九龍禮賢幼稚園K3家長請進！

禧媽媽

各位你地好

我有野想請教!!
因為我好鍾意呢間學校, 打算10月同囝囝報名, 唔知你地上年面試果陣, 考D咩?? 難唔難??
同埋唔知校巴, 有冇青衣呢條線 ??
**希望有機會做你地"師弟"  
tks  

朱古力

上年約二十人一班在課室玩玩具,一位老師會過來同你傾計,問你:仔女平靜邊個揍?仔女鍾意咩?假期做d咩?閒談幾句,老師都會問下仔女玩具名稱,又叫仔女分些玩具比老師等,傾完叫仔女拜拜等,好簡單輕鬆.

有校車去青衣,今年收費係$760

tiger

littleeva,

我都試過打電話俾老師問囡囡的情況, 李老師都有一一回答, 有時你可以寫字條俾老師, 佢地好快會回覆.

penpen

我今日又會去接阿囡放學呀! 今日係佢正日生日,諗住接佢放學去玩下! 剛過了的WED.係佢農曆生日,接左佢去奶奶度拜神,果日好好笑, 佢出左大閘排隊, 我響閘出面後面排緊隊, 我走上前睇佢, 佢一見到我就指住叫媽媽,跟住我去番後面排隊,排到上黎見主任幫佢抹緊眼淚, 因為佢忽然間唔見左我囉~ (若果接放學最好帶遮, 閘出面好曬! 果日好彩前面個婆婆遮埋我! 唔係就曬燶!! )
果日主任話佢好得意,嚴老師話佢算好好,坐得定,我再問李老師(因為佢話李老師唔等佢同埋我知因為李老師話過阿囡,囡唔係咁鍾意), 李老師話俾我知佢唔肯排隊搭膊頭,跟住我即刻同阿囡講要排隊仲同李老師勾手指尾,果晚阿囡臨睡前仲話李老師係怪獸, 我解釋李老師祇會在佢唔啱時先話佢,若果佢乖李老師都會好鍚佢,叫佢明天記著排隊搭膊頭, 到左第二日放學我問佢有冇排隊搭膊頭, 佢話有, 我再問佢李老師係唔係怪獸, 佢話唔係! 我聽到之後好開心!
今日放學有機會再問下係真定假!! 因為有時我問親阿囡嘜佢都話有架!  

朱古力,GraceMami,
真係可惜你地睇唔到,我諗你地既囝囝囡囡見到都會同妹豬一樣咁開心架! 佢今朝返學都仲講緊話見到李老師, 我問佢響邊度見到,佢答我電視  

tiger,
妳囡囡應該同GraceMami個囡囡一班,對嗎? 我囡囡係同朱古力和bosze的囝囝一班架!!  

bb517,
妳囡囡真係好可愛呀! GOOD LUCK!!  

小B,
不如妳打去學校問下佢哋仲有冇位啦~~

littleeva

penpen

祝您囡囡生日快樂. 學業進步. 開開心心. 快高長大. 健康活潑. 原來現在接放學要在閘口排隊.  我星期一去做產檢. 都時都會接仔仔放學.

朱古力
tks. 您仔仔都好叻啦. 佢都講左學校d 野比您知.
星期一接放學希望有機會同老師談談. 死啦. 運動衫 我訂了 24 唔知會唔會不合穿. 希望ok.

tiger
tks 您. 我都唔知寫什麼紙仔比老師好 ,等我諗下寫什麼紙仔先.

各位

昨天我問仔仔老師教什麼. 仔仔話 讀書 loh. (佢成日當講故事係讀書) 他話 " 有困難要克服,唔識就要學"  我老公話好壓諳喎. 原來老師教了書本上已外的東西.

仔仔話食茶點要祈禱 "誠心所願"
他話唔鐘意去花園. 鐘意去禮堂玩拋 波波. 打開 手合埋
昨晚要我地兩老婆同佢玩拋 波波

朱古力

littleeva,

嘩!你仔仔識講"有困難要克服,唔識就要學" ,好叻呀!
等我今晚問番我個仔先,我仔仔唔係好鍾意講,好多時問多兩句佢就話"好喇媽咪,唔好再講喇!"真係比佢激死,

禧媽媽

朱古力 寫道:
上年約二十人一班在課室玩玩具,一位老師會過來同你傾計,問你:仔女平靜邊個揍?仔女鍾意咩?假期做d咩?閒談幾句,老師都會問下仔女玩具名稱,又叫仔女分些玩具比老師等,傾完叫仔女拜拜等,好簡單輕鬆.

