選擇幼稚園的思考藝術

wishwong

人地話讀KV D小朋友守紀律.. 咁放學番到屋企就可以唔洗教小朋友守規舉?
同樣, ST CAT 英文好,, 咁放學番到屋企就可以唔洗講英文都得? 出到去出面都可以LA LA聲講英文?
如果大家都"放哂手" 俾學校教.. 咁不如讀寄宿學校喇... 18年後拎番, 快靚正...

原帖由 YCDad 於 11-12-1 11:11 發表


如果KV和St.Cat.都收妳囡囡或囝囝，我認為兩間都要讀；如果可以的話，讀四間更好！可以集各家大成於一身。

（以上純粹說笑，藉以緩和考幼稚園緊張的氣氛，不喜勿插） ...

vnghk0001

原帖由 wishwong 於 11-12-1 10:27 發表
點解要讀DBS?

如果你問樓主，可能都冇答案。

cycream

原帖由 YCDad 於 11-11-30 12:03 發表
KV 和 St. Cat. 都是好學校，值唔值你所付出的學費就要個人衡量。

無論讀任何學校，家長都必須要在「適當」的時候「積極介入」，不要盲信學校，無論它是否名校。

「積極介入」的意思，不是要聲討學校的不是，而是「補足」由於 ...

I can't agree more!!!!  我大仔而加k1, n1係km讀, 而加k1係sc讀 e/p class.  上年我hold咗km同sc 2個offers一段時間, 因為2間各有各好, 各有不足. 直至而加仔仔係k1, sc既好係如所料, sc不足亦係如所料, 但唔會後悔啦, 而係去 "積極介入" "補足"其 不足.

[ 本帖最後由 cycream 於 11-12-1 11:29 編輯 ]

hangyodon

物以類聚; 你都想小朋友同啲band 1 學生一齊，唔使學壞
又想小朋友大個做醫生/Lawer
所以大家都想入DBS / DGS lor

開心小花

原帖由 wishwong 於 11-12-1 11:07 發表
我係個小朋友, 我想跳樓~

可能如此苦心經營之下, 個小朋友入唔到DGS, DBS, 可能個阿媽想跳樓多D.
因為, 我真係知道一件真人真事係類似. (當然不是幼稚園階段, 亦不是DGS, DBS) 對個小朋友同家庭的衝擊好大. 我只係希望各位家長對名校的追求不要走火入魔.

wishwong

我其實係反問點解D人好似非入DBS不可... 冇EXPECT要答案...
我覺得出O個條想入DBS 既THREAD既樓主應該要知道... 佢既中心唔應該放O係邊間指定既學校度... 中心應該係小朋友度...

原帖由 vnghk0001 於 11-12-1 11:25 發表


如果你問樓主，可能都冇答案。

LL222

原帖由 YCDad 於 11-12-1 11:11 發表


如果KV和St.Cat.都收妳囡囡或囝囝，我認為兩間都要讀；如果可以的話，讀四間更好！可以集各家大成於一身。

（以上純粹說笑，藉以緩和考幼稚園緊張的氣氛，不喜勿插） ...

聽講好似話响火車站或又一城食飯同換校服,
返屋企做完功課, 食飯, 沖涼後瞓覺之後又再一Day

hangyodon

你覺得點樣評估學生入津貼學校係最好?
而家個方法真係唔多好

最公平我覺得係全部大抽獎；但學校又保證唔到quality
全部interview又話唔俾機會屋企條件冇咁好既家庭 (因為校長想要啲background好既/有錢）

但計分就真係好攪笑, 攪到啲人走去信教~~~我識幾個friends明明唔係信教既人，但係因為咁而走去受洗~~~

我覺得一半學校自行interview收生；一半大抽獎係最好
唔好有世襲/計分嗰part

larry_kawin

看完上面的分享, 真的覺得現在做家長好難.

誠如上面一位家長所說, 小朋友出生前, 我只希望他健康快樂, 但到了這階段, 卻總擔心自己為小朋友做得不夠多.

