單靠運動入名校，成績跟唔上點算呢?

miriam

Yanamami 發表於 17-5-3 15:14
根本而家大人同小朋友無得比咯~大人收工就仲有d自己时间，就算家傭都有－日假~但－般小朋友朝七晚十－(算 ...

我放左工安排到時間仲可以約朋友食飯吹水, 佢就為自己興趣而努力, 哦下佢既傷一定有, 哦歸哦, 佢都知去到邊個位需要休息抖抖既, 咁我都唔理得咁多.

miriam

mcl203 發表於 17-5-3 15:47
同意吖，各人成長路向唔同，無需要用個人睇法去判斷他人，最重要係小朋友/年青人知道自己走緊既路係正確， ...

上兩個星期我先畀我媽同屋企人哦完, "去咩比賽啫, 要減磅無啖好食, 餓到瘦晒, 叫佢推左唔好去比賽啦".

佢地未明我囡性格, 佢係無操無練情況下仍然可以入到代表隊, 證明到佢之前努力一眾教練係睇到, 有機會佢願意去打呢場比賽.

好記得佢甄選合格可以入隊時畀我感覺好 shine, 搵到興趣同目標, 佢條件上係有問題, 睇住佢叫有進步我都無野好講.

我點肉痛佢既傷都好, 佢有目標總好過日後一事無成做廢青丫.

miriam

Sophie0804 發表於 17-5-3 22:10
現在小朋友真的好辛苦！我囡囡比較懒、亦沒有上進心、求求其其，反而開心，享受校園生活！現在有些大人只從 ...

有得迫我都想迫.

我係升中版都講左好多次, 係 P.6 時我 cut 佢田徑校隊要佢專心考好呈分試, 佢呈一時考得好好, 呈二跌到嚇親我同班主任.

佢係一個 "活" 既人, 少左運動多左時間 hea, 佢咪懶懶閒, 仍然係田徑隊時佢要安排好溫書同做功課, 令到佢更加專心同留心上堂, 好彩佢知出左咩問題, 呈三追返晒, 名次亦唔差.

當日我就係用大人既角度要佢跟從, 效果係點呈二話左畀我知.

miriam

peggy 發表於 17-5-3 22:27
我覺得好難強迫小明友做運動既，好似我女為例,佢唔鐘意既野，係迫吾到佢去做嫁。P4忽然愛上了長跑及rugby ...

我囡好彩少訓遇著測考可以唔使操, 只要返去 sit 堂坐埋一二邊溫書, 試過教練叫佢地上去自修室溫添.

學界排球賽第一場輸左, 成班自發地去搵街場練波, 學校教練應該唔知亦估唔到佢地會咁做.

我成日迫佢去游水架, 迫左咁多年都唔啋我囉

KenixSoSum

回覆 大金仔 的帖子

要視乎學校宗旨, 間間不同。

有些學校為了名聲, 讀書叻的要, 運動叻的要。各自分工, 讀書嘅話之你運動叻唔叻, 運動嘅又話之你讀書得唔得, 總之各自分工為學校爭取成狀元又好, 香港代表又好，學校理得你，總之名校如果你BAND3嘅，仲肯收嘅話，你心中有數。有些中庸D嘅，運動叻嘅成績最少要BAND 2, BAND3唔會考慮，因為神仙難救。

不過, 事實上香港亦有好多運動員最終因為比賽成績卓越, 沖出了亞洲或世界, 最終有機會被推薦入大學修讀相關科目, 但如果基礎太差, 人地又點收你入學呢? 而又有幾多個可以成功呢?

以前有朋友個女, 成績普通因但為是青笛，入了X恩, 中二成績不合格，被勸停止所有運動，專心讀書，讀得相當辛苦。呢個可能係版主朋友的最終考慮。 另外亦有個朋友, 希望囝囝入喇X, 拔X, 吹谷小朋友, 當然小朋友有得玩, 一個星期3至4日去左操練, 當然非常樂意, 但比賽成績一般, 讀書成績亦一般, 心頭又高, 體藝亦看不上眼,  升中報讀名校, 先要去試堂,  最終都是落空, 要大抽獎選校。 我看見很多家長，都吹谷小朋友在運動上發展, 希望憑出色表現加分入名校, 但唔好忘記, 除非小朋友運動非常出色, 全港學界........等, 否則可能會事與願違。 而每間學校在收取運動成績卓越的學生亦有限額的, 所以各位家長, 如果想利用運動成績入讀名校, 最好先調查一下學校政策。

littlecath

miriam 發表於 17-5-3 13:28
佢地既小朋友唔係讀體藝, 我囡先係體藝學生.

