返左2星期學之園。。。

hamsubbb

唔中意呢間，有Offer 都唔會揀。 不過，我仔女無offer

JMbaby

其實LH定期也有家長與老師校長茶敘，家長日等，老師及校長也會同家長傾談管教孩子，課程及對學校嘅意見等, 以我所知，LH並非一成不變，唔聽意見嘅學校，所以樓主可嘗試向學校反映一下你嘅意見，期待你下次再出post時有好消息:)

ariessy

maomaofafa 發表於 17-9-1 12:25
同意
樓主只是分享在校所見問題
他的描述態度語句也可接受

十分認同

ahmatt

回覆 忌廉烏冬 的帖子

所見民生D老師在校外活動頗無禮貌，很難期望會教出品行良好的學生。

is4hana

回覆 忌廉烏冬 的帖子

某程度我都幾認同樓主

我係用家，放學情況我可以好多年冇改善過。唔系冇反映過，不過就係冇改善。接放學人士成日唔排隊，周不時企係中間阻塞住條主要放學通道，老師同家長傾計又企係中間，嗰度好焗，冷氣唔夠，再加埋今年pg多咗好多人，每日湊小朋友放學都真係幾辛苦。
排隊返學
係，雖然我係用家，有時見d小朋友被推上前,人貼人咁插入隊都有d那個 .. （不過我相信冇咩人夠膽反映）。不過環境細就係咁，入學校時間得15分鐘，幾十架校車，送返學又咁多人，分秒必爭。不過都覺得老師同量體温姨姨可以溫柔d.

另外，不過入lift有碰撞唔出奇，畢竟人太多，lift又得兩部，小朋友放學想迫埋一齊碰撞到其他人，可能父母都唔想，而且有好多老人家工人姐姐湊，好難怪.

德育方面，好多人都講得啱，要學術，返學3個鐘，點都有偏重。或者係老師根本handle唔到咁多（或是係經驗不足）。今年黎咗好多新老師，好老師又走咗好多，老師質素參次。

總括而言，如果你想要一間超超超關愛小朋友的，LH絕對不是。如果你係本住目標為本（考小學），都ok既。
有時我都覺得小朋友係佢地眼中只係幫佢地擦亮招牌，打好業績嘅工具而已。

ylylylyl

is4hana 發表於 17-9-8 03:27
回覆 忌廉烏冬 的帖子

某程度我都幾認同樓主

樓上家長意見非常中肯，難得一見。

nixphoenix

is4hana 發表於 17-9-8 03:27
回覆 忌廉烏冬 的帖子

某程度我都幾認同樓主

好持平嘅家長

ojoj18

忌廉烏冬 發表於 17-8-28 13:42
話說因為覺得學之園學術比起N班間學校好，同埋INTERVIEW時校長講過好重視品德培養，係學術同品德並重，所 ...

中肯, 不會賣花讚花香

忌廉烏冬

is4hana 發表於 17-9-8 03:27
回覆 忌廉烏冬 的帖子

某程度我都幾認同樓主

好多謝呢位在讀生家長既回覆，出左呢個POST，我收到好多在讀生家長既PM，都係一味的鬧我，叫我咁唔鍾意就轉校，甚至話我自己要求學校教品德但我自己咁樣出POST係好無品，又鬧我抹黑學校，

而家有了你的公開回覆，至少多D人知道唔係得我一個在讀生對學校有咁既感覺，實在十分感動，謝謝你！

孟母3000

忌廉烏冬 發表於 17-9-11 13:15
好多謝呢位在讀生家長既回覆，出左呢個POST，我收到好多在讀生家長既PM，都係一味的鬧我，叫我咁唔鍾意就 ...

果d係「家長」定係「打手」？

正常家長見到人彈學校要激到pm人去鬧人咁恐怖？

Forgetmenot999

孟母3000 發表於 17-9-11 17:57
本帖最後由 孟母3000 於 17-9-11 17:59 編輯

果d係「家長」定係「打手」？

LH家長大部份都是死忠派，最愛報喜不報憂

ylylylyl

Forgetmenot999 發表於 17-9-11 19:19
LH家長大部份都是死忠派，最愛報喜不報憂

其實做LH家長都幾辛苦，又要上茶敘，又多家長會，又要花時間精神出席講座。

以上只是看過網上多數LH家長的留言而有感而發。。未知其他學校係咪咁..

Luktaitai

我大仔係九龍塘幼稚園讀, 妹妹今年讀LH PN, 相比下LH接放學係混亂D, 但其實係因為LH位於屋苑入面, 空間細, 校巴只可以停樓下, 再由姨姨帶上去, 一上一落, lift又唔多, 接送既家長又多, 當然會混亂D, 呢D係先天不足問題, 好難同九龍塘幼稚園有一大片campus比wor, 咁批評LH對佢有點不公平呀!

妹妹讀左1個月LH, 我覺得LH行政一流, 透明度極高, 老師好盡責任, 小朋友教得好有禮貌, so far好滿意呀! 雖然家長係忙D, 但總好過其他名幼莫視家長.

