成績大退，冇責任感中一生

retriever

yovin 發表於 18-3-20 21:01
引用你：帖來帖往，較似相對理性與相對感性既矛盾。既已 “事到如今” 當然接受現實更為化算。你說母子血 ...

我們論點沒有看起來大。

你說的虛擬例子，抱歉我沒有COOKBOOK 式的答覆，坦白說，K3 孩子不會自動波做功課很正常，但如不懼怕權威，係有D 奇怪。

話說回頭，有邊個細路會喜歡做功課？ 個人覺得，培養係由功課以外開始，甚至很多時係由基本需要開始。

記得K1－K2 時，一班幼稚園細路開生日會。席間有位孩子起得特別起勁，見到的媽媽們很羨慕，跟著媽媽們起哄，抱怨自己孩子成日食野慢，當然亦有媽媽說：“我果個好似天生唔鍾意食野” ，“天生食野慢”。有媽媽問該孩子， “點解佢食得咁快？。當天剛好係爸爸帶那孩子來生日會，答：“好簡單，佢放左學唔俾佢食咩小食呀，等返屋企先食飯。” 眾媽媽： “哦。。。哦？！”  在旁聽到，覺得幾有意思。

其實我哋係咪有時，太易或太早將問題歸咎天生？

如你引述的數據，無論發病率是高是低，家長有懷疑應儘早找專業意見，如確診接受適當治療。只怕家長錯誤歸咎天生，細路惡習已成，恨錯難返。

Yanamami

Hea同懶，我看是結果，不是成因｡人都有惰性，可以輕鬆便輕鬆。將懶歸咎性格又係有d牽强｡同样两个懶人，－个係知自己責任(要後天教)或唔衰得(天生)，点都会交齊功課，測考就算唔同你日温夜温搏个最高分，亦会考个好好睇睇既成績，不过無功課無測考时－定hea盡，書都唔睇下。另－个就不嬲讀書俾牽住鼻走，唔係功課班就補習，未試过自己為自己努力、打算、安排(後天)，而佢份人又軟皮蛇無目標乜都唔care(天生), 睇怕無人駕駛－定行唔通｡

以上一个係我女，另－个係我朋友个女｡我朋友成日同我呻个女hea，我又同佢呻我女hea……我朋友話：平日点hea都好，起碼你女張成績表見得人吖~

洋蔥頭媽咪

yovin 發表於 18-3-20 21:01
引用你：帖來帖往，較似相對理性與相對感性既矛盾。既已 “事到如今” 當然接受現實更為化算。你說母子血 ...

唔否定有部份小朋友係比較難教，家長需要有無比耐性/EQ才能逐少逐少引導小朋友去改變，其中對孩子嘅包容/耐性/鼓勵/信任/支援絕對不能少。

個人意見，你提例子中訓練kg呢位小朋友自理能力，其方向正確不過父母做得太急，過程中家長未能啟發小朋友動力，亦忽略了與小朋友嘅溝通，更忘記了小朋友感受，第1-2天做法正確，第3天只用口叫佢去做，做完就比佢去玩，但佢唔做父母就忽視佢，4 -12天比小朋友嘅感覺係錯敗、被放棄，小朋友完全感受唔倒父母嘅愛及包容 （須然事實並非如此）……
個人覺得放手過程中其關鍵在第3天，放手並非指父母唔理佢，而是逐少逐少去引導孩子，例如與小朋友協商先揀2-3樣佢最叻嘅自己做左先，做到家長就要加以讚賞去增強小朋友嘅自信，認同孩子嘅好行為，多與小朋友溝通及體會其感受，小朋友才能感受到父母包容與愛而並非放棄佢，好行為就會慢慢地建立。

retriever

Yanamami 發表於 18-3-21 09:13
Hea同懶，我看是結果，不是成因｡人都有惰性，可以輕鬆便輕鬆。將懶歸咎性格又係有d牽强｡同样两个懶人，－ ...

"Hea同懶，我看是結果，不是成因｡"


絕對同意, 壇上討論, 很多時有"以果為因" 既論點!




我成日在網上叫人培養自理, 盡早放手, 唔係我細路天生異品.


論活躍論癲, 佢在圈子內數二無人敢認一. 佢係PN 時都可以俾鬼婆罰企既細路, 到而家都成日收到無時定既投訴, 只有一樣野可以讓佢定下來, 就係睇書!


讓佢坐定睇書, 當然唔係又咩野 "天生書緣", 係經好多刻意安排.

我好肯定講, 如果 "跟著個市走" 一定無今日, 或者講, 係 "刻意安排, 點樣唔跟個市走"


我信最後係細路走自己既路, 所以佢係需要培養某種信念, 手持標尺. 亦係咁, 所以培養獨立係方向, 放手係過程. 過程中, 任何反向既事情都應該反思.




但所見所聞, 真係唔少媽媽以孩子仍依附為樂, 甘之如飴. 時光流逝, 事到如甘, 抱怨連連.

Yanamami

retriever 發表於 18-3-21 10:21
"Hea同懶，我看是結果，不是成因｡"

禁好彩係試到睇書呢剂葯对呢个case有用啫~我又好相信唔係同－个療程对个个病人有效~但不試白不試，如果試左無效亦無悔，有效就更好(可以推薦俾人，但唔包保成效－样，因每个人体質同情况唔同)｡

有d问題－早睇到，花左时间精力都未可以力挽狂瀾，禁仲唔係死性不改？有d问題係後天日子有功build up既，又似乎係另一回事｡

little_yolky

yovin 發表於 18-3-20 21:01
引用你：帖來帖往，較似相對理性與相對感性既矛盾。既已 “事到如今” 當然接受現實更為化算。你說母子血 ...

