐講過,我家姐個仔係保良局讀K2,佢成日裝入去睇佢個仔,真係有咁既老師,用手指篤住佢個額頭係咁鬧,鬧到個小朋友好驚,我覺得小朋友都有曳同乖,每個小朋友都有受落的一套,但都不止於要咁樣對小朋友! :evil: 我開頭返学仔仔都試過吾肯飲牛奶麥皮,佢一飲親就嘔,我仔仔開頭第一啖反胃想嘔,跟住廖老師話依D食物有益吾可以嘔,我仔仔真係吞番入去,真係肯食,然之後一啖一啖好有耐性同愛心餵我仔仔食,第二次食牛奶麥皮,我仔仔開始自已食,次次食牛奶麥皮老師同有我講佢有冇食,我返学到而家我早上送完仔仔放学,都有係窗口望入去,我亦都有見過D同学仔為左玩具打交,我見到劉老師同廖老師即刻分開佢地,一人拖一個小朋友,講真一班有咁多人得兩個老師,我覺得真係以經係好好!真係值得一讚     

田田媽咪

WaiWai媽媽,onon328:
安安同惠惠都出水荳, :cry: 唔好比佢抓爛d水卜,在家中多D休息,係咪喺学校比人傳染?阿軒軒問我点解晴惠同麒安無返学?我話晴惠同麒安病左,跟住軒軒又話今日病左明天咪可以返学?我話媽媽都想晴惠同麒安快D好番快D返学!! :-|

LeeLing

田田媽咪，
我估囡囡都好鍾意啊！我見佢放學返時一路都要自己拎住返，但個盒都幾大架！我見佢要用雙手托住返，我話幫佢拎佢都話吾使啊！

fostermak

onon328:
你講果間名校係邊間呀?

and all:
我今日打聽到N1C班果兩位叫張老師,我指果位惡老師係長髮四眼瘦身型

另外,我想問N1老師會唔會跟住直上教埋同一班K1-K3到畢業,定係n1一個老師教,k1會有另一個老師架?如果由n1到k1都係同一個老師,我就冇咁擔心

onon328

fostermak,
Pls check pm..   要記住呢個惡老師叫張老師, 如果他朝我囡囡讀n1時咁好彩係呢個老師, 我一定會同佢轉班or轉校!! 至於妳問是否由一位老師直上教埋同一班K1-K3到畢業, 我都唔知道, 等我問下老師..  

田田媽咪,
安安琴晚問我幾時返得學, 我話最快下星期, 安安答我:我好慘呀??!! 跟住又無端端話"田栢軒唔肯自己食嘢比老師閙" 都唔知真定假??  

WaiWai媽媽

fostermak,
我個女讀n1時都有張老師教不過佢無戴眼鏡,唔知係唔係佢呢?不過我覺得佢都幾好,重有馮老師不過佢已經走左啦,今日馮老師重打電話同我傾計tim

Dear All
你地唔駛擔心,真係間間幼稚園都有好同唔好老師,睇小朋友鐘唔鐘意返學就o.k.

WaiWai媽媽

onon328,田田媽咪
兩個醫生都話我個女唔係生水痘,係Virus感染,以家好得九九十十,不過星期一都唔知比唔比個女返學好 我D護士同事話唔好比佢返住,費事又再感染水痘啦,不過個女朝朝起身都話要返學,佢一定好鬼(瞞)   個日同佢去睇醫生好似隻甩繩馬騮放(鑑),週圍走無時停,唉! 20/10仲係第一次生日會tim 唔通又無得玩.

fostermak

WAIWAI媽媽 & ONON328, 田田媽咪:
聽你地咁講,德福老師大部分都幾好,好有愛心

馮老師係咪冇戴眼鏡,長頭髮,眼大大,皮膚白果位?囡囡黎面試同上適應班都係佢教架?
仲有一位四眼短頭髮老師,隻手有疤痕,今年見唔到佢教N1班,唔知佢係咪走左定係教高班呢 ?我見佢都好有愛心

onon328

WAIWAI媽媽,
安安到今天只出咗五粒水痘而且都好得8899啦! 星期一應該可以返學啦! 安安日日都問我返唔返得學...

fostermak,
我同意妳講"德福老師大部分都幾好,好有愛心"

WaiWai媽媽

fostermak
就係佢呀!係馮老師都幾靚女嫁,想問以家n1班係唔係要除鞋入課室?如果係都有進步,其實以前我提意過要除鞋入課室,因為小朋友太細,d玩具跌左落地好dirty又再羅去玩,有時佢地會咬下手指家麻.

WaiWai媽媽

onon328

你又好啦禁快好返 ,我個女返左學隨時野水痘,算啦係唔係都要出 一於星期一返學,因為佢實在太想返學啦  

田田媽咪

WAIWAI媽媽 & ONON328,
希望安安同惠惠快D好番快D返学!! 星期五收到張通告話去旅行,去西貢獅子會自然教育中心,十一月二十五日(星期六),上午9時至下午3時,你地會吾會叫埋老公一齊去??