好學校與好成績學校

wan_sosin

原帖由 DevilPig 於 15-10-15 發表
如果認知無問題，只係寫字打風咁，算唔算?

打風得嚟，筆劃是否寫齊？是否仍能辨認是什麼字？如果是，問題不大，字體靚唔靚，跟學習無關，教育心理學家說的。

cupidshirley

阿仔間神校因為係派位，所以乜人都有，親眼見有問題嘅真係不少，但學校有教無類，只要申報同評估咗，呢啲特別小朋友有所謂＂免死金牌＂，交功課盡量交，遟到早退冇問題，考試去另一間課室，時間又加長！如果係會攪到人果啲就會坐在老師枱旁的VlP位。支援就提供老師補課。
我因為成日幫學校做義工，所以我親眼所見，不過正常小朋友係知道邊啲有小問題嘅，但又冇乜所謂都會一齊玩。
留到6年冇問題，但一定去唔到書院，因到時真係比成績！
有家長希望有奇績出現，又或覺得係度畢業，第日子孫都入到

ffaye

原帖由 cupidshirley 於 15-10-16 發表
阿仔間神校因為係派位，所以乜人都有，親眼見有問題嘅真係不少，但學校有教無類，只要申報同評估咗，呢啲特 ...

津校真係好睇學校點做。自己無得揀學生，入左黎，唔係有教無類既名津就算置個學生不理都唔係咁易叫個學生退，因為好多家長唔會想走，學你講等奇蹟出現。係有教無類既又要用盡辦法等佢地貼近普通學生成績同行為上唔好太影響其他同學。

ffaye

原帖由 lucaspapa 於 15-10-15 發表
其實學障係一個例子，SEN都係一個例子，好多學生無呢類「病情」，但係學習能力較差，十隻手指有長短，家長 ...

對林校長，我係mix feeling. 好近賞佢既教學熱誠，但講到有教無類唔好睇住某幾個兵死。。。其實佢揀得入去讀既，已經係佢in過既精英。

cupidshirley

名私校，直資一定極少呢類學生，津校派入嚟，焗收

MASAYA

cupidshirley 發表於 15-10-16 08:57
名私校，直資一定極少呢類學生，津校派入嚟，焗收

咁又未必, 都有好多SEN成績唔錯, 睇下升小前父母識唔識幫佢地, 考直私小學一樣可以多offer
利申, 我小朋友冇SEN, 只係深感呢類父母好勁, 付出又多, 孩子又蒙恩

MrBeast

E+小學課程正常普通小孩都變sen, supplementary edu needs

ffaye

原帖由 MrBeast 於 15-10-16 發表
E+小學課程正常普通小孩都變sen, supplementary edu needs

Well said

OHIMESAMA

原帖由 蕃薯仔媽媽 於 15-10-13 發表
現實非常殘酷，好替嗰啲孩子心痛，我朋友(Band 2 中一老師)手上的谷底學生，完全無習動機，根基初小都不如 ...

好奇一問，個小朋友點解咁都抽到b2中學

yk2

你回想在你工作併傅多年，你身邊最醒，最出色嘅人，甚致老闆大多出自名校嗎？不是罷!!!  清醒d想清楚什麼對子女成長影響人生最重要吧!？

LeeCC

MASAYA 發表於 15-10-16 09:46
咁又未必, 都有好多SEN成績唔錯, 睇下升小前父母識唔識幫佢地, 考直私小學一樣可以多offer
利申, 我小朋友 ...

我識一個sen的有四個offers，仲要這四間都系難入要見兩三輪的直私

fishchow

原帖由 yk2 於 15-10-17 發表
你回想在你工作併傅多年，你身邊最醒，最出色嘅人，甚致老闆大多出自名校嗎？不是罷!!!  清醒d想清楚什麼對 ...

我發現，如女士，大多是出身於名女校。

serinac

原帖由 fishchow 於 15-10-18 發表
我發現，如女士，大多是出身於名女校。

你唔講，真係冇為意喎。自己認識嘅打工女強人，又好似多出自名中或名大學。

simonwan

yk2 發表於 15-10-17 00:33
你回想在你工作併傅多年，你身邊最醒，最出色嘅人，甚致老闆大多出自名校嗎？不是罷!!!  清醒d想清楚什麼對 ...

發達的人就梗系什麽學校出來的都有，邊有學校保證。但名校真係大部分畢業生會系專業人士或中產階級。而普通學校出來好多人都仲系停留系中下階層。以小弟爲例，當年讀的是新市鎮屋村學校，唔好講話發達，全級一個醫生都無，律師就衹得一個，仲要系最初入唔到法律系，大專畢業後再兼職讀法律考律師牌，讀書最好的一個就做左會計師。先不計家庭背景，成長期系好受朋輩影響，所以中學好唔好其實系好重要。我讀書的年代已經有個理論就系“中學決定論”，就系唔計性格、家庭背景等因素，衹算學校，中學對一個人的影響其實比大學小學仲緊要。

家長其實系好清醒的。

Doray

我就唔係咁睇，反而是因為貨源歸邊，因為经過中一跟成績派位，尤其以往分五個Band, 讀得Band one, 已经係全港top 五分一成绩的人，如在中三淘汰試同中学會考西青埋一枕掹車邊，啲band one 學校實好多入u位，而當年资訊冇咁發達，得啲富貴中產識貴貴都專科專補，讀名校嗰啲更着數，但隨著大家都識日補夜補，天皇天后成街都有，只要有心，都有途徑同佢地看齊啲啲(雖然未可以好似佢地五六百蚊補一堂)，所以近年多咗地區名校冒起……再加上梁錦松當年銳意打散名校，好多都俾佢玩到謝咗啦！

MASAYA

Doray 發表於 15-10-19 02:49
我就唔係咁睇，反而是因為貨源歸邊，因為经過中一跟成績派位，尤其以往分五個Band, 讀得Band one, 已经係全 ...

只想回應補習個part，就係補習社開到成街成巷，所以原本讀唔上都變成考得上，高分低能個源頭就係呢度
同意以前資訊冇咁發達，識搵學校真係少數人，所以讀得好考得好都係少數人，如果而家係資訊發達但冇補習，我覺得個社會會正常d同全面d