Monchichi110

maomaofafa 發表於 17-9-1 12:25
同意
樓主只是分享在校所見問題
他的描述態度語句也可接受

非常同意
睇哂成個post，樓主只是反映學校某些問題，言詞中肯 唔覺得有抹黑學校
反而有部分唔認同樓主既家長言詞偏激，令人不舒服
討論區就是給人分享各種所見所聞，如有禮貌理性討論，有何不可，呢度就是一個地方給大家了解不同學校，每間學校有好有唔好既地方，多得這個地方先可讓大家更知道邊間學校適合自己和小朋友

期待樓主之後有更多分享

retriever

忌廉烏冬 發表於 17-8-28 13:42
話說因為覺得學之園學術比起N班間學校好，同埋INTERVIEW時校長講過好重視品德培養，係學術同品德並重，所 ...

以上都係小事。

BTW， 點解著學之園話係男拔？

拔拔收左？

aquasee

回覆 ylylylyl 的帖子

看你是甚樣看件事情，有些人會覺得煩，有些人會覺得有用。我想我應該是後者。 我第一個小朋友時，我都未做過人媽媽，所有事都是邊摸邊學，沒有經驗，那些茶聚分享會教授不同的育兒資訊，我也有很大得著及從中得到啟發。學校沒有硬性規定要家長上，也沒另外收錢，是隨家長喜歡自己參與的。
此外，由於K1至K3的學生是不會轉班的，同一班家長和學生一同學習遊戲三年，所以感情會較好。在學之園畢業後也有聚會，有部分家長(包括爸爸們)會成為要好的朋友，幾個家庭讀小學後一起出國也是有的。所以也不難理解家長們對學之園的感情和恆定。

整件事也只不過是一個小風波，就排隊的安排要講和要分享的也十分詳細了。討論區上的分享很多都不是即時的交流，文字的表達和理解也各有不同，不必要的誤會也因此做成，對樓主、學之園的同學家長和學校也是會造成傷害的。

aquasee

今天剛巧在facebook看了一篇文章，原文應該是取才經濟日報，也借分享一1吧 :)

新學期開始，朋友不約而同地和我講及兒女學校的家長群組事情。其中一位媽媽，他兒子讀的是區內名牌津貼小學，校長非常開明，校內功課不多，卻鼓勵學生發揮真正潛能，屬於有教無類的那一種，令學校在各方面有優越成績，因此家長們趨之若鶩，爭相入讀。

這些情況，不但在傳統學校出現，國際學校也出現類似情況。前幾天，就有另一位媽媽告訴我她的煩惱。

她兒子剛讀國際學校，開學不足一個月，已經在群組內看見家長開名投訴同班同學，說被同班小孩推撞她的女兒，而同班小孩的家長也在群組之內。

慶幸那位家長沒有選擇在哪裏回應，否則群組立即成為戰場。最後發現，實情只不過是小朋友輕微的碰撞，沒有什麼大不了，是孩子們在學習社交過程中經常發生的事情，老師亦有處理。

家長們何不先向老師理解一下？這樣在群組內公審般的討論未經證實的事情，不但影響其他家長對孩子的看法，對父母和孩子亦不公道。

最近認識一位媽媽朋友，為了讓小一兒子可以在學習上有更多身心的自由空間，決定今年讓他入讀國際學校。然而，上學不到兩天，已經見到一班父母在同班的家長What’s app群組投訴老師，容讓學生在小息奔跑，認為非常不安全並會發生意外等種種意見。

朋友感到相當愕然，因為她希望孩子上國際學校，就是可以有更多跑跑跳跳的時間，如果小息都要安安靜靜，倒不如回歸傳統，小息敲預備鐘、學生要立即定格的學校讀書，那麼就最安全了。

她無奈地明白，縱使花費很多錢財去逃過傳統教育給家長的壓力，卻逃不過無所不在的怪獸家長群組，這股勢力，形成對學校的巨大壓力，甚至有機會改變學校的方向！

曾經聽過一位校長在家長會的分享，勸告父母莫把孩子校內不滿的事情，隨意在家長組群內討論，因為小朋友所見的並非全面，最好先和老師討論清楚才下判斷，避免引起在組群內無謂的是非，會對老師及其他小朋友不公平。

其實學校群組是為了有效傳遞學校訊息，用得其所對家長有莫大的幫助。不過，很多時候，都會變成幾個家長長篇大論的討論、發洩及投訴，以致其他沒興趣的家長不會用心關注內容，反而很容易錯過應該需要注意的學校信息，如果你在組群內叫家長私下討論，又會引發一輪不必要的爭拗，非常煩人！

慶幸兒子班內的家長群組都很安靜，如非必要，也不會亂發放訊息，反而令大大家更關注每條發的信息內容。

香港家長已經很繁忙了，亦充滿壓力，父母當敏感學校組群內其他家長的感受，亦要理解該群組的功能，是發放訊息的？還是討論區？投訴就該找應該對話的單位，無謂發放大量訊息，浪費爸媽時間，增添更多不必要的煩惱。

CandyCheung123

樓主小朋友讀過 好有愛心嘅N班, 請問係邊間？想參考下

Bevaja

或者咁講，LH係一個好有系統嘅辨學團體 - 師資好、課程好、有定期會面、資訊充足，其實冇乜太大弱點。但係，你會覺得佢每一個活動都係商業活動，係俾家長你睇你俾d錢有應有回報。

其實冇壞，但家長係小咗d歸屬感，大家都在商言商，佢並冇太大強項，所以由N升K有好多小朋友走去龍校而唔選擇留低。(其實都正常)

利申: 仔女讀過迦南、HKPS、LH、SPK、SH、ESF