一人一信致教育局局長, 嚴厲打擊用非自住地址申請大抽獎

kwunpa

唔怕講多一樣野比你地知，其實好多人都知。
無地址證明都可以揀區抽獎。就系去民政事務局宣誓（其實系教育局入學組宣誓都得)，話自己住邊邊邊就得！唔駛任何野證明！欏住張宣誓紙去教育局，就系合法住址證明！當然被人揭發就系發假誓，系刑事。但系又系果句，甘多年教育局無捉過一單發假誓。好多雙非都識用呢招！

總括而言，唔好奢望官僚會改；正如唔好寄望民主黨會變。

kwunpa

Vanadium 發表於 18-12-4 21:01
我個人始絡理想化啲，認為純抽獎唔係好啱路數。

每次睇新聞，見到一班內地有少少錢既人，完全唔了解香港教 ...

同意你呢個辦法的大原則，我自己都系甘捻。不過兩輪學位比例同選幾多家面試可以再商榷。

另外，直資收生辦法要同官津統一翻，甘至公平。

私校就學校自己決定點收生啦。

primarydelima

skpun0317 發表於 18-11-28 17:18
家長們為小一學位已經勞心勞力, 需要作戰到最後等大抽獎的, 還有半年才有結果, 確實是一個煎熬.

作為家長, ...

Deleted

simpson.chan

kwunpa 發表於 18-12-4 20:30
我明。而且舉腳贊成。

不分區派位系家長先填表選校，全港任揀，然後再抽。除非你揀過，唔會無喇喇你住屯 ...

用現行分配機制，放頭幾位熱門抽唔中，跌下跌下就好易最後先派你去該區剩低仲有位既學校，而家「全港不分區抽獎」就係當成個香港係一個區，點會無可能派去雷公咁遠？ 都係within 香港特區而有位呀！

情況好係你無選過寶校，最後點解派寶校。 唔明既上網教局睇佢個video。

simpson.chan

kwunpa 發表於 18-12-4 21:13
教育局每年都系捉十幾個case 當交差，靠官僚，真系法國大餐。
剩系喇沙小學一年都唔衹幾十個假地址。神父系 ...

V字會員話而家無人用假地址，會做戲做全套架。

kwunpa

simpson.chan 發表於 18-12-4 22:19
本帖最後由 simpson.chan 於 18-12-4 22:20 編輯

用現行分配機制，放頭幾位熱門抽唔中，跌下跌下就好易 ...

你至唔明。
你系家長，比你頭幾位放全港熱門學校，第5 -第10位識唔識放同區2，3綫學校呀？都抽唔到，第10 - 20 位識唔識放同區 4，5綫學校呀？4， 5綫都爆，咪玩啦！

而家系比家長揀 50 家呀！唔系 5 家，抽唔到5 家就任派呀！明未？

如果家長填表時填曬 50 家全港大熱，唔set 保險綫，甘派佐去山卡喇就真系與人無尤。

simpson.chan

Vanadium 發表於 18-12-4 21:01
我個人始絡理想化啲，認為純抽獎唔係好啱路數。

每次睇新聞，見到一班內地有少少錢既人，完全唔了解香港教 ...

1）同現行辦法無咩分別，不過多左interview位，少左抽獎位。 一心想happy school既少左位抽獎，只有更小心去預備面試。 作為老師，你都想教輕鬆d，家長會自己教，小朋友又叻d個種，要乖乖學生，個個一舊飯咁咪乖，但成績追唔上又影響學校排位。 成件事可以預期成個香港補習/面試班產業更上一樓。

2）全港不分區抽獎講左好多次，前個堆prioirty抽唔到就好易中寶校。 以前間寶校係同一區，最多借位隔離區，而家係「within成個香港特區」。
點解唔可以好似統一派位甲部咁？因為甲部唔中，有乙部去分區，唔中都有分區既寶校。  明？

simpson.chan

kwunpa 發表於 18-12-4 22:25
你至唔明。
你系家長，比你頭幾位放全港熱門學校，第5 -第10位識唔識放同區2，3綫學校呀？都抽唔到，第10  ...

本帖最後由 simpson.chan 於 18-12-4 22:50 編輯

咦，你堅唔明實際情況喎

咪自以為得自己聰明，得自己有「策略」啦，個個都識定「安全線」，in case抽唔到心水咁點。 咁點解又年年有人中「無揀過」既寶校，熱門區仲派埋去隔離區無選擇過既學校？仲唔明？
另外，乙部比你只揀5個咩。

呢d策略有人唔識諗都好，升學專家出哂文教大家點填，咪以為有秘笈啦

rosandjov

抽獎其實就係講運氣，同六合彩無咩分别。如果要公平，不如所有學校都要interview，淨番既學位先统一派位。唔去in，in唔到既先靠政府，可能大家都會心服口服。

kwunpa

simpson.chan 發表於 18-12-4 22:47
本帖最後由 simpson.chan 於 18-12-4 22:50 編輯

咦，你堅唔明實際情況喎

系要死抅.

