怎樣可以令小朋友對英文有興趣

little_yolky

KoWY72 發表於 14-11-21 11:44
小孩子特別不喜歡某科，可能是在接觸該科過程遇過不愉快經驗，沒有成功感之餘可能有挫敗感，便會產生抗拒感 ...

可能係舊年, 教佢計數教極都唔識, 打咗佢兩巴掌, 問佢點解有人蠢成咁。

佢真係好討厭數學科。雖然最低分既係體育科。

MASAYA

little_yolky 發表於 14-11-21 11:51
可能係舊年, 教佢計數教極都唔識, 打咗佢兩巴掌, 問佢點解有人蠢成咁。

佢真係好討厭數學科。雖 ...

唔駛可能，所有既謎解開喇

little_yolky

KoWY72 發表於 14-11-21 11:47
這正是從成功感而產生喜悦，再繼續還可培養出興趣。

所以噚晚, 又繼續囉ORT Level 4其他書仔俾佢讀。本來只想讀一本, 但佢讀完一本又一本, 雖然, 今次有D多一兩個字唔識, 但睇到Wilma爸爸個搞笑樣, 佢笑到好開心

仲想請問下, 咁好似呢啲多幾個字唔識既書, 係唔係隔多幾日, 又俾佢讀番, 直至完全掌握為止至可以放埋一邊?

little_yolky

MASAYA 發表於 14-11-21 11:54
唔駛可能，所有既謎解開喇

但係只係加減數, 上一題明明識, 下一題又唔識, 條數同例題一樣, 只係改一改啲數字, 教極都唔識, 好難唔扯火 張飯枱差啲俾我打爛咗。


不過今年無鬧佢了, 知道鬧佢都係一樣, 無進步, 所以兩次測驗得70+都由得佢, 只作賽後檢討。佢同我講：我係好蠢架啦, 所以係唔識計數既 依家D細路真係記仇。

mimi1102

little_yolky 發表於 14-11-21 12:05
但係只係加減數, 上一題明明識, 下一題又唔識, 條數同例題一樣, 只係改一改啲數字, 教極都唔識, 好難唔扯火 ...

我同我囡都係數差, 冇數感的人, 但係我識得用D 低能白痴方法幫自己, 我囡就唔識勒, 所以佢成日計錯數, 學你話齍, "條數同例題一樣, 只係改一改啲數字, 教極都唔識", 小一時我真係好火, 尤其是去到教錢幣, 真係以為佢智商有問題, 後來上得黎多, 又同其他家長傾下, 你就會知道 "You Will Never Walk Alone" .....

大家一起加油吧!

little_yolky

mimi1102 發表於 14-11-21 12:23
我同我囡都係數差, 冇數感的人, 但係我識得用D 低能白痴方法幫自己, 我囡就唔識勒, 所以佢成日計錯數, 學 ...

講起錢幣, 真係嘔晒血, 元同元兌換就識, 但元同角就永遠都唔識。時鐘都係一樣 反為我以為死緊既乘數, 佢又好似handle得幾好咁, D細路真係好難捉摸。

Rachelmummy2008

回覆 KoWY72 的帖子

生兒育女對我人生最大收獲：EQ不斷提昇不單只教囡，連同與c6嗌交都有進步。

Rachelmummy2008

喜歡同有天份有些不同。
初小培養興趣喜歡做我已經覺得很好，到中學/高中我想天資+後天+有目標再選擇，如有錯請更正。
講個秘密你聽，我好喜歡煮菜又嘗試新菜式，可是我無天份，所以c6食到
不過奇怪我又識煮兒童餐，我囡就食得好開心。

Rachelmummy2008

唔好意思，離題。

1234ats

little_yolky

可能係舊年, 教佢計數教極都唔識, 打咗佢兩巴掌, 問佢點解有人蠢成咁。

佢真係好討厭數學科。雖然最低分既係體育科。
-------------------------------------------------------------------------------------------------

我從未聽過有人可以在自己“好討厭”的領域闖出成就。

一般學生可能對某一科沒興趣，但很少會天生好討厭某一科。孩子好討厭某一科多是因為教育方向出問題。

讀書的優先次序應該是興趣，紀律，態度，能力，最後才是分數。遺憾的是很多家長選擇了錯誤的次序，結果辛苦了孩子。亞洲教育太過重分數輕興趣，歐美教育很多時候則是重興趣輕紀律而最後變成有愉快無學習。

