如果自行入到喇沙, 再考英華又得o左, 你會點選擇?

youma

TKO2040 發表於 13-2-12 00:26
我有朋友讀喇小, 佢地數學卷真係叫淺,  但英華卷還比LS更淺?但我未見過英華(小)既試卷.
不過有朋友讀英華(中), 佢地程度係好強差人意, 特別係中&英程度都好唔掂. 中一中文作文字數, 不如6年班.

1. 去到高年級, 因需要配合tsa及升中編班試, 及又不想拖低下游學生成績, 所以出卷一般深極有限. 但ls有增潤課程和課後奧數班, 那些才是勁料.

2. 在重要和公認的奧數比賽(i.e.奧協港澳杯,奧校和保良局三大賽事; 當然不算華廈,希望, 大王杯, stanford 等小型比賽),通常三甲是sfa, ls 和嘉福榮真.  英華只是一般.

bb2

VKwan 發表於 13-2-10 23:54
你好,同學家長,你所講大部分我都同意，只有老師一part不能茍同!我感受是遇唔遇睇你運氣詐!或許我仔運氣不佳 ...

無論係直資好, 私校好, 津校好, 一間學校咁大, 一定有好同唔好的老師, 以前我地細個時做老師的都是有心投身教育界作育英才, 而且, 因為當時大學學位奇少, 考入師範的好多都係叻人...但係而家呢個年代唔同晒...我曾經教過書, 明白學校的情況, 所以有時係學校做家長義工見到老師的表現, 又或者聽阿仔講學校既野我都會覺得老師.....但係呢個唔係LS獨有的情況, 係邊間讀都有機會遇到好同唔好的老師, LS都有好多好老師....我只會教阿仔遇到好老師要比心機跟佢學野, 遇到唔好既老師唔緊要, 自己比心機, 唔識就問爸爸媽媽....反正現實就係咁, 遇到困難或有問題, 都要自己諗方法面對.....不過, 除郤師資問題, 我絕對覺得LSPS係一間好學校, 校舍設施一流, 課程合理(我唔鍾意拔苗助長, 雖然我覺得學校偏向少少教淺考深...但我會同阿仔講當係挑戰自己), 家長對學校的支持同 家教會支援校友網絡強大, 係LSPS無論讀書叻同唔叻都可以係好多方面發揮所長......仲有最重要係學校有一種獨有的團隊精神...令人好感動雖然學校D仔好活潑(超活潑)未必係別人心目中的乖乖仔, 但我覺得唔乖唔等於係壞人.....做壞事...唔乖既仔只要有良好的品格同價值觀長大後都可以係對社會有貢獻....現實世界中就應該有著不同性格不同特質既人互相學習互相適應....我覺得LSPS的學習環境係好貼近真實世界, 仔仔能加入LS呢個大家庭我覺得好幸運...........互勉之

youma

nkpa 發表於 13-2-12 00:51
謝謝youma解答。想再知多d,ls小學容易取得高分嗎？多同學取90分以上嗎？

TKO2040, 你朋友還在讀中一嗎？他 ...

1. 考試唔同默書, 考試取90分以上, 在任何學校都從來不易, ls亦如是. 有些家長把一些名校神化了.
2. ls叻個班會良爭班內頭三, 因可上台攞獎, 平均約90分已好有機會, 其他學校亦大概如是.

NKpa

好奇上奧協港澳杯看看

2012香港賽區
至尊學校大獎﹝小學組﹞成績  
名次 學校名稱  
冠軍 英華小學  
亞軍 聖公會田灣始南小學  
季軍 聖方濟各英文小學  
第四名 拔萃男書院附屬小學

http://www.hkmo.cc/html/20120416/1-1.htm
(在hkmo.cc找不到2011小學成績名單)

--

再看奧校近兩年學校成績三甲

2012:  冠:嘉福榮;  亞:喇沙;  季:仁立
2011:  冠:聖芳濟各;  亞:英華;  季:喇沙


http://www.hkmos.org/comhk/index.html

--

英華奧數成績其實也不錯.