學校有支援畀學生, 黎緊我囡會去澳門比賽, 向學校申請比賽假 ...

體藝係好學校。我哋都好想入。只是差啲緣份。

MASAYA

peggy 發表於 17-5-3 22:27
我覺得好難強迫小明友做運動既，好似我女為例,佢唔鐘意既野，係迫吾到佢去做嫁。P4忽然愛上了長跑及rugby ...

ballet轉rugby都好大變化

MASAYA

ABC-DAD 發表於 17-5-3 14:23
我認真認為一週操足七日，12歲以下係刹雞取卵嘅做法，連職業運動員都未必回復到嘅loading,細路咁操就類似放 ...

有d教練只為眼前成績，有d教練會睇運動員整個生涯，揀教練真係要諗清諗楚
不過細路本身有意志，佢去追夢，甚至犧牲其他野，唔通父母一定要阻止？青春只得一次，點取捨，父母自己都要諗清楚先可以去引導子女

ABC-DAD

MASAYA 發表於 17-5-4 10:50
有d教練只為眼前成績，有d教練會睇運動員整個生涯，揀教練真係要諗清諗楚
不過細路本身有意志，佢去追夢， ...

容許我強調，家長子女為自己決定嘅路，我無興趣畀意見，亦無意左右啲咩。我係想表達，12歲以下的在學運動員，一週七天、年終無休，係唔會比有足夠休息嘅運動訓練計劃好，反而更容易出現傷患，復健亦相對困難。
唔重視付代價嘅又唔係我，重有運動心理學上嘅Burn Out加上學業壓力，一仗功成自然萬骨枯。

MASAYA

ABC-DAD 發表於 17-5-4 11:17
容許我強調，家長子女為自己決定嘅路，我無興趣畀意見，亦無意左右啲咩。我係想表達，12歲以下的在學運動員 ...

其實我冇否定你講法
我都唔同意小學時去喪操，但有部份教練會建議你咁操，用運動成績去說服家長，真係要小心

ABC-DAD

MASAYA 發表於 17-5-4 11:26
其實我冇否定你講法
我都唔同意小學時去喪操，但有部份教練會建議你咁操，用運動成績去說服家長 ...

我明白，就算係亦唔介意有唔同意見，真係想有興趣有天分又有心理質素嘅小朋可以重視良好嘅訓練計劃係要有足夠休息，發展一個合適嘅週期畀自己，唔好在小學畢業就走完運動員生涯。

peggy

MASAYA 發表於 17-5-4 10:41
ballet轉rugby都好大變化

最緊要佢鐘意, 之前玩開ballet 、ice-skating都放棄晒, 佢話like 長跑、rugby多d

mcl203

忽然間轉左去討論小學階段生涯...有乜運動項目去操到小學生有機會係12歲人仔有長期傷患到要收山...又或經常要告假唔返學去比賽...對U12咁高要求 ?? 分享下啦~~~

littlecath

mcl203 發表於 17-5-4 11:57
忽然間轉左去討論小學階段生涯...有乜運動項目去操到小學生有機會係12歲人仔有長期傷患到要收山...又或經常 ...

我又真係知道有哦。我家爸爸話，嗰個小朋友咁操法將來一定有傷。所以我哋好堅持唔俾阿仔去足7日（其實教練要求只有4日，佢自己要去），亦都唔俾佢再參加其他咩校隊操練。有興趣或比賽要頂腳就頂一下，但唔會特登練。

littlecath

mcl203 發表於 17-5-4 11:57
忽然間轉左去討論小學階段生涯...有乜運動項目去操到小學生有機會係12歲人仔有長期傷患到要收山...又或經常 ...

