學覇的個性

流浪地球

天外之人 發表於 23-9-22 13:00
各位現今所謂既狀元或學霸,會唔會操行都一定要係A範圍?

操行唔會一定係A 範圍。品學兼優與學霸無緣。

3Meowshome

回覆 hkcsty 的帖子

其實點定義學覇呢？指定的一個 公開試高分？考乜都高分？唔高分都可以，但肯讀？
我自細唔使人叫做功課，純因我唔鐘意欠人東西的感覺。

求知慾Drive的主動學習係我上中4之後才有。成績開始穩定下來都係中4 開始。有求知慾其實係自己上堂見的，好像前後左右都有一些位我係更想知的，想好似蜘蛛咁去起大D個網。

我又唔太覺自己係學覇，只係一個高中時好鐘意看歷史書的學生，現時就乜書都鐘意睇。

964000

3Meowshome 發表於 23-9-24 17:51
回覆 hkcsty 的帖子

其實點定義學覇呢？指定的一個 公開試高分？考乜都高分？唔高分都可以，但肯讀？

網上定義：
（這些都是國內用語）

金字塔頂端是「學神」，學神是鳳毛麟角，是那些不太用功但考試成績卻很高的學生。

學霸是那些「非常努力且考試成績優異」的學生，學霸比學神更常見，他們的考試成績優異，但卻因為不夠輕鬆而無法躍居神位。

3Meowshome

回覆 964000 的帖子

謝謝你，2加d中文真是好深。 我以為學神係車掛學字牌果d。。。

hkcsty

3Meowshome 發表於 23-9-24 17:51
回覆 hkcsty 的帖子

其實點定義學覇呢？指定的一個 公開試高分？考乜都高分？唔高分都可以，但肯讀？

我定義係各科高分的頭幾位一定有佢份果類學生

即係其中一科考10名以外已經算失手

因為現在叻人實在太多，長期守到十名以內都好難

3Meowshome

回覆 hkcsty 的帖子

真係人人定義唔同。我自己唔太看重校內成績，因無乜代表性。
至於之前有人提到要要温至分的分別，以我所見，我班內當年所謂唔温都高分的一批，去到A Level係唔温全炒車的。可以唔温高分係只係去到某個年級的。

就算我剛讀完MSc的同學，其實每人都要放好多時間看書，做Desk Research先的，答題要Quote的。所以去到某一個 Level我覺得已不存在可唔温都高分。

Rpp

3Meowshome 發表於 23-9-25 13:04
回覆 hkcsty 的帖子

真係人人定義唔同。我自己唔太看重校內成績，因無乜代表性。

係不太用力，同非常用力之分，不是不溫書。

LeeCC

天外之人 發表於 23-9-22 13:00
各位現今所謂既狀元或學霸,會唔會操行都一定要係A範圍?

唔一定，有學霸小學時係出名百厭星，無時停，操行未試過A ,

聽其他同學講，佢上到中學，搵到同聲同氣的朋友，繼續搗蛋同時成績好

subsidy

學霸。。。我有D經驗，可分享，
我前夫和老爺都是理科學霸，根據我前夫同學講考試一晚，人人都在努力溫書，前夫仲不停叫人ONLINE，一起打機。但佢最後都係FULL MARK。


我老爺就一直負責教我仔數學同科學，K2 已教會3位加減法。仲會BUY好多有趣同新上市的書或電腦，電子產品比小朋友。


我小朋友係個SEN資深會員（讀寫障礙，自閉傾向，語言障礙），2YRS 就已要上專家堂，寫中文永遠比老師打回頭，英文oral 就滿分，寫就常唔合格。
好多問題，乜書都睇，非常8掛。


其實，學霸未必係好好，我前夫不會和人溝通，好多時候聴唔明"人話"，我老爺唔喜歡見人，公司董事長，開週年大會都走去後台唔見人。


所以，讀得叻，未必以後人生都好，否則我都唔會同佢離婚啦。


加油，咁多位家長，小朋友學到知識又有愛心，仲有要健康就好好了。

以上係我 生活在 3 個 資優加學霸 身邊多年的體驗。

BSCYL

我來補充2個應該算得上學霸的例子。 兩個最終都夠分讀醫，但其中一位選讀一科，她屬於極高分的應屆學生。
父母悉心安排協助，讀名幼，搬家（校網是一個因素）後插班到沙呂。 學鋼琴，不肯定小六是否8級，但中學有持續考演奏級， 另有一中樂器是全港冠軍 （練至手指破損，依舊忍痛繼續），毛筆書法也多次獲獎。 她本身不算特別有天份，但後天的培養，自律及那股努力不懈，小六介乎級二，三，四之間。 成功考入九龍塘紅磚屋。 平日勤力，考試更拼命，曾有阿媽收起書本，阻止她繼續苦讀的案例。 勤力是她成績的保證。