小學生智力與專注能力的發展速度各有不同，差異頗大。測驗考試不小心失分正常不過。初小分數高低很多時只反映學生的專注能力與紀律，並不能反映學生的真正學習能力，後者包括學習效率，吸收能力，邏輯思考，分析與綜合能力，組織力及自身管理等等。分數不等於能力，現實是很多家長只擔心分數而忽略了其他很多更重要的東西。

正常成年人都識計四則數與元角轉換等小學數，孩子長大後都會識計，為何這麼在意孩子計錯而動氣。

只要孩子能對學科保持興趣，長大後成績不會差到哪裡。

little_yolky

1234ats 發表於 14-11-21 16:19
little_yolky

可能係舊年, 教佢計數教極都唔識, 打咗佢兩巴掌, 問佢點解有人蠢成咁。

講最近一個例子你聽：

依家數學課本每一個chapter最後會有幾題TSA題, 即思考題啦。話說有3-4題, 其實個pattern係一樣的, 只係數字越變越大, 用嚟嚇小朋友。題目係：比卡超同小智各有10個炸旦, 小智俾咗2個比卡超, 咁比卡超多過小智幾多個。有埋公仔, 好簡單, 一定係4個。但佢話係2個。

咁教咗一輪, 第二題又唔識, 又要教, 已經有團火响個心口。教完第3題, 我入咗房做嘢。我記得第4題係阿A俾咗23個阿B, 隔咗一陣, 阿囡好開心咁走入房, 話佢問咗爸爸答案, 同佢計既一樣, 我問幾多呀, 佢好開心咁答：23！


我當堂衝出廳, 星咗爸爸幾巴 爸爸仲要問我點解係46！你話日日見住呢兩個人, 有無可能唔發火

marcuscyrus

原帖由 little_yolky 於 14-11-19 發表
睇英文卡通時佢一D都唔抗拒, 係唔鐘意睇英文書。

搵返那些卡通的書，男孩子，cars, toys story, monster university都可以阿

茄子

原帖由 little_yolky 於 14-11-21 發表
講最近一個例子你聽：

依家數學課本每一個chapter最後會有幾題TSA題, 即思考題啦。話說有3-4題, 其實個pat ...

唔好係D女面前動手呀！
其實你大女會唔會睇得明高level D的英文書，只係唔識讀咋。我女看中文書有此情況，佢係睇得明，但唔完全識讀。
另外，你擺D佢有興趣的英文書出來俾佢自己睇(大部分合程度，幾本高少少level嘅)，唔理佢識唔識讀，明唔明，只要肯睇，久而久之，佢會明。有一日，你會發覺佢突然叻咗好多。

eviepa

little_yolky 發表於 14-11-21 17:15
講最近一個例子你聽：

依家數學課本每一個chapter最後會有幾題TSA題, 即思考題啦。話說有3-4題, 其實個pat ...

如果我阿女俾妳教，咪聽俾妳打到遍體鱗傷？

阿女細細個果陣，蠢到死，但係我用無比既耐性，唔打唔鬧唔哦，慢慢將佢引導到正軌。佢既數學，響中六時係佢果班文科班排第一架。

MrBeast

IloveJJ 發表於 14-11-21 14:51
我以過來人身份話你聽:女仔係好記仇架!我阿媽响我幼稚園時話過我一樣野，我到今日仲記得!男仔就唔同喇，我 ...

唔係ar, 我仲記得比爸媽打，不過冇恨佢地咁。

eviepa

講讀書叻，大把網友D仔女叻過我個女。但係有樣野就極少家長做到，就係親子關係極好。

阿女由BB仔開始就好鐘意聽我講故事，到小一以後晚晚一定要聽我講通識先肯瞓，到中二以後晚晚要我臨瞓前坐響佢床頭陪佢傾計暗佢瞓，直到中四下學期先至唔駛我暗佢瞓覺。禽晚佢蒲library夜左番黎，自己一個食飯，佢話悶，仲要我坐響飯檯陪佢傾計。

呢種親子關係，都睇怕絕少家長做到咯。點解我既親子關係咁好？其中一個重要原因係我一向唔打唔鬧唔哦，日日揾D理由讚吓佢，同佢傾D佢好鐘意傾既話題。佢對住我，從來唔會有壓迫感，只會感覺到快樂、無拘無束。

唔鬧就會姑息養奸？以我個女既個案就完全相反，越讚越叻，由蠢蠢地，漸漸變為唔係幾蠢，漸漸變為唔蠢，再變為相當聰明，而且所有親友都話乖既乖乖女。