家長憂噤聲 急送子女留學

亮燈

我相信都會係咁，正常黎講，如果罪名成立，應該會被革職、判監，長俸都冇埋。但最荒謬居然係幫佢地籌款，我完全想象唔到，恕我年老無知，真係見識少啊！

Ruby1219

原帖由 亮燈 於 14-10-25 發表
我相信都會係咁，正常黎講，如果罪名成立，應該會被革職、判監，長俸都冇埋。但最荒謬居然係幫佢地籌款，我 ...

尋日同一位資深的消防隊長傾過，佢有落mongkok 支援警察，佢話嗰7警一定被革職﹑無長糧，好彩就打得甩吾洗坐監，吾好彩仲要坐監。 不過做佢地伙計既一定會捐錢喎。 我同佢老婆都吾同意。

佢又話，d 警察打犯打慣咗，無諗住會賴野。嗰個暗角應該係好暗，佢地又有人睇水。其實後面係car park, 有閉路電視。 所以佢地避咗閉路電視，響嗰個位落手。

我有朋友幫7警講說話，話imagine 你個小朋友好似7警咁被語言同精神上bully, 情緒失控而做出傻事應被諒解！ 七警識去避閉路電視、識響暗角睇水先落手、好有組織性，有幾emotional?  我地呢十幾年比香港幾任特首同佢地既政府bully,  咁係未應該揾個暗角捉689黎打？ 示威者比反佔中人甚至黑社會又鬧又打，佢地都識克制甚至阻止其他人還口還手啦。

過去呢個幾月，我响大部份政府官員建制派警察同藍絲帶身上見到同響大陸一樣既不公義同不文明，響大部份示威者同黃絲帶身上見到和平﹑友愛、有文化同追求公義。

亮燈

回覆 Ruby1219 的帖子

冇錯，比人鬧就要打人，七警值得原諒？EQ咁低，不如唔好做啦！依家D警察點解會咁，真係要聽下王喜講佢以前入警校既訓練就知喇！

亮燈

學生、市民佔領原因相信就係咁。

ANChan59

亮燈 發表於 14-10-25 11:31
學生、市民佔領原因相信就係咁。

同八萬五一樣，已經冇咗好耐！

bobbycheung

Ruby1219 發表於 14-10-25 00:11
既然話要包容大陸同胞在港的討厭擾民行為，用同樣道理，更加應該包容自己香港同胞既暫時佔領行為？

我亦不 ...

其實現在不單止是擾民的問題. 佔領令好多舖頭生意大跌. 旺角過佰萬租一個月, 已經捱咗成個月, 而佔領亦唔知幾時完. 以心比心, 如果自己係老闆, 猛咁蝕錢, 又點算好呢?  炒人當然係第一步, 被影響生計嘅家庭又点呀?  屋企有大有細要開飯, 無咗收入点算好?  佔中有不少人仕, 日頭返工, 放工就去佔中. 但佢地需要諗一吓, 点解自己份工就重要, 犠牲人地份工就無問題?

至於有佔領者話已經一早己表明會為犯法行為自首及負上刑責. 但這樣係講唔通嘅. 例如有人話去襲擊或強姦人, 但佢表明會為事情自首及負上刑責. 咁又得唔得呢?  當然有人話這是惡法, 所以一定要反.  就如新界有大羣人出嚟示威反對政府拆僭建等.  遲D一大羣古惑仔出嚟反對查牌............, 總之夠人多就ok, 這樣落去香港仲邊會有法治?

唔好誤會, 我唔係反普選.  但我覺得一切行動嘅首要條件係不能影響法治及別人生計.  香港同大陸嘅分別係香港有法治.  無咗法治, 有法律都無人執法, 所有野都變成空談. 有人話要繼續佔領去比政府壓力, 但最惨係一個月後嘅今日, 壓力唔喺政府度, 而係廣大市民(尤其是生計被影響的一批人)受返.  

bobbycheung

Ruby1219 發表於 14-10-25 10:16
尋日同一位資深的消防隊長傾過，佢有落mongkok 支援警察，佢話嗰7警一定被革職﹑無長糧，好彩就打得甩吾洗 ...

