快考試了‥........ 想哭了

YanKanMom

little_yolky 發表於 17-6-2 16:54
因為教育方法錯了, 或小孩有其他更有興趣既天賦。

也許是吧

shadeslayer

little_yolky 發表於 17-6-2 16:30
我一直覺得, 所謂既天賦才能, 其實就係天賦俾你有濃厚興趣而已。有興趣, 學時專心, 用心練習, 咁當然會比沒 ...

我的解釋有點不同。呢個其實係呀女的解釋。她說，talent is when you can excel in one area without even trying hard.

又似有道理。花大量時間讀書才考第一的，可以叫讀書叻，不可以叫有讀書天份。

小時了了

YolandaTam 發表於 17-6-1 18:26


小女上到中學即刻現形，唔係文人即唔係文人，體會唔到即係體會唔到，睇幾多書都無法改變，閱讀都係為樂趣好啲，如果純為改進語文好易失望。

唉, 一言難盡呀JM:
小學嗰陣佢中文其實OK 架, 可能因為識字多.
睇，已經日睇夜睇，衛斯理，阿濃，朱自清基本上睇晒，金庸射雕神雕天龍笑傲每套loop咗十次以上，而家睇緊張曉風，奈何水過鴨背毫無寸進，見到詩詞即時頭暈。背，只背學校教嘅古文，多一句都耍手擰頭。

以前不同網友分享中文作文的好方法 https://www.edu-kingdom.com/forum.php?mod=viewthread&tid=3032998&fromuid=1539350

高小初中想嘗試睇金庸, 請教睇邊本先呢? https://www.edu-kingdom.com/forum.php?mod=viewthread&tid=2955653&extra=&page=9

Yolanda, 妳咁講，妳唔好嚇我呀，我真係唔係好嚇得架！我真係以妳女作為我女模範參考例子，上面兩個帖內妳有圖有真相咁分享妳女女前兩年小五小六中文作文功課，妳女女中文底子非常好，好過EK內嘅好多仔仔女女好多，行文又流暢又有文采，兩年後今年中一妳竟然會認為 妳女女只係屬於 "小學嗰陣佢中文其實OK 架。。。。睇，已經日睇夜睇，衛斯理，阿濃，朱自清基本上睇晒，金庸射雕神雕天龍笑傲每套loop咗十次以上，而家睇緊張曉風，奈何水過鴨背毫無寸進，見到詩詞即時頭暈。背，只背學校教嘅古文，多一句都耍手擰頭。"


我呢排仲以為以我女嘅中文底子唔係好差（妳女小學已經睇"古文觀止""儒林外史"呢啲高深古文了, 我女小學我無比佢睇呢啲古文書, 比起妳女我女中文仍然差一大截），今年9月升中後我唔洗再跟及擔心阿女中文，見妳都咁講妳女中文升中後"即刻現形"，我女中文底子無妳女咁好，咁我女中學中文。。。。依家令我原本打算阿女升中後我只需要跟英文數及英國文國呢兩科，令我再重新計劃一下最有信心嘅中文又再要想一想何以點樣幫阿女KEEP住。

P.S. Yolanda, 會唔會係妳女讀名校女子中學，中文特別要求高咋？！

shadeslayer

小時了了 發表於 17-6-2 21:47
以前不同網友分享中文作文的好方法 https://www.edu-kingdom.com/forum.php?mod=viewthread&tid=3032998&f ...

初中有英國文學讀?

可能大家要求不同者, Y君的無天分是其他人的「開心來不切」呢。

YolandaTam

小時了了 發表於 17-6-2 21:47
以前不同網友分享中文作文的好方法 https://www.edu-kingdom.com/forum.php?mod=viewthread&tid=3032998&f ...

我真係好想呀JM!  中一呢一年, 佢科中文簡直係一場惡夢.  作文長期得50幾分, 讀本60幾%, 說話仲要肥埋.  希望真係學校要求高, 又或者青春期問題... 唉, 唔知點樣說服自己.

中學同小學閱讀理解要求好唔同, 好似考中國文學一樣, 要好識睇文中一個符號 (可以係一個人物, 一件物件)嘅象徵意義, 小女就係俾呢樣嘢玩死咗.  仲有, 文中情感通常寫得極之隠晦含蓄, 佢嘅性格好率直, 含蓄呢樣嘢佢又係體會唔到.

1998Ruby1998

我中學生涯嘅中文科簡直就係惡夢，唔係攞 2 就攞 1。

明明係母語，但係就唔合格，白話文仲差過文言文，冇幾題係可以攞到分，最差試過 20/80。我個人比較遲熟，對哲學成份高嘅文章係完全冇辦法。

小學已經知道唔係理科人，但係奈何我又唔係背書材料。

小時了了

little_yolky 發表於 17-6-2 12:17
咁到底邊度出事呢?

YolandaTam 發表於 17-6-2 23:49
我真係好想JM!  中一呢一年, 佢科中文簡直係一場惡夢.  作文長期得50幾分, 讀本60幾%, 說話仲要肥埋.  希望真係學校要求高, 又或者青春期問題... 唉, 唔知點樣說服自己.
中學同小學閱讀理解要求好唔同, 好似考中國文學一樣, 要好識睇文中一個符號 (可以係一個人物, 一件物件)嘅象徵意義, 小女就係俾呢樣嘢玩死咗.  仲有, 文中情感通常寫得極之隠晦含蓄, 佢嘅性格好率直, 含蓄呢樣嘢佢又係體會唔到.