TKO2040

youma 發表於 13-2-12 11:32
1. 去到高年級, 因需要配合tsa及升中編班試, 及又不想拖低下游學生成績, 所以出卷一般深極有限. 但ls有增 ...

讀LS朋友比了很多數學試卷給我, 從小2開始, 當廢紙比, 所以才敢說佢地淺, 英華數學卷無睇過, 所以不敢評價, 不過朋友說LS卷出得淺, 並沒有特別原因, 這裡唔方面講啦, 因一個LS家長講法, 會有人唔同意, 不過我另有些不熟LS家長, 係喇小成績係好好, 但上到喇中, 成績好唔掂, 所以喇中程度應該係深好多.

bigboy129

回復 momama 的帖子

我提議去北區，好多双非仲現實。

seamama

好多謝咁多位家長嘅回應，似乎喺軟件，硬件及成績都差不多的情況下，宗教，有弟弟，及學費成為了關鍵選擇因素，雖然YW $15,000一年不是問題，但是兩個仔12年的學費共$360,000, 連通脹可能要六，七十萬，留翻D錢去旅行也不錯！

bb2

TK當 發表於 3-2-13 00:52
讀LS朋友比了很多數學試卷給我, 從小2開始, 當廢紙比, 所以才敢說佢地淺, 英華數學卷無睇過, 所以不敢評價 ...

sorry，我諗你朋友比你果D唔係試卷，因為試卷係唔會派番架，所以連家長都唔知小朋友考左D乜！你朋友比你果D可能係所謂既小測卷，係每教完一個主題就會有架，係想睇下小朋友既進度……我仔仔從來唔會為左小測温書架唔計分架！大家只看作revision!

youma

NKpa 發表於 13-2-12 13:16
好奇上奧協港澳杯看看

2012香港賽區
至尊學校大獎﹝小學組﹞成績  
名次 學校名稱  
冠軍 英華小學  
亞軍 聖公會田灣始南小學  
季軍 聖方濟各英文小學  
第四名 拔萃男書院附屬小學

http://www.hkmo.cc/html/20120416/1-1.htm
(在hkmo.cc找不到2011小學成績名單)

再看奧校近兩年學校成績三甲

2012:  冠:嘉福榮;  亞:喇沙;  季:仁立
2011:  冠:聖芳濟各;  亞:英華;  季:喇沙
http://www.hkmos.org/comhk/index.html

英華奧數成績其實也不錯.

1. 都聽聞英華有一屆學生很不錯. 是否能長期保持, 要看多幾屆了.2. ls跟奧協校關係好, 更每年借出比賽場地. 但跟奧協關係差, 近來好似已唔鼓勵學生參加... 教育界都幾政治化.

youma

seamama 發表於 13-2-13 09:01
好多謝咁多位家長嘅回應，似乎喺軟件，硬件及成績都差不多的情況下，宗教，有弟弟，及學費成為了關鍵選擇因 ...

1. 傻la, 除非是宗教因素, 那有人會選Y棄L?!
2. 單單看L的師兄connections, 入大機會, 交流機會, 硬件, 同儕激勵等等因素...家長已經心裏有數.


3. 而且L中學的尖子多出許多, 那有人不想入去拚拚實力?!

overview

TKO2040 發表於 13-2-13 00:52
讀LS朋友比了很多數學試卷給我, 從小2開始, 當廢紙比, 所以才敢說佢地淺, 英華數學卷無睇過, 所以不敢評價 ...

有掂有唔掂啦 !  呢2年全級頭幾名咪又係喇小上黎的學生.

TKO2040

overview 發表於 13-2-13 20:18
有掂有唔掂啦 !  呢2年全級頭幾名咪又係喇小上黎的學生.

我兩個朋友男孩子, 一位全班考過第二, 不超過10名, 另一位男孩子媽媽是中學老師, 兩位小朋友都好順利考上LS中學, 但現在成績到中學的名次是19X, 另一位都是18X, 可能上到中學好多變數在內, case by case, 我都十分意外.   

