40區深水土步既家長入黎傾下啦

PHmami

Bowiema,

我覺得呢間學校好低調，作為一間英中，我住深水埗 2x 年，竟然冇乜聽人提過！？多數人中學會講上智、銘賢、近幾年多咗黃 x 珊&英華！

法子

知唔知附近有沒有些小一適應班參加?

cchan

請問各位知唔知深水

法子

有冇人知道呀?~~~~~~~~~         

Jan-wen

法子:

妳好似住青衣的,點解唔揾番青衣的小一預備班呢?我知青怡廣場有間補習社有攪這類課程,如有興趣可以pm我!

法子

Jan-wen,
Hello~~~你小朋友幾大?係邊度番學呀?   

Jan-wen

法子 :

Hello!我小朋友今年小一,係基榮上午校!

法子

Jan-wen ,
我囡囡將入聖安德烈,咁咪同你小朋友同校?~~好開心認識到師兄/姐呢!    青衣也有小一適應班嗎?請你告訴我吧~謝謝您!!現在基榮小一的課程怎樣,有小一適應班/分班試嗎?校裏的老師又如何呢?
很多問題,但我又想多些了解學校,希望你能多多分享呀~~     

Jan-wen

法子,

青衣青怡廣場地下有間青萃教育中心有攪小一適應班,你可以打電話去問下詳情(電話:2433 3636).

基榮小一並無分班試,學校老師都幾關心學生,功課量每日大約七至八様連改正,但抄寫就比較小,多數係做工作紙同埋補充練習.學校有一個註校的外籍老師,隔星期的英文課會由外籍老師上課.學校好鼓勵學生多閱讀課外書籍.如果你想
更了解學校,你可以上教統局的網頁睇睇基榮小學的校外評核報告.

校車方面比較麻煩,學校係無校車入青衣的,我仔仔現在上午要出葵芳坐媬姆車,但放學就會入青衣(尾站).

  :cry:

法子

Jan-wen,
交通問題確實煩惱,由青衣到st.Andrew沒有直車,每天上學要坐巴士到長沙灣廣場再轉小巴.如果不轉小巴我和囡囡要步行20mins才到學校.....我已試過乘車3,4次預計每天上/放學時間,上學就要用個半小時..放學又個半小時,花在上/放學已3小時......       確實令人煩惱...      看來校車也很重要~~~
我也很祈待新校服,不知道是什麼模樣呢~

Jan-wen

法子,

校車的確係一個幾大的問題,回想去年週圍撲校車的經驗都幾恐怖,我以為新校比較近青衣,車程會短d,原來去海麗邨都要成個半鐘咁耐,不過到開學的時候可能會有校車入青衣呢!

我仔仔係讀上午班,轉全日後會留喺旺角舊校.

法子

Jan-wan,
係喎,上午班轉全日後留喺旺角舊校,我都撈亂左添...其實你住青衣,點解會揀太子0既學校呢?
你知不知道書簿離費/校服/校車要幾多錢呀~

Jan-wen

法子,

唉!本來一直想仔仔入英華,點知第一,二輪都唔中,又無得叩門,青衣又只得一,兩間揀得落手,油尖旺個校網又好d,所以仔仔咪唯有辛苦d跨區讀書囉!

書簿雜費半個學期$1,070,但學校會加習作同書(大約百幾蚊),校服就由兩間校服公司代辦(金綸同另一間唔記得嗰名),校車就$530一個月.

法子

Jan-wen,
英華真係幾難入,我朋友20分都唔得,另一個25分就得左!
基榮都唔錯,同區屬1,2之列呢!     

PHmami

法子 & Jan-wen,

所以我都諗緊第日仔仔 英華 20分 & 聖安德烈 25 分應如何選擇，只怕英華 20分 1、2、3 輪都衰晒，到時就頭痕啦！希望遲 d 聖安德烈有 d 具體既評價，就可以落實點揀好 lu！
仲有想請問知否邊間幼稚園叩英華門收既機會高 d？

法子

PHmami ,
都冇話邊間幼稚園叩英華門收既機會高 d架~間間機會均等.
不過呢...如果我有20分,我都唔會博英華...始終太高風險la...

Jan-wen

PHmami,

既然有得20分,當然值得博英華啦!今年我都識得2個小朋友係20分的抽中,不過一個考到男拔所以放棄.不過最好考定d私校墊底,如果唔係到時一個唔好彩,就會好傍偟.其實要叩英華門的機會真係好微,好似舊年英華根本就無得叩門.反之其他學校(當然唔係超級名校啦)要叩門又唔係想像中咁難喎!

PHmami

Jan-wen,

咁你朋友一定曾經好頭痕頂嘞，拔萃直資比成拾幾年學費但名氣大 dd，而英華拾幾年都免費，你朋友最後點解揀拔萃呢？我都會考定d私校墊底，唔係到時真係1、2 輪都唔得就煩 c lu！！

Jan-wen

PHmami,

考到拔萃梗係唔使頭痕啦!就算要比拾幾年學費都係值得的!而家喺英華走的唔係移民就係轉咗去拔萃,而最值得擔心的始終係要達到75%band 1學生,中學先可以繼續以英語授課.其實現時都無幾間津校可以做到,就算私校亦唔係太多!

法子

我有20分都唔選英華,一來係高風險,二來係有其他心水選擇