中國/日本/德國/新加坡/奧地利/愛爾蘭/台灣/法國/加拿大U

小時了了

王家爸爸 發表於 17-12-6 19:43
但係如果讀大學本科，需要學歐洲語言。
試過問一間西班牙大學，有獎學金，如果慳家既，獎學金足夠生活費。
...

重點係"獎學金"先至免費嘛! 獎學金DSE門檻低嗎?

小時了了

akys 發表於 17-12-6 15:40
個人睇法，得12－13分，即平均2.x一科，仲讀大專／Degree做乜，咪又Hea多3－4年。唔想好心做壞事，以為對佢 ...

經網友指引，再重新係網上睇返軟性廣告 "升學無疆界"，網友真係無講錯，係歐洲如法國，德國，奧地利考公立大學真係唔洗學費，唔洗好好成績考獎學金先至唔洗錢學費，惟一條件係考法文／德文國際語文試符合指定要求就得喇。

而奧地利如果讀嗰間唯一一間用英語教學嘅私立大學，學費大約港紙＄10萬／1年，另加住宿日常洗費～10萬／1年，平過英美讀大學一半啊！

升學無疆界 EP07 法國 --- 公立大學免學費的呀！:https://www.youtube.com/watch?v=UuyWh9H9Hmo

升學無疆界 EP08 德國 --- 公立大學一樣都係免費！:https://www.youtube.com/watch?v=6TNGiRkVpnA

升學無疆界 EP09 德國 --- 慕尼黑工業大學，碩士班有英語課程 : https://www.youtube.com/watch?v=X3UWhl_Q_rc&t=7s

升學無疆界 EP10 奧地利 --- 公立免費，私立學費10萬港元；維也納Modul大學，維也納沸洛伊德大學   : https://www.youtube.com/watch?v=LWgUH-nXXaY&t=335s

升學無疆界 EP11 奧地利 --- 音樂之路：維也納國立音樂及表演藝術大學、維也納兒童合唱團學校: https://www.youtube.com/watch?v=mzQtTG8iuyA&t=5s

影片中個升學顧問講奧地利好多大學課程只係讀3年，如果以3年計整個海外留校約50萬喇。呢條數，比起英、美、澳真係平一半喎。如果法文／德文考到符合大學特定要求，學費唔洗錢，只係住宿及生活費廿幾萬添仲平，真係有得諗喎！

唔怪得之EK "升中派位" 度成日有家長問邊間直資有法文／德文讀啦。如果我早啲知歐洲考讀公立大學唔洗錢學費，咁阿女係呢間直資學校當初選法文，唔選日文啦。後悔中！！

奧地利升學 http://news.stheadline.com/dailynews/headline_news_detail_columnist.asp?id=423392§ion_name=wtt&kw=333
無J5台新節目《升學無疆界》主打海外升學資訊，近周介紹歐洲升學，資料詳盡，據悉未來一、兩個星期會有德語系國家的大學介紹，諸如德國、奧地利等，值得留意。

        翻查升學日誌，原來奧地利領事館商務公署在十月三十日星期一下午六時至八時半在尖沙咀喜來登酒店明廳主辦奧地利專上學院資訊展，屆時將有十二所奧地利大學和學院負責人現場跟家長及學生會面，講解奧地利升學詳情，包括升讀學士、碩士又或基礎課程等等，適合高中生、DSE考生、副學士生甚至大學畢業生以及家長參加，費用全免。

        奧地利公私立大學多是以母語（德文）授課，近年因應歐盟的專上教育進程，部份課程提供英語授課，加上學費廉宜，故此負笈奧地利升學的海外生數目漸有增加。

        今回奧地利專上學院資訊展的十二所學院如下：

        MODULUniversityVienna：提供國際商業管理、酒店及旅遊管理的學士以及碩士課程，並有基礎班課程，全部以英語授課。

        NewDesignUniversity：提供多元化的設計學士和碩士課程，英、德雙語授課，學費每學年約六千歐羅。


       IMCUniversityofAppliedSciencesKremsIMC：提供商學、環境、醫療管理、醫藥生物科技課程，部份課程以英語授課，學費每學年約八千歐羅。


        FHKufsteinTirol-UniversityofAppliedScience：只提供兩年制碩士，可主修國際商務以及體育、文化與活動管理，全期學費約二萬歐羅。

