華小：轉直資料每年學費1000元

mcl203

monodad 發表於 17-4-10 16:41
轉咗直資之後可以唔收貴族子弟囉⋯⋯唔明咩？

就係唔明點解.....轉咗直資係為唔收貴族子弟囉....

ok3

WY轉直資嘅最大原因, 相信大家都心中有數. 其實真係冇乜好拗!

monodad

mcl203 發表於 17-4-10 16:45
就係唔明點解.....轉咗直資係為唔收貴族子弟囉....

扶助弱勢族群呀⋯⋯

mcl203

monodad 發表於 17-4-10 16:46
扶助弱勢族群呀⋯⋯

即係去扶助弱勢族群...但每年要佢科水$1000 去扶助佢地 ~~~

monodad

mcl203 發表於 17-4-10 16:50
即係去扶助弱勢族群...但每年要佢科水$1000 去扶助佢地 ~~~

扶助唔係old boy，世襲，同唔係住12網果D。

mcl203

monodad 發表於 17-4-10 16:52
扶助唔係old boy，世襲，同唔係住12網果D。

但要扶助先交會費$1000...否則唔合扶助資格...

monodad

mcl203 發表於 17-4-10 16:54
但要扶助先交會費$1000...否則唔合扶助資格...

$1000扶咗你向上流，抵俾啦⋯⋯

ok3

其實我覺得校方為業(成)績而轉直資真係無可口非. 甚至可以話係天經地義. 校方毋須摭摭掩掩. 否則成績再跌落去, 以香港家長之現實, 到時邊個會可憐你

mcl203

ok3 發表於 17-4-10 17:50
其實我覺得校方為業(成)績而轉直資真係無可口非. 甚至可以話係天經地義. 校方毋須摭摭掩掩. 否則成績再跌落 ...

話收$1000pa先用意呼之欲出...收$1500pm咪好好聽話增加資源去提升全人教育...唔係為業績囉

Soundervolt

hkpapa852 發表於 17-4-10 16:25
如果話轉直資係可以多收基層人仕, 咁反正直資收生方式可自決, 不如收到報名表後抽籤選學生作為取錄條件, 完 ...

又或者可以訂立收某比例基層學生，分兩條隊面試，確保有資質但家庭經濟能力稍遜既學生就讀。

optman88

http://web.wahyan.edu.hk/attachments/article/356/Revised%20FAQ%20(Chinese)%20-Apr%2010.pdf

港華出了 FAQ, 其中一些有趣的 FAQ, 似乎其實當中係有方向性指標


問:除了港華直資計劃以外,工作小組還探討了那些選項? 而耶穌會是否已排除這些選項?


答:其餘的選項為:


(甲) 港華維持為資助學校及與番禺會所華仁小學保持 直屬關係;


(乙) 港華維持為資助學校,但與番禺會所華仁小學脫 離直屬關係。



耶穌會決定港華須就直資研究計劃進行深入的探討及 廣泛的諮詢。研究報吿指出直資計劃的其中一個好處 是校方可運用其靈活性,達致維持與華小某種合作夥 伴關係,免卻只能在選項(甲)與選項(乙)中二擇其一 然而,若果耶穌會發現港華直資計劃不可行,就會重 新考慮(甲)與(乙)兩個選項。

monodad

optman88 發表於 17-4-10 21:04
http://web.wahyan.edu.hk/attachments/article/356/Revised%20FAQ%20(Chinese)%20-Apr%2010.pdf

港華出了 ...

