虎媽評名校

MASAYA

wan_sosin 發表於 15-3-16 17:16
你講嘅絕對係，嗰個係技安！我仔其實都唔少嘢架！無奈輸咗身形！我仔好唔份氣！不過男仔之爭，由得佢哋！



  ...

如果我有仔，我一定教佢要以禮待人，但係遇到人蝦蝦霸霸一定唔可以退縮 (唔係指事後報仇)，就算最後畀老師罰晒兩個都冇所謂，呢d人通常欺善怕惡，一示弱就沒完沒了

MASAYA

http://goo.gl/0y7qbW <-- 回覆王家爸爸：運動後一小時聰明吃

運動後二小時內易吸收大家都知，咁一小時至二小時之間吸收d咩，我就唔搵資料來源喇

wan_sosin

原帖由 MASAYA 於 15-03-16 發表
如果我有仔，我一定教佢要以禮待人，但係遇到人蝦蝦霸霸一定唔可以退縮 (唔係指事後報仇)，就算最後畀老師 ...

對，我認同！
一直以來我仔都唔係好蝦！
比佢遇上競敵都好，考驗下佢點解決，但我唔擔心，以佢性格唔會比人蝦落去！

laorenjia

回覆 小時了了 的帖子

哈哈，你洞察力非常高，看來不單止小時了了。直到如今，你係當今世界第二個有能力睇得出我謙遜嘅本質嘅人，果然唔簡單。第一個人當然係我啦，其實我都唔明，以前有工開嘅時候，點解啲鬼佬同事成日話我個middle name叫arrogant.

不過最近諸事不順，睇開個fusion風水先生叫我改吓名，加多個拉丁middle name叫Autumnus Dendranthema Morifolium, 佢話唔識讀唔緊要，嗰拉丁名已經中國化咗，都係用拉丁字母，叫Qiuju。佢重教我趨吉避凶，人少嘅地方就咪去，所以我已經講明(見下面轉載)，有啲地方我唔會再去。

❝我唔會係第一個，我亦相信我唔會係最後一個，多我一個唔多，少我一個唔少，我唔會在再喺教育講場出現。❞

laorenjia

eviepa 發表於 15-3-14 13:33
Laorenjia,

搞到要聯同聰明仔爸去圍攻我添，睇怕要搵番個靚女幫手鬧你先得。

趕鬼一法，豈只鍾馗。

雙儿鬧人的方法我學不來。文字相似，是因為那段時間我住在醫院，她做了我的代言人，一起寫了一段時間，英文我幫她潤飾，但中文文字的氣勢，我豈能及。只不過之後，學了她，我也大多以廣東話入文。

以前的我，大概會這樣寫下面的文字:

剛説過少看港產片，誰知馬上又看了另一套。本以為“雛妓”是三級片，看來看去却似是童話，是拍给中年男人看的童話。影片講一個政府中上層官員包養一個女孩子的故事，但現實又怎可能如此：中年男子要有一個妙齡情婦可能不算難，但要栽培女孩子成為一個出色的大學畢業生就有點難度，再要女孩子刻骨銘心愛上男人而甘於長期做隱形人就已經是匪疑所思，最後要同樣鍾愛男人的妻子完全不知情就是白日夢話了。

做真正的情婦是一件比做聖女更難的事，剪男人妻子同樣長度的頭髮，頭髮染同樣的顏色，不用化妝品，只能用男人妻子同樣的香水，這些都是基本；不能隨便就見到自己心愛的人，不能要聽就聽到他的聲音，如果這些還可以忍受的話，那麼每個周末，每個中秋，每個聖誕，每個男人合家歡聚的日子，你都不能跟他在一起，而這些日子日年復一年，無窮無盡，是甚麼樣的女孩才能夠忍受這些？另一方面，若妻子深愛丈夫，又怎會分辨不出丈夫身上的味道，衣服上的髮絲是不是自己的？

隨之想起前一陣子的一件小事：妻子太太團中有位大姐，女兒是潮人，iPhone iPad 轉款她又轉，將舊的轉送母親，但跟一般年青人一樣，沒有耐性教會母親使用。妻子也是一個沒有耐性教別人的人，就將這差事給我。來來回回，反反覆覆許多許多次，大姐終於學會用電話和iPad, 知道怎樣用iPad看到手機拍的照片，怎樣放上面書，和兩個女兒(一個在多倫多)的溝通也多了。大姐和女兒都很感激我，其女兒甚至因此請我們吃了一頓私房菜。有一天晚飯談起這事，妻子說若有一天她比我先走，我也不愁寂寞，因為會有些阿婆大嬸可能還會覺得我有吸引力，我隨口回答：何止阿婆大嬸，十八廿二都有啊。妻子馬上瞄一瞄剛好在我家蹭飯的T女(剛好她父母都出差，妻子讓她來陪陪兩個老人家)，T女已諳妻子脾性，馬上道：“Auntie, 唔駛驚， 我未夠十八歲。……不過，我星期日同爸爸落百佳，碰到uncle喺度買薯仔，我見個收銀話uncle揀嘅薯仔唔靚，带uncle去揀過。我睇佢個樣似係18 + 22。” 妻想了想問：“係唔係頭髮前面做咗挑染嗰個？”

一個細心的妻子，丈夫身邊的一切事物，都會看在眼裏，載到心內，只是說或不說而矣。

PotterLai

回覆 laorenjia 的帖子

laorenjia （老人家）非一般人也！

little_yolky

IloveJJ 發表於 15-3-17 08:43
青春期太瘦唔係幾好，第時身材會如果你兩公婆唔肥，個女都唔會似欣兒既，放心啦！



  ...

