Band3其實也沒那麼可怕！！！！

little_yolky

Danielhk 發表於 20-1-8 12:07
因材施教忽略了“環境”對個人的影響，忽略了個人的潛力。如果一年之後教“好”了，這個學生能轉校到band1 ...

如果呢間學校可以在一年之內將我小朋友由B3教到變B1，老實講，你打死我都唔走。

家長只係一廂情願一直覺得小朋友「自己」會變B1。或是放入B1學校小朋友就會被「感染」變成B1。所謂的B1不只是看英文啊！再者，放小朋友去英語國家但唔努力改進、學習，當然佢既英文亦唔可能變B1A啊！這個最明顯不過了。

Jane1983

回覆 Danielhk 的帖子

我唔信3歲定80，人生好多變數，莫欺少年窮。
但學校作為一個機構，按成績劃分收生在成本效益係合理好多。如果一級150個學生，程度南轅北轍，學校在教材、測考、師資方面，係唔容易安排。

在我，只要有一個公平公正，只得學生編號的公開考試。唔理我邊間學校出來、屋企有無錢、識唔識邊個重要人物、生得靚唔靚...總之能者居之，有本事就考爆燈，我覺得ok。之後升讀大學。大家就睇我有幾多5**，band幾生的招牌並唔會成世背住。


至於之前係咩讀間差學校，被人當loser的屈辱，呢間學校係自己當年成績deserved去的地方，唯有接受，為自己人生繼續努力。

Danielhk

little_yolky 發表於 20-1-8 12:39
如果呢間學校可以在一年之內將我小朋友由B3教到變B1，老實講，你打死我都唔走。

家長只係一廂情願一直覺 ...

我昨日跑的慢，你不允許我用體育場訓練。
我只能在佈滿石子的土路上練習。

幸運遇到良師指點。我糾正了跑步姿勢，增強了核心力量。我現在可以像體育場內其他人一樣跑了。我現在比他們還是慢些，但我已經進步。

遺憾的是，接下的幾年，我仍舊需要在泥濘的土地上訓練。周圍的人，都是抱怨或放棄。只有我給自己鼓勵。遇到疑惑，沒人給我解答。訓練方法，還是停留在幫助糾正跑步姿勢上和照顧那些跑的慢的伙伴身上。

運動場內的跑者們，已經開始使用專門編制的訓練教材和訓練設備了。我和他們的差距越來越大。
我開始懷疑我是不是命中注定就不適合跑步。

我開始懷疑每日的訓練是否值得去堅持。
周圍的人都安慰我，除了跑步，還有更多有意義的事情。人生是否成功，不是以是否跑的快來判斷。

===
我昨日跑的慢，但運氣好。好彩可以進入體育場訓練。
每日的訓練讓我疲憊不堪，受盡同學嗤笑。每次跑步，我都是最尾的那個。

我想放棄，我想離開。但媽媽替我我了一個私人教練。

教練問我有無信心。如果我有信心，他就有信心。

教練幫我糾正了跑步姿勢，還讓我增強核心力量。從未有老師告訴我，原來我跑步姿勢是錯誤的。老師們都說，人天生會跑步。

我在進步，但仍然是最尾那個。但每次我都能勉強跟在隊尾。我一定要跟住，我要在別人休息時，仍舊訓練。
....

王家爸爸

little_yolky 發表於 20-1-8 12:39
如果呢間學校可以在一年之內將我小朋友由B3教到變B1，老實講，你打死我都唔走。

家長只係一廂情願一直覺 ...

