"官塘基督教服務處幼兒園" 集中營 !!!

tungwai

芸迪
無啦啦發燒, 恆恆冇事呀麻, 亞維維今日都係返全日呀, 放 4:00 pm, 咁恆恆放幾點呀, 其實星期六我都冇比維維返學嫁, 因為我星期六不用返工, 可自己睇住佢麻 (你知嫁啦, 做得亞媽, 都想成日見到自己 d 仔女嫁啦)

芸迪

tungwai: 無咩事, 少少感冒姐.

原則上都係放4:00pm, 因為坐校車, 估計大約4:15度離開學校.

我星期六都唔駛返, 但開頭都諗住頭幾個星期照帶佢返學, 多d時間適應. 另外, 又想趁接放學時多d時間同老師溝通, 了解下佢返學既情況.

tungwai

芸迪
咁又係, 始終見到老師當面同佢傾好 D

芸迪

老師啱啱打俾我, 問下Jaykan放學既安排, 順便又講下佢今日係學校既表現.

老師話佢今日既情緒都幾好, 算合作.

食咗半碗飯.
去廁所基本上已ok, 但每次都要事先同佢講明佢"休"邊條褲, 否則就一條都唔"休" (真懶  )
晏覺zzz咗差不多2個鐘
都係果句, 比較自我, 成日要氹/講數 (我縱壞, 俾得太多自主權佢  )

我諗佢已經適應咗學校生活, 所以聽日開始會正常返/放學  

dleelm

芸迪,
恆恆好叨喎, 又食得又訓得. 咁咪可以成機介埋玩你頭髮訓覺的習慣law. :  :
今日楹楹都係訓得好小, 睇怕今晚又好扭計啦, 真係無晒符!!

芸迪

dleelm: 唔好開心得咁早住, 佢講明, 扯頭髮依個壞習慣, 係嫲嫲, 係學校先要戒, 係媽咪度唔駛戒喎

慢慢黎啦, 真係迫唔到. 係呢, 楹楹幾時返全日? 我意思係幾時正式由daddy收工後接放學.

dleelm

芸迪,
真係識講數, 咁你咪要剪個超短髮型先掂!! :

爸爸放埋聽日就要返工, 所以聽日會同老師講由星期三開始比佢返到6:30pm.希望佢醒醒定定,ok啦!!

dleelm

芸迪,
通常你打電話搵主任定邊個老師ga?? 我今日打算搵老師king下.

原來4:00後會由其他老師照顧, 將會係楹楹另一個新挑戰.
唔知係咪響學校訓得小同掛住我地, 一返到屋企就成晚扭計, 唔聽我講道理, 小小唔arm佢心意就發脾氣又大喊, 可能d鄰居以為我地虐兒添.  亞女連我煮飯都要我抱,又一大巴打落爸爸塊面, 終於比爸爸好大力打佢手仔一下, 到今朝起身重記得比爸爸打手手. 唉!! 今晚又要同佢作戰,又要鬥智鬥力.   

芸迪

dleelm: 通常接電話果個係副主任 (我認得佢把聲).

我初初會搵翁先生, 因為恆恆開頭最麻煩係去廁所果part, 翁先生負責男孩子上廁所依部份.

後尾, 我就講明自己係xxx家長, 想問下佢今日既情況, 副主任就會搵有關既先生同我傾. 原來老師都暗中分配好負責邊幾個小朋友, 所以搵返啱既老師會清楚d.

楹楹未習慣係學校zzz, zzz得唔夠真係好影響情緒 你搵老師&楹楹了解下, 楹楹可能未識表達, 你引導下佢, 問下是非題, 可能有幫助.

恆恆似乎ok咗 (希望係真啦), 夜晚仲zzz得好好添.

芸迪

dleelm/tungwai/billy媽: 你地既小朋友點呀? 係咪全部都放4:00? 大家分享下呀!

dleelm

今日楹楹放假一天, 因為有些咳同鼻水.  禽日打左電話比翁先生了解楹楹響學校表現, 大致ok, 不過有時會喊, 重叫住咪咪(即係我), 到放學見到爸爸又喊, 返到屋企就變樹熊, 所以暫時唔放六點咁晏. 原來D班小朋友大多數放4點, 如果同學仔走晒,得番佢會覺得好慘, 所以翁先生見意放4點9, 比佢睇下d同學放學先, 等佢習慣左先再放晏d.

芸迪

dleelm: 希望楹楹快d好返. 咁依段時間係咪會安排婆婆接佢放學呀?

我諗楹楹真係會掛住你地. 咁以你觀察, 楹楹鐘唔鐘意返學?