即係其實最重要嘅係唔想硬食華小嘅B2學生？

siden

monodad 發表於 17-4-10 21:12
即係其實最重要嘅係唔想硬食華小嘅B2學生？

我唔使睇佢up乜都知係呢個原因

基本上真係冇discussion point

你地咁多位兄台點解可以discuss 咁耐

monodad

siden 發表於 17-4-10 21:38
我唔使睇佢up乜都知係呢個原因

基本上真係冇discussion point

嘻嘻！你唔係以為真係討論緊掛？

siden

monodad 發表於 17-4-10 22:23
嘻嘻！你唔係以為真係討論緊掛？

哦

hkpapa852

【明報專訊】擬轉直資的香港華仁書院（港華）昨在網頁上載進一步資料，稱轉直資能解決日漸嚴重的學習差異問題。校長蘇英麟回應本報時解釋，部分由其直屬番禺會所華仁小學（華小）升讀該校的第二組別學生，接受英語教學時程度不逮、失信心，讀其他學校可能更適合，又承認有考慮英中落車危機。他並重申，盼透過轉直資取錄更多基層學生。


華小在網頁回應轉直資是否有違「有教無類」辦學理念時說，現有津貼模式談不上是有教無類，在2015學年，港華136名中一生中，華小畢業生佔79個、自行收生佔43個，餘下14個來自統一派位，3個類別學生入讀港華的機會可以差距很大，轉直資則可令入學機會更均等。


25％學費收入資助學生


校方表示，在2015學年，少於1%學生來自綜援家庭、僅4%學生合乎全額書簿津貼的申請資格；該校2016年的統計亦顯示，全校有86%學生家庭月入高於全港中位數。校方強調轉制直資是為收取更多基層學生，政府要求直資校分配10%學費收入作為學費減免和獎助學金，該校則計劃撥出25%資助學生交學費及學習支出，均用於有經濟需要學生身上，不包括獎學金；受助學生若家庭經濟狀况不變，將獲6年資助。


認有考慮英中落車危機


蘇表示，升中學生減少，上移錯配（即Band2學生入讀Band1中學）情况值得關注，被問到是否擔心因學生質素下降致學校「落車」，他說當學生學習差異達到某一個程度，確會出現有關危機，需通盤考慮，但強調同時考慮資源、學生學習差異等問題。他說現時華小生只要成績屬第一及第二組別，港華便會取錄，「Band2尾都要收晒」，這些學生在港華接受英語教學，追得吃力，影響心理和成長，「可能付出很多努力，但每次收成績表都受打擊，他們讀第二間適合自己的學校，可能更有自信」。


他又稱，不同水平學生一起學習有裨益，但需維持合適範圍，如差距太大，學校為落後學生「保底」也不能解決問題。他補充，華小近年提升水平，初步傾向轉直資後仍預留一定學額予華小。


初步傾向預留部分學額予華小


蘇又表示，不希望轉制直資後令基層學生卻步，有人擔心清貧學生會感自卑，富裕學生會自負，但此非正確價值觀，學校會教導受惠於獎助學金的學生感恩，「每人都需要幫助，受助並不羞恥，受助後可幫其他人及社會」。



*****

講到明嫌棄華小B2學生水平差, 攪到學習有差異同埋可能英中資格不保, 唔知小學部仲會唔會厚顏繼續相隨呢？

雲牛

籌款時又話華仁一家, 依家就話人成績差

hkpapa852

雲牛 發表於 17-4-11 17:37
籌款時又話華仁一家, 依家就話人成績差

其實港華係咪暗示咗, 除咗跳船走咗既, 升上華中既華小學生, 已經係所有餘下既B1+全部華小B2呢?

如果係咁, 當華小有30人左右跳船, 79個係B1+B2, 合共有109人. 餘下21人+, 係B3學生..... 21/120, 都有15%以上B3

manmonster

回覆 hkpapa852 的帖子

請問，以華小而言，hkpapa 係咪覺得 15% 學生屬第三組別算高？

monodad

其實咁樣講明咪好囉，想果樣講果樣，想提升成績唔想學校同學生錯配影響雙方，大家都會了解同體諒，掩飾只會越來越令人反感，我有興趣想知道現行果43個自行收生學額係咪盡是B1英小生，轉直資之後且看是否會吸引到大批B1英小生去投身港華囉⋯⋯