其實我都好唔明白。

我哋幼稚園係全日, 所以平日無功課, 只有週末有。但阿妹以前從來都係turbo手好快星期五已經做好晒所有功課, 因為佢話要留底星期六日全日玩。但一上到小學, 無耐就開始拉牛上樹, 做功課拖、發夢, 唔叫唔溫書, 要坐响佢隔離至做。雖然依家係每年都有改善, 但速度太慢了, 仍然都係唔可以獨立溫書, 唔知點溫書, 唔會自動自覺做。結果成績當然係可想而知。每次嚇完佢、氹完佢, 佢都會知道自己要努力, 但第二日就會故態復萌。我唔明白呢類人到底可以點樣令佢積極D。


佢同我講最鐘意下學期既考試, 因為考完好快就可以放暑假。

little_yolky

IloveJJ 發表於 18-3-21 12:27
我明喎!我細仔都係咁，上到小學就唔想做功課、慢、拉牛上樹，但佢係一個學期之後先係咁。
我覺得係「絕望 ...

絕望嗎?..........我見到佢我仲絕望。

我哋學校係功課少的, 佢無得同家姐鬥, 因為家姐九成時間已經响學校做晒...................

little_yolky

IloveJJ 發表於 18-3-21 12:48
一樣可以鬥。我仔呢幾日都响學校做晒功課，咁我細仔自己返到嚟嗰時，都係懶懶閒。但當大仔課外活動回來玩 ...

阿妹就係無咗呢種鬥心。奇怪, 點解我同家姐鬥心咁熾熱, 點解佢咁安貧樂道。

Yanamami

little_yolky 發表於 18-3-21 11:45
其實我都好唔明白。

我哋幼稚園係全日, 所以平日無功課, 只有週末有。但阿妹以前從來都係turbo手好快星期 ...

我估係聰明人……練精学懒人｡果件事佢輕而易举咪快快趣做，但有些少阻力，要佢出多分力去做就咪搞佢，無謂禁辛苦……好似我細女，小学生得高大有力，又有d运，小学游水就唔知点解有d牌攞，都認真操水哚~上到中学人人禁高禁大講实力啦，真要港隊式操練先得时，立即打退堂鼓，索性唔游｡佢話禁辛苦咪搞佢~

little_yolky

Yanamami 發表於 18-3-21 13:21
我估係聰明人……練精学懒人｡果件事佢輕而易举咪快快趣做，但有些少阻力，要佢出多分力去做就咪 ...

禁辛苦咪搞佢 <====== 呢句佢成日掛响咀邊.............乜嘢都係咁, 要俾心機就唔想學。



1. 粵劇, 細細個好得意, 唱到一首觀眾已經好滿意, 但大個咗, 要有技巧喇, 要練喇, 唔想學喇。
2. 芭蕾舞, 本來話最鐘意, 因為攞正牌跑跑跳跳, 但要考級喇, 要操喇, 好辛苦, 又唔想學。
3. 鋼琴, 佢自己話想學。係好俾心機學架, 但要比賽喇, 唔想練喇, 好悶喇。
4. 睇書? 鐘意架, 但唔鐘意睇教科書之嘛, 要背要記, 辛苦喎, 唔想睇喇。

retriever

IloveJJ 發表於 18-3-21 13:00
咁你又將問題歸咎落天生啦喎!
我細仔係天生有鬥心既，但大仔就無啦！但佢而家都有啦！咁你就要諗下點令阿 ...

有"天生" 既部份, 但唔係大家擴展到範範都係 "天生"

通常大仔(呢代)都無咁有鬥心, 你留意下... 社會較富裕, 家庭資源優先, 後面既一出來就要爭...


我地上上果代, 大仔係領導, 家窮既仲要早當家!



呢D 環境係天生既, 但唔係基因遺傳!

YolandaTam

little_yolky 發表於 18-3-21 13:27
禁辛苦咪搞佢

我女都唔鍾意睇教科書㗎因為真係好悶，佢最唔鍾意歷史教科書，佢話太多圖畫，搞到成件事幼稚晒喎。
唔緊要㗎，揀返啲同教緊嘅內容有關嘅課外書俾佢睇，睇睇吓入咗腦，到時測考，應付式執返啲字眼就得㗎啦 （不過語文科不適用）。

Yanamami

little_yolky 發表於 18-3-21 13:27
禁辛苦咪搞佢

所以我講中哂

Yanamami

retriever 發表於 18-3-21 13:58
有"天生" 既部份, 但唔係大家擴展到範範都係 "天生"

通常大仔(呢代)都無咁有鬥心, 你留意下... 社會較富裕 ...

我大女似我，虽然讀津中，资質平平但好determined, 好知自己要d乜，点去achieve.，好有纪律好捱得，好有原則~

細女似足老豆，虽然聰明有能力，入讀直资，但為人練精学懶唔腳踏实地，最好付出少少收穫多多， 古古惑惑 ，做事点到即止唔会做到最好~

我敢打賭，就算細女名校畢業，家姐他日成就－定比佢高~~

註：我係FTM，一人親手湊大两个，老豆早已離开，不存在對个女有後天影响，係都应該受我影響多，但两个女性格迂迴，一个似阿妈一个似阿爸，唔話天生唔知話乜(我成日係心入边咬牙切齒喑骂个細女：似足你衰人老豆！)｡