我如何培養女兒的中文寫作能力

little_yolky

eviepa 發表於 18-10-15 00:34
回覆 eviepa 的帖子

最考功力的微觀寫作技巧

睇嚟, 我最好都係唔好多事幹, 由得阿女鐘意睇乜就睇乜, 費事越幫越忙。

小朋友大大下會變既, 好似阿大之前鐘意睇中國古典小說, 近日, 又同C6個慈父多敗兒响呈二之前唔知幾時同阿大兩個上博客來買咗套翻譯小說, 係Jane Austen既系列。小朋友好似種花咁, 唔理佢, 佢可能長得仲好。近日, 阿細越嚟越多驚喜, 真係喜出望外。當然, 呢個都要我要求夠低至得, 下下都話要過9字, 又話要級頭, 咁就真係跳樓都唔得掂。

Rachelmummy2008

little_yolky 發表於 18-10-16 16:04
我則認為讀與寫同樣重要, 你小朋友既然鐘意寫英文小說, 表示不討厭寫作, 如果中英兼擅, 以後可以學翻譯。一 ...

與你閱讀及寫作的意見是相同的。中英語也是同樣重要。這兩點我在小女升小一後已確定好。

小一起，平日我是不會再加類此學校的文法練習，這點是Eviepa一直以来提出的，只在測考前點到即止。

另外亦不會跟學校課程去擬定平日在家的寫作，我以女兒當日所思所感作題材，是隨興的，也不限字數，初小更與她一起創作，中英各半。

有一點是我的不足，我語文不是太好，很多限制。我這麼普通的媽媽也令孩子愛閱讀及寫作，相信這裡看帖子的人没有任何借口可說了。

你女兒也可以的，去讚賞她吧！她需要你的支持。

MrBeast

little_yolky 發表於 18-10-16 16:51
睇嚟, 我最好都係唔好多事幹, 由得阿女鐘意睇乜就睇乜, 費事越幫越忙。

小朋友大大下會變既, 好似阿大之前 ...

emm, 你是否真是種過ga？e加每年學校都要種一植物，唔理佢一個禮拜就枯死歸西ga la，通常山頭冇人理個d都是野花雜草。山竹過後好多倒樹，interestingly, d根好短唔深，所在的泥土亦不ideal，表面好強壯，根基唔好受唔到考驗就好易倒下

1998Ruby1998

MrBeast 發表於 18-10-16 19:31
emm, 你是否真是種過ga？e加每年學校都要種一植物，唔理佢一個禮拜就枯死歸西ga la，通常山頭冇人理個d都 ...

學校俾嘅植物，十盆有八盆一返到屋企都會死。

greentea000

1998Ruby1998 發表於 18-10-16 21:13
學校俾嘅植物，十盆有八盆一返到屋企都會死。

上年我見同事帶左盤佢仔女學校派既黃時鐘花返公司種，唔想屋企惹蚊蟲。

asweetmom

greentea000 發表於 18-10-16 21:51
上年我見同事帶左盤佢仔女學校派既黃時鐘花返公司種，唔想屋企惹蚊蟲。
...

    
我也有同事這麼做，種死了就自己再買新的。

shirley2014

Rachelmummy2008 發表於 18-10-16 19:02
與你閱讀及寫作的意見是相同的。中英語也是同樣重要。這兩點我在小女升小一後已確定好。

小一起，平日我 ...

你好叻呀！我女小二了，階梯可能屬於第三，現階段英文書不太喜歡睇太多文字（四丶五行個種），中文書好
少少，不過聽大家講咁多，我女好像欠缺觀察力丶邏輯思維丶幻想力、聯想力...冇這些可能寫作能力欠佳。


我平時係唔多喜歡閱讀，如果有閱讀可能係拎住手機睇嘢。

我小朋友閱讀興趣一般，唔係日日睇，每日做完功課已好夜（主要佢做嘢慢），所以冇要求佢睇書（叫佢睇佢
也會去睇，如果主動睇可能就是周未）。

中文我是有限公司，英文更加係唔見得人，不過我覺得你話一人一半寫嘅方法不錯，我試下這方法，想問有圖
案會比較易明嗎？多謝分享

Honeyme22

eviepa 發表於 18-10-9 20:38
回覆 YolandaTam 的帖子

在這個時候遇上你的帖子，好像給了我一支強心針(emoji)(emoji)
我女女現在在傳統女校讀小一，中文能力都麻麻，認中文字好似有障礙咁（有時教10次都認唔到，好似我們讀韓文咁(emoji)），我察覺到她對中文文字學習動機低，這都可能是因為不足夠中文閱讀再加她英文能力強過中文很多(emoji)(emoji) 她還不能自己完成一本橋樑書；真的很煩惱..不知道從哪方面落手令她肯看中文書..

