今日學之園開始PN interview

teresa_sesame

真係好睇小朋友當時既狀態, 平常心, 順其自然吧

CrazyCatB

yee123480 發表於 16-3-14 15:28
我個係2月b,有部分老師攞起顏色筆，問我小朋友劃唔劃公仔，我小朋友攞住支筆，跟住老師自己劃圈圈同香蕉同 ...

我諗老師都係睇小朋友做D咩而堆住問多2句.
我小朋友拎一枝筆出來, 畫2下, 就拎另一枝. 最後拎晒4枝.
老師問佢咩顏色. 陪佢一齊講. 黑色/啡色/綠色/藍色.
跟住老師問佢有幾多枝, 又一齊數返入去.

Grace0416

我本身填咗in 中文，但佢答應咗我可以轉英文，但又唔記得！結果in 完中文後，又再in 返英文！中文老師不停問佢毛巾，佢唔識！但英文就識毛巾同刷牙睇書！但就答錯顏色！英文老師有叫畫圓圈，佢梗係唔識！group in 同見校長都合作，但單獨in 應該失分慘重！

kaboBB

我女單對單坐不定，成日想走；group in唔肯跳舞，叫做肯攞水果；見校長就冇咩，只是一攞完禮物即衝左出去

Cutekillq

既然大家in晒，可以講返當日in左咩，睇下大家有無唔同。

我第一日青衣
英文：
- 問咩名
- 叫名舉手
- 拎水果（香蕉、蘋果、橙、士多啤梨、啤梨、提子）入男仔或女仔紙板公仔。老師叫can you feed a banana to the boy?
- 唱goodbye song, 會拍手、踏腳、舉手
- 排隊去另一班房
（做不到既會照俾好多機會鼓勵小朋友，感覺很有耐性）有2位老師mark分

中文：
- 早晨、問咩名
- 枱上有杯、毛巾、臘筆、傘、書、5層塔，叫小朋友拎其中3樣
- 問想抺咀用咩野
- 隨便問下書中咩公仔
- 問家長小朋友在家多唔多野講
- 隨便問其他野引小朋友開口
- 送貼紙（講謝謝）
走。排隊入校長房

校長房
- 每家長小孩一張枱，枱上2書俾小朋友。問卷俾家長
- 問卷問德育和智育只選一，會點選
- 有咩問學校
- 選上午定下午班
- 10分鐘後，校長入來
- 話幾時有2nd in, 幾時有結果，問大家有沒有野問
- 雙手交卷，校長贈禮物（校長無問小朋友野）
- 約30-45min

timothy_mto

我個囝一舊飯, 中文IN 都係做D唔做D,

英文跳舞　拍手、踏腳、舉手 全程觀望

校長會面安靜睇書


表現一舨之下

Grace0416

其實最後in 校長呢part, 小朋友係咪suppose 要坐定定係我隔離？

lemoncar

原帖由 Cutekillq 於 16-03-14 發表
既然大家in晒，可以講返當日in左咩，睇下大家有無唔同。

我第一日青衣

我今日in 青衣，大致一樣，但問卷內容無問德育，只問怎樣家校合作。其實我覺得問卷內容非重點，重點係睇小朋友耐性。果刻覺得好似考試咁，兩個考官坐前面望實。
自己小朋友表現一般。但自己感覺就麻麻地，好有壓迫感。可能我一個帶小朋友去，比較輪盡D，報到後剛剛執好曬D野就叫入房，小朋友都未warm up，又無玩具俾佢地warm up, 得個滑梯，我還早到20分鐘，見到仲有幾多人，咁快叫我！所以第一part gp in 比較差，好笑在阿女走時抖左個大氣同笑，我問佢"are u tired?" D 老師都笑.
Part 2 同part 3 都ok. 好在阿女不嬲都聽話唔會亂走同都肯坐定定，不過俾問卷時就唔肯。其實自己對校長同老師感覺麻麻，無乜笑容，校長就好似訓話咁交代D時間，同埋指定雙手交問卷，感覺佢地非常著重discipline. 同埋無俾小朋友warm up，之前in 過兩間都有warm up time, 小朋友發揮好過今次。或者佢地就係想收隨時ready 既學生。（不喜勿插，純粹自己感覺）
大家覺得如何？

Cutekillq

原帖由 lemoncar 於 16-03-14 發表
我今日in 青衣，大致一樣，但問卷內容無問德育，只問怎樣家校合作。其實我覺得問卷內容非重點，重點係睇小 ...

