請問有無資優+亞氏保加的家長。

BillyBY

http://forum6.hkgolden.com/view. ... =8&authorOnly=False

個案分享︰//我細細個就畀啲醫生判左有自閉症(3歲果時)，原因係言語障礙。
但係由細到大我講野都冇問題，其他所謂病徵我都冇一樣中，我只係個人比較慢熱加唔鍾意太突然咁解。
次次去見醫生都冇幫過我啲乜，淨係問我今年讀form幾，成績點，有幾多朋友...，然後就叫我出去，搵我老母入去。
最好笑係醫生從來冇同我講我有呢個病，淨係話我腦部有問題，腦部有缺陷，好似鬧我腦殘咁。
我要自己去摷當年判我有病既文件，同埋自己去google同wikipedia搵資料了解個病。
做病人做到咁真係可悲

醫生：病人，你個腦有事呀，天生架，冇得醫架。
我：吓 咁我有咩事?
醫生：我地唔會解釋......
我:.........            

最慘既係我既自閉病record由幼稚園傳到小學，再由小學傳到中學
搞到我小學畀教畜恰，中學畀同學恰
我老母又信醫生信到十足十，見我係學校有問題，淨係識話「你社交有問題」就算數 //

Monstereasy

原帖由 BillyBY 於 15-05-06 發表
本帖最後由 BillyBY 於 15-5-6 22:04 編輯

http://forum6.hkgolden.com/view. ... =8&authorOnly=False

自閉特徵好廣而且人人唔同，可以係外向兼多野講，不過話題窄，亦因為興趣窄會caving嗰方面知識而變成嗰方面專家。家長了解小朋友情況並非要label, 而係幫佢發展。
想了解不如睇醫學書既case.

BillyBY

就係太廣太複雜，醫生也是照過往案例去分析，因為亞視不是一種疾病，好多野醫學都未必解釋到。尤其太細的，只說譜系的，沒確診的，父母不妨間中飛高些，試試不同角度睇下，也是好事。當然嚴重的，不要放棄治療。

eric5354

武航 發表於 15-4-27 18:24
不經意的發現這個topic, 小兒亞視人, 今年18, 大二了, 應該已走出左個亞視人呢個problem.  下面係我地過去1 ...

有成功例子， 真係好，佢地係知有問題， 但無心亦唔敢跳出來。

eric5354

sarworld28 發表於 15-4-28 00:08
今天校長又要求見我。她跟我説三十幾年敎學經驗，只有我女兒令她這麼頭痛。女兒在學校就如相方對壘。經過兩 ...

對呀， 好老實， 今天的學校大部分已不太有愛心，

只象打份工， 因太多行政工作。

只會把覺得有問題的學生趕離校。

不能靠學校。 所謂社工， 只係見一至兩次， 寫千字文報告比學校。

唔好希望可以幫到手。

我的做法是自己默默的做，

幫得幾多就幾多。

老師要找我出氣便出氣，

我會默默地解釋情況，亦唔介意佢不理會發洩下去。

我有一兩年遇到經驗少，剛畢業有熱誠的班主任，真係幫到手架。

可惜太少， 都無辨法。

eric5354

rakui 發表於 15-4-28 11:33
我看了4500校長，感受特別深，慨嘆香港商業化的教育，又有幾多老師校長真心（或有心有力）愛學生、幫助他們 ...

現在間間學校，及社福機構都精簡人手， 商業化。

社工，老師都好可憐，自身難保。

所以，唔會接手服務使用者的問題。

係無辦法。

eric5354

YanKanMom 發表於 15-4-28 11:35
回覆 武航 的帖子

武航兄:

看見你們的說話，我很想大哭一場。
小兒從少至大我都盡心盡力。

有親人怪我，點解唔同佢看精神科。

有朋友眼光，覺得小兒好無禮貌,

小兒唔肯同我溝通，

我不停自學， 不停從各專家請教。

最總係，亞氏係好難解決的社交問題，無左情感表達。

唯為盡力，但真係好累。

eric5354

武航 發表於 15-5-2 20:02
多謝留言,

10多年前, 我地從未聽過乜野係亞氏保加, 當刻我地又點會唔質疑呢個診斷丫, 正如我文中所講, 真 ...

你表達得好好， 我都係咁。
我都不停自學， 把有關的專業書藉都看。

唔放棄任何自求的機會。

eric5354

武航 發表於 15-5-3 12:37
回覆 BillyBY 的帖子

多謝回覆, 看得出閣下一片好心, 呼籲大家唔好咁易對號入坐自我標籤,  否則只會小事變 ...

你的說話好道出我們家長的心聲。
孩子覺得被委屈了，被欺負， 我們愛莫能助。

eric5354

Monstereasy 發表於 15-5-6 08:59
其實你係咪想講“亞視"係班專家無聊作出嚟既terms, 目標係賺家長錢？
呢類聰明仔無可能唔明人情細顧？係阿 ...

