忍唔住為明慧講幾句說話

龍校之友

原帖由 MiffyShe 於 14-12-04 發表
回覆 龍校之友 的帖子

多謝你長盡理性分享！除了比較商業，其他方面滿意嗎？請問如果再比你選擇，N會擇什 ...

揀得明慧，梗有佢優點啦。首先姨姨有愛心，特別系玉姐。朝早李老師會陪小朋友睇故事書等上堂，睇得出佢好錫小朋友。仔女會想返學，放學無喊，有時講下學校d嘢，似乎好開心。學術方面，有net有nmt，學唔到嘢系學生問題啦。學費同其他私校差唔多，不過成日要捐呢樣買個樣，有時會覺得佢用家長嘅錢同其他團體搞關係。我同意樓上媽咪講，不如收$9000學費全包，好過成日出通告問家長是否願意捐 （a）$100, （b）$300,（c）$500 比某某團體，唔捐又怕你對自己仔女唔好。

龍校之友

原帖由 Julybabe 於 14-12-04 發表
算喇hkd130姐，吾好睇到甘大囉

何必斷章取義哩。

龍校之友

原帖由 ahmatt 於 14-12-04 發表
其實部分教會幼稚園是由幼稚園學費補貼教會的，所以資源分分鐘少過普通有學劵學校
那些教會學校教師人工亦 ...

如果信仰唔同，最好唔好送仔女去教會學校，因為教會學校好注重信德教育，如果價值觀不同家人很容易有衝突。

龍校之友

另外，MW唔會優先考慮有哥哥姐姐嘅報讀生，如果有細佬妹跟尾嘅家長，要三思。無世襲，對其他人嚟講梗系好事啦。

Mother_Joyce

龍校之友 發表於 14-12-4 21:13
揀得明慧，梗有佢優點啦。首先姨姨有愛心，特別系玉姐。朝早李老師會陪小朋友睇故事書等上堂，睇得出佢好錫 ...

我估你喺太子明慧？因為我喺北角明慧，但系我從開學到宜家，都未收過要捐款嘅通告bor...

Mother_Joyce

shersiu 發表於 14-12-4 18:24
私營學校一定要賺得多㗎喎，生意唔掂最多裁員，學校唔掂受影響嘅唔止員工仲有小朋友，連帶家長都要頻樸搵學 ...

但系我從開學到宜家，都系交過一次雜費、一次旅行費咁大把咋，無交過其他錢喇...所以我唔系好明白，點解你哋話好多雜費？

龍校之友

你的表情很可愛，從小朋友身上學的吧。

Julybabe

原帖由 龍校之友 於 14-12-04 發表
何必斷章取義哩。

吓？請問如何斷章取義呢

龍校之友

上年很多家長問我，為何這麼多龍校都收我大B，我說我沒有作過刻意陪訓或為他報讀什麼課程，我相信每個小朋友都有自己的氣質，而這些氣質很大程度從父母身上承傳，有經驗的老師一定能感受得到。相反，有些家長心術不正，動不動便惡言相向，或用侮辱性的icon向對方作挑釁，他們的小朋友，或多或少會沾染他們的負能量，影響老師對他們的印象。所以如果小朋友明明表現不俗，卻不斷收reject letters，作為家長便要好好反省了。

龍校之友

香港幾百間私幼，明慧學費唔算貴，點解年年有家長話佢 commercial，其他私校無呢 d comments 哩？一個講就話刻意中傷啫，個個講系咪要檢討下呢？我重申，作為用家，我認為明慧物有所值。Brian 老師咁靚仔，比多一二千見下佢好閒。但好多細眉細眼位學校做得唔夠大方，令人懷疑辦學者對教育嘅熱誠。其實陳校長上哂岸，系咪可以多 d 從家長同學生嘅角度去思考同辦學哩？

Julybabe

原帖由 Julybabe 於 14-12-04 發表
吓？請問如何斷章取義呢

from what you have said, you keep mentioning the hkd130 excursion fee... and keep complaining the school is being *commercial* in that sense - 好似對嗰130蚊睇得好大囉。同埋而家吾比都比左,你仲計黎計去個130蚊，係米有d多餘？

而且學校搞excursion, it does have its own cost and spending as well.. its not running a charity and we shouldnt take things for granted anyways - so y bother to keep mentioning allllllll the time? 我覺得你keep住擺嗰hkd130 係心度，話間學校吾好, 有d 吾係甘appropriate lor… also its just hkd130姐，吾洗睇到甘大甘認真

Julybabe

原帖由 龍校之友 於 14-12-04 發表
何必斷章取義哩。

你話人斷章取義，倒不如反思下自己是否野蠻。打個譬如，你自己選擇搭的士由中環去柴灣，司機收你130蚊，你就話人收得你貴，因為搭巴士地鐵吾洗10蚊！就好似學校是你自己揀的，the benefit it brings may not be comparable to other schools as well

Mother_Joyce

龍校之友 發表於 14-12-4 23:24
香港幾百間私幼，明慧學費唔算貴，點解年年有家長話佢 commercial，其他私校無呢 d comments 哩？一個講就 ...