有校車去青衣,今年收費係$760

朱古力
真係唔該晒, 你連校車幾錢都可以答埋我, 真感激!!  
有機會下年見  

朱古力

各位媽咪,有冇留意今日有功課套呀!要做練習呀!

penpen

bosze,littleeva,
放心,昨天我都問過嚴老師關於運動服既問題, 係可以換架!
我囡92cm高, 嚴老師話佢著22會剛剛好, 著24會鬆少少, 我話佢個肚腩大(夏天著28褲),嚴老師話冬天碼會細d,咁要著24,不過我填了22, 我自己諗住等校服到左先再要求換,費事而家搞到佢哋咁亂!

littleeva,
我代我妹豬多謝妳先~ 妳囝囝好叻呀! "有困難,要克服,...我尋日接囡囡放學果陣都聽到嚴老師咁講, 妳星期一記得去改去另外一邊門接放學喇~ 我諗應該冇之前果邊咁曬,不過妳大住肚都最好帶定把遮!!    
我都好開心wed.接完我個女了解完情況後佢真係有改, 昨天李老師一見到我就話要讚下阿女,話佢第二日真係有改到呀!  嚴老師就話阿囡自理能力幾好, 好企理
其實我之前等佢見佢排住隊搭住膊頭出黎已經知佢有改(之前果次接佢佢真係冇做到),我同我老公覺得果個樣真係好可愛!!


朱古力,
係呀,有功課喇~ 有個筆刨同三角筆, 我接左放學搭緊小巴取出來看時隔鄰有個低班既家長話佢哋上年都冇咁早要劃線喎! 我諗可能d課程有d改動左喇~ 返到屋企再睇埋d家課,跟住睇到佢d堂課,蓋左3個印印,唔知點解, 由個心笑左出黎! 可能係諗番小小自己幼稚園既生活啦~  

littleeva

朱古力

我仔仔都會好似您仔咁嫁. 我問多兩句. 佢未必肯講. 但有時佢就自己冇啦啦講, 當佢主動講時. 我就成機講多幾句. 佢唔想講時, 問他都冇用, 我估個個小朋友都係咁上下啦.

係呀有功課做, 仔仔昨晚係都要做, 我見太夜了 10時半. (因昨晚和他出去食飯) 我唔比他做.

penpen

相信您囡囡昨天一定好開心了.  她有進步,您要好好的獎勵她啦. 小禮物也好, 一個說話也好, 一個kiss也好．
我見您囡囡眼碌碌的bb 相很可愛呀, 很希望我肚裡的囡囡也一樣.  謝謝您的關心, 我會帶埋工人接仔仔放學. 多個人照應下.  

各位,

雖然老師沒有來電給我 不過有主動寫紙仔給我. 她說 "很欣賞仔仔投入課堂和遊戲中, 雖然間中會因掛念爸爸媽媽而哭. 但過後又能從新再投入課堂中. 要努力呀"

和我仔仔講的完全一樣, 有時我問他學校好玩嗎, 他話好, 我問他有冇人哭. 他話有一個人哭, 是男仔, 叫做 xxx (他的名字)  他話有時想起爸爸媽媽姐姐, 就會哭. 老師就會安慰我,咁我未唔哭loh.

他昨天自言自語唱 "天上的爸爸..........." 今次唱了很長長的句子. 可惜我們未能聽清楚他唱咩, 我估再過一段日子. 他會掌握好d.

派回來的功課.  他很開心的每張跟我分享.
他今早來電給我話不用返學. 老師今天很busy.  
hehehe 佢現在來緊我公司, 好快我就可以見到他了.

係呢, 唔知大家的老師有沒有寫紙仔給家長呢 ? 老師真係好細心.

暫時我很滿意學校. 希望我們所有的子囡快快樂樂的上學, 平平安安的回家.

GraceMami

囡囡很開心的做功課, 功課亦很簡單, 只數分鐘就做完.
只是要常常提醒她執筆方法.

她跟你們的小朋友一樣, 只有在自己喜歡說時才多說有關學校的情況.  不過, 她最喜歡在睡前躺在床上說學校的事.

最近她很喜歡唱放學歌, 常掛在口邊.