BSCYL

第二個屬於天份高，最初只是屬意黃芴南，在不懂制度下，先報了區內東華幼稚園，隨後選東華小學。以應屆幼稚園傑出學生入讀，老師應該知道，加上暑假學了2個月的書法，第一份功課引老師懷疑，要堂上再寫，從始踏上順風車，加上在學校善於偽裝扮乖，除了小四級三，其餘五年都是級一及每級一名的品學兼優生。 背默只需讀上一，兩次，90，100無落空過。 考試溫書，就是做一次家中安排的模擬試卷， 掀開書本不足5，10分鐘。 平日返家亦不溫書，無線8點開始，三線劇集，從不間斷。家中平日安排的都是消閒活動，唯一的就是在小學校內上的ABC英文劍橋，由小四開始，小學安排不同的比賽，增潤課程。最後成為開荒牛，成功入讀銅鑼灣男官。

fibe0313

我覺得專注力同自律首要，其次是閱讀。我女無特別聰明，但知道自己責任，我地無補習操卷，但從小培養大量閱讀，考試前2-3星期開始復習考試範圍，大概每日15-30分鐘，普通津校初小，託賴還算不錯。考試時我地都有打機同睇書，平常心，盡左自己力就ok.不過每日做功課我都會自己跟緊d,如果有唔明會自己教返佢。

FNN

我有小小心得可分享：我K3至小三請個讀緊中學的姐姐每天陪個女花半小時做英文閱讀理解，另半小時做中文閱讀理解。只要小朋友(emoji)理解，日後事半功倍！

我兩公婆從小到大不用跟小朋友看功課，錯了就自己改。功課係小朋友自己做，家長幫佢攞一百分係自己呃自己。

細路仔讀唔讀到書，係講資源，自己係唔會教得識自己的小朋友。

LeeCC

其實父母自身的讀書考試經驗都有幫助

眼見親戚中，有家長自細學霸，小朋友自小訓練出獨自處理功課，編溫習時間表，還有各科都有溫習心得傳授給小朋友，小朋友小三四已經可以獨自溫習，成績都上游以上

相反親戚中有本身年年考級尾的家長，聽到人地小朋友小三會自己編溫習時間表，整理考試範圍，都覺得世紀大發現，話無想過小學生已經要咁做，佢自己當年會考都唔識，我聽到佢咁講都

天外之人

LeeCC 發表於 23-12-31 08:05
其實父母自身的讀書考試經驗都有幫助

眼見親戚中，有家長自細學霸，小朋友自小訓練出獨自處理功課，編溫習 ...

都唔一定,咁可以講衹係父母思想上問題,更何況與學習好唔好唔關事,每個孩子都係由零開始,唔會相信未出世已有讀書好既準備,衹可以講由有BB到幼稚園以致小學,父母自己做既野係會影響孩子學習好與唔好心態.
我同先生都唔係屬於學習成績好既父母,我的父母衹為了工作,身處中間既我更放任我自己,當然也是屬於冇咩要求那類,我亦都好鐘意睇書,到自己真正既孩子出世,我都貫輸自己思想,令孩子鐘意睇書學習就足夠,小學階段唔需要咩特別溫習時間表,一樣都可以出類拔萃.

200904

我兩個女自小一開始，做完功課就看課外書。但不會多看一眼教科書，更不用提做非老師佈置的習題了。考試只會把書本從頭到尾看一遍，就算溫習完了。然後又開始看課外書。9點半準時上床睡覺。
現在中學生，做完功課，多數看YouTube，少了看書。然後11點都不肯上床睡覺。話現在8小時睡眠時間夠了。

200904

回覆 Adiezz 的帖子

從小，告訴她，學習是自己的事情。不要浪費做小孩時，可以全身心讀書，然後用學到的知識，為自己的將來做儲備。父母的責任，只是在她們幼小時給與財力和溫飽的幫助。待到他們長大成人，爸爸媽媽都要退休，無能力再在財力上給與幫助，吃飯吃粥，是否能過上自己想要的生活，就靠自己的積纍。

然後，儘早開始讓他們獨立。我是小一一開學，第一個星期，讓她們自己收拾書包，第二個星期開始有功課，跟了一個星期功課，告訴她們要儘快做完。做完之後才可以自由看自己想看的書。第三個星期放手。我只負責簽家長手冊。

我也申明，家裏沒有多餘錢給她們去補習社，所以，一定要上課好好聽書，不懂問老師，同學。問阿媽是最後的解決方法，但阿媽未必識。

鼓勵爲主，做的好，給與小紅心帖紙，凑夠十個小紅心可以去海洋公園。（當時我們是半日制），所以通常我們兩周就可以去一次海洋公園（平日下午，普通卡）。

提子方包

以前自己讀書年代，班裡面個學霸係文靜讀書型，唔多相熟朋友，但經常搵老師問野

天外之人

提子方包 發表於 24-1-5 11:34
以前自己讀書年代，班裡面個學霸係文靜讀書型，唔多相熟朋友，但經常搵老師問野
...

學霸係唔係文靜讀書型就唔敢講,但能有揾老師提問,這一點就已經符合學霸要求. 加上有充足睡眠,這樣的孩子腦筋發展唔會差得去邊.

提子方包

天外之人 發表於 24-1-5 11:44
學霸係唔係文靜讀書型就唔敢講,但能有揾老師提問,這一點就已經符合學霸要求. 加上有充足睡眠,這樣的孩子腦 ...

充足睡眠真係好重要