名幼定附近幼稚園？非常掙扎...

dragonwarrior

原帖由 bamalamb 於 13-05-31 發表
我情況同你一樣，報7間得4間有得in，仲要當中有兩間撞時間，即係得返3間。好彩最後3間都收咗！10月底B真係 ...

你個B好勁呀!

In 3 間有3間offer!!!

咁你終於揀左邊一間呢?係咪你鐘意既學校呀?

dragonwarrior

原帖由 taktakchichi 於 13-05-31 發表
本帖最後由 taktakchichi 於 13-5-31 09:54 編輯

當然有band 1 好好既中中啦!

只怕佢升U時涵接上會有頗大既問題

除非佢讀中文、中史啦!

dragonwarrior

原帖由 mamath 於 13-05-31 發表
你老師的case和大家不同. 她是教師, 將來子女都易入自己教的津校, 根本不用在幼稚園時谷 ...

唔係呀!老師教的是出名既band3學校!

佢唔會想兩個仔仔入架!

其實老師都係普通人，返到屋企就係爸爸或媽媽。

我有個教書朋友，佢兩個仔自己考入喇x同皇x中學，有時邊有咁多膊頭拍呀!都係夠食力!

bamalamb

原帖由 dragonwarrior 於 13-05-31 發表
你個B好勁呀!

In 3 間有3間offer!!!

真係過獎喇，完全係好彩啫。其實lN第一二間嘅時候先啱啱一歲一兩個月，完全無話叻唔叻可言，乜都未識講，不過識指答案。lN第三間就好D，有16個月大，起碼識聽指令俾反應同埋識同老師玩下。宜家應該決定揀維多利亞，放番其他兩間出嚟啦。

littlecatmiko

你老師兩個仔都中學啦，甘多年前，依家競爭大好多啦！佢地小學讀直資定津校？

睇得出你都係個有要求的人，如果你心儀你校網某津貼學校，等派位，萬一唔好彩派唔到，仲要派在去全網最差嘅學校，甘點算？叩門係一件十分痛苦嘅事 上年我有個friend 就係甘，我聽到都驚。
依家好多好嘅學校都轉直資，間間都想揀學生，好既津校選擇其實不多，競爭又大(呢幾年出生率好高，又有雙非，單非），我相信你到時都會考直資/私校，多個backup點都好，到考學校時，當然學校首先睇小朋友表現，但當有兩個差唔多要二揀一時，我相信學校會睇小朋友在那間幼稚園來的。

如果小朋友讀幼稚園時有壓力，我相信绝大部份都是父母俾的，你仔仔讀得開唔開心，完全掌握在你手。

dragonwarrior

原帖由 bamalamb 於 13-05-31 發表
真係過獎喇，完全係好彩啫。其實lN第一二間嘅時候先啱啱一歲一兩個月，完全無話叻唔叻可言，乜都未識講，不 ...

邊有咁多好彩呀!你係教得好啫!

希望你BB響維記讀得開心啦!

dragonwarrior

原帖由 littlecatmiko 於 13-05-31 發表
你老師兩個仔都中學啦，甘多年前，依家競爭大好多啦！佢地小學讀直資定津校？

睇得出你都係個有要求的人， ...

我老師細仔都只係中二，只係講緊十四、五年前既事。

如果話競爭大，點及舊時得兩間U競爭大呢?

我地呢個年代，學校多左，小朋友少左（以前D人生十個、八個!），其實競爭的確無大到。只係而家識字既父母多左，生活環境好左，要求相對高左，所以我地為人父母先有本事咁緊張仔女讀書啫。我父母既年代，想緊張都有心無力啦...我爸成日都講，佢鄉下仔考到出去英華，升到中四架，不過屋企冇錢供佢讀了，要比機會D細佬妹讀書...  

Anyway,其實你地而家不斷提緊既直資／私小，都係指嗰D傳統神級名校，唔通你地會比D仔女讀𠴱D 唔係band one 既直資咩?

唉，小學既大抽獎真係無奈，教局冇可能要幼稚園有standard 考試黎分小朋友banding,就唯有大抽獎啦!唉!對我呢D從來唔會曬$買六合彩既人黎講（一隻字都冇中過!），就更覺得無奈了!

littlecatmiko

可能我講得唔好，我指嘅競爭大多好多是指幼稚園，以前邊有甘難考，你in 過就明白，就算係d普普通通嘅學校都好多人考，場面壯觀。另外，直資/私校唔一定是你所謂的神級名校，有些亦未必比得上一些一線官/津校，但通常不差，有些父母唔想小朋友讀得太辛苦勁多功課做會選擇些不太谷的私校。

lovebb2

原帖由 littlecatmiko 於 13-06-01 發表
可能我講得唔好，我指嘅競爭大多好多是指幼稚園，以前邊有甘難考，你in 過就明白，就算係d普普通通嘅學校都 ...

good sharing, thanks

dragonwarrior

原帖由 littlecatmiko 於 13-06-01 發表
可能我講得唔好，我指嘅競爭大多好多是指幼稚園，以前邊有甘難考，你in 過就明白，就算係d普普通通嘅學校都 ...

我都明你講乜既我冇親身in過，但我妹嗰女有!佢得三歲幾，好update 了!in St cat,個籌好似係七百幾號，仲已經係朝早

唔好講咁神級既KG，我朋友同我講，D人朝早六點排隊攞報名表，我問佢係咪名校呀，佢話，痴左缐呀，大埔邨校咋!!!

