你o地好,我係一名幼稚園教師,想問o下大家意見

cherly

你可否PM埋比我知?

叮噹 寫道:
[size=large]照咁睇, 呢間學校整體都有問題, 校長, 老師和家長(當然唔係全部), 我而家真係好想知呢間係咩學校, miss wong你可否PM話我知?

cher_mummy

[size=large]我都好想知呢間係咩學校, 可否PM話我知?? :wink:

phoebel

I'm agreed!

esskwok 寫道:
得罪講句, 我好介意囉, 如果畀我知道自己個女要捐老師褲浪底, 我一定同佢退學, 或者我係激左少少, 但呢個做法真係好討厭! 同埋點解你地唔可以係兩個老師舉高手畀小朋友捐過去玩呢? 點解要捐褲浪呀, 實在太過份!

slk

Miss Wong
我想問吓,咁校長係咪都讚成你捐返個不知所謂嘅家長褲浪呀 :-x 如果佢都讚成,我建議你向嗰兩位家長道歉後辭職.既然大家都知呢種行為係不當,點解仲要利用返呢種行為來解決呢?如果我係校長,先代表學校道歉,並表明一定唔會容許呢種行為再出現呀,亦會檢討日後每為教師的教材及教學方法,並說明俾家長知會向你出封警告信,再有不當行為即炒.而我係你,亦會寫封歉意書俾家長,講明你哋兩個無知老師係在參考書上(列明書名)找到此教學方式,所以才引致是次嘅不當行為囉.如果個家長係仲有啲修養嘅話,我諗佢應該會接受嘅.如果你應承捐返佢褲浪,咁佢可能會認為你仲係覺得捐褲浪無問題啦,所以你依家應該表明自己清楚明白錯係邊度,唔好再同佢哋一齊錯.知道嘛

gracewong1107

你o地好, 我今日返o左學校見到佢o地家長, 佢o地一見到我就問我考慮成點, 我同佢o地講我同意, 結果終於捐過o左佢o地, 希望俾佢o地感受到我真係做錯...而呢件事之後,校長亦都好體諒我, 之後俾我放半日假休息返, 所以依家可以同你o地講返今日o既事...

對於我來說, 家長有咁o既要求, 我係理解同明白, 而我亦同意捐返, 因為原因主要有兩個, 第一, 如果我唔捐, 話因為我有自己尊嚴,唔可以受辱, 咁樣我點同佢o地解釋返要o的小朋友咁做? 我答唔到, 而家長覺得我唔捐, 就只會加強覺得我真係存心侮辱o的小朋友; 第二, 我自己有錯在先, 就要承擔返任何事, 只要家長肯接受我道歉, 我可以唔會計較得咁多,做返這種補償我都覺得冇問題, 我只係想佢o地下返啖氣, 好在, 佢o地都終於接受o左我道歉...

其實, 我昨晚亦做o左一o的野希望俾家長睇到, 希望佢o地對我有返信心, 好似我將之後唱遊做o的咩, 玩o的咩, 同一o的課程大綱都列出, 希望俾佢o地睇, 家長覺得有咩問題, 可以同我同其他老師講返, 雖然呢o的我覺得唔係o的咩, 但我真係一心想關心,教育o的小朋友, 希望佢o地明白...

睇到你o地留言, 話覺得校長要做o的o野, 其實, 校長今日一早講o左, 話我冇必要, 冇需要去捐, 佢自己可以同家長解釋返, 佢話學校書面道歉書已經幫我寫好, 仲俾我睇一睇, 而佢亦咁o岩準備o左課程大綱俾家長, 但係, 我覺得今次唔係學校問題, 而只不過只係我o既問題, 我講我希望自己去承擔返, 唔係我會唔安樂, 結果講o左好耐, 我說服o左佢, 佢亦都尊重我決定, 我決定o左要去捐...而其實仲有一o的家長係冇要求我捐, 係得三位有要求, 所以其他就由我同校長去道歉...而另一個老師o的家長亦都冇要求佢捐, 只係要求道歉...

到o左見到o的家長, 佢o地就問我考慮成點, 話準備好未, 我就話同意, 佢o地有三位家長, 我覺得佢o地應該係識得, 到果刻, 我覺得自己係咎由自取, 係捐之前跪低果一刻, 我真係知道原來係幾侮辱, 要當住o的家長同其他老師面前爬過褲襠, 個感覺唔好, 之後仲要逐個捐埋其餘兩位家長...到最後起返身, 佢o地話咁就算啦, 我覺得好如釋重負, 解決o左件事咁...而果時o的小朋友唔在場, 佢o地上緊堂

最後都好多謝你o地俾咁多意見我, 希望你o地可以原諒我, 我會改過的...同埋講聲唔好意思,我唔方便講返學校名, 因為件事好似已經解決, 我唔想因為呢件事而對間學校有o的唔好印象, 唔想化大o左件事, 同埋, 我呢度講o左咁多, 我係驚果o的家長都會俾佢o地睇到, 而我o既一o的同事都知道我o係度講過, 仲睇過, 我依家知道自己係錯, 不過其實係唔關學校同校長事, 希望由我自己去做返

同埋, 雖然我已經捐過o左佢o地褲襠, 但我真係要好好諗下係咪要辭職, 始終我做o左呢件事(對o的小朋友)都真係好內疚...

babyhowie

如果有邊位媽咪知道Miss Wong係邊間幼稚園做，
麻煩PM話我知呀唔該！

真擔心依家到底出面d幼稚園係點？
唔係要qualified左先可以入職？

其實要搵一間學校d校長、老師要夠專業，有愛心，
有教學熱誠，真係好難！

細仔就快要搵學校，有冇好學校推薦？

叮噹

[size=large]miss wong, 你唔係呀哇! 你真係走去捐人褲浪呀! 唉....我都唔知講咩好.....