有份郁手嗰幾個警察一定瓜. 諗唔倒有嘜 defence.  最多咪求情, 但知法犯法, 一定重判.

其實好人壞人係好難分嘅, 尤其是在旺角依D龍蛇混雜嘅地方, 嘜野人都有.  站在佔中人羣的人是否全部都係真心為普選?  會唔會當中有D古惑仔, 平時見到警察就要頭耷耷, 今日就可以破口大罵都無人拉.  相反, 在反佔中人羣之中嘅人是否全部都係收錢或者係黑社會?   會唔會有D真係生計或生活受影響而出嚟反對嘅人?   唯一可以肯定嘅就係社會被撕裂, 而我地嘅廢柴特首仍然依然故我.  老董都放風話梁生唔會下台. 仲話佢做得好(這證明董生嘅老人痴呆未醫好), 梁生仲希望會用和平方式結束依次佔中. 咁即係話會拖落去等香港人自己鬼打鬼.

亮燈

bobbycheung 發表於 14-10-25 12:46
其實現在不單止是擾民的問題. 佔領令好多舖頭生意大跌. 旺角過佰萬租一個月, 已經捱咗成個月, 而佔領亦唔 ...

過百萬一個月舖租。首先，點解會過百萬，賣乜野？報紙？小食？日用品？白粉？(講笑) ，事實只有金舖、藥房，點解？唔通香港人每日都會買金、鑽石，抑或係長期病患要日日買藥？舉個例：將軍澳新都城商場內以前有間美心酒樓，商場將舖面一開二，依家比另一間酒樓經營，而另一半舖位再分幾間舖賣時裝等，我想問一間酒樓員工要有樓面、推點心車、清潔、廚房等等，而賣時裝既職員就係售貨員幾位，想問誰請得人多？跟旺角相同，以前既旺角，好多不同種類既食肆，酒樓林立，依家唔使我講啦！咁之前失業既人又點呢？有冇人為佢地發聲呢？佢地既生活唔通冇受影響？由酒樓傳菜，可以轉行做賣金售貨員，兼精通兩文三語？另外，依家當然會影響住旺角既居民，但之前興建高鐵，整條村要剷平，唔通村民唔使生活、種植、返工、返學？毀滅成條村對佢地冇影響？唔知當時有冇咁多人幫村民發聲呢？以上皆因制度問題引起，就算今次清到場，回復正常，而制度不變，日後必定會循環再現，不能根治。

bobbycheung

亮燈 發表於 14-10-25 14:06
過百萬一個月舖租。首先，點解會過百萬，賣乜野？報紙？小食？日用品？白粉？(講笑) ，事實只有金舖、藥房 ...

咁即係旺角D舖頭請得人少, 可以犧牲依D人? 應該全部轉返勞工密集行業?  咁香港咪應該全部返去做製衣(全人手嗰隻)?  你講新都城商場的例子, 我肯定業主及租客都無諗過請得人多或少的問題. 如果美心比貴D租, 你估業主會租比邊個?  如果新的酒樓發覺第二行揾錢多好多, 你估佢仲會唔會堅持做酒樓因為請得人多?  這些都是現實的問題. 你話為之前失業嘅人發聲, 請問應該點發呢?  要求業主只租比勞工密集但比少D租嘅行業? 你係業主肯唔肯呢?  你係老闆肯唔肯因為請得人多而做D蝕錢嘅行業?  一係就係要求禁止大陸人落嚟消費?  除此之外, 有嘜辦法?

係就係酒樓傳單可以轉做賣金售貨員, 但咁落去酒樓金舖各行各業都死, 咁轉做嘜?

話會影響旺角嘅居民(其實港島區一樣咁慘), 大家講就好似好輕鬆. 香港好多人都要搵食, 唔同住半山的老闆.  有好多行動唔方便嘅人封路令佢地行好遠返工.  大家好人好姐梗係無問題, 只不過都要顧已及人, 諗吓無了期落去點搞.

大家以為制度改左就無問題, 但其實大家用沖擊法治的方法去改制度, 遲D咪一樣有問題.  爭取普選我支持, 但要犠牲法治去爭取, 我唔同意, 尤其是現在要堅持幾耐大家都唔知亦無共識.

