旺角基督教服務處雋匯幼兒學校

fionkwok

YENCHAN,
我都係咁諗, 有辦法申請到緊好d啦! 就算只係平幾百都好過冇, 交稅就有我地份, 最好可以攞返些少啦!!!     

fionkwok

HI YENCHAN,
我想問學校有冇規定要著什麼色鞋返學呢? 要買兩對嗎? 黑色及波鞋? 襪又係咪一定要全白色, 可唔可以有公仔果d呢? 因為"永安" 呢兩日減價想去買定先, 可否幫忙呢? 有邊隻牌子既鞋好d呢? 因為日日都要著好多個鐘, 需要買 DR KONG 果D嗎? THANKS VERY MUNCH!

YENCHAN

fionkwok:

正常著校服就要著黑鞋,著運動服就著白鞋,不過n1都唔理你著咩色架喇~總之一對係學校裡面著,一對離開學校著,即係要兩對鞋呀~因為學校清潔,唔想d鞋行完街又著返學,踩晒d細菌入學校,所以要兩對,而且每星期都會比返學校著個對鞋你返屋企洗下既!!我兩對都係波鞋黎架,一對係newblance,另一對係OXOX,最緊要軟同輕(由其是係學校著個對呀),所以咩色都唔重要架!!

fionkwok 寫道:
HI YENCHAN,
我想問學校有冇規定要著什麼色鞋返學呢? 要買兩對嗎? 黑色及波鞋? 襪又係咪一定要全白色, 可唔可以有公仔果d呢? 因為"永安" 呢兩日減價想去買定先, 可否幫忙呢? 有邊隻牌子既鞋好d呢? 因為日日都要著好多個鐘, 需要買 DR KONG 果D嗎? THANKS VERY MUNCH!

YENCHAN

fionkwok:
唔記得提你,如果係學校著係新鞋,最好比佢係屋企著下,習慣下~

waiwaichu2003

喂喂喂...! 你地買左校服未呀? 上星期六,終於去荔枝角買左兩套校服和外套,嘩!個樣子真如YENCHAN所講幾"正"喎!不過,相比下我鍾意件外套(白底粉藍色邊)多d,好smart!!!

仲有,琴晚諗住試下同囝囝介片,點知兩個鐘內"lai"左兩次,拖地拖到我怕怕,之後,唯有幫佢著番片片,想問下你地小朋友介左片未呀?

後日家長日,你地填左份"認識你的孩子"未呀? 我覺得都幾難填,雖然日日見,但有d野唔係咁肯定,所以改完又改寫到花晒,你地有冇咁既情況出現呀? And你地會唔會早d到,參觀小朋友既心血作品呀?

fionkwok

waiwaichu2003,
我仲未買呀! 諗住開完家長會至去買, 校服幾錢套呀? 係啦, 間餔近mtr嗎? 記住幫個仔影張形仔相呀!

我個女都仲未得呀! 成日要我叫, 如果我一唔記得就實賴, 一飲多少少水, 幾個字就要去一次, 都幾煩!!! 訓下午覺都係要賴一條片, 都唔知幾時至介倒, 我見有d已經連夜片都介咗, 所以我都覺得自己冇用, 教咁耐阿女仲未識講, 激死  

我都覺得好難填呀! 自己揍好似好多野都冇問題, 但一要寫出來都唔知點寫,真係有好多唔肯定既野, 所以都幾擔心一個老師要帶十幾個小朋友, 點照顧呢?

waiwaichu2003

fionkwok,

間上樓鋪好近mtr出口,一出站向青山道Shell入油站方向行2至3分鐘就到;因上次係連外套一齊買,所以我都唔知幾錢一套校服,而且,男女可能會唔同價(男-2pieces, 女-1piece) ,不過,我"好"肯定係一百元以下一套,噫!好似講左等如無講tim.嘻嘻..! 我無同阿仔影相住,因仲未買白鞋仔,要白鞋仔先襯套校服ga ma,唔緊要,遲d返學大把機會影la!

我今晚會再接再厲同佢試多幾次唔著片片,希望有D進展la!到時再會報個進度如何?

係呀!我就係同你一樣"一要寫出來都唔知點寫",所以寫左4張先覺得可以過得去,可以交比老師咋!

我諗唔駛太擔心嘅!小朋友既生活習慣其實大致上差不多,加埋我地張"猫紙"和老師既經驗應該無問題!

Twins

waiwaichu2003,
我未買校服呀~~~MUD你咁快攪掂啦.
我都有幫囡囡試下介片,但佢唔肯坐炎罐,
所以都唔成功.
我同你一樣唔係好識填份FORM,某D野都
未完全肯定囡囡做唔做到, 所以我留空左未填,
今晚一定要再諗諗去點填好.
我明天應該都會早D到呀,咁你呢? 我地係咪
要相認返呀?

