周宋主愛~~媽咪入嚟交流下

yy@october

YOKO

嘩,上星期返足七日,到而家已係連續九日無休息過,想長氣都難,真係做到就快斷氣啦   

答住D先:

若你要選全日制學校,元朗區內於下年可供你選既有宣道會徐澤林,光明小學及鐘聲學校,而天水圍區則大部分都係全日制學校,元朗區既全日制小學中,光明及鐘聲都係老牌名校,而徐澤林就係呢兩三年既新校,徐澤林因為係區內既第一間全日制學校,所以一直都好搶手,但佢地到而家都未有任何成績表現比人地睇到,所以係唔係好仍然有待考證.光明下午比上午出名,今年度下午校換咗校長,呢個校長好強迫老師依佢,好專制,所以老師士氣有一定影響,呢間學校之所以係名校,係因為學生家庭環境好,父母照顧好全面,所以老師不太費力,便可以令學生有出色既表現,根本上好多比賽都係學生自己去做,老師唔多駛理佢就得,另外,佢地功課量真係幾多下,好多人都話頂唔順.

鐘聲學校又係一間老牌學校,但有同事今年借調去教統局,佢有接觸鐘聲既老師及校長,但佢既感覺係幾保守,唔敢大膽創新呢!

要走啦,下次繼續再打過!

YY

Shirleen媽媽

petmum,
真係"鄧" 你辛苦啦. 早輪仔仔先肚痾, 而家又生眼瘡 . 你照顧仔仔之餘都要小心身體呀. 等仔仔好番先上來傾過.  努力加油呀. 祝petmum 仔仔快快康復!

yoko(蕃薯媽媽)

petmum,

點解會生眼瘡既? 係咪即係肉粒仔呀?
要全身麻醉咁慘呀,一定擔心死你.而家冇事就好lu.
仔仔今日返學,咁你可以好好休息下.

yoko(蕃薯媽媽)

yy,

老師果然係老師,做到就快斷氣都仲咁長氣.勁呀!   

周宋上年都有8個同學仔去左徐澤林,
聽聞徐澤林係活動教學,功課比較少,口碑都幾好,是嗎?
唯一擔心係學校比較新,未有升中派位成績.
我會放學時間去學校睇下,同家長拎下料先.

光明&鐘聲 下年會轉全日呀?
咁知唔知新校會晌邊呀?
係上午搬定下午搬呀?
蕃薯爸爸n.......年前都係讀鐘聲,真係夠晒老....牌.

得閒再過兩招黎啦.   求下你啦!

yoko(蕃薯媽媽)

早早,

你係咪揀你以前讀個間呀?
叫咩名呀? 係咩類型學校黎架?

yoko(蕃薯媽媽)

yy顧問,

仲有一樣野想問,
我住天水圍,第一輪係咪可以誇區揀元朗架?
咁如果第一輪唔得,第二輪係咪一定要揀番自己區架?
你覺得天水圍學校,學生家庭問題嚴唔嚴重呢?

Shirleen媽媽

Yoko,
我小學讀個間不太出名. 係仁愛堂劉皇發小學. 我無諗住畀佢讀這間呀.
我心水就有...
1. 鄭任安夫人千禧小學http://www.mcyoms.edu.hk/
2. 拔臣小學 http://www.butsan.edu.hk/index.htm
3. 何日東 http://www.hytps.edu.hk/main.html

咁其實我想佢係屯門讀小學都係因為諗住佢係屯門讀中學, 因為我個人認為屯門好的中學數目好似多過元朗. 中學就有我母校劉金龍啦. 陳瑞芝, 梁球琚, 屯官等等.... 多d 好學校, 競爭好似細d 咁.  

chaichai

我想幫囝囝報讀06年K1, 想知呢間幼稚園有咩優點&缺點? K1學費幾多錢架? 收生難唔難呢?

Shirleen媽媽

chaichai,
呢間係全日制幼兒園. 兩歲可以開始番學. 入讀N1, 你仔仔而家幾多歲呀. 呢間學校條龍都幾長下架.
如果你希望找間學校小朋友過得沒有太大壓力, 開開心心的, 呢間都係不錯的選擇. 學校採用PROJECT APPROACH, 專題研習方法教小朋友. 算係活動教學. 學校好多活動架. 老師同姐姐又細心.

petmum

hello!! yoko

多謝你的關心!
眼瘡 好似生在臉上的暗瘡,但因為在眼內,所以難清除.
doctor and 老師話小朋友容易用手仔刷眼,所以好普遍.
今天都沒有返學,等仔仔休多一天,睇實仔仔好些.擔心他又刷眼仔.

petmum

yoko(蕃薯媽媽)

早早,

我個msn 傻左, 唔知點解話我密碼唔岩.  
都唔知點算.         .......
我今日終於都記得拎 happy bee 帶比你.
你有時間睇下燒唔燒到.
仲有帶入面有張紙仔架,開個時唔好趺左.

...如果個msn 正常番,   ....我就搵你傾計啦. ...
如果唔係 ..... 我地都係分手把啦.
只好講句... 我地有緣無份.          .......


睇下我喊得幾淒涼.

Shirleen媽媽

yoko,
乜咁慘呀?唔怪得我幾日都見你唔到啦. 掛死人lor. 你係咪改過個password 又唔記得左呀.
有兩張紙仔? 無左msn 要學人傳紙仔咁慘呀
玩分手? 唔係卦...........

chaichai

Jocasta 寫道:
chaichai,
呢間係全日制幼兒園. 兩歲可以開始番學. 入讀N1, 你仔仔而家幾多歲呀. 呢間學校條龍都幾長下架.
如果你希望找間學校小朋友過得沒有太大壓力, 開開心心的, 呢間都係不錯的選擇. 學校採用PROJECT APPROACH, 專題研習方法教小朋友. 算係活動教學. 學校好多活動架. 老師同姐姐又細心.

Jocasta,

我囝囝依家16個月, 我都有唸過出年二, 三月比佢讀幾個月幼兒園等佢學番少少野! 之後到9月再入K1! 我都唔知報邊間好! 你有無好提意?

Chunshek

yy,
真係好長詳資料,唔該晒!

yoko
鐘聲新校係采葉庭對開,好大好靚, (興建中)

我想問知唔知周宋仲會派邊間小學??

yoko(蕃薯媽媽)

碩媽,

上年派位最多係徐澤林,8個.
其餘都係一個一個咁,
真光,光明,鐘聲,都好似有.

Shirleen媽媽

yoko,
我收到你畀我的紙仔啦... 幾時一齊去飲茶呀.
仲有呀. 你快d 整番個msn 啦. 成日都見唔到你........      無你的日子....       又有咩意思喎     

Shirleen媽媽

yoko,
蕃薯爸以前係鐘聲讀呀. 咁咪係校友lor? 入硬喎. 唔洗煩啦可以.

CutieSo

各位媽媽
我想問下你地係咩講緊周宋主愛幼兒中心呀??

Shirleen媽媽

CutieSo,
係呀. 不過我地講講下就吹左其他野姐. hehe

CutieSo

我個仔出年讀幼稚園
依家幫佢搵緊幼兒園
呢間駛唔駛好早去報定名先架??