TKO2040

回復 bb2 的帖子

//數學試卷// 考試卷又好;測驗試卷又好, 字眼上既野, 唔拗啦, 不過有家長提出英華(小)數比LS(小)要淺, 但LS都好淺吓BOR.D數出得好淺係朋友講既,  而測驗卷就淺, 考試卷就深? 可能佢小朋友係LS小學階段成績很好.深與淺真係無標準的, 我&朋友覺得淺, 有人會覺得深.

1773

試卷深代表好啲？試卷淺代表好啲？

VKwan

原帖由 youma 於 13-02-11 發表
本帖最後由 youma 於 13-2-11 21:30 編輯

yw程度淺過LS，你有冇搞錯左呀?我身為LS家長，我好公正咁講yw直資班的英文勝喇小9條街，yw普教中,所以普的聽/講一般比LS強!但論中、數科就不相伯仲,但yw一定唔會LS淺。至於中學,直至現時或不久的將來，我確信LS仍勝一班。

VKwan

原帖由 overview 於 13-02-13 發表
有掂有唔掂啦 !  呢2年全級頭幾名咪又係喇小上黎的學生.

有可能是外校插班成功的喇小畢業生

bb2

回復 TKO2040 的帖子

我諗你搞錯了, 我根本無意與你爭拗數學試卷深淺的問題, 我只係覺得我作為LSPS學生家長, 見到坊間一些人對LSPS內部的情況一知半解, 我作為用家係應該補充番, 唔好令其他人誤解啫.....反正我從來唔認為試卷深就係好,試卷淺就係唔好。 講真, 我反而仲成日同其他家長講，學校出試卷唔應該咁深添......因為考試既目的唔應該以難倒學生為前提...相反, 係應該比個機會學生複習下堂上學到既野, 從而變成自己既知識!我仲成日講笑話我地個年代只係溫下WORKBOOK同書就去考, 考親都係跟足書本或WORKBOOK出過既野, 大個左咪一樣掂

其實, 坊間對LSPS有好多'美麗的傳說'.....我都曾經比佢嚇親, 我仔未入LSPS讀之前, 有人同我講話LSPS係讀高兩級添啦.......(我心諗私校都係讀高一級啫...津校要讀高兩級, 咪玩啦...)我話點會呀, 津小要跟教育局課程指引喎...果個人仲實牙實齒話佢識人係度讀所以知道喎...入到去先知呢D咪又係以訛傳訛....果個人而家見到我都唔敢亂吹嘞.......又好似有時見番阿仔幼稚園D同學媽咪, 又會講下大家D仔女讀成點....佢地問親我LSPS係咪好深...我都係話唔係架...咪又係用番坊間出版社D書...不過就真係多左D 增潤課程...呢D增潤課程就真係深D..同埋數學就真係會讀快少少...

因為我係LSPS用家, 所以我敢講下對LSPS既睇法...但係我就唔會對英華有任何評論, 因為我真係唔了解, 亦唔想道聽途說!我既立場就係咁嘞.....,.

1773

原帖由 mcheung1 於 13-02-13 發表
回復 bb2 的帖子

Agree!! 真係好多人係聽朋友既朋友講就講番出黎！連朋友或朋友既朋友的小朋友考第幾，平 ...

bb2, mcheung1, 完全贊同你哋所講的好多人一聽阿仔讀LS就問：洗唔洗晚晚做功課到十一點？我答話日日喺學校做晒功課，啲人重以為我講大話

bb2

1773 發表於 13-2-13 22:56
bb2, mcheung1, 完全贊同你哋所講的好多人一聽阿仔讀LS就問：洗唔洗晚晚做功課到十一點？我答話日日 ...

最搞笑係我仔幼稚園D同學仔家長仲話番我, 話係我唔知出面學校D程度, 所以先話LS唔深喎...真係比佢地激死

咁我仔無你仔咁叻...佢番到黎屋企都仲要做功課......但係出面D人多數係問我仔仔要唔要番補習班啫!我話, 唔係MA, 小學就要番補習班, 幾時先得黎大學畢業除左番下學校D興趣班, 我仔仔每日做完功課, 練埋樂器就係佢既自由時間, 可以睇下書同打下波...係LS讀其實就係咁簡單