主觀嘅嘢我同你就唔再argue喇，各花入各眼，大家觀點都好明確。

但系事實嘅嘢，我就真系好想問清楚你啦，因為你一直都無答我吖，所以我比較好奇：

你話有捐款，但系，我女女從8月入學到宜家，我從來未收過任何通告系要求捐款bor，點解呢？

唔好介意我一直追問。

龍校之友

個個月萬幾蚊學費都系咁比，點會介意個一二百蚊丫，你明嘅，何必斷章取義哩。迪士尼入場券成五百蚊張，人人話貴，但玩完開心就算，無人話佢呃錢。機場吹氣嘉年華有冇去過？入場費百零二百蚊好合理，但原來入便玩遊戲要另外收費，每樣少少地二三十，玩一日又系四五舊水，結果人人大叫搵笨。套用妳嘅講法: 好心你地啦，二三十蚊就肉赤，話人搵笨，氣球要錢買㗎，工作人員唔使出糧呀？咁唔高興咪唔好去玩囉。系羅輯上呢d叫以偏蓋全，文字上叫斷章取義。

Mother_Joyce

龍校之友 發表於 14-12-4 23:24
香港幾百間私幼，明慧學費唔算貴，點解年年有家長話佢 commercial，其他私校無呢 d comments 哩？一個講就 ...

我之前就係發現，好多話佢commercial嘅都唔系真正用家，都係參加完面試前嘅家長會、或者參加完面試嘅人嘅comment，所以先寫呢張post吖...


人云亦云嘅旁觀者comment，同真正用家嘅comment，邊個會比較有參考價值呢？


宜家好多家長，都係對學校有個大概嘅了解，就去面試喇，因為競爭太大，下下都要報好多間，邊度有甘多時間去深入了解？所以用家嘅感受，比較值得參考。

龍校之友

原帖由 Mother_Joyce 於 14-12-05 發表
主觀嘅嘢我同你就唔再argue喇，各花入各眼，大家觀點都好明確。
但系事實嘅嘢，我就真系好想問清楚你啦， ...

老實講我唔系果d好organised、乜鬼都file起佢嘅人。過去兩三年回條嘅嘢見到就簽，簽完就算，過後就掉。諗過為咗你去摷下櫃桶，但天寒地凍人又懶，罪過。相信好多家長比我整齊，認真，如果有保留買過xx獎卷、為xx籌款、支持xx參加xx活動捐款回條嘅家長麻煩幫幫手。講真，呢d嘢點會記錯丫，每次問個衰公佢都話: 保護費，唔交點得，買兩叠啦！

龍校之友

原帖由 Mother_Joyce 於 14-12-05 發表
我之前就係發現，好多話佢commercial嘅都唔系真正用家，都係參加完面試前嘅家長會、或者參加完面試嘅人嘅c ...

你搞到我想 post 兩個小朋友張學生證上 bk 添，忍忍忍忍忍……

龍校之友

原帖由 Julybabe 於 14-12-04 發表
你話人斷章取義，倒不如反思下自己是否野蠻。打個譬如，你自己選擇搭的士由中環去柴灣，司機收你130蚊，你 ...

好媽媽，依家情況系打的（周末去收費渡假村）收百三，MW巴士叔叔（周五去公眾海灘）又話收百三喎，你系咪掉轉咗呀？理性d得唔得？

vcheng99

原帖由 龍校之友 於 14-12-05 發表
好媽媽，依家情況系打的（周末去收費渡假村）收百三，MW巴士叔叔（周五去公眾海灘）又話收百三喎，你系咪掉 ...

點解你覺得其他家長唔應同你就係唔理性同欺凌呢? 你份人都幾奇怪，又要用讀，又要嫌棄。選錯一次好啦，第二個又要選返一樣。既然咁target oriented 龍校或教會學校先係你杯茶，又可必勉強自己小朋友去讀一間和你教育理念不同的學校，又何必說服他人要覺得130蚊去海灘好有問題呢。就算我自己讀天主教學校，都會叫學生捐錢啦，童軍獎券，聖母月等等。。。 而我女女開學到而家都未有要捐款。我唔排除將來有，但捐錢有咩問題呢? 你講到教會學校一定無，但我就話你知，係有，起碼我讀果間有! 理性討論係須要，但係唔係同一d理念不同的人討論。家長唔係唔理性，只係唔太明白你心理，講的例子不太有說服力啫。

vcheng99

原帖由 龍校之友 於 14-12-04 發表
上年很多家長問我，為何這麼多龍校都收我大B，我說我沒有作過刻意陪訓或為他報讀什麼課程，我相信每個小朋 ...

此外，你自覺你自己的氣質比別人好。我相信這都是觀點與角度啫。憑你的回覆可見，這講法真的見仁見智了。只恕我不敢認同。