讀書時都識唔少國內同學，去英國讀，但係幾個中國人一有時間就圍爐取暖，咁既心態，好難學得好。同樣道理，入到一線名校，自己唔努力，都係融入唔到人地既環境，學唔到野。

王家爸爸

Danielhk 發表於 20-1-8 12:57
我昨日跑的慢，你不允許我用體育場訓練。
我只能在佈滿石子的土路上練習。

問題唔係你昨日跑得慢，而係你過去幾年都無努力跑。幸運地遇到既，只係良師，唔係魔術師，唔可能一朝改變你。糾正步姿，增強核心競爭力，係需要數以年計既時間。

王家爸爸

Jane1983 發表於 20-1-8 12:46
回覆 Danielhk 的帖子

我唔信3歲定80，人生好多變數，莫欺少年窮。

你唔信3歲定80，心態上已經減少輸既機會。相反，如果你信3歲定80，覺得自己唔得，就唔會有動力去改變，所以未起步已經輸。

Jane1983

回覆 王家爸爸 的帖子

改制去令小朋友feel better，不如幫佢地認清小六時，自己成績係不足，鼓勵佢地奮發，後來居上。
你保護佢12-18歲時的弱小心靈，但佢始終要同世界接軌。佢出來做嘢，一樣要面對各式各樣的歧視和標籤。這是人生。

王家爸爸

Jane1983 發表於 20-1-8 16:37
回覆 王家爸爸 的帖子

改制去令小朋友feel better，不如幫佢地認清小六時，自己成績係不足，鼓勵佢地奮發 ...

我非常同意幫小朋友認清自己不足係好重要，正如果禮記所講「學然後知不足... 知不足，然後能自反...」。只有知不足先可以自我反醒，反醒先可以知道奮發既目標，有目標先會有成功既可能性。不過能否後來居上，就有好多變數。

Danielhk

王家爸爸 發表於 20-1-8 15:28
問題唔係你昨日跑得慢，而係你過去幾年都無努力跑。幸運地遇到既，只係良師，唔係魔術師，唔可能一朝改變你 ...

是需要數年，才能 “勤能補拙”,“天道酬勤”,“大器晚成”
在這數年，我要呆在泥濘的土地上練習。

“我是否天生不適合跑步”,我沒有明確答案。很多人說三歲時，就已經洞察，我沒有跑步天賦。

我時常問自己這是“堅持”，“毅力”還是“固執”,“偏執”

我所接觸的訓練方法一直停留在“照顧慢的跑者”

我知道自己已經準備好了，渴望跑的更快，也想像高牆內的那些跑者一樣，有定制的培訓教材，有專業的設備。

我如果運氣好，如果天資聰慧，或許我可以插班成功。否則，差距越來越大。

我要遭受心理和資源雙重打擊。

我後悔小學沒有拼盡全力。

我恨父母沒有買房租房到41校網。

我恨父母沒有給我優秀的基因讓我讀三私一直。

我開始相信命運，黃種人天生不適合跑步，我的基因在我未出生前已經註定我就是band3仔。

Jane1983

王家爸爸 發表於 20-1-8 16:47
我非常同意幫小朋友認清自己不足係好重要，正如果禮記所講「學然後知不足... 知不足，然後能自反...」。只 ...

知道自己的不足，有奮發的心，唔繼續pair，或者怨天尤人。有正面的做人態度，即使真係無書緣，都可以係人生贏家。

little_yolky

Jane1983 發表於 20-1-8 16:37
回覆 王家爸爸 的帖子

改制去令小朋友feel better，不如幫佢地認清小六時，自己成績係不足，鼓勵佢地奮發 ...

出嚟做嘢，一定係先歧視縮骨卸膊好食懶飛果D，反而唔一定係學歷先行

Jane1983

回覆 little_yolky 的帖子

睇邊行。係咪名牌大學畢業、之前做過大行定三線行、英文係咪講得好、出身如何，一樣會影響人地點睇你。

洋蔥頭媽咪

Jane1983 發表於 20-1-8 12:46
回覆 Danielhk 的帖子

我唔信3歲定80，人生好多變數，莫欺少年窮。

非常認同你所講。個人亦贊成升中要分 Banding. 不過男仔因生理問題的確比女孩子遲熟，所以當年升中取消男女分隊對男仔的確唔公平。

B1同B3生最明顯嘅分别，在於能力、自信同學習態度。 分開唔同能力/唔同程度嘅學生去學習， 老師才容易因才施教，把能力相近嘅同學放在一起， 能力高嘅同學可以學多啲學快啲，能力較弱嘅同學老師可以照顧多啲，教慢啲， 對唔同程度嘅同學都有好處。

而且B1同B3學校教育方向理應有别，B1當然以成績行先，B3生成績冇咁理想但學校可以培養其他能力， 如果唔分硬要將佢哋撈亂嚟教，對大家都會好痛苦。

b3410

Danielhk 發表於 20-1-8 17:53
是需要數年，才能 “勤能補拙”,“天道酬勤”,“大器晚成”
在這數年，我要呆在泥濘的土地上練習。

你有冇覺得全篇文字，都係“我”在自我標簽“我”？其他人如何標籤化你唔緊要，自己標籤化自己，先最可怕。

Danielhk

b3410 發表於 20-1-8 20:03
你有冇覺得全篇文字，都係“我”在自我標簽“我”？其他人如何標籤化你唔緊要，自己標籤化自己，先最可怕。 ...

