- 在線時間
- 2 小時
- 最後登錄
- 26-2-19
- 國民生產力
- 0
- 附加生產力
- 592
- 貢獻生產力
- 0
- 註冊時間
- 17-11-30
- 閱讀權限
- 10
- 帖子
- 105
- 主題
- 4
- 精華
- 0
- 積分
- 697
- UID
- 634787
|
回覆樓主：
本帖最後由 nwchan 於 22-11-14 09:05 編輯
福附用家，校長近年確實係高調左，我自己覺得無需要，不過係欣賞校長真係做實事。
學校旅行校長亦安排唔同options等所有同學可以參與，真係唔存在冇打針被歧視，相反，之後估佢可能因為呢個原因而安排唔同options俾小朋友, 覺得佢係幾有心。
福小唔算特別忙，完全冇狂操卷，相對部份其他target入band 1a小學輕鬆好多，始終no pain no gain. 福小忙係做presentation 同拍片，認唔認同見仁見智, 但近年都少左，可能因為有家長投訴。同埋少抄寫，亦都唔會執學生d字執得好勁，亦都唔會狂操練習， 有好有唔好啦。學校重視成績但真係唔算好academic, 有同學轉左去有直龍band 1a名津，確實係兩個世界。福小冇精英班，有拔尖補底課程，一直覺得學術上學校好平等，一視同仁，唔會特別偏重成績好同學，每個同學都有機會發揮。
反而課外活動就感覺學校近年偏重左某d項目去催谷攞獎同學校知名度，忽視左學術成份項目。
讀左幾年，個人覺得學術同課外活動獎項同成績唔算學校賣點，學校重視但相對其他學校，真係唔太覺學校有特別催谷，反之，語境，英文程度，Thematic Science, 閱讀氣氛，同埋多樣好玩既學習活動先係福小可取之處。
有時學校關唔關愛真係好視乎遇到咩老師，學校通常會放比較好既老師去初小同高年級，入唔入到好班主任既班睇彩數，總有超好同埋hea老師，社會縮影，無可避免，但疫情前福小真係好多活動，小朋友超級開心。
如果要語境，福小係適合既，基本上近兩年入讀都蝕左，因為1,2年級最重要果兩年語境冇左，停課太多。
同學慢慢上去會分兩批，一班英文＋廣東話溝通，另一班全英自己溝通，全部英文都流利，而英文accent真係好個人，同埋睇同咩同學仔玩，英文好既通常會討厭中文。福小最多課時係中文堂。應該英文同TS比其他學校深，中數正常冇教快。
上到高小就會開始感覺到一條龍好處，基本上中，下游都諗住上福中，同學都希望全部合格附合福中條件，中，上游好多都會諗下外闖，但又未必出盡力，因為始終有後備，有後備同冇後備心態真係會好唔同，亦都唔會唔考慮福中，因為始終係直資上直資，亦都會尊重小朋友意願，小朋友好多時都希望同同學仔一齊上同一中學 。
其實讀一條龍就係唔想煩，希望有後備，升中準備時間太長，幾叻既小朋友亦難避免有失手既情況，有學校打底係會放心好多，相信好多選擇福小家長都係咁諗。
如果有時間有資源去預備幾年玩升中，確實去更top既學校可能更好，視乎每個家庭情況。
 |
|
發表於 22-10-27 11:02