退一萬步，真系有大支野家長 50 個位都唔set 保險綫，被派去山卡喇。甘扣門時識唔識返自己區扣門呀？自己區寶校都無位？甘多年我未見過囉！龍年都有位剩！

simpson.chan

Vanadium 發表於 18-12-4 21:01
我個人始絡理想化啲，認為純抽獎唔係好啱路數。

每次睇新聞，見到一班內地有少少錢既人，完全唔了解香港教 ...

理想化就諗全港學校歸入Maryknoll lasalle st joe 第一第二第三分校咁數落去，梗有一間係你左右，爭咩，邊個再話唔公平？

Vanadium

simpson.chan 發表於 18-12-4 22:41
1）同現行辦法無咩分別，不過多左interview位，少左抽獎位。 一心想happy school既少左位抽獎，只有更小心 ...

其實唔明教育原則既應該係你。不如，你講下咁樣分區大抽獎，點樣可以做到更佳教育效果?

當然，若有人唔講教育，只講唔想煩，或因為自己都唔想投入子女教育咁多，想不勞而獲，抽獎上天安排大家公平，咁就無說話好講。

我唔會否定若要interview，會做就更多"補習"，但本來補習(或帶小朋友去學多啲野)，都係教育子女其中一種方式，而政府，的確要鼓勵家長多親身參與教育下一代，唔係生左佢就求求其其。方法總比困難多，唔想搞到社會好催谷，係細節上一定有辦法，但至少好過抽獎，鼓勵人博大霧、不勞而獲、求求其其、用錢使横手買住址。

更甚有啲因兄姊入左神校，就即下面細佬妹全部咩都唔理，因為必入，都唔使搞咁多野，呢啲心態又好?

況且，我就不見得間間學校都搞學術。如真係行一個咁既制度，我就相反會搞一間happy school，講到明少壓力少功課，肯定社會都會有捧場客去in我間學校，我一定可以收足生，，但只不過，家長揀學校下，我都要搞一間認真既happy school人地先會讀，若抽獎，根本無得搞，又唔使搞，你亂派人入黎，我做得啲咩? 反正你又係唔係都派人入黎，我又咩都唔使做照收人工。

抽獎係大鑊飯心態，早早已確定不能提高社會動力，只要賭鬼先會成日唔做野去投注站博發達。

simpson.chan

kwunpa 發表於 18-12-4 22:57
系要死抅.

退一萬步，真系有大支野家長 50 個位都唔set 保險綫，被派去山卡喇。甘扣門時識唔識返自己區扣 ...

又係喎，為左去返近自己個區而叩門既，係你既新制度下每年多幾千人。 加埋派位唔理想又去叩門，正喎，萬人一齊係個幾日叩門不是夢呀！ 高見！

退咩一萬步，年年發生年年新聞有報，睇返實際情況，唔好以為得你自己識諗啦

simpson.chan

Vanadium 發表於 18-12-4 23:17
其實唔明教育原則既應該係你。不如，你講下咁樣分區大抽獎，點樣可以做到更佳教育效果?

當然，若有人唔 ...

政策目標，點解抽獎而唔係interview, 係唔想過早催谷小孩，等佢地有正常嬰孩生活。 點解分區係返學方便免除小孩舟車勞頓。

至於想多d學術又入左happy school, 想happy school又派入谷既學校，係「抽獎」一定有可能出現既錯配。 但事實現時標榜happy school既直私小學，interview除左培道等少數係interview都咁happy, 其他有學術reputatin既咪又係interview考埋學術。 有interview就要計分去分高低，就算國際學校interview 都有brenchmark。 係華人社會結果就係去死谷死操架啦。 （講遠左）

simpson.chan

rosandjov 發表於 18-12-4 22:57
抽獎其實就係講運氣，同六合彩無咩分别。如果要公平，不如所有學校都要interview，淨番既學位先统一派位。 ...

係，全部interview成王敗寇應該最少「不公平」既非議，1間唔收就話可能唔公平，20間都唔收係技不如人了。
係犧牲左想幼稚園happy school, 之後抽奬抽個二三線開開心心就算個班。  小朋友細細個開始要操練亦可預期。
但爭議點都少d，亦可行。

Vanadium

simpson.chan 發表於 18-12-4 23:36
本帖最後由 simpson.chan 於 18-12-4 23:36 編輯

政策目標，點解抽獎而唔係interview, 係唔想過早催谷小孩，等佢地有正常嬰孩生活。 點解分區係返學方便免除小孩舟車勞頓。

舟車勞頓呢方面，已講香港現時交通已唔係70年代，好多家庭甚至有車，加上香港社會亦同70年代好唔同，以前係近到行落樓下返學，仲有打散工既媽湊，但依家....即使所謂同區，大都要坐校巴，坐得校巴.....而同區校巴都閒閒地坐30分鐘，同跨區根本好少分別。