知道講依D好乞人憎, 但追求理想嘅同時都要兼顧現實.  大家都要從別人角度睇吓問題

Ruby1219

原帖由 bobbycheung 於 14-10-25 發表
本帖最後由 bobbycheung 於 14-10-25 12:47 編輯

我嗰個响中環金鋪打工既家姐話，佔中令佢地既生意跌咗好多，尤其10.1 黃金週。搞到佢地諗住吾再租。點知，個大業主因為咁減租！
即係話，佔中間接幫香港解決鋪租問題！

bobbycheung

Ruby1219 發表於 14-10-25 15:17
我嗰個响中環金鋪打工既家姐話，佔中令佢地既生意跌咗好多，尤其10.1 黃金週。搞到佢地諗住吾再租。點知， ...

Haha, 當個舖唔係你嘅同埋唔駛供樓就無問題囉

亮燈

請睇晒我之前留言，已解釋左。謝謝。

亮燈

完全明白閣下既遭遇，但要明白，買樓、買舖、做生意，係投資行為，有風險係必然，我地香港人，經歷過1987股災、8964、97金融風暴、03沙士等等，如果適應能力、應變能力低就真係好慘，但肯定好過沙士時，而這些大事件，都唔係一個人、一件事就可以發展到今時今日，要解決，就要睇北京既智慧喇！

PYKY

回覆 elbar 的帖子

Is it too early to leave at primary school level?

Thank you!

Tommy

原帖由 elmkc 於 14-10-24 發表
本帖最後由 elmkc 於 14-10-24 19:32 編輯

我都唔係政治人，我只係普通的打工仔。我問啲問題都係真問題，而且係核心問題，這些問題沒有絕對的答案，我提出係希望大家重返問題的核心，唔好被人轉移視線至"外國勢力"。

您說的街卷戰，在運動初期我已看了兩三集，但講講下又去到外國勢力，美國霸權。

美國在全球經濟掠奪，我唔係唔知。佢推行量化寬鬆狂印鈔票，就係要全世界人為他們所做的好事找數。他們以正義之名，在全球各地殺戮，謀取各種利益，我都唔會覺得佢做得啱。

我既觀點係，自己有問題就要誠實面對和認真處理，而唔係轉移大家的視線至其他人的惡行之上。(我係話香港政府和中共政權)

您話有人會製造對立。係，我同意，對立係可以被製造出來，但政府亦可以用各種政治手段去把它化解。香港政府有責任去化解目前的政治對立，但她做了些什麼？我卻看到她在強化對立！

bobbycheung

亮燈 發表於 14-10-25 17:08
完全明白閣下既遭遇，但要明白，買樓、買舖、做生意，係投資行為，有風險係必然，我地香港人，經歷過1987股 ...

明白投資行為, 可賺可蝕. 但對於在Ruby1219所講嗰間金舖打工嘅員工, 公司摺埋就係實實在在的食飯交租生活問題.  至於香港係唔係一定好過沙士, 我都唔係咁肯定, 因為睇返英國美國嘅新聞就知, 伊波拉除時打到嚟. Anyway, 如果真係要靠北京嘅智慧去化解依次危機, 我估大家好大機會都係死得. 由北京任命梁生做特首就知北京有幾多智慧啦. 況且佢地自己都可能係度鬥到死, 他們在香港問題上可能亦有其他考慮.

亮燈

回覆 bobbycheung 的帖子

佔中係政治問題，一定要政治解決，但係呢個政府根本冇權解決，就轉移用法律解決，咁就死得喇！

shmilu_kio

亮燈 發表於 14-10-25 06:59
我相信都會係咁，正常黎講，如果罪名成立，應該會被革職、判監，長俸都冇埋。但最荒謬居然係幫佢地籌款，我 ...

呢D咪黑社會文化囉, 做完野係要比安家費嘅。

亮燈

shmilu_kio 發表於 14-10-25 23:41
呢D咪黑社會文化囉, 做完野係要比安家費嘅。

冇錯，唔係點叫做黑警呢！英國人用左二十年時間令皇家香港警察揚名，令市民尊敬、尊重，由當年好仔唔當差，變成做警察係光榮。中共就用幾年時間就將警察變成公安、黑警，回復好仔唔當差既年代。