Yolanda, 唉！妳女女今年中一中文原來有咁嘅過山車經驗，真係唔知點安慰妳，祝願妳女女一年比一年進步

唔通要試吓little_yolky咁俾女女學粵劇，咁先至會中文好？

小時了了

YolandaTam 發表於 17-6-2 23:49
我真係好想呀JM!  中一呢一年, 佢科中文簡直係一場惡夢.  作文長期得50幾分, 讀本60幾%, 說話仲要肥埋.  希望真係學校要求高, 又或者青春期問題... 唉, 唔知點樣說服自己.

中學同小學閱讀理解要求好唔同, 好似考中國文學一樣, 要好識睇文中一個符號 (可以係一個人物, 一件物件)嘅象徵意義, 小女就係俾呢樣嘢玩死咗.  仲有, 文中情感通常寫得極之隠晦含蓄, 佢嘅性格好率直, 含蓄呢樣嘢佢又係體會唔到.

妳說出重點來 - 中學同小學閱讀理解要求好唔同, 好似考中國文學一樣, 要好識睇文中一個符號 (可以係一個人物, 一件物件)嘅象徵意義


詩經 蒹葭
蒹葭蒼蒼，白露為霜。所謂伊人，在水一方。
遡洄從之，道阻且長；遡游從之，宛在水中央。（遡＝溯）

蒹葭萋萋，白露未晞。所謂伊人，在水之湄。
遡洄從之，道阻且躋；遡游從之，宛在水中坻。

蒹葭采采，白露未已。所謂伊人，在水之涘。
遡洄從之，道阻且右；遡游從之，宛在水中沚。


舉例，上個月我同阿女睇詩經 蒹葭呢首詩，我以為係愛情詩講個男嘅見到心儀嘅伊人，男嘅不斷行去伊人度，行來行去到係在水一方。但原來呢首詩，詩中伊人除咗可以理解係異性情人，亦係代指賢臣，明主，亦可以理解為任何敬仰對象或追求的理想。我同女睇到首詩嘅隱含理解，睇到O晒嘴！首詩我唔識睇及睇唔到"賢臣，明主"嘅意解囉！

MrBeast

小時了了 發表於 17-6-3 08:01
妳說出重點來 - 中學同小學閱讀理解要求好唔同, 好似考中國文學一樣, 要好識睇文中一個符號 (可以係一個人 ...

真的要小三四就要開始學習古文
今個summer 無論如何都要睇詩魂

babywoman

想知道古文現在是怎樣讀的？

我以前讀古文是先將解釋讀熟，每個字都要知點解，再背古文的。

babywoman

回覆 MrBeast 的帖子

情況不至於咁嚴峻吧？

MrBeast

babywoman 發表於 17-6-3 11:24
回覆 MrBeast 的帖子

情況不至於咁嚴峻吧？

有網友的分享參考，每個家庭情況不一樣，自行定奪

Barbe

當我今年見過我女中測出左18分標點附號之後，基本上已經平常心曬，即或你溫曬書，都好難有高分

Jessy

YolandaTam 發表於 17-6-2 23:49
我真係好想呀JM!  中一呢一年, 佢科中文簡直係一場惡夢.  作文長期得50幾分, 讀本60幾%, 說話仲要 ...

嘩....乜中學的中文咁難架, 咁我地呢D個囝小學中文都唔合格的人, 中學科中文咪死得仲慘烈!!!

大鑊了

S-Kwok

MrBeast 發表於 17-6-3 08:17
真的要小三四就要開始學習古文
今個summer 無論如何都要睇詩魂

記得買埋靈詞。

我仔一定未睇到詩魂、靈詞。依家有間斷地睇論語，揾啲簡單啲嘅篇幅，拆字叫佢估吓點解。

MrBeast

S-Kwok 發表於 17-6-4 07:39
記得買埋靈詞。

我仔一定未睇到詩魂、靈詞。依家有間斷地睇論語，揾啲簡單啲嘅篇幅，拆字叫佢估吓點解。

字謎故事都幾有趣，不過可能伴讀較好

pino

santakit 發表於 17-6-2 12:47
聽你噤講，你仔成績應該吾錯喎，吾明點解你話有問題？
如果我小朋友如似你小朋友噤，我都不知幾開心就真
...

佢暫時成績係唔錯(但到小四課程深左就唔知會點), 但佢既問題就係間中唔知咩事,就會有一次癲一癲(多數數學),由平時九十幾一百跌到八十幾,而全部只係因為粗心大意,錯D離哂大譜既野...我自己就會為呢D好睇唔開

另一樣疑問就係好似上面提到,如中文科,應否為避免扣多最多兩三分,而要個仔重温近百個詞語呢?(我自己以前好乖,真係温足範圍內既野 )

Olympian

pino 發表於 17-6-4 11:32
本帖最後由 pino 於 17-6-4 11:33 編輯

佢暫時成績係唔錯(但到小四課程深左就唔知會點), 但佢 ...

不會大包圍溫習啊！重溫默書錯過的生字。跟住多tip 10個溫。不是教小朋友走精面，是告訴他若這些字教過學過也溫習過，就應該懂的了，我們只是重點再溫一下。

little_yolky

小時了了 發表於 17-6-3 08:01
妳說出重點來 - 中學同小學閱讀理解要求好唔同, 好似考中國文學一樣, 要好識睇文中一個符號 (可以係一個人 ...

以前文人係咁架 講緊雞, 其實係指鴨。所以宋皇台唔係紀念宋王室的, 係清人紀念明代。唔借喻一下, 唔驚殺頭咩。