還是c6看得通透, 他說好的幼稚園是為了好的小學, 好的小學是為了好的中學, 好的中學是為了好的大學, 好了, 從好的大學畢業了, 入了好的公司(c6在全球500大的公司上班), 還不是天天加班加到暈, 沒時間enjoy生活．所以c6比我堅定得多，說孩子有健康快樂的童年和親子關係才最重要，畢竟18歲後佢有排捱呀~ 　

家長們，還是放輕鬆一點，珍惜現在的時間，相信自己的孩子~　　

hangyodon

針唔拮到肉唔知痛
到個小朋友大個入唔到咩好學校而身邊有朋友係大公司做你可能好後悔點解細個時比個小朋友日日玩而唔努力

我識好多係大公司/高人工既人...好多都係外國返黎/香港名校(LS/DGS/St Paul/等)出身

而另一班係啲普通中學出黎既大部份都係做啲中層工作(當然考頭嗰幾名嗰啲有啲去咗外國生活好好，但計返比例唔多)

大公司做，唔一定做死; 有好多人好enjoy係公司做既野;所以返到屋企都reply email, 因為佢地覺得好有挑戰

我識更多人係細公司hea做, 冇人身目標
日日等放工，個個月等出糧；人地睇佢可能冇pressure,份工好爽

你諗真啲你係唔係想個仔女大個都係咁?

2Fats

你令我想起之前有個阿媽因為個囡入唔番英基小學而同老公鬧交繼而喺商場跳樓.......

為名校瘋顛呢家野, 真係要兩公婆加埋個小朋友一齊肯顛先好 唔係隨時家X人X...

原帖由 開心小花 於 11-12-1 11:36 發表


可能如此苦心經營之下, 個小朋友入唔到DGS, DBS, 可能個阿媽想跳樓多D.
因為, 我真係知道一件真人真事係類似. (當然不是幼稚園階段, 亦不是DGS, DBS) 對個小朋友同家庭的衝擊好大. 我只係希望各位家長對名校的追 ...

YCDad

看到有網友今年報了十多二十間幼稚園，又有家長可能會由偏遠的地方乘校車往九龍塘返學。

我是完全不反對從偏遠的地方乘校車往九龍塘返學的，不過要留意校車安全。

我的囝囝也是乘校車返學的，有時候會發現他的手臂和腳有瘀傷。我問他是否在校內因碰撞或和同學打架，所以弄傷，他有時會答，因為校車開得太快，有時又在車上睡著了。

porporchi

是否所有校車都會有EE/老師跟車? 我見KV比我地申請校車時, 有寫明所有校車都會有職員或老師跟車的!

開心小花

原帖由 hangyodon 於 11-12-1 14:44 發表
針唔拮到肉唔知痛
到個小朋友大個入唔到咩好學校而身邊有朋友係大公司做你可能好後悔點解細個時比個小朋友日日玩而唔努力

我識好多係大公司/高人工既人...好多都係外國返黎/香港名校(LS/DGS/St Paul/等)出身

而另 ...

你見到的是一面, 我亦見過不少另一面, 結果是殊途同歸. 父母最多只可以幫起步. 之後都係靠細路自己. 我見身邊有不少是名校畢業都入不了大學, 亦見過讀不上去, 被名校洮汰. 不要將名校與成功劃上等於.

YCDad

原帖由 porporchi 於 11-12-1 15:21 發表
是否所有校車都會有EE/老師跟車? 我見KV比我地申請校車時, 有寫明所有校車都會有職員或老師跟車的!

一架大型校巴坐了很多小朋友，當校巴一chok，跟車姨姨救得邊個？

vnghk0001

跟車姨姨緊係自救啦，自然反應。

larry_kawin

hangyodon , 我不是說入名校不好, 而是身邊的經歷真的令我覺得多少是殊途同歸.


真人真事, 有朋友畢業自好多人都想入嘅名女校, 亦順利入了名大學, 但她跟我說童年到中學都如惡夢一樣, 一來不停催谷下, 沒有童年回憶, 只記得不停考試和測驗, 二來背景和同學分別太大(她說自己住公屋, 人家卻有司機接送), 她說曾跟母親說要轉校, 卻不獲回應, 結果現在和家人關係疏離. 我實在不願意仔仔將來會變成這樣.  

原帖由 開心小花 於 11-12-1 15:24 發表


你見到的是一面, 我亦見過不少另一面, 結果是殊途同歸. 父母最多只可以幫起步. 之後都係靠細路自己. 我見身邊有不少是名校畢業都入不了大學, 亦見過讀不上去, 被名校洮汰. 不要將名校與成功劃上等於. ...

EFJ3

200% agree!!