        UniversityofAppliedWienerNeustadtAustria：提供商學、環保、電子商務、工程、航天科技、醫療以及各項治療課程，以碩士課程為主，多以德語教授，惟學費廉宜，每學期只三百餘歐羅。

        TUGraz：提供十四個英語授課的碩士課程，內容涉及工程、化學與製藥、生物科技、數學等等。每學期學費只為七百餘歐羅。

        SMBS-UniversityofSalzburgBusinessSchool：提供MBA以及各項商學碩士及博士課程，以英、德語授課，兩年全期學費為二萬五千歐羅。

        TechnikumWienGmbh：提供大學預科課程以及大學預科伸廷課程，以德語授課，學費分別為七千五百和一萬二千五百歐羅。

        NiHaoAustriaTravelGmbh：提供各項暑期及寒假短期課程，內容包括文化、語言、體育、音樂等等。

        eHirschAcademy：提供語文及文化交流、語言認證、社交媒體課程。

        餘下兩所BizzonseMarketingGmbh以及DonauUniversityKrems下回再續。

        有興趣參加奧地利領事館商務公署於十月三十日（星期一）下午六時至八時半在尖沙咀喜來登酒店明廳主辦的大學和專上學院資訊展可致電25222388查詢或透過WhatsApp52903933報名。

YDLFATHER

小時了了 發表於 17-12-6 14:16
武汉大学全國第三? 仲好過復旦及浙江大?

不知為何把復旦評分評低咗

brother4

小時了了 發表於 17-12-6 20:45
經網友指引，再重新係網上睇返軟性廣告 "升學無疆界"，網友真係無講錯，係歐洲如法國，德國，奧地利考公立 ...

同孩子一樣喜日文，但冇日文要學法文及西班牙。。有心學未遲，樓主孩子中一學六年一定不錯

小時了了

brother4 發表於 17-12-6 21:34
同孩子一樣喜日文，但冇日文要學法文及西班牙。。有心學未遲，樓主孩子中一學六年一定不錯
...

係呀！我真係依家認真考慮除內地讀大學外，去法國／德國／澳地利。。。嘅公立免學費大學呀！阿女呢排係學校住宿舍要星期五先至返屋企，我真係會坐低慢慢同佢傾吓，如果佢無咩反抗，我諗我可能真係會搵法文／德文俾佢學5至6年去考歐洲大學。

多謝你，王家爸爸&akys, 擴闊我眼界，係非常有限嘅銀兩下令我唔再只係限制香港及國內大學了。

brother4

小時了了 發表於 17-12-6 21:55
係呀！我真係依家認真考慮除內地讀大學外，去法國／德國／澳地利。。。嘅公立免學費大學呀！阿女呢排係學 ...

有宿舍本地中學不多學好外語上堂外還有其它方法，相信你估到是那方法

akys

小時了了 發表於 17-12-6 20:45
經網友指引，再重新係網上睇返軟性廣告 "升學無疆界"，網友真係無講錯，係歐洲如法國，德國，奧地利考公立 ...

我到今日都係覺得香港唯一能生存嘅定位係對外及服務祖國(政治正確)而唔係回大陸工作。香港人醒醒目目，有integrity，懂兩文三語，加多一種外語，再有個外地學位，其實有優勢，揾餐飯食應該唔難。

王家爸爸

小時了了 發表於 17-12-6 19:47
重點係"獎學金"先至免費嘛! 獎學金DSE門檻低嗎?

大學係免學費既，獎學金係生活費、機票等用。

mother904

小時了了 發表於 17-12-6 13:50
你講笑定講真架? 歐洲大部分大學唔駛錢係咪真架? 可唔可以講多啲資料呀? 如果唔洗錢可以考慮俾阿女去啊? 不 ...

歐洲好多國家公立大學唔駛錢，私立大學學費都好平，睇升學無疆界話係只幾百元歐羅
親戚個女考完DSE就去左德國讀德文，一年後即今年考到免費大學，但係預左讀德文學費唔平，親戚話一年要十幾萬另加生活費

小時了了

mother904 發表於 17-12-7 06:48
歐洲好多國家公立大學唔駛錢，私立大學學費都好平，睇升學無疆界話係只幾百元歐羅
親戚個女考完DSE就去左德 ...