我個SC朋友都講得幾啱，嗱，而家個個都考十間八間幼稚園，咁就揸住五六個offer，咁梗係冇位啦!其實都冇咁多人!

唉，六百幾蚊留位費，唔係咁貴，大部份人都會捨得比，keep住五個offer，咁D KG咪整個超長waiting list law！（冇辦法，我都會騎牛搵馬!除非留位費係幾個月學費啦!）

dragonwarrior

原帖由 littlecatmiko 於 13-06-01 發表
可能我講得唔好，我指嘅競爭大多好多是指幼稚園，以前邊有甘難考，你in 過就明白，就算係d普普通通嘅學校都 ...

同埋呢

我有提及過我本身教書架呵?不過我唔熟幼稚園行程，咁你大概估到我教乜...

逢直資都唔太差?原來直資學校比人一個幾好既印象!真心講比jm們知，好多真資都行政混亂，老師流失率高到你唔信!（50%,算多嗎?）


最差係學期中都有老師走!一年換幾個老師，你喺學生，有冇心機讀呢?咁你冇心機讀會點呢?搵野玩囉!最好玩就係新老師!


咁新老師遇著怪獸學生同家長（通常有D$啦!冇$點交學費呢?!），咁就走啦! 惡性循環!

我話過一定唔會比我仔讀呢D學校...

咁仲有邊D唔會讀呢?超級老牌官校!點解呀?


D老師有鐵飯碗，個個等退休，放學鐘一響，成個教員室既老師都走曬!咁你話有冇時間關心學生呢?學生唔識，又問唔問到老師呢?咁就出去補習囉!

講太多了，sorry...

Ononma

Dragonwarrior, 原來係咁，今時今日教師吾易做，聽到我做教師啲舊同學都知少少咁啦，不過吾係只響教育界嘅，香港人好識投訴，要求高又多，各行各業都發生緊。

睇黎你比我地小小無知的JM仲難簡學校！

MissMusic

原帖由 dragonwarrior 於 13-06-01 發表
同埋呢

我有提及過我本身教書架呵?不過我唔熟幼稚園行程，咁你大概估到我 ...

Dragonwarrior. 咁老牌私校又點呢？老師又係咪有鐵飯碗？

Ononma

嗱嗱嗱，樓主，比我地知道你係教師，即刻有人想搵你做明燈 (包括我），你可吾可以講吓沙田個兩間新開直資，及港島西區個幾間男私小呢？

不過好似騎挾左你個 post 咁

littlecatmiko

咁我又冇睇哂全港九新界咁多間直資/私校，我只是睇嗰十間八間車程ok嗰d, 你是老師可能你知道好多內幕，當然如果學校老師流失率高是一個很嚴重的問題

littlecatmiko

Sorry I pressed the wrong button......如果學校老師流失率高是一個嚴重問題，我揀學校時都會留意。至於老師有冇愛心，講真，我相信冇一間學校可以保證全部老師都有愛心和一定喜歡自己小朋友，我明白現今做老師的壓力，我唔會expect 個老師可以對全班學生一視同仁，十隻手指有長短，而且，教導小孩是父母的責任，學校只是輔助，所以我會選擇一間教學理念和我差不多的學校。讀名校唔一定好，讀村校又唔一定唔好，所以沒有最好的學校，只有最適合的學校，只要你認為你小孩在這間學校學習會達到你的期望便足夠了。如果你已經鎖定一些心儀的小學，甘你留意下這些小學通常收邊d幼稚園的學生啦，香港的教育制度就係甘crazy, but this is the game rule, if you want to play, you have to follow.

rvp909

Thanks for sharing.

dragonwarrior

原帖由 MissMusic 於 13-06-01 發表
Dragonwarrior. 咁老牌私校又點呢？老師又係咪有鐵飯碗？

私校同直資邊有鐵飯碗呢

連退休金都只用MPF，不是行官校或津校個套，少好多好多好多$

所以好多直資同私立都會有甚麼bonus,做滿幾內又會出多幾多個月糧，MPF又會做matching,即你供多D，佢又供多D，不過要做幾多幾多年先可以攞。做咁多野，都係希望補番差好多既退休計畫，同埋希望老師唔好走

所以有個常額教識（即鐵飯碗），係好多老師們既「夢想」

dragonwarrior

原帖由 Ononma 於 13-06-01 發表
嗱嗱嗱，樓主，比我地知道你係教師，即刻有人想搵你做明燈 (包括我），你可吾可以講吓沙田個兩間新開直資， ...

唔好咁講

交流下啫...評論就真係唔評啦，不過呢...

如果有心讀，又想知學校多D，不防諗定幾條問題，打去學校度問下，例如家長晚會，學生係咪必須出席，咁學生須穿著校服嗎?又諗定D問題關於校服、午膳安排，如果校務處那位姐姐問唔洗問人就答到你既，咁就證明學校亂極都有個譜啦...如果個姐姐答你唔到，仲要pass你去第二個度，或要你等左好內既，咁你自己諗下啦


我講得太多了，收聲

dragonwarrior

原帖由 littlecatmiko 於 13-06-01 發表
Sorry I pressed the wrong button......如果學校老師流失率高是一個嚴重問題，我揀學校時都會留意。至於老 ...

Agree! 老師們的確好大壓力，家長們而家係唔係都打去學校度投訴

有冇愛心呢，的確好虛無飄渺，不過如果行政混亂，又或者係學校收生率較低既，咁老師們愛心爆彭都冇用，做都做C啦仲點得閒去理D學生呢