Small World小學 Island Christian Academy正式入學申請於2月15日截止

227d

elmostoney, thanks your reply. 但我問過SWCK本身都有K3㗎

elmostoney

上星期我去左聽學校對新校簡介會, 如果有媽媽會帶小朋友去面試, 其實應該會聽返同一樣野, 因為我第二日帶阿仔去面試, 又再聽多一次.

係我立場, 冇物特別, 因為課程都係跟住而家嘅方向.  如最近我個女個班做緊一個交通工具題目, 請左一位同學仔爸爸來講飛機師嘅職業, 老師會事先叫小朋友諗下想問物野問題, 大家有商有量, 當中會有人諗d問題未必同飛機有關, 咁大家咪會deduce 到唔係物野問題都合適. 上星期佢地要做一隻模型船, 於是大家用不同材料同方法, 由最初亂來到發覺原來要用其他物料先得, 同埋要改善結構, 有事前計劃, 都係要小朋友自己試, 自己諗. 跟住老師係班房放左盤水, 比小朋友試放船, 佢地自己可以驗證成果同改善 --- 呢d就係自己去求知學習, 我鍾意呢個模式.  所以話課程會點run? 冇實例有時又好難講.  大家可以去我個女個班房睇下, 聽老師介紹下佢地做物, 咁會有個比較好的概念.

中文已確定, 只會教簡體, 會將小朋友分2個pathway.

其他細節上, 我地睇左新校將來嘅圖, 基本上內外都會重新油過, 地下 (走廊, 班房, 禮堂等) 會換過哂, 少量間隔會改改, 另外就係添置設備咁.  每層樓有三個班房, 即係每一年級最多有三班.  一年班同二年班會有助教, 三年班開始冇.  返學時間係 8 ~ 2:30.

課外活動方面, 要慢慢來, 因為係新校. 可能都係先判比multi-sports做, 因為開始只有五班, 不足以請一個體育老師, 自行設計課程.  (btw, 而家在任個位multi-sports體育老師非常好, 所有小朋友都勁鍾意佢, 佢會一齊過去新校). 將來可以加游水為課外活動, 因為對面係YMCA大樓, 有室內池. YMCA本身有girl guide, 跳舞班呢d, 學校話會大家夾下點做.  以後一星期兩節體育, 兩節音樂 (音樂老師會同挪威國際共用),  下學期等一切穩定左, 會慢慢加課外活動. 例如可以睇下音樂老師有冇興趣做合唱團之類.

Ryan媽咪, 呢個星期五係taste of culture, 或者我會見到你?

elmostoney

227d 你可以問清楚, 佢地K3係比幾多歲?  我個女都係讀完K3升佢地year 1, 佢五月先六歲. 如果佢跟本地學制, 九月先係小一, 但係ica, 九月佢就係year 2.

crystalpui

swck真係一間好學校...但只教簡體字就......痲痲地

elmostoney

冇法, 英基同星加玻國際其實都只係教簡體.  個人認為, 如果小朋友想學好中文, 都唔好諗住靠學校, 好難想像佢地中文標準會係本地家長心目中達標.  無論佢地點分pathway, 我諗都唔會達到我兩個小朋友現時程度, 即係match住本地學校中文程度.

至於係屋企教簡定繁, 我都有掙扎.  我有位親友嘅小朋友 (其實已經廿幾歲), 係漢基畢業, 讀繁體, 佢本身當然唔鍾意中文, 而家係北京生活, 佢比我意見係比小朋友學簡體, 因為佢以前學繁體, 而家發覺要佢睇簡體好難, 所以佢直情係放棄態度.  我嘅立場係: 1. 我個女已開始識分, 中文難, 英文易.  2. 我能唔能夠保持佢嘅中文水平同興趣? 明顯地, 簡體易學d, 佢會比較接受.

如果簡體字可令佢學中文容易d, 冇咁抗拒, 我係咪應該轉簡體?  呢輪我都思考緊呢個問題.  ica立場係, 佢地係一間國際學校, 教中文要以國際趨勢(即簡體字)為主, 而唔係框住香港一個小小地方, 因為佢地諗住學生都要面對國際化. 未必長遠都係香港.

crystalpui

reneeleung 發表於 12-2-27 11:53
但IS除了RC,KCIS 同NIS, 大部份都是教簡體的.

SWCK是一間從"學"同"兒童認知發展"出發的好學校.

其實我心裡面係知道swck係好好的
但ica既學費真係令我卻步
雖然每一蚊都係用係小朋友身上
但作為父母既我
唔想俾自己太大財政壓力
始終係primary選擇左is就返唔到轉頭....

elmostoney

我都同意, 唔好以一間學校教繁簡去決定呢間學校好唔好.  我已要求英基比我個仔defer一年, 學校都同意左.  上星期我個仔去左in IMS, 我係好想入呢間學校, 因為係學術上來講, 我覺得更啱佢 (唔啱我個女). 但係再去swck, 我真係覺得好warm. 本來諗過同IMS講, 如果收我個仔, 我地會放棄其他offer, 希望以誠意打動佢地, 不竟而家esf一位難求. 但係再去SWCK後, 我又覺得冇必要, 就聽天意. 人生唔係只係比拼最叻, 又或者係學校學物.  我諗呢d只有係swck嘅家長先會感受到我係到講物, 正如老師同校長成日都講: 每個小朋友都係獨特嘅, 而swck真係對小朋友做到左, 唔會要求佢地一齊達標, 對佢地係無限包容.  

最近我個女去做左個評估, 個位教育心理學家去課堂上觀課, 佢事後同我講, 我個女真係好幸運, 可以係SWCK呢班. 只見圍圈時間, 老師問一d問題, 我個女舉手, 發表意見, 但係佢只係重複之前個位同學所講.  個位心理學家話, 如果係第二d學校, 老師未必會咁包容. 事後佢問老師, 老師話最重要係佢肯參與.

可能大家睇完會以為我個女有物大問題, 所以我先咁pro swck, 不過事實唔係咁. 事實係老師話佢有時上堂遊魂, 但係有時講d野又好有深度, 佢覺得我個女反應比較兩極, 所以建議佢接受評估.  

cay12366

are nearly all swck existing students accepted by ICA?  the chance for outsider is very slim?

cay12366

may I know how many students in k2 going to Y1 this Sep? heard from the school they only offers 44 seats for year 1 this yr.

jxwahc

Have any one got offer? Eagerly waiting...

mrshoho

Not yet.... Dunno when they will let us know!!??!?!

quiztee

It takes 2 weeks from the date of interview

elmostoney

I called them at the end of last week.  should have results out by next week.

mrshoho

Oh no, I thought we should have results by end of this week... need to wait for one more week now?  I hate waiting....

elmostoney

everybody applying for year 1 here?  for sure there should be space for non swck kids since many swck students will move on to other IS.

caca316

回復 elmostoney 的帖子

我想問,咁樣做一次評估收費幾多? Can you PM me and share some information?