係呀，訪問有講如果唔識德文而要過去德國讀一年德文考嗰個德文國際試，一年學費19萬。
我就係想慳嗰19萬，考慮阿女係香港用5至6年學德文之後考德文国際試啊！

retriever

akys 發表於 17-12-6 15:40
個人睇法，得12－13分，即平均2.x一科，仲讀大專／Degree做乜，咪又Hea多3－4年。唔想好心做壞事，以為對佢 ...

如果國內或台灣收，價格相宜，俾佢讀大學好過HD。

兩者我會揀台灣優先。好似版友講既例子，就算11／12分碰上努力自律既同學，係可能有正向影響上進D。成本唔高俾佢試下無壞，好似國際版有D 想英國希冀變好就真係好搏。

retriever

akys 發表於 17-12-6 22:26
我到今日都係覺得香港唯一能生存嘅定位係對外及服務祖國(政治正確)而唔係回大陸工作。香港人醒醒目目，有in ...

其實睇下新加坡就知香港定位係要點。

但香港話事人要儘快跟阿公融合，引刀自宮。所以在香港保持自身競爭力係難。

我覺得而家呢個時勢，學多樣第三語言最實際。

mother904

retriever 發表於 17-12-7 07:11
如果國內或台灣收，價格相宜，俾佢讀大學好過HD。

兩者我會揀台灣優先。好似版友講既例子，就算11／12分 ...

點解會揀台灣？
台灣同大陸既大學係香港同樣冇認受性，台灣本土好多大學生畢業都冇野做，大陸唔會好少少？我仲以為大陸大學會好過台灣

retriever

小時了了 發表於 17-12-6 21:55
係呀！我真係依家認真考慮除內地讀大學外，去法國／德國／澳地利。。。嘅公立免學費大學呀！阿女呢排係學 ...

你女幾年班？ 為何有宿舍住？

聽講過法國考到係唔駛錢讀。

retriever

mother904 發表於 17-12-7 07:17
點解會揀台灣？
台灣同大陸既大學係香港同樣冇認受性，台灣本土好多大學生畢業都冇野做，大陸唔會好少少？ ...

台灣去美國昇學較易。

搵工，台灣係經濟問題，大陸係人脈問題。

熱門城市，如北京，就算係外省北漂都難搵好工。

大陸近年被吹上天。

係架，大家見到係一小撮人好多既財富。但難堪既事比大家新聞報導見到既多得多。

小時了了

retriever 發表於 17-12-7 07:18
你女幾年班？ 為何有宿舍住？

聽講過法國考到係唔駛錢讀。

你地好好人呀，分享好多用人资料
阿女中一，佢間中學所有中一生有一個強制住宿訓練，阿女呢個星期開始住宿舍，佢晚晚打電話返屋企都表現得住宿舍非常開心。阿女係非常外向嘅性格，所以我一霜情願認為佢去內地/海外大學啱佢性情。奈何自己家庭收入草根無錢，所以係EK呢度請教大家廉價而入可以讀到好嘅內地/海外大學。

brother4

自己昰草根，一定選本地大學較實際，隨時免費＋可借錢，再做交流生（平價可去日本 ）吧！現做不太多如每年去開放日參觀本地大學聽吓講座如医／law。。。

poonseelai

小時了了 發表於 17-12-7 07:35
你地好好人呀，分享好多用人资料
阿女中一，佢間中學所有中一生有一個強制住宿訓練，阿女呢個星期開 ...

去TVB網頁睇升學無彊界，入到歐洲如德國公立大學免學費，無記錯每年只需幾百欧元行政費

brother4

外向牲格住本地大學宿舍可，起馬有病容易看醫生，有空回家食飯

retriever

小時了了 發表於 17-12-7 07:35
你地好好人呀，分享好多用人资料
阿女中一，佢間中學所有中一生有一個強制住宿訓練，阿女呢個星期開 ...

中一仲早。

經濟條件有限，一定係讀本地資助大學。而家本地大學學年間，應係有條件下去外國讀一年半年，算係睇驗下國外生活。

細路真係有決心，可以本科讀好D考獎學金，或者做幾年野儲錢考個獎學金，去國外讀研究院。

呢D 野唔駛呀媽幫諗埋啦。