叮噹

我勸你都唔好繼續留O係度啦! 你O係呢度已經冇晒老師的尊嚴, 個校長睇住你捐人褲浪都由得你, 跟住呢D咁嘅老細, 你繼續留O係度都冇意思啦, 你好自為之!

Alexismama

真係得罪講句, 你間咩學校呀, 唔知你地個個老師都咁做定係閣下先咁做, 點解要捐褲浪呢, 好唔妥喎, 比我見到都唔高興, put yourself into our shoes, 你如果個囝囝或囡囡捐老師褲浪你會點, 唱遊點解唔可以用手臂做山洞, 要用褲浪, 唔好意思, 我一睇到你第一個post己好反感, 我會繼續睇落去, 如有得罪, 請見諒。

Hei-Hei

其實尼個 topic 係咪作野呀??

有無o甘o既老師!?!? 有無o甘無知的老師!?!? ms. wong 請問你係讀到咩可以教幼稚園!??! 你教o左兩年書, 你在過去兩年教幼稚園的經驗中, 學到咩呀!?!? 點解你o甘無知的!?!?

早知結果, 何必當初!!!

請問你幾多歲呀?!?? 我估中學生都唔會o甘做啦!!! o甘大整蠱!!!!!!

KLLP

[size=x-large]我都好想知呢間係咩學校, 可否PM話我知??

maywei

To : babyhowie

禮賢幾好o家, 各位老師, 主任和園長(幼稚園校長)都非常非常非常有愛心, 有次我個仔番番吓學發燒 call 我接佢睇醫生. 我阿媽去到時, 林主任坐在大堂抱住我個仔, 又氹又比水佢飲, 佢哋又見我阿媽年紀大, 待我阿媽上的士後, 至轉抱個仔落的士度, 仲撞到個頭.  佢哋真係1000分.  d 課程是可以接到小學o家, 唔駛擔心. 最後, 禮賢電話係 23803936/ 23806011.

tinyee

你們放過MISS WONG啦, 試問人誰無過呢? 有時人是會有某些思想盲點的, 好似趙薇咁, 她披上日本國旗時大概亦無想到會激起民憤.

MISS WONG雖然是做得不對, 不過我都好佩服她有勇氣承擔後果, 所謂經一事, 長一智, 我想以後她會小心行事的了. 大家都應該給她一些鼓勵的.

tt2001

tinyee 寫道:
你們放過MISS WONG啦, 試問人誰無過呢? 有時人是會有某些思想盲點的, 好似趙薇咁, 她披上日本國旗時大概亦無想到會激起民憤.

MISS WONG雖然是做得不對, 不過我都好佩服她有勇氣承擔後果, 所謂經一事, 長一智, 我想以後她會小心行事的了. 大家都應該給她一些鼓勵的.

係la，放過MISS WONG啦，已好大教訓。Miss Wong，雖然我點都吾同意你咁做，我什至認為一個好校長應該阻止你而採用其他方法擺平，但你吾做都做左，真係要經一事，長一智。呢次之後，待人處事應該進步左至係，否則今次呢個教訓就白做，冇價值。

Hei-Hei

但.........

大家覺唔覺佢好無知!?!? 個故仔係咪作野呀?!?!

大家諗諗, 除o左整蠱人會o甘做, 連中學生都知捐褲浪唔好啦! 點解佢要o甘對小朋友!?!?!

無知!!!

叮叮噹噹

我都覺, 同埋, 點解個家長係都要你捐, 會唔會你解釋既時侯既態度出左問題? OR 會唔會你成日同佢地講捐褲浪冇問題呀??

slk

Miss Wong
雖然我好佩服你咁勇敢,但知你真係損咗我好心痛,亦都覺得居然真係有啲咁嘅家長,唉!真係唔知講咩好 希望你真能經一事,長一智啦,以後做咩事都好,記住要三思及聽取人意見啦. :wink:

racar

原諒別人就即是善待自己!
點解misswong都知道錯，肯改，有d媽咪都仲要話佢?
知錯能改係岩既!
唔通你地既仔女做錯左野，肯改又道歉，你都繼續鬧佢地?

misswong
希望事情已完滿結束!
當做買個教訓，下次你有唔明白的地方，or你每寫完一個活動教案，都給主任望下，批左先繼續!
繼續努力吧!

kittybuzz

miss wong,

你所寫的內容, 真實性有幾高, 我諗各人都心裡有數!

就我本人之意見, 覺得實在太多疑點:

(1) 點解會用腳做山洞, 唔係2 個人用手拖住做?? 係我讀kg 個年代, 老師都唔會掔開2 隻腳啦? 唔通你無玩過"有隻雀仔趺落水?"

(2) 另外你同另一個老師都一齊咁做, 唔通你地2 個都讚成同接受??? (但事實上呢到100%媽咪都唔會讚成, 咁你都好難得搵到一個同你志同道合的同事!)

(3) 之後你又話個家長睇到要你捐返佢地褲襠?? 而你"經過一晚深思熟慮"之後, 你都應承, 請問你如何教小朋友?? 例如有一個小朋友打另一個小朋友, 為左要打人個位明白咩野叫做"負責任", 就叫被打個位打番佢??? 你這是什麼道理???

以上純粹個人意見! 如不喜歡, 請見諒!