我就覺得恆恆鐘意返學. 禽日嫲嫲同佢等校車期間, 都問佢去唔去公園玩? (未返學前朝朝都去) 佢都答唔去, 要返學. 見佢鐘意, 我都放心d.

dleelm

芸迪,
其實都唔想婆婆咁辛苦, 但無法啦! 依家為有要婆婆接, 遲d等佢習慣左就可以晏d接放學.

楹楹應該鍾意返學, 老師話佢幾活潑開朗, 不過zzzz時就會喊.  佢最鐘意 ”大pizza歌” 同 ”太陽伯伯” 雖然唔識唱, 但如果我唱佢就做動作, 好盞鬼ga.     
恆恆有無唱歌比你聽? 會唔會講學校d野你知?

芸迪

dleelm: 鐘意返學都放心d

如果我要求, 恆恆都會唱兒歌我聽, 仲會做埋動作. 原來佢識唱好幾首歌啦, 但最鐘意<小小雞蛋>. 試過有次唱<排排坐>時, 佢無啦啦自己話要祈禱, 跟住真係雙手合實, lei埋眼, 再全首禱文唸哂.   

佢又唔會主動講學校d野我聽, 要我問囉. 通常我都會問佢: "今日你係天台玩咩呀?"

芸迪

dleelm: 你係咪識唱哂全首<pizza歌>? 我只係識頭幾句咋, 有時係屋企同恆恆跳舞, 唱黎唱去都係依幾句

嬸嬸芝士  嬸嬸蔥花
放入焗爐險些溶
哎唷哎唷闖了禍
???

tungwai

芸迪
我個仔今日開始放 4:30 pm, 咁維維都鐘意返學, 佢同亞恆恆一樣, 又係成首禱文唸哂出離, 因佢重係 bb 聲, 聽到佢唸, 覺得好好笑, 有一次老師同我講話維維在學校大聲唱歌, 因老師只聽到佢唱咩野衰又唔夠衰, 咁老師去問佢唱什麼, 咁佢就只係笑, 電視真係好深入民心嫁

dleelm
咁講真, 佢見到其他小朋友放學, 而佢又冇得走, 咁就緊係哭啦, 不過, 佢都好叻嫁啦, 呢排係我老公帶維維返學, 我老公話好奇怪, 呢幾日返學時反而多佐小朋友哭, 今日重有個小朋友唔肯入課室, 要媽咪陪佢在課室門口呀

芸迪

tungwai: 我一面睇一面想像維維唱咩野衰又唔夠衰, 覺得好好笑 :  :  :

睇黎維維都好投入學校生活播, 有個家姐跟, 真係唔同d.

dleelm

芸迪,
我都係記得利三句咋!! 重係repeat又repeat 咁唱羅, 咁唱到第三句,佢會用手仔指住個頭扭下扭下再加轉身, 婆婆見到都笑埋一份. 其他歌仔我無得學,唔識同佢唱啦!! 真係見到老師問下邊度有佢地d兒歌賣都好bor.

tungwai,
講起禱文, 楹楹雖然唔識讀, 不過會合埋手仔,咪埋眼做動作, 重會示意我地一齊做添.  yee, 維維都好掂喎, 係唔係之後放4:30pm再由工人接放學呀?

billyyanst

tungwai:

我呢排考試+公司勁多野做, 所以一直冇時間上來88, 頭先考完試, 雖然考得好差, 不過都過左就唔想啦, 上來抖抖氣先

你講果個唔肯入課室仲勁喊果個咪係BILLY law, 真係激4, 星期一同星期二都喊到飛起, 今日都係林副主任拖住係走朗行左一大餐先至肯入課室, 最抵死係呢日都唔肯著校服要著去街衫, 搞到我又要拎套校服返到學校先至換, 一頭汗

我想問下你地D 小朋友呢幾日有冇比蚊針   BILLY星期一隻手咬左一大粒, 星期二2隻腳總共針4粒, 仲要係大大粒腫晒果隻, 真係肉痛   我已經同主任&副主任講左, 副主任開頭話其他小朋友冇, 但係我老公今日去接放學見到另一個媽咪話佢個囡都有咬, 你地記得要同佢地搽野啦 :

HEHE, BILLY都有跟住唱果隻"衰"歌, 仲會配合埋台風添 :

芸迪

Billy媽: 恆恆又好似無俾蚊針喎, 等我返去留意下先.

老師禽日打俾我, 話恆恆訓醒覺, 攤咗係床, 隔咗陣就坐起身, 再隔多陣就喊, 原來佢掛住我地呀 禽晚返到去問佢咩事喊, 佢自己都話搵唔到媽咪咪喊囉, 跟住就好淒涼咁喊   

自從佢今個星期轉放4:00pm之後, 好似扭計咗, 一有咩唔順意就放聲大喊, 以前都唔係咁架. 我估佢太長時間見唔到我地, 所以返到黎就嗲返夠本.

睇黎佢都未曾正式適應到, 要再俾多d時間佢.