老公係油浸都唔肥, 問題係......我飲啖水都會肥, 係我自己好克制, 所以先keep到

佢依家醫生話體重比average重咗少少.........到底青春期係咪會拉高咗, 就無咁肥架, 佢最大既問題係無乜運動。

little_yolky

MASAYA  又話大女似老公, 細女似妳 :joyo   發表於 12 分鐘前


佢之前一直都係標準踏線的, 從無超標過, 游完水就出事鳥

MASAYA

wan_sosin 發表於 15-3-16 18:23
對，我認同！
一直以來我仔都唔係好蝦！
比佢遇上競敵都好，考驗下佢點解決，但我唔擔心，以佢性格唔會比人 ...

我教女遇到事要先考慮非武力方法, 都唔得就准許用武力, 之後一齊面對

little_yolky

Jane1983 發表於 15-3-5 21:50
回覆 AgapePa 的帖子

就算係「肥種」，都吾係咁易增到咁緊要，個亞媽任得個女增到200磅，真係好有責任。咁 ...

拿拿拿, 我都係聽專家講嫁咋, 唔啱聽當無聽過。

聽講, 脂肪係有單位的, 肥既人一般脂肪單位數量較多, 所以成年人肥咗就好難減得瘦, 即係點解纖完體又會肥返既原因。呢D脂肪單位, 响青春期過後, 數目會穩定, 但又好難減少(除非抽脂), 所以, 家長必須要控制小朋友青春期以前不可以過肥, 以控制好脂肪單位。如果青春期以前體重標準的, 長大以後一般唔會超肥, 但反之, 一般點減都好難瘦。


因此, 奉勸父母肥種的家長或外省人家長, 要小心小朋友青春期以前既體重, 以減低脂肪單位既數量, 免得以後人生都要同肥伴抗爭。

Jane1983

回覆 little_yolky 的帖子

朋友成家肥種，個女小二，都幾大隻，佢嚴控小朋友飲食，佢話「吾靚，又好肥」的女仔，青春期受好多無謂打擊。

MASAYA

little_yolky 發表於 15-3-17 10:43
拿拿拿, 我都係聽專家講嫁咋, 唔啱聽當無聽過。

聽講, 脂肪係有單位的, 肥既人一般脂肪單位數量較多, 所以 ...

可能只供女性參考，我d胖亦男同事都話讀書個陣好瘦 (速逃)

little_yolky

MASAYA 發表於 15-3-17 10:55
可能只供女性參考，我d胖亦男同事都話讀書個陣好瘦 (速逃)

都係專家講的, 我都唔知。

根據專家既講法, 你D肥男同事, 如果努力keep fit, 係會瘦同埋無咁易反彈, 係佢哋唔keep啫。仲有, 我見有D美國節目, 搵一班肥人士去參加減肥計劃, 到最後, 10次有8次最後都係男士勝出, 變得鬼咁有型, 可能男士體質係易D瘦。

wan_sosin

MASAYA 發表於 15-3-17 10:55
可能只供女性參考，我d胖亦男同事都話讀書個陣好瘦 (速逃)

我老公十靚歲時都好瘦,體能好fit,打算去考警察,依家........

wan_sosin

MASAYA 發表於 15-3-17 10:28
我教女遇到事要先考慮非武力方法, 都唔得就准許用武力, 之後一齊面對

我只係怕我仔出手太重,我試過比佢跳起個頭撞崩我d牙,佢可以推到人成個瞓低,試過一個撞穿頭,佢而家大咗反而少咗真係出手!佢依家仲學埋武術,我都驚奇佢會比人蝦,不過嗰個同學真係好高大,高我仔大半個頭,仲要有肉地,但我仔都算髙架!但最近我聽我仔講,個同學已經無乜再攪住佢.


之前幼稚園有個同學,成日伸隻腳想kick跌人,我仔都試過一腳踩落佢隻腳上一面.佢係會還手,但好在佢係唔會無情情打人.男仔之間嘅相處,我都會叫爸爸教佢.

wan_sosin

little_yolky 發表於 15-3-17 10:43
拿拿拿, 我都係聽專家講嫁咋, 唔啱聽當無聽過。

聽講, 脂肪係有單位的, 肥既人一般脂肪單位數量較多, 所以 ...

點都好,肥開真係好易肥,女仔都係唔好太過份.我見細個肥妹,大個好少廋得太多,身形都會係圓圓地嗰種.

MASAYA

wan_sosin 發表於 15-3-17 13:21
我只係怕我仔出手太重,我試過比佢跳起個頭撞崩我d牙,佢可以推到人成個瞓低,試過一個撞穿頭,佢而家大咗反而 ...

出手重呢d未控制到0者，唔係想置人於死地既，越高手出手輕重越拿捏得好
我凡事睇動機，小朋友打人都要先睇原因再決定點處置，好似好多人都想仔女讀名校，如果係覺得個間名校適合小朋友，當然舉雙手支持，但如果覺得威威，讀完出黎高人一等我就覺得無謂喇


p.s. 我覺得呢個帖而家輕輕鬆鬆傾下偈幾好丫，不過費事板主話離題要封帖，都係久唔久貼返題好

wan_sosin

MASAYA 發表於 15-3-17 13:42
出手重呢d未控制到0者，唔係想置人於死地既，越高手出手輕重越拿捏得好
我凡事睇動機，小朋友打 ...

貼題架,好貼題架,小朋友打架都要拿捏得好,我覺得我個仔係比以前識控制,無一出手就拼命,去學武術唔係想佢好打,係想佢學識點控制.
做父母一樣,要拿捏得好,識收識放,都有好多人問我點解幫我仔揀而家間學校,覺得我仔可以再好少少,幼稚園個班主任都咁講,但我最大嘅原因係想小班,能夠係一線尾又小班嘅得呢間,我仔自已都好鍾意,咁已經對我來講係好學校!