呀~~~仲有喎,我想問著校服係咪一定要襯白鞋架?

Fionkwok,
關於你話"申請學費減免計劃", 我有個朋友既朋友佢地
都有申請架,而且係做警察既,我諗我地都有資格掛,
不過唔好理咁lu, 申請左先啦. HeHeee….唔好蝕ma.

waiwaichu2003

Twins,

其實我以為明天個家長日會派校服,所以先心急走去訂購,點知原來即時可以攞埋校服走,so你可以遲d先去買!
噫!原來大家個小朋友都未成功介片,咁coming嬸嬸可能有排忙喎!
"相認",我都想呀!但點認呀? 1. 交換小朋友 或 2.約明天邊度邊度等....,我明天放1:00又要搭車,又要食晏,我諗應該會around 2:00到.

"我想問著校服係咪一定要襯白鞋架?" - 我唔肯定呀? 不過,之前YENCHAN係咁講,而我覺得咁樣著都好"smart"呀,好有返學讀書look!  

fionkwok

Hi Twins & waiwaichu2003,
我個女唔單止賴尿, 叫佢係廁所or痰冠"ng,ng"都唔肯, 寧願唔"ng" 點算???      成日要我兜至肯去, 返學邊個得閒同你兜呀? 頭都痛!!!

我明天都唔會太早, 因為冇人睇阿女, 所以要帶佢去daddy公司, 唔可以太早同佢去, 所以都要差唔多2:00至得! 我地可以點相認呀? 好緊張呀!!!

Twins

waiwaichu2003, fionkwok
原來我地都係幫唔到小朋友介片,
唔通2月出世既小朋友係咁硬頸???
Fionkwok你都好d可以兜下,我個囡係完全
唔比我咁做.
係啦…係啦….我地點認大家好呢? 我都好
緊張呀~~~~~

你地知唔知點解今次唔係返自己學校開家長會
既? 我頭先問我個FRIEND佢話以前都係自己
學校架…….

waiwaichu2003

Twins & fionkwok,

不如以pm形式交換我地小朋友個名,然後天日再相認喇!
例如:xx媽咪

我先前問過老師,佢話前半part會聽大圍既野,之後,各家長去返自己所屬既幼兒園區聽院長講話,最後就派運動衫,被鋪等各樣物件...

"唔知點解今次唔係返自己學校開家長會既?" -我諗原因係今年好多幼兒園星期六下午都外借左場地比其他人搞playgroup,我就是係其中一個收益人!

waiwaichu2003

Twins & fionkwok,

已pm左比你地!

waiwaichu

fionkwok

waiwaichu2003,
唔好意思呀! 我完全唔知係邊度睇喎, 又係邊度覆你呀? 教吓好啦!  many thanks!

Twins

waiwaichu2003, fionkwok,
我都send左 pm比你地啦.

Fionkwok你click頭頂”私人信息”就
可以見到我地比你既密函架啦~快d睇下!

waiwaichu2003

Twins,

收到喇!
好緊張,好似相睇咁!下午見...

Fionkwok,

如果要睇pm(私人信息),如Twins所講,係個版面右上角有"觀看帳號","私人信息"和"登出",你只要click"私人信息"後,再click我地send比你既"相認密碼"就睇到ga la!

如果要回覆我地既pm(私人信息),就直接係"相認密碼"個版面下面click"回覆...."就得ga la! 最後,記得click"確定送出",咁我地就會收到你既pm!

試試吧!如果真係唔得,你蝕底d,你係度"細細聲"講比我地知,我唔會話比人知ga!!!       

fionkwok

waiwaichu2003 & twins,

已經send咗pm啦, 睇吓收唔收到啦! 希望冇問題啦!  

waiwaichu2003

fionkwok,

收到la! 下午見...

fionkwok

Hi all mama,
幾日都上唔到嚟, 好掛住你地呀! 好開心家長會果日相認到, 請以後多多指教!

尋日已經幫阿女去買咗校服啦! 套校服又真係幾有形, 阿女試咗覺得佢大個女咗又幾靚女喎!

係啦! 想問吓果日攞d被套及運動衫, 係咪冇書包架? 返到屋企同佢洗咗套被, 要分開兩機先洗得曬, 以後個個星期都要洗都幾煩, 係咪學校有得代洗呢?

fionkwok

Hi Yenchan,
好耐冇見你出現啦! 去咗邊呀? 好忙呀? 仔仔幾時放暑假呀? 係咪放得好短時間架? 我地星期六已經開咗家長會, 仲相認咗, 好開心呀!!!