這就是我想表達的,環境對一個人的影響，究竟有多大影響力？
一個人，尤其中學生，內心有無足夠強大到忽略“標籤”？

當你試圖忽略一個標籤時，另一個標籤緊接來到“偏執狂”。

一個人在複雜系統，受眾多因素影響。

小學時，班內有band1,band3

到了中學，突然強調因材施教，突然強調band1和band3同班，無法安排教學。

是小學老師能力超強，還是中學老師超弱？

或者個個小學都是虛度光陰，到了中學先至學到“知識”？

little_yolky

Danielhk 發表於 20-1-8 20:17
這就是我想表達的,環境對一個人的影響，究竟有多大影響力？
一個人，尤其中學生，內心有無足夠強大到忽略 ...

拿！好多小學係行精英班制，一班入面唔會有B1同B3。我哋學校係平行班級制，叻既同學仔係無人叻，不過差既又無人差就是了。重點係大部分小朋友都有自信，同埋成績好既唔會睇唔起成績差既同學。但係，中學係為咗培育入大學既人，又唔可以唔講成績，混埋教係差D。

Danielhk

little_yolky 發表於 20-1-11 23:11
拿！好多小學係行精英班制，一班入面唔會有B1同B3。我哋學校係平行班級制，叻既同學仔係無人叻，不過差既 ...

兒子前三年小學分精英班，但英文教材簡單。默書有範圍。
搬屋換了小學，
後三年的小學平行班，英文教材明顯難。默書都無範圍。


兩校升中成績差別大。精英班成績不敵平行班，我覺著是環境造成的。是訓練技術，訓練裝備，訓練場地造成了差異。

簡單地說，起跑線上都差別不大，是他們不同培育環境，造成成績差異。

另一個差別就是家庭培育。我兒子時常和一個同學玩陀螺。那同學進了B3中學。就我了解，該同學很聰明。父母從不過問他的學習。

紫翹

KK20010609 發表於 17-2-5 16:51
Band3學生, 中學可以很快樂, 但 20+, 30+, 什至40+呢, , 是, 每一條也是路, 只是比較容易走的路為什麼不指 ...

唔係每個都要行同一條路, B1有幾多間? 有幾多位?  每個人都要倒模一樣嗎?  人生不會永遠都贏, 輸得起都好重要.

yovin

Danielhk 發表於 20-1-8 07:49
我是反對分banding.每個學生潛力不同，任何時候都是打基礎時候。任何時間都可以從零起步。
分banding,就如 ...

問題在於大家在分 banding上定義南轅北轍好難討論喎！～我反而覺得 band3係無障礙通道 、 band2係基本道路、 band1係越野賽道。要行動不便的或行都懶嘅人怎去跑越野賽道呢？
當基因特變或突然努力願行會走時，咪升級轉道囉。制度上有得申請架嘛、識跑識游識飛時大把頂尖學府俾你揀！

任何道路都可有冠軍，一向現實世界大部份都分組比賽㗎！踢波有甲組/ 拳賽有重量級/國家都分為第一二三世界啦！
無論怎樣分級～到最後都不「只亅是論成就，而是自己的態度、過程付出和人生意義啊！

DNA？祖先血統？精英制？大部份一向都係㗎啦！
小部份咪基因突變或天道酬勤或善有善報。不過勤力與善心都同DNA有好大關係～唉！一命二運三風水
四積陰德五讀書
六名七相八敬神
九交貴人十養生
十一擇業與擇偶十二趨吉及避凶
十三逢苦要無怨十四不固執善惡
十五榮光因緣來

又背我的金句了！