看得出你的委屈，

我們這個年紀，因為仔女問題，

經常被人教訓， 指手劃腳。

但好多都隨口說， 沒有真正了解個症，

了解個case， 了解行為背景， 了解社會資源。

佢地根本不用落實去行， 所以，所謂的專家都是說呀媽是女人的空話，

點樣去做，根本無人理。

我們家長只有用無限正面愛心， 一步一步向前行。

加油呀。

eric5354

Monstereasy 發表於 15-5-6 22:28
自閉特徵好廣而且人人唔同，可以係外向兼多野講，不過話題窄，亦因為興趣窄會caving嗰方面知識而變成嗰方面 ...

台灣好多這方面的醫科書藉，

發展比香港好。

piglet0529

原帖由 BillyBY 於 15-05-06 發表
本帖最後由 BillyBY 於 15-5-6 22:04 編輯

http://forum6.hkgolden.com/view. ... =8&authorOnly=False

其實你引用既時候有冇看清楚呢？ 自閉record令佢中學比同學恰? 你有冇諗我地一班家長點諗? 你為何係人地傷口上囇鹽? 如果根本不明這症便不要胡亂quote

Monstereasy

原帖由 eric5354 於 15-05-07 發表
本帖最後由 eric5354 於 15-5-7 02:46 編輯

多謝你！ 我都有睇台灣既醫學資料，其中蔡文哲醫師既書好淺白容易理解。

eric5354

piglet0529 發表於 15-5-7 17:12
其實你引用既時候有冇看清楚呢？ 自閉record令佢中學比同學恰? 你有冇諗我地一班家長點諗? 你為何係人地傷 ...

我已經百毒不侵。
最親的親人都問過我，点解唔醫佢。

學校問我点解唔同佢好好溝通，

可以点，点說也好。

我們家長只會默默地在背後支持及協助仔女。

我們不會，亦不能倒下。

piglet0529

原帖由 eric5354 於 15-05-07 發表
我已經百毒不侵。
最親的親人都問過我，点解唔醫佢。

很佩服你! 因為家中也有頑固長老認為孫兒沒問題, 認為我做多了, 每當我做到略有成績, 接著就會說: 看! 佢咪做得唔錯冇問題啊！ 我只可心裡說(因不想頂撞) : 那是去訓練的成果啊！我看到我兒的改變就是最大的欣慰!

rakui

每個小朋友情況都不一樣，只有家長最了解自己子女。這幾年身邊長輩都覺得我做嘅係多餘，但無論其他人點講點睇，作為媽媽的我，都不會放棄任何幫到女兒進歩的機會。有冇自閉，有冇資優，對其他人是一種標籤，對我只係要陪女兒成長進步的方向。大家都一起努力吧，喺支援不足的社會裏互相加油啦！

eric5354

piglet0529 發表於 15-5-8 05:56
很佩服你! 因為家中也有頑固長老認為孫兒沒問題, 認為我做多了, 每當我做到略有成績, 接著就會說: 看! 佢咪 ...

你都好厲害呀，大家加油，　默默地向前行。

eric5354

rakui 發表於 15-5-8 13:27
每個小朋友情況都不一樣，只有家長最了解自己子女。這幾年身邊長輩都覺得我做嘅係多餘，但無論其他人點講點 ...

說得好好，　我已經唔理人點睇，　包括所謂專家。

我同意專家叻，　但係只有二至三小時，

同埋，那麼多工作，只會吹兩句理論，

做唔做到，就自求多福了。

所以，自救是最重要。

連老師都話我，你話個仔資優，點解科科只有合格。

我只簡單說：可能佢懶啦。

心想：你連什麼叫資優都唔知，我懶得計較。

只希望個仔社交好少少，向前行。

其他的，都唔重要啦。

lillymarie

我睇過一套電視，話有些人雖然「感受」不到別人的情緒，但學懂看人的「眉頭眼額」，用細微的觀察去猜測別人的情緒反應。

回想自己亦是這樣教阿仔去明白我的心情。有時候，他完全不明白我甚麼時候生氣或開心，只想到他自己關心的事。看在別人眼中就會覺得他對人冷漠不近人情，但其實孩子是滿有情感，只是不懂得表達和不知從何理解。我當時真的是教他看我的面容，怎樣是開心，怎樣是愁煩，還要教他怎樣表達對我的關心和愛。對着他，真是「畫公仔要畫出腸」，不然自己激死自己。

我相信社交能力是一條連續由最差到最好的線，最差的明顯就是嚴重的自閉症了。親人中有一個是嚴重自閉，親人不放棄他，努力訓練照顧，過得一日是一日。

最重要是父母不放棄自己的孩子。

S-Kwok

大家覺得社交班有幫助嗎？