告假比賽有好多㗎！我哋學校都容易批假，但第三次呈分試前，老師有溫馨提示，叫考試前少啲比賽。其實我哋算節制，有考試學校有活動我哋都唔出去比賽。但有啲比賽勁既，照去比賽。

mcl203

littlecath 發表於 17-5-4 12:20
我又真係知道有哦。我家爸爸話，嗰個小朋友咁操法將來一定有傷。所以我哋好堅持唔俾阿仔去足7日（其實教練 ...

其實教練要求只有4日，佢自己要去 <----呢個係重點....當然我都見過有D家長係安排頻密既 ~~~

littlecath

mcl203 發表於 17-5-4 12:25
其實教練要求只有4日，佢自己要去

我哋就見過有啲小朋友係日日練，真係勁，兩樣運動都係香港同年紀第一，唔係講笑。不過爸爸話，嗰個小朋友望落硬，容易受傷，如果繼續狠操就會好早退役。

KenixSoSum

回覆 KenixSoSum 的帖子

事實上的而且確在朋友當中, 有部份小朋友真是運動叻,讀書又兼顧到的, 但人數不多, 名校在學習上谷不谷, 見人見智。 但我見有部份名校生, 自信心太過, 有點自大, 可能自覺有一份優越感。

但成績差一線的同學,入讀名校, 一是追得辛苦,希望兩邊兼顧 ; 一是放棄, 集中火力去做好運動, 爭取體育佳績。大部份略有體育成績的, 到了中三, 什麼的香港青年代表, 什麼青年軍, 什麼香港代表隊都會向這些目標招攬, 要作出取捨, 一是放棄學業, 全面投入訓練; 還是繼續兩邊兼顧, 真的有部分可能是由於根本追不上成績的同學, 放棄學業的, 集中火力向着他的體育事業進發。

為人父母, 最怕便是小朋友兩頭不到岸, 白費了少年頭, 香港從事體育運動的人越來越多, 又有幾多個可以成功??大家心中有數。   真實例子, 有些朋友仔, 小時運動叻, 家長悉心裁培, 聘請出名教練教授, 有時體育都要講天份, 明白一山還有一山高, 到頭來兩邊不到岸, 讀不了書, 年紀漸長, 到處兼職教練(無牌的), 情何以堪?  家長真的要了解子女是否具有天份, 有時太免強, 可能有反效果。

所以要攪清楚件事, 因為太多父母希望通過傑出的體育表現作為入名校的踏腳石。

還有, 有部份教練, 不理小朋友質數可否, 說明可以代寫推薦信去某某名校, 目的是什麼, 是否為了誤導家長, 抬高自己身價?? 多收幾個學生?

在升中派位的欄目上, 經常看到家長問甚麼甚麼有分加, 事實上是除了你在該項目上有非常傑出的表現外, 都不會有甚麼分加給你。現在學習體育項目的小朋友一街都是, 你們看看周六日的體動場, 便知一、二。明白太多根本不值錢。

littlecath

KenixSoSum 發表於 17-5-4 16:34
回覆 KenixSoSum 的帖子

事實上的而且確在朋友當中, 有部份小朋友真是運動叻,讀書又兼顧到的, 但人數不多, ...

每個人對「成功」的定義都不同，對「值錢與否」的標準也不同。正如梁特首都覺得體育屆對沒有經濟貢獻一樣。我唔會反對佢㗎，不過我會照俾我小朋友去玩咯。真係對屋企冇經濟貢獻㗎！仲要洗我好多錢添。但我洗咗既錢，其實咪又係貢獻咗落香港經濟，不過對於佢嚟講太細數，梁特首唔知啫。

仲有，有啲小朋友鍾意運動鍾意玩啫，冇需要下下唸自己值唔值錢。

ABC-DAD

mcl203 發表於 17-5-4 11:57
忽然間轉左去討論小學階段生涯...有乜運動項目去操到小學生有機會係12歲人仔有長期傷患到要收山...又或經常 ...

傷患方面我唔會分享咩case,但係可以補充走完運動員嘅生涯嘅普遍情況係以後都唔再碰該運動，又或者唔再參賽之類。有興趣嘅話去體院圖書館揾Sport Injuries 嘅書或者研究報告啦，我無接觸呢啲嘢好耐啦。