我打算中秋節接囡囡放學, 讓她有個驚喜,
不知會否見到你們呢.

朱古力

Hei&Ching,
希望你囡囡快D好番,真係膽心喇.

剛剛打電話比公公,仔仔可能唔夠

littleeva

Hei&Ching,

您囡囡現在好d未呀 ? 小朋友病左我地做媽咪真係會好擔心. 希望您囡囡快d好返.

朱古力

我仔多數回程時都會訓左. 但是到站時 ee 會叫他起身.  您個ee 咁好唔叫他起身. 其實我想由他訓多一陣.

KiuKiu媽媽

Hei&Ching,

原來您小朋友都中左招呀, 佢系咪幼勇架, 我識另一位幼勇小朋友都系發燒得就無疴嘔病徵, 而我囡校車都有幾個小朋友幾日無返學, 我個囡都有中招, 不過就只系發燒同傷風咳, 大家真系要小心呀!!  

GraceMami

Hei&Ching,
祝你囡囡早日康復.

littleeva

昨天去接放學. 見到小朋友要在禮堂排隊. (是跟校車NO排的, 方便一齊上車)  
好彩禮堂有冷氣. 感覺很好. 老師就在台上 叫 那一個車NO 行先.
而自行接方學的小朋友 不是在禮堂等.  要在另一門口. 仔仔見到我時. 眼睛會發亮. 這刻真係想留住它. 我真的好想每天都可以接他. 他很開心. 跟住我再次入學校大門 因想找老師談談. 見到同車的小朋友,他們開心的向我仔仔 揮手 BYE BYE. 仔仔也自動的向他們揮手. (場面很可愛) 小朋友很開心愉快. 他們是低班和高班.

在等老師時. 有其他老師和仔仔打招呼.  最後等到老師得閒 也談了一會.  她說仔仔上堂很好. 很專心. 不過喜歡坐在自己位, 不會主動和小朋友玩.  (其實我仔仔是很慢熱的小朋友. ) 之前他返了1 年 . 都係下半年才和小朋友熟.  我也曾多次去他學校 看他上堂情形. 他眼仔真係定定的看著老師.  很專心的樣子. 不過他真係唔 ACTIVE的小朋友 性格比較內向.   

他話仔仔會識分在家的玩具和在學校的玩具. 她說既然仔仔喜歡在家的玩具. 不要強迫他喜歡學校的玩具. (我仔曾話過在學校很掛念家中的玩具) 老師話暫時唔會迫仔仔和同學仔玩. 她話仔仔喜歡畫畫. 執筆很好.  老師都很樂意講解仔仔上堂的情形.

仔仔話天父做了 兩個人. 一個叫呀當一個叫夏娃. 他話唔開心時. 天父會擁抱.  他又話老師講獅子的故事. 獅子如何教小朋友行路. 他今次講 "有困難要克........." 他配合埋動作. 很可愛.

昨天也跟校車子EE 談了一會. 也了解小朋友在車上的情況. 原來他們是會叫小朋友訓覺. 有時訓醒了還未到. 小朋友都會哭.  (我仔是其中一個).  唉.... 其實最另我唔放心是坐枚車.  老師都話要坐一個鐘, 真的很耐. 希望仔仔會度過這"難關" , 因為他上車都會有哭. 說唔想返學. 要車佢返屋企.   EE 惟有TUM 他. 叫他訓一陣先.
好快會到家. 點知仔仔醒了唔到家又哭. 但老師說回到學校他沒有事. 原來校車是沒有安全帶. 我還已為有TIM>
校車話返小學還要很早的出車. 學校返8點. 要 6點幾出車. 真的很早.

我諗仔仔唔鐘意獨自一人坐車.  (因已前是爸爸 送仔返學. 工人接他放學) 而家佢要自己坐車. 他很唔開心. 我都有心痛和不安.

朱古力

littleeva,

正如你仔仔講 "有困難要克.........",雖然做媽咪既會好心痛,但我覺得佢地係男仔更要堅強些,請你代我同你仔仔講"努力,加油".

littleeva

朱古力

好多謝您. 我真的有在痛心. 而老公話唔會. 遲D 就慣啦 . 他說的輕鬆.可能是男女有別.  

我會和仔仔說 EE 和老師都支持您. 為您加油.

我和老公性格都不是太內向. 都唔知點解仔仔是這樣. 他真的很慢熱固執.