至於過早催谷，依家就分兩批，一批想考直私小既，已係不斷催谷，果啲鐘意大抽獎既，就happy童年。但話分兩頭，咁果啲直私小，最後學生學業成就係咪高啲先? 如果唔係....就唔會咁多人爭入DG、DB、SPCC呢啲學校。

我個人非常反對童年催谷，我認識既家長大都係咁諗，不見得interview一定會帶黎催谷，但各人有各人自由同信念。若然我要玩報小學，我只會報間中度平衡，唔太谷又唔係完全happy既學校，只要大家唔太集中係果啲名校新聞。小學見有客源，自然亦會配合去做間滿足如我呢批家長要求既學校，如此其他人催谷關我鬼事。係抽獎下，學校少左動力搞特色或針對性小學，部份家長亦可懶懶閒唔理子女，絕對缺點多過優點好多。

再講抽獎免催谷本應有個前設，間間學校都一樣，否則抽到極hea做既村校小朋友極不公平，佢地係無辜，佢地做錯咩，自小要被hea做學校教佢地，到小六字都唔識多個? 但咁多年結果，已絕對肯定唔係間間學校都一樣。既然個前設都做唔到，後面再做既野已無意思。

現幼稚園都有政府資助，有無話抽獎入學? 政府官員子女，有無真係去抽到寶校都讀? 根本連政府自己都唔相信抽獎，或只係等我地家長出聲推翻佢罷了。

simpson.chan

Vanadium 發表於 18-12-5 00:24
舟車勞頓呢方面，已講香港現時交通已唔係70年代，好多家庭甚至有車，加上香港社會亦同70年代好唔同，以前 ...

傻豬，而家校車閒閒地坐1個鐘呀，你以為點對點咁去，有排兜呀。 交通改善車又多左，30年前有＄人養車，而家住公屋都養得起車。
咪條路勁塞囉。
interview明顯帶來催谷，加上你提議得返30%抽獎，少咁多位個個都提早預備。 個個「叻左」但如果你個仔仲一舊飯咁，咪happy school都唔收你囉。 年年幾多人話直私無offer, 就係諗住搵間唔太合谷又ok就算，點知大部分所謂happy school學校都要考acdemic同睇你應對，原來要一開始預備，個個後悔無上面試班，咪去上叩門班。 唔好咁ideal學校識發掘你個仔內在美，個個小朋友係父母心目中都咁叻架。有得揀，學校先係老闆，慢慢幫小朋友預備，慢慢表達誠意啦。

simpson.chan

Vanadium 發表於 18-12-5 00:24
舟車勞頓呢方面，已講香港現時交通已唔係70年代，好多家庭甚至有車，加上香港社會亦同70年代好唔同，以前 ...

點呀，又話全港不分區抽獎，講講下，又覺得要全部面試先fair, 但全民面試實際對小朋友帶來既影響又好難同你教育理念相付？

不如我地講返呢個post既主題？ 你次次回都一堆你既教育理念，但就算正確教育理念都同你提出既措施無任何可行性既關連，更何況人人都有佢既教育理念，就算大方向相同，具體都有分別。

百畝林

無睇晒咁多貼文，只睇最近的⋯⋯

經歷咗去年龍年+最後一年嘅雙非，呢個小一遊戲真係好難玩！

諗返，如自行只收有兄姊在該校就讀的弟妹，免卻其他複雜嘅計分。咁就會多咗餘下嘅位做大抽獎。

我認為計分方法唔好。
以首名子女計，只有父母為畢業生，即20分。呢類人只能揀父或母嘅母校。
但有宗教分嘅，都係20分。係可以揀其他同宗教的學校，選擇多好多喎！

正正因為每個小朋友所需嘅教育模式有別，所以香港有各式各樣嘅學校。直私官津，仲有自己在家教，任家長選擇（但前提係學校收）。

我認為（唔改變現有機制）可提早大抽獎，咁如果抽獎失敗，家長同學校就有更多時間處理扣門申請。唔駛等6、7月咁趕（7月中至8月學校又暑假）。結果有些學校開咗學先再call waiting，搞到音樂椅又轉過！

當然，現在6月先開始扣門，係方便官津老師主力完成學校學期考試。提早呢個扣門遊戲，可能對學校係最唔理想⋯⋯

lcyesther

百畝林 發表於 18-12-5 04:20
無睇晒咁多貼文，只睇最近的⋯⋯

經歷咗去年龍年+最後一年嘅雙非，呢個小一遊戲真係好難玩！

本帖最後由 lcyesther 於 18-12-5 10:45 編
111