LH 已出RESULT, 請留意信箱~

HauMiranda

原帖由 pekkle321 於 12-12-02 發表
康城係一間新校，今年先有K3, 仲未有成績參考！今年仲有換左新校長！學校ok與否，好睇你教育理念同校長／學 ...

小女讀康城校，轉孩父長都冇咩大轉變。同其他學校既教材比較過，有啲轉左校既朋友反映番LH既教材真係一流，有獨立既課程部，自編教材，教材有系統、配套好，課程又年年更新，小女講得一口流利既英普，所以唔駛擔心升小銜接唔到。不過康城校老師欠缺穩定性，K2既英文老師係ABC, 係有啲家長唔滿意既地方。不過所有老師都好好！至於地點問題，由於今年係第一年有PN至K3, 開始出現唔夠地方既問題。康城校好吊腳，小女搭校車，校車公司好好，所以都唔係大問題，不過條環保大道有少少危險，只係唔擔心得咁多！間唔中搭地鐵行番學，當做運動都好舒服。小兒今年有另一offer, 都唔想離開LH, 個心仲係1516。

cattz288

waiting........預左~

ME1227

HauMiranda 發表於 12-12-2 08:52
小女讀康城校，轉孩父長都冇咩大轉變。同其他學校既教材比較過，有啲轉左校既朋友反映番LH既教材真係一流， ...

你會為龍校放棄學之園嗎？其實我很喜歡學之園，課程兩文三語很平均，但想到小學又要出去考，好自然又諗番有中小學的幼稚園，好難抉擇呀

HauMiranda

原帖由 ME1227 於 12-12-02 發表
你會為龍校放棄學之園嗎？其實我很喜歡學之園，課程兩文三語很平均，但想到小學又要出去考，好自然又諗番有 ...

不過都要睇係邊間龍校既offer. 如果間龍校唔係我想讀既小學，我寧願留喺LH浸多幾年, 裝備好小朋友既兩文三語，三年後再戰小一。

kbi

原帖由 HauMiranda 於 12-12-02 發表
不過都要睇係邊間龍校既offer. 如果間龍校唔係我想讀既小學，我寧願留喺LH浸多幾年, 裝備好小朋友既兩文三 ...

我想了解LH的教學及行政多一點，可以提供以下資料嗎？
1）英文及普通話之比例如何？(英普班）
2）每日上課內容比例如何？如多少時間做大肌肉活動，唱歌等。
3）課程深嗎？功課多嗎？
4)活動多嗎？有沒有參觀活動？
5）注重家校溝通嗎？
6）校巴路線是固定或是根據學生住處規劃？
唔好意思，禁多問題。因為想交留位費前了解多d。唔該曬

hillaryli818

waiting too

HauMiranda

原帖由 kbi 於 12-12-02 發表
我想了解LH的教學及行政多一點，可以提供以下資料嗎？
1）英文及普通話之比例如何？(英普班）
2）每日上課 ...

kbi, 已pm你！

i_love_pampers

原帖由 YTCsophie 於 12-12-02 發表
hunghom pm offer.

恭喜!我個仔由PN讀到而家K1，非常like間學校，每日返學都好開心㗎!

SawMo

可以將有關資料都pn我馬?

C-Mermaid

海逸英普，勁開心！

ME1227

HauMiranda 發表於 12-12-2 17:26
kbi, 已pm你！

可否也pm給我，謝

cani09

HauMiranda 發表於 12-12-2 17:26
kbi, 已pm你！

請問可以係度講嗎？

HauMiranda

1. 其實我都唔太清楚普英班既普英時間分配，我想約參半。只知一班28人會分兩組上課，一組上英文之時另一組上普通話。
2. 小朋友每朝上堂之前會全校一齊做早操，課堂中也有體育課，會進行一些大肌肉既訓練。每日都有free play時間，可在操場玩車、打球等。
3. 課程要求高，K1要認字，用普通話讀出，如春天、山火、地下鐵路，英文用letterland, 小朋友好鍾意。K1功課未算多，印象中每日一樣，都係連線、數數目等，主要練執筆，到K2先開始寫字。
4. K1參觀既活動唔多，好似只有1至2次。
5. LH除左英普出名，仲好強調家校合作。每年家長參與既活動多不勝數：親子旅行、聯校親子運動會、開學初既課程簡介會兼與班主任面談、一年兩次既校長茶敍、觀課、開放日，仲有逢週五既故事爸媽。學校主要與email及通告與家長通訊。其中我認為最好既，係學校會放小朋友上課時既照片上網，又會搵小朋友攝錄早操既歌，一黎可以知道小朋友上課既情形，又可以同小朋友喺屋企唱學校既歌，小朋友見到自已錄影既video又好開心！
6. 校車方面，你會收到校車既路線。如果想加站，可以聯絡校車公司，我相信佢地會因應人數再加以安排既！

希望以上既解答可以幫到各位得到康城分校既家長作決定！

JC_mami

回復 kbi 的帖子

學之園是雙班主任制，如果是英普班，時間應該是各佔一半。課程都算深pn已經要認中文字如菜，男，女，果等，英文巳有phonic。
學校極重視家校合作，上至學術下至家裡管教問題都可向老師求助。
每個月有詳細的評估，每幾個月會有與校長茶敘，校長親自解答父母的問題。

a328

what is the school fee?

oooasis

HauMiranda 發表於 12-12-2 20:14
1. 其實我都唔太清楚普英班既普英時間分配，我想約參半。只知一班28人會分兩組上課，一組上英文之時另一組 ...

多謝分享！我覺得係度講好過pm，可以幫到更多準備入讀的家長！

oooasis

JC_mami 發表於 12-12-2 20:18
回復 kbi 的帖子

學之園是雙班主任制，如果是英普班，時間應該是各佔一半。課程都算深pn已經要認中文字如 ...

我想請問評估是用何種方式？類似成績表咁，還是一段文字。
而評估內容是關於小朋友在學校的學習內容，還是偏重於小朋友在學校的表現，性格，強項弱項，等父母更了解孩子？
多謝！

JC_mami

回復 oooasis 的帖子

評估各方面都有，內容包括學術，大小肌肉訓練，自理能力訓練，圖工，音樂等。非常詳細。