我一直爭扎要不要帶她上中文班，但心知閱讀才是令語言能力提升的有效又持久方法，但她就是沒有興趣拿起中文書看...我現在唯有每日陪她看20分鐘中文書... 迫她一起讀出聲，希望堅持下去，有一日會進步(emoji)(emoji)

1998Ruby1998

回覆 shirley2014 的帖子

你係講緊按圖作文會容易上手？定係有圖嘅故事會容易明 d？

MrBeast

Honeyme22 發表於 18-10-18 00:51
在這個時候遇上你的帖子，好像給了我一支強心針(emoji)(emoji)
我女女現在在傳統女校讀小一，中文能力都麻 ...

有中學？

shirley2014

1998Ruby1998 發表於 18-10-18 06:02
回覆 shirley2014 的帖子

你係講緊按圖作文會容易上手？定係有圖嘅故事會容易明 d？ ...

按图作文

little_yolky

MrBeast 發表於 18-10-16 19:31
emm, 你是否真是種過ga？e加每年學校都要種一植物，唔理佢一個禮拜就枯死歸西ga la，通常山頭冇人理個d都 ...

幼稚園種過一次豆, 種到真係結果出豆喎。不過, 我係用發泡膠箱, 放响露台的, 可能陽光+雨水夠掛。

YolandaTam

Eviepa, 唔好意思借位分享一件事：
小女大測將近，正努力温習。測驗範圍係<敬業與樂業>同<論四端>,除課文外亦測文化知識。小女一邊温一邊唸唸有詞，一段時間後好煩悶咁抓頭髮。我問佢有乜嘢煩，佢話根本唔認同孟子嗰套，人之初係有罪，唔係性本善； 好多人根本只守禮，無仁義之心卻能融入社會風生水起；佢 buy 法家，認為對惡人不能只教化，必須繩之於法；佢認為儒家思想不合時宜，只係上位者洗腦工具而已。
我諗就係呢啲嘢令佢對中文抗拒，讀唔好。試問我哋對於自己不認同嘅嘢，如何記入腦呢？
但佢始終要搞好科中文，唔知點好？

1998Ruby1998

回覆 YolandaTam 的帖子

可以咁諗，要擊倒敵人，必須理解敵人的所有。
BTW，我都支持法家。

YolandaTam

1998Ruby1998 發表於 18-10-18 15:30
回覆 YolandaTam 的帖子

可以咁諗，要擊倒敵人，必須理解敵人的所有。

多謝，等我睇吓佢有無興趣打倒敵人先

eviepa

YolandaTam 發表於 18-10-18 12:59
Eviepa, 唔好意思借位分享一件事：
小女大測將近，正努力温習。測驗範圍係同,除課文外亦測文化知識。小女一 ...

恭喜妳有一個好有獨立思考能力嘅女。
我讀高中同預科時，讀過幾篇論語、孟子，裡面不乏反智嘅言論。

作為一個以中文為語言嘅人，古書可以讀，甚至可以講應該讀一D，但係古人創造佢哋嘅學說時，有佢哋嘅時代局限，今日我哋絕對唔應該用一個「孔孟所講嘅就是绝對真理」嘅態度嚟學習。

YolandaTam

eviepa 發表於 18-10-18 15:55
恭喜妳有一個好有獨立思考能力嘅女。
我讀高中同預科時，讀過幾篇論語、孟子，裡面不乏反智嘅言論。

閱讀絕對有益！
佢嘅獨立思考力，係博覽群籍而嚟嘅，呢個係即使佢語文不怎麼樣，其他副科大致中上嘅原因，亦係到目前為止閱讀帶俾佢最大好處。因此佢自中一起已不再做文法練習，中文只睇練習內嘅文，係唔做嘅。
Eviepa,好認同你講，我哋係毋須將孔孟之道奉為圭臬，但好似小女咁幾近全盤否定又似乎偏激咗少少(年青人反叛作祟)你認為年輕人應抱何態度學習中文(中學中文不少帶儒家思想)呢？

1998Ruby1998

shirley2014 發表於 18-10-18 08:13
按图作文

有圖當然會容易些，不過有部份小朋友唔鍾意圖同指示，鍾意 “自生自滅” 式作文。今個暑假我話左唔少四格圖俾小朋友作文，下面提供一幅，可以參考下。呢位升小三嘅小作家未試過正統作文，需要有圖有指示，但效果都唔錯。

18-10-18 16:56 上傳

下載附件 (167.29 KB)

sinam

greentea000 發表於 18-10-16 21:51
上年我見同事帶左盤佢仔女學校派既黃時鐘花返公司種，唔想屋企惹蚊蟲。
...

我仔果棵我地種左一年，不斷開花仲試過結果。
係學校拎番黎換泥施肥澆水哂太陽，學校俾果小小泥，一條草都養唔大啦⋯⋯

greentea000

sinam 發表於 18-10-18 17:09
我仔果棵我地種左一年，不斷開花仲試過結果。
係學校拎番黎換泥施肥澆水哂太陽，學校俾果小小泥，一條草都 ...

唔知係咪好多學生種死左，之後個同事呻笨，話種植報告有行細字種死左就照填種死左唔使再另外買黎繼續種，早知係咁佢就由得棵苗自生自滅唔使日日服侍佢。