我都覺好難warm up, 而且一入房就驚驚地。km，sc反而有堆玩具玩下先, 呢度一黎就考

alicewun

-----

greenfarmtony

我都係in青衣，有同感，尤其是填問卷part, 諗起以前自己讀書考試咁，填緊問卷又要顧住小朋友唔好俾佢周圍走，跟住校長入來要留心聽校長講解，成個過程我自己覺得有d壓迫感，同好考小朋友耐性

lemoncar

原帖由 Grace0416 於 16-03-14 發表
其實最後in 校長呢part, 小朋友係咪suppose 要坐定定係我隔離？

我覺得at least 喺個位附近同無大叫。我個女坐一陣就企喺度同後望D動物圖，佢好鍾意動物😆

lemoncar

原帖由 greenfarmtony 於 16-03-14 發表
我都係in青衣，有同感，尤其是填問卷part, 諗起以前自己讀書考試咁，填緊問卷又要顧住小朋友唔好俾佢周圍走 ...

呢part 係我最唔鍾意，感覺好唔舒服

vwvwvw

我冇問咁多喎，佢一黎叫攞毛巾抹面，我小朋友想要牛角包，想要顏色筆畫野，搞左一輪就話同公仔抹臉，之後睇書，老師話同媽媽睇書，咁我就同佢數數，唔知會唔會搶左老師角色添，睇左2頁我小朋友話唔睇，老師見我小朋友想玩個圈，就畀左佢玩喇，跟住見有人in完，就話再見喇

好似冇咩特別要問我小朋友啲咩咁，可能因為覺得冇機了，費事問得咁多

Cutekillq

原帖由 vwvwvw 於 16-03-14 發表
我冇問咁多喎，佢一黎叫攞毛巾抹面，我小朋友想要牛角包，想要顏色筆畫野，搞左一輪就話同公仔抹臉，之後睇 ...

我在中文部分要我拎毛巾，杯，書。用布偶講。但小朋友唔啋佢，死要睇本書，因為本書好好玩。後來我鼓勵佢老師個布偶好想要毛巾，請佢幫手拎。拎完老師問，想抺咀，點抺，小朋友就拎毛巾抺。之後本故事書見佢咁想睇，就叫佢講下見到咩。啲動物睇唔出是什麼動物，唯有不停叫佢試講其他野。但都好怕羞同細聲。希望有2nd in

cathyshen

我們今天in，流程差不多，但感覺上是濃縮版，group in沒叫名舉手，最後填問卷老師說給我們3分鐘(若我沒聽錯?)時間, 實際上應較3分鐘長，但絕對未到１０分鐘。可能時間較短關係，全組好像每個小孩都坐定定等校長來。校長沒有機會給我們發問，但對每個小朋友都聊了幾句。不過主要是校長講，小朋友搖頭點頭為多。我目測我們全組大部分小朋友都較細。不知道是否因為是最後一天interview，可能我們都是陪跑的
我也覺得學校安排較周到，group in時有三個老師mark分亦較周全，老師亦給予很多機會給害羞的小朋友機會盡量完成task。
p.s. 之前St Cat first in時老師曾叫錯我的小朋友的名字，所以之前有前輩說老師可能＂點錯相＂，我不排除有可能發生。

vwvwvw

其實有無人知點分interview day？

cathyshen

vwvwvw 發表於 16-3-14 20:54
其實有無人知點分interview day？

我覺得是跟報名時間排,但同一批報名同一個時間段學校又盡量安排差不多大的小朋友一齊group in. 我們較遲才網上申請,所以排到最後一天.

swnatalie

我女都係今日in完，都係individual 同group in無乜反應同唔答😅
老師好有耐性引導佢做。雖然做唔到，但只至少阿女無喊同扭計，我已經覺得好開心。 填問卷果part 佢都坐得定，同場都有唔少小朋友坐定定。

Grace0416

填問卷我囝無坐定過，但亦無搔擾人！見校長時，有雙手交俾校長同say thank you、飛吻！原來全部人都坐定定的，又陪跑了！